للبحرينيات...مهم .. لكل مسجل في تمكين العمل .. دقوا علي يعرضون الوظيفه

موفقة سبايسي
وان شالله تحصلين الوظيفة السنعة :cool2:

آميييييييييييييييييييييييييييييييييييييييين

ايمي الجكر;9033510:

ويييييييييي شسااااااااااااااااااالفه

كل وحده اتصلوا لها وعرضا عليها بثلاث وبالاربع وضاييف

وانا ولا وحده

ليييييييييييييييش حرام

انا بعد متخرجه من الجامعه وعندي دبلوم مشارك بس محد اتصل لي بالمره

ليش انتوا شلون يتصلون لكم يعني شنو قلتوا لهم عشان يتصلون فيكم هالكثر

انا عيزانه ولا احد متصل لي صار لي ثلاث اشهر تقريبا وعندي دبلوم مال بزنز وناقعه في البيت حرام

قولو لي شسوي :(

اختي ماابغي احبطج زيادة
اذا تقولين صار لج ثلاث شهور قاعدة في البيت هذا كلش قلييييييل

انا صار لي متخرجة من جامعة البحرين سنة 2007
واختي متخرجة سنة 2005

وللحين قاعدين في البيت
هي على مااظن خلوها تتابع في مكان غير عن وزارة العمل ومراكز التوظيف
يمكن هذا تمكين اللي تقصدونه

وانا سجلت في مشروع التوظيف
تموا يدفعون لي 150 لمدة 6 شهور
وخلال هالفترة ماعرضوا علي ولا وظيفة,, كل اسبوع اروح لهم ويقولون لي مافيه شواغر
حتى البطاقة اللي عطونا اياها حق المتابعة ماظل فيها مكان حق المتابعة,, وعطوني وحدة ثانية
لكن لما تميت 6 شهور ووقفوا عني 150 ولا رشحوني لأي وظيفة تركتهم
ولا أروح أراجع,, لأن احسهم مايعطونا وظايف ولا شي
الا اذا شافوا وحدة عندها دبلوم او بس ثانوية عطوها وظيفة مثل وجههم,, كل طناز على الناس

ولما رحت لهم من فترة اقول لها انا الحين اجيكم ومااشوف خبر,, هل انكم بتحولونا على مكان ثاني نتابع فيه مثل الباقي؟
قالوا لي ماندري>>> عجل من اللي يدري!!

انا بنات مثل ماقلت لكم من قبل انتو تقدرون تستغلون الفكره

شلون؟؟!!!

بما ان تمكين تتكفل بدفع على ما اعتقد 75 % من المعاش لكم والباقي على المكان اللي تشتغلون فيه

مالكم الا تستغلونها لما تقدمون في مكان وتحسون ان يناسبكم وان الوظيفة موجوده خبروهم انكم من من القائمة 1912 وان الفكره في دفع المعاش بهذي الطريقه بتشوفون وجهم يصير جذي :D:tongue: واهم اللي بيراكضون وراكم وبيجيبون تمكين لعندكم يوقعون العقد

طبعا هذا الشي ما يبته من مخباي هذي من واقع تجربة صايرة لوحده من الأهل اهي اشتغلت في مدرسه خاصه وطبعا هي من القائمة اتصلوا فيها يبون يدورون لها شغل فقالت لهم انها تشتغل فماتو من الفرح وقالو انهم بيجونها بس تأخرو ولما عرفت مديرة المدرسه بالموضوع ظلت تدق عليهم ليما جابتهم ليش؟؟ لانها المستفيد الأول والأخير راح تدفع بس 100دينار للمدرسه وهي عندها مدرسات من القائمة 5 وحدات فاحسبوها بروحكم وطبعا معاشهم قبل كان 300 دينار ولما وقعوا مع تمكين صار 400 دينار وبيعطونهم بأثر رجعي من شهر سبتمبر اللي راح

اتمنى اكون قدرت افيدكم يا بنات بس عنجد يبي لكم تفكرون في الموضوع وتشتغلون على روحكم

بالتوفيق يارب

لآلئ البحرين أبغي اسوي نفس الطريقة ممكن تساعديني ؟
ضرووووووووري
بس اذا تقدرين تتأكدين ليي من النقطة اللى أثارتها وحده من البنات يعني عقب السنتين تستمر الروضة بدفع 400 دينار ؟

حبيبتي دلني على مدرسة أروح
أقدم فيها وتقبلني
أنا من ضمن القائمة وعجزت أدوووور على كل المدارس الخاصة دايم يقولو حقي مافي شواغر



دلوني الله يخليكم

وهذا احنا وصلنا:D.. اخيرا حصلت موضوع يتكلم عن تمكين:D

المهم بقول لكم كل اللي صار معي وركزوا على تجربتي حتى لا احد يعيدها

اتصلوا لي تمكين عشان مقابلة في برج المؤيد ورحنا بعدها بكم يوم بس وصلني اتصال من بتلكو عشان توظيف ..رحت منزهقة.. بعدها طلع شركتين لشخص واحد ومقره في مبنى بتلكو.. قلت يالله خير وبركة..رحت شرحوا لنا شرح مبسط عن طريقة الشغل في اقل من 10 دقايق ..بس انا مصرة اني اجرب الشغل.
اشتغلنا ووقعنا العقد معاهم من بداية فبراير.. ماكملنا شهر الا كلنا طلعنا.. انا اليوم اخر يوم دوام لي ..طبعا لأني انتظر الراتب وبعدها بطلع.
السالفة ان شغلنا في شركة اسمها عالم ترويج الاستثمار والشركة الثانية عالم الصحافة والنشر.. طبيعة الشغل في الاولى مثل المندوبة بس الواقع مندوبة مبيعات! والثانية مسؤلة ادارية لكن في الواقع.. مسوقة عن طريق الهاتف..
طبعا قلنا يالله نشتغل لين نحصل لنا وظيفة ثانية ننتقل لها احسن من قعدت البيت.. بس بعدين طلعت الروايح مثل مايقولون! من خلال اتصالاتنا لأصحاب الشركات وهو مضمون شغلنا عطونا الأخبار اللي ماتصدق... صاحب الشركة ذو سمعة اخلاقية سيئة، له قضايا في المحكمة لا تعد ولا تحصى، مايدفع رواتب لموظفينه، يوقع على عقود بيع مع الشركات وبعدين لا حس ولا خبر!.. وعشان نتأكد سألنا واحد من الموظفين اللي سبقونا في الشغلة ، قال ان صار له 4 شهور والراتب يندفع له لكن موقع العقد على 700 دينار لكن في الواقع يستلم 150!!!! وكا يبرر صاحب الشركة بعدم وجود بزنز في الفترة اللي سبق شغلنا! وصاحب شركتنا كان يأمل دعم تمكين عشان هذا وظفنا ..بس تمكين رفضت لأنه اساسا اخذ القائمة من تمكين من غير علمها ، راح لموظفات جدد في تمكين واخذ القائمة وهو غير مصرح بأخذها.. لهذا قررنا نطلع من الشركة من بعد استلام الراتب// اذا اندفع اصلا||

من اول ماقررت اطلع من هالشركة اتصلوا لي من طرف تمكين : المؤسسة البحرينية لصعوبات التعلم " طبعا انا خبرتهم اني طلعت من الشركة هناك، عرضوا علي دراسة دورة لمدة 3 شهور وبعدها تدريس في مدرسة خاصة .. في هذي الدورة راح يعطونا دورة لغة انجليزية وأي شي ينقصني راح يعلموني اياه.. واللي عجبني في الموضوع ان الراتب 400 وبعد السنتين اما يثبت او يزيد بس مايقل! اضافة الى وجود مخصص لفترة التدريب ..

ادري طولت عليكم وااااااااااااااااااااااااااااايد بس اسمحوا لي.. توني محصلة موضوع اطلع فيه كل مافي جعبتي.. وطبعا هذا كله باختصار!!:o:o

اسير ةالبدر

مشكوورة على طرح تجربتج...

انا رشحوني حق وظيفة في شركة

وقالو لي بنتصل لج حق المقابلة

وللحين ما اتصلوا!!!!!!!

سؤال مهم وخاص لكم جميعا

يا إلي ضمن تمكين وضمن القائمة1912

يعني لو أنا فرضا حصلت شغل في روضة وقالو لي بنعطيج راتب 100 دينار يصير أروح حق تمكين وأراويهم قد العمل مع هاذي الروضة وتالي يصرفون لي المخصص إلي هو ال300 دينار كدعم للراتب؟؟


يا خواتي أرجو الرد بسرعه لأني محتارة في أمري ومحتاجة للوظيفة وشكرا لكمك

الرجاء المسارعه في الرد

*أم ورود*;9041548:
سؤال مهم وخاص لكم جميعا

يا إلي ضمن تمكين وضمن القائمة1912

يعني لو أنا فرضا حصلت شغل في روضة وقالو لي بنعطيج راتب 100 دينار يصير أروح حق تمكين وأراويهم قد العمل مع هاذي الروضة وتالي يصرفون لي المخصص إلي هو ال300 دينار كدعم للراتب؟؟


يا خواتي أرجو الرد بسرعه لأني محتارة في أمري ومحتاجة للوظيفة وشكرا لكمك

الرجاء المسارعه في الرد

مادري حبيبتي شنو ارد عليج هم يقدرون يعطونج الراتب يصير 400 دينار بس عقدهم لمدة سنتين يعني تتوقعين بعد السنتين تكونين في روضة يعطونج نفس الراتب تدرين الروضات ما يعطون هذا الراتب
وان شاء الله البنات يفيدونج

مشكورة أسيرة على طرح موضوعج

إنشاءالله كلنا نستفيد من تجربتج

وما نطيح في يد ناس إستغلالية

عاشقة Y;9044826:
مادري حبيبتي شنو ارد عليج هم يقدرون يعطونج الراتب يصير 400 دينار بس عقدهم لمدة سنتين يعني تتوقعين بعد السنتين تكونين في روضة يعطونج نفس الراتب تدرين الروضات ما يعطون هذا الراتب
وان شاء الله البنات يفيدونج

زين خيو أنا لو إشتغلت في الروضة لمدة سنتين بهاذي الراتب 400
إنتهاء مدة العقد
ثانيا من أحين لمدة
تالي عادي يصير أفصل عنهم بعد
سنتين يمكن يكونو الوزارة رؤفو بحالنا ونادونا
ولا إنتي شيقولين؟؟؟

بس خيو لازم إحنا نستغل قعدتنا في البيت أولا الشغل في الروضة ممتع ثانيا نستفيد ونكسب خبرة ثالثا يكون عندنا مدخول بدال ما نكون عالة على الغير يصرفو علينا

يله خيو قولي لي شرايج أتصل تمكين أسألهم عن هاي الموضوع ولا إنتي شرايج

أصلن هلون بنكون ريحناهم من إنهم يدورو لنا شغل بنكون دولنا شغل حق روحنه وهم بس عليهم يوقعو عقد الراتب



خواتي الباقي أرجو المشاركه

وين يصير موقع تمكين عشات الستجيل

السلام عليكم
باقول لكم تجربتي
انا تخرجت شهر 8 2007
و قدمت لوزارة العمل بس من يومها ولا مرة اتصلوا فيني لشغل بس مرة اتصلت فيني وحده وسألتني اذا اقبل اشتغل في القطاع الخاص وقلت لها عادي في اي مكان حتى قلت لها اي شغله مو شرط تخصصي الي درسته( بنوك) وبس عقبها ما سمعت منهم ابدددددددد
ممكن اعرف رقم تمكين
ابغي اتصل فيهم
رقم يردون عليه:) لأني تعقدت كل مكان حكومي اتصل عليه يا مشغول يا ما يردون ابتلشنا وياهم
مشكورين

ليش مافي ردود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اهللللللللن عاطلات :Dبالنسبة الى تمكين هل احد راح وجرب دوراتهم الي يوفرونها او احد تعرفونة ويعرف بنود العقد الي يوقعونة ومن ناحية ثانية بعدين اذا جاء وقت الترينق يصير دوامنا مثل وقت الدورة لو مثل وقت العمل الي ودونا اياه يعني يصير بس اربع ساعات لو نقعد لين ما ينتهي العمل ؟
ومن ناحية ثانية اذا صار مثلا رسوب صحيح ان ندفع اليهم بيزات وهل الرسوب حاصل ؟ لان سمعت اذا موادهم سهلة .
مسامحة طولنا عليكم بس ياريت انحصل عندكم الاجابة علشان نفهم الموضوع :o

Cute Mother;9041166:
اسير ةالبدر

مشكوورة على طرح تجربتج...

بنات بقول لكم شي

وياريت تردون علي اليوم شنو رايكم

أنا قريت تجربة الأخت أسيرة الشوق مع الشركة إللي خذت أسمائهم من تمكين بالتسريب

وقلت أخذ حذري مره ثانيه

من يومين أو ثلاثة أتصلوا فيني تمكين وسألوني إذا حابه أشتغل في أكاديمية دلمون سكرتيرة نائب مدير أو شي جذيه

قلت لهم ما عندي مانع

واليوم اتصل فيني واحد من طرف جامعة دلمون

وسألني جم سؤال وبعدين قال لي متى حابه المقابلة تكون قلت له اي وقت ما عندي مشكلة

قال لي عيل تعالي ألحين بعد ساعة

أنا قلبي أنقبض أروح مقابلة الساعة ثمان في الليل

مو معقولة

قلت له مو معناته أي وقت تعطيني مقابلة في الليل

بكره الساعه تسع الصبح يكون أحسن

بعدين حسيته قاعد يتشاور مع أحد

وقال لي تعالي الساعة عشر أحسن

رديت وقلت أوكي

..............................

المهم بنات أنا نو عارفه أروح ولا ما أروح

على حسب علمي المفروض كل شي يكون من طرف تمكين لحد ما نشتغل

وألحين أنا محتارة

ياريت تردون علي

والله يفرج عليكم وينولكم مرادكم

@sPiCy@;9060469:



وألحين أنا محتارة

ياريت تردون علي

روحي .. ماتدرين يمكن يكون من رزقج و نصيبج .. هو اللي اعرفه انه تمكين بس ترشحج للوظيفه بعدين الشركه او مكان العمل هم اللي يسوون لج المقابله و يقبلونج او لا ..

ربي يوفقج و تلاقين الوظيفه اللي تناسبج و االلي تتمنينها ..