تجمع بنات مصر لنظافة البيت

hoba555;9809378:
يا قصه مش شرط يا حبيبتي انك تشوفي ادخنه او حاجه بس بيكون في تفاعل بين المكونات وبعضيها
وبعد كده هما كتبين تنبيه علي العبوه بيقا نلتزم بيه الشركه بتكون عارفه اكتر طبعا وفي ناس بيجيلها امراض من الكلام ده وتقريبا صحبه ساره كان حصلها حاجه من الموضوع ده
طيب يا قصه جربتي تستخدميه علي كده لوحده والله بنضف كويس خصوا ان كلوور يعني اقوي حاجه مفيش بعده بصراحه
وبعد كد بصراحه محببش الخلطات بحس اني رايحه احارب مش رايحه امسح الحمد لله كل بيوتنا سيراميك وفي ناس بيوتها بورسلين مش محتاجه الجهد ده كله عشان تنضف ده رائي ياريت محدش يزعل مني

بس هوبا لوحده يا هوبا مش بينظف اوى لازم معاه كده حاجة تساعد على التنظيف صابون او رابسو - انا ساعات باحط عليه سيف وانا بامسح حوائط السيراميك بتطلع تحفة بس انا اليومين دول حامل وخايفة ان الحاجات دى تاثر عليا حاحاول برضه اقلل الموضوع ده الفترة الا جاية بس ادعولى يا بنات ربنا يرزقنى بنتا جميلة صالحة معافاة امين يارب - يالاه ادعو الا مش حتدعى حازعل منها هاه .

رقيه عبد الله;9809457:
السلام عليكم ورحمة الله
بجد الموضوع ده رائع بجد
لوسمحت يابنات انا عايزه اغسل سجادة الانتريه بس مش عارفه اشتلها خالص لانها تقيله ونفسي اعملها من غير ماشتلها اعمل ايه حبايبي بجدياريت حد يرد عليه بسرعه ربنا يكرمكم

انا لسه جايبه شامبو كلينا للسجاد حلو قوى وبينظف البقع من غير ما اشيله - تخففيه وتدعكى بيه السجاد من غير ما تغرقيه ماء وبعدين تسيبها تنشف ساعتين ثلاثة كده وبعدين تمررى عليها المكنسة الكهربائية - بجد حلو جدا وتمنه 5.75 جنيه

صوت العيون;9812099:
صح يا رورو يا جميله

طيب عندى سؤال
الخشب يعنى النيش والسفره والكراسى والكلام دا ازاى اخلى الخشب يلمع
لان عندى الشقه تراب ما شاء الله انضف تبقا تراب الحمد لله

انا باستخدم مورال كويس بينظف بس ساعات بلاقى فى القماشة لون كده فبحس انه بيطلع لون معاه وحيبهت الاثاث فبقيت انظف بيه بس باب الشقة والجزامة عشان بيحتاجوا مجهود فى التنظيف والباقى مسح عادى وومكن اممر عليه اسفنجة قوية الامتصاص بتاعة المطابخ

ملك حياتى;9816912:
ازيكم يا قمر ات اخباركم اية
انا محتاجكم بجد مش عارفة اعمل اية حاسة انى واقعة فى بحر من كتر التفكير


انا بقى شقتى مقفولة بقالها سنة وجوزى هينزل كمان شهر ان شاء الله
ومش نظفتها ولا مرة

قولولى اتصرف فيها ازاى واعمل فيها اية
وانظفها ازاى وابدا اية
وعايزة اسماء منظفات استخدمها فى الشقة

ساعدونى يا بنات
يا ريت تردوا عليا بسرعة

ويا ريت تقولولى ابدا تنظيف فيها امتى
يعنى اروح نص الشهر الجاى وانظفها
ولا ابدا امتى

يستحسن يا حبيبتى انك ترجعى للتجمع من اوله وتقرايه حتلاقى فيه حاجات كتيرة قوى تفيدك وبنات بتسال نفس سوالك والبنات ردوا عليهم احسن رودود

sa7ar-22;9437502:
بنات المراية بتاعة البوتاجاز عليها الشحوم بتاعة الاكل وبصراحة كان فيه فترة كده كنت مكسلة وقعدت فترة مش غسلته بس انتظمت دلوقتى وبنضفه على طول بس المراية عليها حاجة كده زى متكون صمغ ناشف ولما بفركه بيطلع بس مش راضى يطلع فى بالسلك وصابون مواعين وكلور خالص اعمل ايه عايزة الازاز يرجع نضيف وبيلمع اسفة كولت فى الشرح

فى الحالة دى بقى مافيش حل غير انك تعمليه بالجاز يعنى ترشى عليه جاز وتسيبه شوية وتبقى سلكة عليها شوية صابونة سائل تفضلية وتدعيكى بيه حتلاقيه بقى فلة ان شاء الله وما تقلقيش الجاز رائحته بتتطاير بسرعة

M!ss Tuky;9439580:
ماشاء الله عليكو ادونا خبرات اكتر

حد جرب مستر ماسيل بتاع المطابخ

صراحة انا جربته وما عجبنيش خالص

ساره افندي;9447833:
ياجماعه عايزه طريقه انظف بيها الكنبه بتعت الليفنج مبقعه من المحروس ابني ولونها احمر فاحتا غامقه وحتا فاتحه شكلها بقا زباله في حل ليها ولا لا انزظفها ازاي واخلي لونها ينطق غير كده استخدمت منظف بتع ماي واي نيل الدنيا وعملي بقع في الكنبه

لو الكسوة عندنا بسوستة فكيها واغسليه فى الغسالة وبعدين حطيه تانى انا باعمل كده

علي خطي الحبيب;9454307:
هقولكم علي حاجة حلوة اما تيجوا تغسلوا الحيطان
انا كنت بكره حاجة اسمه كده لان ايدي كانت بتفضل وجعاااااني كام يوم بس
من كام يوم قلت اغسلهم فملقتش كلور رحت حاطة كلوركس الالوان العلبة الروز دي نسبة منه بسيطة يعني غطا علي شوية مسحوق وشوية بريل وبقيت بالسفنجة كده بمسح بدلع بس لقيته بينضف خاالص تحسي انه بيدوب البقع والاتربة وكده حبيت افيدكم بجد كانت الشقة في ثواني بتبرق ومتعبتش زي ما كنت بتعب

بس ده حياثر على الالوان مع الوقت استخدى سيف او جيف من غير مجهود برضه وحينضف كويس قوى

zeyood;9820794:
لو الكسوة عندنا بسوستة فكيها واغسليه فى الغسالة وبعدين حطيه تانى انا باعمل كده

لا ياحبيبتي مش بكسوه لو بكسوه كانت اتحلت مش مشكله وبعدين ده موضع قديم
وحاليناه خلاص هوبا قلت ليا علي طريقه وعملتها ونفعت مرسي لمعلوماتك(f)

salad;9456614:
يا بنات افضل حاجه تعملوا على الحيطه طبقه غسيل وانتوا بتدهنوها بتخلى الحيطه تنضف بسهوله حتى لو بالميه وبس انا عندى كده

يعنى ايه يا طبقة غسيل

sa7ar-22;9457227:
بنات اجيب البيكنج صودا ده منين وبكام وقد ايه؟؟؟؟

من العطار فو فتح الله - انا جبته من فتح الله ب 1 جنيه كيس كويس بقالى 3شهور جايباه ولسه ما خلصشى

zeyood;9820811:
من العطار فو فتح الله - انا جبته من فتح الله ب 1 جنيه كيس كويس بقالى 3شهور جايباه ولسه ما خلصشى

بتعملي ايه بيه ؟؟؟ غير تنظف الفرن او المكرويف او الهدوم

كلمة وداع;9468662:
هو انا اعقم البيبرونه بتاعت بنوتى ازاى

بعد ما تغسليها بالصابونة اغليها ولو معاكى فلوس اشترى معقم الببيرونة من كارفور او صيدلية

nemonamanemo;9500126:
بناااااااات بجد انتوا لازم تلاقولي حل في المشكله ديه عشان انا خلاص هعيط عااااااااااااااا

انا من ساعه متجوزت و انا بوظت ثاث هدوم جوزي ........ مش عارفه ايه اللي بيحصل اطلع الغسيل من الغساله الاقي مصيبه او اتنين

مش عارفه اعمل ايه مخنوقه خالص و حاسه اني فاشله

اخر حاجه لسه حاصله حالا بوظت سويت شيرت جوزي بيموت فيه هو اسود و فيه خطوط بيضا غسلته مع ايه بقي حاجات كلها سودا معاد روب شتوي صوف بتاع جوزي لونه نبيتي ...... اول مره اعرف ان الصوف بيبهت

طبعا انتوا متوقعين اللي حصل بقي اسود في بمبي ....... ان شاء الله انا هتقتل لما جوزي يرجع من السفر

الصراحه انا كل مره اعمل بلوي و هو يقولي ولا يهمك المره ديه انا اللي هقتل نفسي

بجد حد يقولي اعمل ايه

اهم حاجة خدى بالك من الحرارة بالنسبة لنوع الاقمشة واغسلى كا نوع من القماش مع بعضه والالوان الغامقة ابدا ما تحطيهاش مع الوان فاتحة

tobe;9502291:
بيرل ومايه وحطيهم على النار وحطى فيهم عيون البوتجاز وسبيهم يغلوا شوية
وبعدين اطفى عليهم وسبيهم لحد ما يبردوا وبعدين ادعكيهم بس

الطريقة دى باين عليها حلوة قوى طيب انتى جربتيها بنفسك ولا سمعتى عنها بس

Dr:Candy;9516000:
مرسي ياجميل بس سالت كتير مش لقيته خالص وجبت جيف بس جربته للدهون اللي في السيراميك كان حلو


انا عندي فلاش فعلا بس بصراحه بخاف استخدمه من الفوران اللي بيعمله ده وواحده اعرفها وهي بتفتح الازازه البتاع جه في عينها عملها مشاكل كتير لانه قوي جدا

انا مش عارفة انتوا بتجيبوا جيف ده منين - انا مش لاقياه فى السوق كله غير سيف الا هو تقليد جيف - انا عارفة انوا بيتباع بره فى دول الخليج يعنى مش فى مصر

ساره افندي;9535768:
بنات مترو عامل عرض علي سائل غسيل الاطباق النجمه وحادمم 3 انواع الفروله ولمون والفل وانا عايزه اجربه واجيبه جربتوا اي واحد منهم؟؟؟؟؟؟؟؟؟؟؟؟ علشان انا عايزه اجربه

لو قصدك على بتاع الهلال والنجمة وحش جدا عن تجربة

شهيدة;9536831:
بصو هقلكم على كذا حاجه






المساحه دى حلوة جدا تنشفي بيها ارضيه الحمام او ممكن كمان تستخدم في المسح العادى او بعد المسح
ميزتها انها بتنشف كويس وبتلم لو في اى فتافيت او تراب متشلش مع الكنس و المسح
كمان حلوة اوى لتنضيف حيطان الحمام والمطبخ وممكن تجيبي منها كذا واحد لكل استخدام واحده


كمان انتو عارفين ليفة المواعين بتلم بكتيريا اد ايه

لو عندك ميكروويف ابقى دخليها فيها كل يوم او يومين

واكتر حاجه بتخليها تكون البكتيريا هيا بقايا الطعام اللى بتتجمع فيها وقت الغسيل
فانا بعمل ايه بجيب فرشه صغيرة الناس اللي بتستخدم غساله الاطباق عارفينها
المهم بانضف بيها الاول قبل ما استخدم الليفة

هحاول اجيبلكم صورة ليها

انا بعد ما استخدم الليفة اغسلها وانشرها فى الشمس علشان البكتريا دى

باربي 15;9550872:
سؤال يا بنات بليز
كاان يا ما كان
كان في هدوم مقفول عليها الدولاب من حوالي سنه كده او سنه ونص كمان والدولاب مش اتفتح خالص (بسبب السفر ) فتحت الدولاب لقيت الهدوم ريحتها مكتومه ومعفنه :confused: غسلتها عادي ونشرتها ولسه ريحتها غريبه وصعبه اوي
انا مش هلبسها تاني بس عاوزه اديها لحد محتاجها ومش ينفع اديها لحد وريحتها عجيبه كده
اغسلها ازاي؟

حطى مع الغسيل كمفورت

Boody we zady;9554904:
أنا كنت بعمل كده لما أطلع هدوم بودي عشان ألبسها لزياد هي بتكون نظيفه بس ليها ريحة

نصيحة يا بنات لما تشيلوا هدوم في الدولاب هاتوا كيش شبك كده و حطوا فيه أعشاب بابونج ( شيح ) و حطوها مع الهدوم عمر ما حيجي عفن و لا رطوبة دي مجربه

وممكن اقراص النفتالين مخصوص عشان الموضوع ده