تجمع بنات مصر لنظافة البيت

ازيكم يا بنات عاملين اية بقالى كتير مجتش هنا علشان ولدت واتشغلت ببنوتى عقبالكم كلكم يارب
سمعاكو بتتكلمو عن كوفر المرتبة انا جيبة مرتبة يانسن وجايبة الكفر بتاعها من نفس المحل بتاع المرتبة ومريح جدا ومش بيخلى الملاية تتزحلق

ما شاء الله يا توتي ربنا يباركلك فيها يارب


بنات ستاير سكري سادة اغسلها بمنظف الوان ولا ابيض ؟ هي شبه نظيفة مش هتحتاج منظف ستاير

الأخت اللي سألت علي النمل هاتي دوا مخصوص للنمل و رشيه علي بيته و ان شاء الله حيروح

بنات عايزة ملمع للبلاط والسيراميك يكون حلو متجرب ؟

Boody we zady;9806689:
الأخت اللي سألت علي النمل هاتي دوا مخصوص للنمل و رشيه علي بيته و ان شاء الله حيروح

الف شكر يا حبيبتى بس هل فى دوا معين كويس ممكن تدينى اسمه ولا اى حجاه وخلاص

toty858;9806414:
ازيكم يا بنات عاملين اية بقالى كتير مجتش هنا علشان ولدت واتشغلت ببنوتى عقبالكم كلكم يارب
سمعاكو بتتكلمو عن كوفر المرتبة انا جيبة مرتبة يانسن وجايبة الكفر بتاعها من نفس المحل بتاع المرتبة ومريح جدا ومش بيخلى الملاية تتزحلق

حمد الله علي السلامه يا توتي و الف مبروك ........ ربنا يخليهالك و يبارك فيها


ممكن تقوليلي مقاس المرتبه بتاعتك و ملاياتك

اصل انا الملايات عندي صغيره مش بتدخل من عند راس السرير بتبقي مدلدله من الجناب مفيش مشاكل بس قصيره من ناحيه المخده و الناحيه اللي قصادها

لدرجه اني بثبتها بدبابيس عشان متخرجش

فشفوشة;9806566:
ما شاء الله يا توتي ربنا يباركلك فيها يارب


بنات ستاير سكري سادة اغسلها بمنظف الوان ولا ابيض ؟ هي شبه نظيفة مش هتحتاج منظف ستاير

الستاير بتعتي شفون وبغسلها في الغساله عادي خالص من غير اي اضفات الا الصبون والكمفروت
وعلي برنامج الستاير وبردوه لونها سكري وفي الابيض كمان

sweet_toota;9804905:
كفر الملاية هتلاقية فى يانسن و كارفور و سبينس

ممكن اعرف اللى فى كارفور بكام؟

toty858;9806414:
ازيكم يا بنات عاملين اية بقالى كتير مجتش هنا علشان ولدت واتشغلت ببنوتى عقبالكم كلكم يارب
سمعاكو بتتكلمو عن كوفر المرتبة انا جيبة مرتبة يانسن وجايبة الكفر بتاعها من نفس المحل بتاع المرتبة ومريح جدا ومش بيخلى الملاية تتزحلق

ما شاء الله ربنا يباركلك فيها ويخليهالك (f)(f)(f)

فشفوشة;9806566:


بنات ستاير سكري سادة اغسلها بمنظف الوان ولا ابيض ؟ هي شبه نظيفة مش هتحتاج منظف ستاير

منظف أبيض عادى.

جيالى صراصير صغيرة جدا من فتحة الغسالة

اعمل اية فيها
انا حطيت عجينة الصراصير فى اركان البيت لكن مش عارفة اتصرف مع الصراصير دة

افيدونى

أحلى دنيا;9300140:
ياعيال..انسات ومدامات.........الصيف داخل والنمل بدا...مفيش حاجه نافعة معاه...ولا مبيد حشري ولا جاز وفنيك وكلور...ولا اي حاجه...حد عنده المشكله دي.؟؟؟

فى مستحضر بيتباع فى فتح الله ماركت اسمه الرهيب - عبوة كده لونها pink بصراحة كان عندى نمل بالملايين واختفى تماما لا يوجد له اثر نهائيا وتمنه 6 جنيه بس تقريبا سعره ارتفع بقى 8 جنيه مش متاكده اصل انا جبته مرة وما جبتوش تانى لانى ما اتحتاحتوش تانى

hoba555;9302558:
يا بنات ما تجربو البوريك اسيد انا ان شاء الله هجربو بس لما النمل يطلع بالسلامه

البوريك اسيد للصراصير يا قمر مش للنمل

سارة العروسة;9807966:
جيالى صراصير صغيرة جدا من فتحة الغسالة

اعمل اية فيها
انا حطيت عجينة الصراصير فى اركان البيت لكن مش عارفة اتصرف مع الصراصير دة

افيدونى

هى العجينة بتقعد 4 ايام عقبال ما بيان الاثر - انتى جبتى العجينة جاهزة ولا عملتيها فى البيت

ساره افندي;9313641:
كمان لو الغساله مش ملاينه هدوم علي اخرها وحراره عاليه ومسحوق حلو وكتيرر بيطلع الهدوم نظيف اوووي وبيضا من غير اي كلور

اه فعلا يا سارة ده راى - اهم حاجة انك ما تكبسيش الغسالة

ناني فيبس;9313878:
يابناتعندي سؤال

شامبو الغسيل ياترى فيه مكان في الغساله مخصص للشامبو دة ولا بيتحط في نفس المكان اللى بحط فيه المسحوق العادي ؟؟؟؟؟؟؟؟؟؟؟؟؟؟؟؟؟؟؟؟؟؟؟

حتلاقى مكتوب على الشامبو المكان الا تحطيه فيه وغالبا بيكون مع المسحوق

zeyood;9808397:
فى مستحضر بيتباع فى فتح الله ماركت اسمه الرهيب - عبوة كده لونها pink بصراحة كان عندى نمل بالملايين واختفى تماما لا يوجد له اثر نهائيا وتمنه 6 جنيه بس تقريبا سعره ارتفع بقى 8 جنيه مش متاكده اصل انا جبته مرة وما جبتوش تانى لانى ما اتحتاحتوش تانى

طب ممكن صورته ؟؟؟ وهل هوا منتشر في كل حتا ولا فتح الله بس
والعجينه بتتبع فين جاهز بتعت الصراصير واسمها ايه لو هسال عليه

ناني فيبس;9313899:
البنات اللى بتسال عن غسيل هدوم البيت والانجري والشيفونات

احسن حاجة للحاجات دي هي غسالة البيبي الصغيرة

بالعكس يا نانى غسالة البيبى بتهلك الهدوم اكتر حاجة وعموما الغسالات العادية بتهلك الملابس اكتر من الاتوماتيك
انتى اما تغلسيها على ايديك او على برنامج الحراير فى الغسالة - او برنامج الملابس الملونة الغير ثابتة وتلغى الحرارة و العصر

ساره افندي;9808560:
طب ممكن صورته ؟؟؟ وهل هوا منتشر في كل حتا ولا فتح الله بس
والعجينه بتتبع فين جاهز بتعت الصراصير واسمها ايه لو هسال عليه

العجينة موجودة فى الصيدليات.. سعرها كام مش عارفة لو عرفتى ابقى قوليلى عشان انا برضه عايزة اشترى ..
انا بقيت بنام بحلم بالصراصير:confused:

ساره افندي;9808560:
طب ممكن صورته ؟؟؟ وهل هوا منتشر في كل حتا ولا فتح الله بس
والعجينه بتتبع فين جاهز بتعت الصراصير واسمها ايه لو هسال عليه

بصى يا سارة بالنسبة للمنتج انا ما شفتوش غير فى فتح الله هى عبوة شبه البرفان كده لونها روز بترشيه زى الاسبرى عن بعد مش شرط على النمل وترشى كمان على حواف البلكونة عشان ما يجيش تانى - انا كنت جايبها من فتح الله فرع جاردينيا لو انتى من اسكندرية روحى شوفيه مش انتى مشتركة فى مجموعة اسكندرانى فى المجموعات الاجتماعية تبقى اكيد من اسكندرية - انا عموما لسه شايفاه قريب هناك

اما عجينة الصراصير دى بقى فى منها جاهز برضه فى فتح الله وممكن تعمليها فى البيت والا بتعمليها افضل بكتير لانها بتكون طازجة هى عبارة عن حمض بوريك وسكر ولبن بودرة وماء بتخليطهم لغاية ما يبقوا عجينة وتحطيها فى ارجاء الشقة لغاية ما تنشف وحتشوفى الفرق لا اثر للصراصير باذن الله وممكن لما تشترى حمض البوريك من العطار هو حيقولك على الكميات بالضبط . واى استفسار انا فى الخدمة

قصة كبيرة;9808578:
العجينة موجودة فى الصيدليات.. سعرها كام مش عارفة لو عرفتى ابقى قوليلى عشان انا برضه عايزة اشترى ..
انا بقيت بنام بحلم بالصراصير:confused:

العجينة فى فتح الله تمنها حوالى 6 جنيه كام واحدة كده صغيرين مش بتكفى حاجة يعنى الافضل تجيبها زى ما قلتلك وتعمليها بنفسك

صوت العيون;9322158:
طيب الشفاط حد عنده اختراع يخليه يرجع كانه جديد
بنضفه بجاز بين بس لانه فوق البوتاجاز فبيتوسخ بسرعه دهون بقا وكدا

قللى مدة التنظيف يعنى كل شهر بالكتير قوى لازم تكونى منضفها فمش حيلحق يتوسخ