للبحرينيات...مهم .. لكل مسجل في تمكين العمل .. دقوا علي يعرضون الوظيفه

والله حرام صراحة آنه معاكم عاطلة ومن ضمن قائمة 1912 هالقائمة اللي الدولة عاجزة عنها تمام
العجز بالبداية قالوا مشروع توظيف مامشروع بطيخ وتموا 3 سنوات مب قادرين يسوون لهم حل لحد
ما توهقوا فيهم وقطوهم على صندوق العمل اللي اخس وادمر وبالمرة ماقدروا يسوون لهم شي في أقل
من سنة قطوهم على تمكين وخابين خبه بهالتمكين على شنو ؟ لحد الحين يتصلون لي على وظائف نفس ويوهم والدوامات اتييب السكته والمغص من 9 لي 6 ومن 7 لي 4:30 ومن 8 لين 5:30 طيب واللي عندها اعيال شتسوي بالله؟؟ وبعدين دام من ضمن هالقائمة اخذوا 500 ووظفوهم ورزوهم في الوزارات الحكومية وقاعدين معززين مكرمين دوام محترم ويناسب اي بنت متزوجه او غير متزوجه ليش احنا نقبل بهالوظائف التافهه واحنا حالنا حالهم ومؤهلاتنا ماتقل عنهم؟؟

لعلمكم تمكين مشروع فاااااشل بكل معنى الكلمة في البداية قالوا لنا وظائف في شركات شبه حكومية قصدهم الشركات الكبيرة نفس ألبا وبابكو واحنا صدقنا لكن شوفوا الواقع واقنعوا ولحد الحين اتصلوا فيني اكثر من مرة وكل الوظائف ماتناسبني واللي ناسبتني ماتوفقت فيها رسبوني والحين آخر مرة اتصلوا فيني وظيفة من 9 لين 6 وطبعاً رفضتها لأن دوامها مايناسبني كأم وتخيلوا شقالت لي اللي اتصلت؟؟

























































تقول الحين انتي بعد من قبل رفضتي وظائف فباقي لج وظيفه وحده اذا ترفضينها خلاص
بمامعناه مالهم شغل فيني !!!!! شرايكم؟؟؟؟؟
هذي تمكين ياحبوبات وعن نفسي غسلت ايدي منهم والله المستعان




سوري طولت عليكم بس من الحررررررررررررررررره

جنة القلب
الله يعينج ويعينا
بس شنهى الوظائف اللى انعرضت عليج؟

جنة القلب انا بعد مثلج عرضت علي وظيفة من 9 الى 6 يعني نصف النهار نبتدي وما عجبتني وردت عليي نفس الكلام كانها تهاوش بس انا قلت اليها هذه اول وظيفة تعرضونها عليي وتفشلت

انا عندي سؤال يعني لو قطونا في مدرسة خاصة وعطونا 400 دينار والعقد لمدة سنتين يعني عقب السنتين شنو بيصير لان المدارس الخاصة ما بتستمر على راتب 400 لانها ما تعطي هالرواتب شلون يعني الحين؟

ماعندي فكرة عن المدارس الخاصة استفسروا منهم قبل ماتوافقون وتوقعون على أي عقد

وبالنسبة للي سأل عن الوظائف اللي انعرض علي فوظيفه في طيران الخليج وما نجحوني

ووظيفة سكرتيرة في شركة اعلانية من 9 لي 6 وسكرتيرة في شركة احمد صلاح الدين للاستشارات الهندسية كأنه والله مب متأكده من الاسم لوووول من 7 لي 4:30 وفي شركة ابراهيم كانو من 8 لي 3 وهذي مناسبه بس لأني كنت توني مسوية امتحان في طيران الخليج وعيشت روحي على امل فرفضتها وعرضوا علي وظيفة بعد من 8 لي 5:30 ورفضتها بس ماني ذاكره اسم الشركة لأنها كانت متصله فيني
في نفس الوقت يعني عرضت علي وظيفتين في مكالمة وحده ورفضتهم ثنتينهم المهم والحين
باقي لي فرصة وحده يا اقبلها أو يقشعوني من شركة تمكين الموقرة ههههههههع

مرحبا بنات
ابي اعرف شلون اسجل بتمكين وشنو سالفته
عاطلة اكثر من سنه ولا ادري شنو السالفة :ss:

تمكين مستلمين ملف العاطلين (قائمة 1912) ويبون يشوفون لهم وظائف
بس ترى وظائف تافهه يعني مايسوى تخلينهم على بالج ولو بتدورين بروحج بتحصلين
نفس المستوى ويمكن احسن

أختي "جنة القلب"

مسامحة بس بقول لج شي بصراحة

أنتي غلطانه ما تقبلين

أعرضوا عليج أكثر من عرض ورفضتي هذا أكبر غلط

توكلي على الله وشوفي لج شغلة دام الفرص يايتج لعندج

حتى لو كلن لمدة سنتين ترى ألحين في ناس مو ضامنه تشتغل الشهر الياي

وإحنا قاعدين نتشرط هاذي مو سالفة

فكري عدل وحكمي عقلج .... ونصيحة مني ترى ما في فرصة ذهبية بتييج لعند الباب

هاذي الموجود ولا ترانا بنظل في البيت سنين أكثر

مسامحة حياتي بس حسيت إني لازم أقول لج عشان ما تضيعين على نفسج فرصه ثانية

الله يوفقج وتحصلين شغله مناسبه

عاشقة الأحلام;8969710:

الله يكون في عون الجميع

اشلون اعرف اذا كنت من ضمن قائمة الاموات اقصد 1912

مع العلم اني جامعية وعندي دبلوم

اختي القائمه بس حق اللي عندهم بكالريوسومو كلهم بعدللي سجلو في المشروع الوطني للتوظيف قبل لا يكنسلونه يعني لشهر مايو 2007 بسوالجامعيين اللي سجلو عقب هالتاريخ ماتشملهم القائمهوبعد في جم اسم من اللي مسجلين قبل سقطو من القائمه دون معرفه السبب

@sPiCy@;8968857:

أختي "جنة القلب"

مسامحة بس بقول لج شي بصراحة

أنتي غلطانه ما تقبلين

أعرضوا عليج أكثر من عرض ورفضتي هذا أكبر غلط

توكلي على الله وشوفي لج شغلة دام الفرص يايتج لعندج

حتى لو كلن لمدة سنتين ترى ألحين في ناس مو ضامنه تشتغل الشهر الياي

وإحنا قاعدين نتشرط هاذي مو سالفة

فكري عدل وحكمي عقلج .... ونصيحة مني ترى ما في فرصة ذهبية بتييج لعند الباب

هاذي الموجود ولا ترانا بنظل في البيت سنين أكثر

مسامحة حياتي بس حسيت إني لازم أقول لج عشان ما تضيعين على نفسج فرصه ثانية

الله يوفقج وتحصلين شغله مناسبه

مشكوره حبيبتي بس آنه عندي بنتين صغار وين اخليهم من الصبح للعصر؟

وراح ارجع تعبانه وابي ارتاح يعني شنو انسى ان عندي اعيال؟ على الأقل

للساعه 3 أكثر ماقدر بناتي أولى من هالوظيفه ومحد ياخذ الا رزقه اذا لي

نصيب بوظيفه محد راح ياخذها مني وعلى فكره آنه الوظائف اللي شفت

انها مناسبة بالعكس قبلت فيها لكن اهما مانجحوني فشاسوي بعد اذبح

عمري عشان اتوظف؟

الله يوفقج يا جنة القلب

ويسر لج أمورج

:

الله يكون في عون الجميع و يوفق الجميع

:

احد اتصلوا اليه من جهة تمكين محاضرة عن المقابله على قولتهم سوفت سكيلز ؟؟ كأنه قال دورة مدتها يوم من 8 الى 5 العصر بس اني اتصلوا اليي من يومين بس ما قدرت اروح !

سندس اي اتصلوا لي بس مارحت

بنات اليوم اتصلوا فيني تمكين

يقولون لي إذا تبغين سكرتيرة نائب المدير أو مدير كأن قال في جامعة دلمون

قلت له أوكي متى المقابله
قال بنكلمكم مره ثانية عشان نحدد موعد مقابلة للكل مع بعض

خفت أرفض وبعدين يقولون راحت عليي فرصة

لأنهم يقولون لنا ثلاث فرص وبعدين نطلع من القائمة

و وحدة منهم هناك سألتها مره جم سؤال وقالت لي

بعطيج نصيحه ....... إذا عرضوا عليج وظيفة لا ترفضين من البداية روحي المقابلة

وبعدين يمكن هم يرفضونج ساعتها

الرفض منهم وما تضيع عليج الفرصة

الله كريم



وعندي ملاحظة لكم أنا من قبل قلت هالكلام

بس بالنسبة حق الدورة السوفت سكيلز

نصيحة مني روحوا لها ترى المحاضرة وايد حليوة

واستانسا وايد قيها وبعد تعلمنا أشياء حلوة ومفيدة

وبعد عطونا شهادة

فلا تفوتون هالفرصة يا بنات

اني مااتصلوا فيني !!!

وعندي ملاحظة لكم أنا من قبل قلت هالكلام

بس بالنسبة حق الدورة السوفت سكيلز

نصيحة مني روحوا لها ترى المحاضرة وايد حليوة

واستانسا وايد قيها وبعد تعلمنا أشياء حلوة ومفيدة

وبعد عطونا شهادة

فلا تفوتون هالفرصة يا بنات

شنو هذة الدورة الي بس يوم واحد ياريت يا حبيتيspiciy اتوضحين الينا اشوي بنكون اليش شاكرين وهل احنا الي نطلبها منهم ولة هم الي يرشحون من صوبهم:sm229:

ذرة البحرين 5;9031998:


شنو هذة الدورة الي بس يوم واحد ياريت يا حبيتيspiciy اتوضحين الينا اشوي بنكون اليش شاكرين وهل احنا الي نطلبها منهم ولة هم الي يرشحون من صوبهم:sm229:

حياتي هاذي عبارة عن دورة يعلمونج فيها عن الطريقة المناسبة في صياغة ال cv

والطريقة المناسبة في البحث عن عمل

والطريقة المناسبة للتصرف في المقابلة

أنا استفدت منها وايد

وأللي سوت لنا المحاضرة وحدة ألمانية أسمها إيفان وتعرف عربي عدل يعني سهل تتعاملون معاها وتفهمون لها

إما شلون ندخل هالدورة

فلازم نكون من ضمن قائمة الخريجين العاطلين عن العمل

وإذا ما اتصلوا فيكم إنتوا كلموهم وولوا لهم نبي نحضر هالدورة

و وعد مني لكم إنكم ما بتطلعون إلا وإنتوا مستانسين

:D