أم الأولاد تدخل؟؟؟!!!

انا ام بنوته
بس حبيت ارد عليج ومااطلع من غير رد

بس الي اعرفه ان التخدير موضعي

وان شاء الله اطهرينه ويقوم لج بالسلامه

اللي اعرفه ان التخدير موضعي

حبيبتي التخدير موضعي
و يحتاج الجرح 3 أيام عشان يتعافى و اسبوع للشفاء التام
و بالنسبة للوقت ع حسب الطفل يعني و معذرة ..
اذا كانت اعضاءه بارزه و واضحه في الشهر الأول و كل ما بكرتي احسن بس اذا اعضاءه مي كبيره خليها للشهر الثاني احسن
و استشيري امك في هالشي اكيد عندها خبره

هلا أختي مبروك المولود.. ماتصدقين أختي لو آقول لج أني طهرت ولدي يوم ثاني من ولادته... أذكر الدكتور تبع الأطفال زارني وقال الحمدلله الولد مافيه بوصفار قلت له عيل خلاص يصير تطهرونه الحين قالوا اي خل نشوف إذا الجراح يقدر يسويها اليوم.. وخذوه وبعدها أبوي وزوجي وصلوا قالوا وين الولد قلت لهم في العمليات.. حتى أبوي أستغرب من قلبي القوي مع إني خوافة.. قلت لهم أحسن يكون لو بعيد الشر صاده نزيف يكون جدامهم بالمستشفى.. والحمدلله كانوا يطهرون له بالمطهر كل يوم وينظفون المكان... وماكان النزيف موجود بس مسكين كل مرة كان يتبول يقعد يصيح لأن الجرح يألمه... وبعدها بعشرة أيام طاحت الحلقة بروحها.. وأعتقد البنج موضعي لأن عقب نص ساعة رجعوه وكان واعي مو مخدر...

ام جود الاول كانوا يطهروا الطفل بعد الولادة بايام الحين اختلف الوضع لازم يكمل شهر وبعدين تطهريه

بس نصيحة طهريه من الحين وارتاحي عندش مستشفى المواساة القطيف هناك في جراح ممتاز روحي اله وشوفي ايش يقول لش

انا طهرت وسام وهو عمره 3 اسابيع ... والحمد لله عدت على خير وتألم بس في اول بوله وبعدها خلاص ... اعتقد عملو له بنج موضعي .. وبعدها باسبوع تعافي والحمد لله ..

بس مثل ما قالت لك الاخت/ سماء اتأكدي ان العضو ظاهر وينفع يطهروه .. لاني انا الى الان اعاني مع وسام بسبب ان الجلدة زايدة ... خايفة من ان يكون في غلط
يعني لما اجو طهروه خلو مساحة جلدة كبيرة .. فكان عضوه يغطس لداخل .. وعرضة على الدكتور وقالي ان لما يكبر بايصير عادي ... والان اشوف انه حسن كثير من اول والحمد لله لكن برضو بعد فترة سوف اعرضه على الجراح واشوف ..

سندس الدوحة;8951653:

والله أحنا عندنا في المستشفى يطهرونهم ثاني يوم ومن يشفونه بخير يطلعون الأم والبيبي لصغير ثالث يوم،وأذا في شي(i) وهو نادر يعطونة موعد للمراجعة (أهم شي يفحصونة أذا مافيه علامات البصفار لأن أنا ولدي طهروة من ثاني يوم وكان فيه بصفار وأنا طبعاً مادري :(وجلست في المستشفى 5 أيام لأن كان حاطينة في الحضانة)

حبيبتي أنا طهرو ولدي نفس الاخت ثاني يوم واليوم الثالث تطمنوا علينا وطلعنا ... والبنج موضعي والحمد الله ماكان فيه نزيف ..

اول شي الحمد لله على السلامة

ولدي طهروه ثاني يوم من الولادة وكان وزنة 2 كيلو و700 والتخدير موضعيي

ولا صابه نزيف بس كانت الحلقة تؤدية وقت التبديل وطاحت بعد 10 ايام

وكل ما بكرتي احسن لان الطفل يتعافى اسرع من اذاكان اكبر

اني حتى بناتي بعدما اولد ما اطلع الا خرمت اذنهم بالمستشفى

أنا طهرت ولدي بعد اسبوع من الولادة والتخدير موضعي وتاخذ لها تقريبا 3 ايام أو اكثر بشوي عشان تخف وولدي مانزف أبدا .

ولدي طهرتة ثاني اسبوع لان كان فية صفار شديد خفت لكن ما لة دخل بس لانة البكر الواحد ما يعرف
كلما كان بدري كان احسن في اول اسبوع
لا تخافي هو يوم بتتعبي لانة يريد الا الحضن والرضاعة وبكا واصل بالذات لما يبول لانة يلهبة الجرح لكن يساعد على شفائة وكان وزنة 3 كيلو
الله يطمنش

كل ما سويتي اسرع كل ما كان احسن والولد الحمد لله يتعافى بسرعه ....
على ولدي الحمد لله وانا في المستشفى على طووول ما اذكر اول ولا ثاني يوووم والحمد لله عدت على خييير حتى قلبي كان يعورني عليه لانه بجري وما اعرف في هاي السوالف هني السرة وهني الختان بعدين الحمد لله عدت على خيرررر وارتحت ... ^__^

متى ختنتوا (طهرتوا ) طفلكم؟؟



وكم كان وزنه وقت التطهير؟؟


وهل خدروا الطفل كامل ولا موضعي ؟؟



وكم أخذ الطفل حتى تعافى بعد العمليه ؟؟؟



وهل ينزف الطفل واجد ؟؟

ذكرتيني انا من قالو لي لما كنت حامل انه اللي فيني صبي وانا احاتي هاللحظة
كان وزن ولدي 3 كيلو وعمره 10 ايام كنت ابي اطهره وعمره اسبوع على السنة النبوية الشريفة بس كان عنده بو صفار وكان البنج موضعي بس وعطوه ادول قبل والحمد لله ماصار نزيف وطاحت البلاستيكة في اليوم السابع كان اوكي بس اول ما طهرنا صاح واااااااااايد ويابو لي ارضعه واني ارضعه هو يتنهد(وهو يصيح واني وياه:confused: كان المفروض اني يخدروني مو هو :) ذبحت روحي ذباح من الصياح واللي في العيادة يطالعوني وزوجي طلع بره العيادة خير شر عشان مايسمعه يصيح وبعد سمعه وجى يركض وامي وابوي يطالعونه ويضحكون علينا) بس انتي لاتحاتين اني كنت وااايد خايفة بس الموضوع طلع ابسط مما تصورت

أم سويره

حرمة بو مايد

سماء!!

مشكورييييين أخواتي وأنا استشرت الوالده قالت انا أشوف ان مافي شيء يمنع انش تطهرينه أعرضيه على الطبيب الجراح وحددوا معاه موعد

والله يقدم اللي فيه الخير


رانيا البحرينية

الله يبارك فيك

فعلا أنتي قويه من ثاني يوم ماشاء الله أنا خفت عليه لان وزنه 2 و700


سندس الدوحة

Blossoms

مشكورين أخواتي بس ويش إسم الجراح اللي في مواساة القطيف

أنا افكر اروح المواساة اللي في الدمام

ولا أدري محتاره



*ام وسام*

خوفتيني والله أختي من هالموضوع

وكيف أعرف ان اوكي ولا لأ؟؟


عروس جنان

نور الدنيا

تسلمون أخواتي على مروركم الكريم ومشاركتكم بتجاربكم

رابنزول

مشكوره أختي

ووزن ولدي نفس وزن ولدك عشان كذا خفت عليه قلت يمكن صغير ومايتحمل



العيناوية

mofida

rose_rose7788

مخمل

روز وقصايد


pooh3252

تسلمون أخواتي على عرض تجاربكم المفيده

واللي فهمته منكم ان اتوكل على الله وأروح أحدد له أقرب موعد مع الطبيب الجراح


والله يقدم اللي فيه الخير يارب

اي اختي ام جودي وجوادي طهري الولد من الحين عشان انتي ترتاحين وتريحيه اتوكلي على الله
اني ولدي طهرته عقب بأسبوع من وللادتي بس خلو ليه حلقة بلاستيكية حمايه الى الجرح وكان عادي احركه مايتألم عقب خمسة ايام طاحت .