أم الأولاد تدخل؟؟؟!!!

أم جودي وجوادي;8951237:
السلام عليكم

كيفكم أمهات شخباركم؟؟وشخبار عيالكم؟؟


حبيت أسألكم للي عندها ولد

متى ختنتوا (طهرتوا ) طفلكم؟؟

اول طفل كان عمره 11 يوم وو

ثاني طفل كان عمره 20 يوم


وكم كان وزنه وقت التطهير؟؟
الاول كان 3 و200
الثاني كان 4 و 600

وهل خدروا الطفل كامل ولا موضعي ؟؟
موضعي عيالي الاثنين

وكم أخذ الطفل حتى تعافى بعد العمليه ؟؟؟
ولدي الاول طهرناه بالحلقه وطاحت الحلقه اليوم السابع من تطهيره وتعافى باليوم العاشر تقريبا

ولدي الثاني طاحت الحلقه باليوم الثالث وماكان الجرح متعافي فتعبنامعاه خذ ثلاث ايام وتعافى الحمد لله

وهل ينزف الطفل واجد ؟؟
لا مافي نزيف يمكن وقت مايطهره الطبيب لكن لما يعطونج ياه مافي دم ولا نزيف



أمهات الأولاد يجاوبوني لاني ماأعرف لسوالف الأولاد


والله يحفظ عيالكم من كل شر

طهريه بدري حتى مايتعب انا طهرت ولدي في نفس الاسبوع الي ولدت فيه اذكر امي ودته بس عن جد ماتعب الحمدلله

مشكورييييييييييييييييييييين

وان شاء الله راح أطهره هالإسبوع

كان عمره اسبوعين سووله عملية الفتاق وختنوه وكان تخدير كامل .. الحمدلله مانزف الجرح والحمدلله ف اليوم الخامس طاحت الحلقة

كل ما كان صغير يكون افضل
انه طهرت ولدي وكان عمره اسبوعين
اول ما رحنا العياده تجي الممرضه وتمسح العضو بكريم مخدر وتعطي البيبي بندول سائل
وبعدين ندخل على الدكتور يشرح لنا الطريقه ويقول لنا مع السلامه ويضل بروحه مع الممرضات والبيبي وكلها عشر دقايق وهم مطلعينه بدون ما يصيح او شي وطبعا ندخل مره ثانيه على الدكتور يراوينه شنو الي صار وطبعا الدم عادي بس ما يكون وايد اذا وايد لازم على طول المستشفى تودينه
احنا في البحرين يحطون حلقه وتطيح بروحها خلال اسبوع او 10 ايام بالكثير

انا طهرت ولدي باول يوم ولاته وخلال اسبوع صار اوكي اتعافى عاد ماادري شلون كان التخدير :)

ولدي طهرته بعد ولادته ب18 يوم ..

والتخدير طبعا ً موضعي ..وأنا ما رحت معاه ما استحمل أختي وزوجي الي راحوا ..وما طول تعافى بسرعة تقريبا ً من 3 يوم ..

احنا فى بلدنا نطهر الاولاد كبار شوى..يعنى بعد السنتين احيانا..وانا ولدى عمرة سنة و4 شهور ولسة ما طهرته وبصراحة :21_195:خايفة موت من ها اليوم

مشكورييييييييييييين أخواتي

فادتني تجاربكم وخصوصاً أختي ري أم م

تسلمووووووووون ويعطيكم العافيه

والله انا طهرة ولدي له اسبوعين لكن موبي النشتشفى عند رجال في بيت يطهر والله مشاء الله ثلاث ايام وهو طيب

ام زيوني;8978095:
انا طهرت ولدي باول يوم ولاته وخلال اسبوع صار اوكي اتعافى عاد ماادري شلون كان التخدير :)

وأنا كمان ... طاهروه في أول يوم ... وكل ما كان بدري يبقى أحسن لأنه مش بيحس بالألم أوي وحركته بتبقى قليلة .. بس ده لا يمنع إن ساعات الطبيب يشوف الطفل وينصح بالانتظار قليلاً قبل الختان ... بس بالنسبة للمعظم لا بأس أن يختنوا في أول يوم حتى من الولادة

مشكوريييييييين اخواتي


يعطيكم العافيه


بكرة ان شاء الله باروح معاه موعد وبسأل الجراح لو ينفع يسويها في نفس اليوم ولا ان احنا بنحدد معاه موعد



والله يسهل

باركوا لي وديت ولدي يوم الأحد

وأخذوا عليه تحاليل

ويوم الإثنين طهرناه


وعمره 18 يوم

ووزنه 3 كيلو 300 غرام


دعواتكم له بأن الله يتمم شفاءه على خير


وعلى عمري كل يصيح

-


الله يسلمك انا اولادي اطهرهم

لمن يكون لهم 12 يوم تقريبا عشان يقل الالم

والتخدير الظاهر مافيه تخدير اسمعه يرررغي لين يتقطع قلبي

وبعدين لمن يطلع اربصه بزيت الزيتون كل ساعتين لين تطيح الشاشه

وتوتا توتا خلص الطهااار



و

مبرووووووووووووك:clap: الطهااار <<< توني اقرى ردك بعد رردي

مايشوف شر وان شاءالله يكون احلى فحل وابضاااي(r) وعقبال مايطهر عياااله:up:



-

بنات شلون البنج موضعي ؟طهرتهم من ثاني يوم ولاده مااعتقد يحسون بهالعمر بس المشكله انهم بيرجعون يسوونها لهم مره ثانيه مومطهرينهم عدل وااياد احاتيهم بنات شلون هالحلقه اللي يسونها ممكن تشرحونها لي

النطام الجديد الحين لازم يكمل البيبي شهر لان بعضهم مايتحملو
انا ولدي كان معاه ابو صفار لما تشافه طهرته وعمره 45 يوم
ينزف شي بسيط بشوفي في الحفاط كان وزنه 3 كيلو الله يحفطه
اصعب يومين عليك انتي وهو وبعدين بكون الجرح اهوون
ربي يساااااعدك
طبعا بعد الجراحه يعطووك مرهم عشان يالتم الجرح

مبررروك الطهاااااااااااااااااااااااااره توي اشوف ردك

الله يبارك فيكم


بس حبيت أسألكم


اي طريقة هي الأفضل الجراحة ولا الحلقة؟؟؟؟؟؟؟؟


لان ولدي سووا له بطريقة الجراحة والشاش

الف مبروك الطهاره

انه ولدي سوو له الحلقه وكانت تمام الحمد لله والغالبيه عندنا يسوون نظام الحلقه

اول شي الحمد لله على سلامتك و سلامة البيبي


متى ختنتوا (طهرتوا ) طفلكم؟؟

كان عمره اسبوعين

وكم كان وزنه وقت التطهير؟؟

ما اعرف بس يمكن 4 كيلو

وهل خدروا الطفل كامل ولا موضعي ؟؟

لا موضعي

وكم أخذ الطفل حتى تعافى بعد العمليه ؟؟؟

ثاني يوم

وهل ينزف الطفل واجد ؟؟

لا