تجهيزات الحوامل اللواتي يلدن بشهر (7)

شووووق الخبر


الله يعطيك العافيه افدتيني بكلامك


بس حبيت استفسر عن بعض الأشياء :

1- اللي اخذتيهم من ارماني و بيبي ديور هل هو مدس فقط ؟؟ او مدس مع لبس يعني طقم ؟؟

2- عندك فكره اذا ارماني اطفال موجود بالرياض او لا ؟؟

3- بالنسبه ل بدلات الإستقبال اخذتيهم ماركه يعني ديور وهالطقه او محلات عاديه ؟؟ واخذتيهم مقاس

نيور بورن او اكبر ؟؟ واخذتيهم طقم مع لفه ( مهاد ) او مدس او مو شرط يكونون طقم بس الألوان متناسقه ؟؟

برأيك هل يكفي قطعتين بسسس استقبال للنفاس كله ؟ و مدس واحد ؟؟


انا مفكره اخذ مدسين واحد ماركه عشان القديم والطلعات بعد الأربعين والثاني عادي

عشان الطلعات العاديه او مستشفى او اي مكان عادي مو رسمي ... وش رايك ؟

هلا مجموعي

حمستوني اجهز لكن لسه ما عرفت جنس المولود ممكن ما اجهز بدري لان بنوتي الله يحفظها متحمسه اكثرمني وممكن لو عرفة جنس المولود مراح تخلي احد الا تقوله ههههههه لانها الان تمشي وتقول للناس ماما في بطنها نونو حتي الي ما يعرف عرف ههههه واذا جاء احد لزيارتنا ممكن تذهب و تطلع الملابس على شان يشوفوها انا ما اريد احد يعرف جنس المولود اريدها مفاجه

الله يسهل عليج حبيبتي شوق الخبر ويشافيج و إن شاء الله تتحسنين ونشوف الصور

ش الخبر وق;8956139:
مرحبااااااا بنوتات كيفكم؟؟

أنا عضوة قديييييييييمه جديده خخخخخخخ يعني من زمان مسجله بس انقطعت فترة بعد زواجي وحملي وولادتي ورجعت لكم الآن بعد حملي الثاني..

أنا حامل وولادتي بإذن الله في شهر 7 طبعا أم للمره الثانية وصار عندي خبرة الحمدلله خصوصا ان بنتي توها صغنونه عمرها سنه و4 شهور ..

حملت والحمل ماكان مخطط له أبداااااااا والحمدلله على كل حال..

بالنسبة للتجهيزات لي رجعة مع بعض النصائح للأمور اللي مرت علي وتحسفت في تجهيزها واستفدت من أغلاطي بهالحمل..

انا حامل بولد هالمره بإذن الله يارب يتمم علي وعليكم بالصحة والعافية ..

بنات السعودية بالنسبة للرضاعات ..

أنا ببنتي جربت رضاعات بيجون وأخذت منهم 3 حجم وسط و2 حجم صغير وكلهم زجاج لأنه افضل بالتعقيم والبلاستيك انا أقرف منه ..

ولما كبرت بنتي جربت رضاعات شيكو بصراااااااااااحه مسكته ممتاااااازة لولدي أخذت منهم 2 كبار و 1 صغنووووووووووووووووونه يجنن شكلها للماي والتمر والأشياء هذي.. لاتكثرون منهم لأنكم بتغيرونهم كل فتره ..

طبعا أنا شريت ملابس بهالبببببببببببببببببببل لبنتي وتحسفت لأنها بسرعه كبرت عليهم ولا استهلكتهم ..

مالكم بالطويله الحين بس بقول لكم وش أهم شي تاخذينه هالفتره ..

عدد 9 بربتوزات أبيض (فنايل داخليه ) طبعا بدون أكمااااااام لأنه صيف وحر مووووووووت .. أنا كنت ماخذه من مذركير وبعدين جربت حقات سنتر بوينت سيتي بلازا بصراحه حقات سيتي بلازا أفضل 100 مرررررررررره تنكرف ولايتغير قطنها ..

أخذت عدد 9 بيجامات كامله حقت مذركير بصراحه رووووووووووعه والأحلى فيها ان الكم فيه سفطه تلفينها على يد البيبي عشان مايمخش روحه..

نجي للمقاس يابنات صدقوووووووني 0-3 حق مذركير يلبس 6 شهور لعيالنا وعن تجررررررررربه ..

أنا بنتي جات وزنها 3 كيلوا و 600 غرام ماشاءالله وطولها 63 وتخيلوا أول اسبوعين أو ثلاثه بالأربعين كانت تلبس مقاس تااااااااايني يعني اللي أصغر من النيو بورن .. وبعد الثلاث اسابيع بديت البسها نيو بوووووورن ..

لاتكثرون ملابس جربوا خذوا تايني لو 3 حبات مع بعض والله تستفيدون منهم وتلم البيبي ..

وبالنسبه للبدل تبع الطلعات البيبي بالأربعين مايطلع وحتى لو يطلع ملفوف لاتاخذون بدل كثير خذوا 3 بسسسسس نيو بورن للتقديم للزوار أو طلعات مراجعة المستشفى .. وبقول لكم السر بعد شوي..

السليب باق أو المدس أنا أخذت واحد بسسسسس بنتي ولدتها بشتاء بس ماتطلع كثير ولا استخدمته كنت ماخذه ارماني واستفدت منه في تقديمها للناس المقربين جدااااا احطها فيها عشان سهولة الحمل ..

وهالبيبي أخذت بيبي ديور وخلااااااااااص يكفي.. والله حرام تشترين وتكدسينهم بعدين ماينكرفوووووون ابد..

المهادات واللفات وعند بعض الناس المقاطه ..
أنا عن نفسي ما أحب الملونين أحسهم يسوون زحممممه ويغطون على وجه البيبي حلاة لفة البيبي أبيض أو اوف وااااااايت وبس لأن وجهه ياخذ العقل سبحان الله ..
أنا أخذت المهادات مع الربطات من سيتي بلازا عندهم نوع قطن خفيف وبااااااااااااااارد ينفع للصيف وقطنهم مره ممتاز أنا خذت 8 .. طبعا هذولي من حملي ببنتي لأني ما استخدمتهم لها استخدمت النوع الثقيل لأنه كان شتاء ..

الشنط أنا شريت شنطه وحده بسسسس من أويليلي بالبحرين العالي شنطه غالية وفخمه وتنكرف ماهي قماش تجي قماشتها اللي تنمسح ماتتوسخ وحده تكفي فخمه وماركه وخلاص .. تكثرين شنط وتسوي لك زحمه .. وجاتني هديه من أختي شنطه نفس الشي من اويليلي بس حجم صغير تنفع للطلعات السريعه مثلا روحة مستشفى طلعه سريعه ..

اممممم وشو بعد بقى نسيت .. ذكروني يابنات ..

بعد تجهيزات البيبي نروح لتوزيعات البيبي اللي علللللللللللللللللت قلبي محتارة من وين وايش اسوي ..

توزيعات بنتي أخذتهم من محل ليفيز للشوكلاته بالبحرين صراحه فخممممم ولذيذ وجديد علينا المحل ..
وأخذت بعد شوكلت مزين زياده عبيت صواني أنا مزينتها من انوش شوكلاتتهم لذيييييييييذه مره ..

بس هالمره حابه أغير ودي توزيعات جديده..
بس خبركم عندنا بالسعوديه وخصوصااااااا الخبر ماعندنا محلات كثيرة خبره بهالأشياء وحلوه غير عن المحلات المعتاده باتشي وغيرهم ..

وبإذن الله لي عودة نفيد ونستفيد ..

تسلمى شوق الخبر والله تستاهلى تقيييم(y)

صباااااااااح الخير بنوتات ..

الله يخليكم يارب نفيد ونستفيد حبيباتي كلنا لبعض..


نسيت بعض الأغراض ماكتبتها لكم..

اللي هي ..

* جهاز تعقيم الرضاعات ..
* مصاصة البيبي ضروووووووووووورية والله تريحك من البكي ووجع الراس علميه عليها من اول يوم ولا ممكن بعض الأطفال مايتقبلونها والله يعين الأم المسكيييييييييينه..
* ترمس عشان المويه المغليه يكون صغيره وخاص للبيبي تغلين المويه وتعبينها تكون الموية المغلية جاهزه عندك..
بنات قطن الصدر ضروووووووووووري للرضاعه الطبيعية عشان ماتتبللييييييييين..
* نجي عاد لأهم نقطة للبنات الكسولااااااااااااااااات يابناااات اللي مهتمه كثير بالرضاعه الطبيعيه وانا اولكم .. تدهن حلمة صدرها بكريم خااااااااااص للحلمات وتمرنها يعني اسحبيها لبرا وانتي تضغطينها بطريقه مثل رضاعة البيبي .. وأفضل كريم كان (beesline) كريم خاص للحلمات قسم بالله روووووووووووعه أنا كنت ادهن بطني واردافي واهملت الحلمة ويوم رضعت بنتي اول مره ياللللللللللللللله التهبت علي وتقطعت بغيت اموت من الألم ودكتورتي الله يجزاها الجنة وصفت لي هالكريم والله من ثاني طاااااااااااااااب الجرح وفوق هذا قالت لي حطيه قبل الرضاعه بدقيقتين بسسسس ولما تجين ترضعين البيبي امسحيه بمنديل بس لأنه مايضر البيبي مع الرضاعه كل مستخلصات طبيعيه ..

ذكروني بعد لو في شي ناقص..

مشكوره اختي شوق الخبر
على ردك
ويارب يسهلك حملك ويهون عليك
وبضاعه بيبي ديور وين القاها؟

يارب يسهل على الجميع
انا حامل بالشهر الخامس
ينفع اجهز اغراض البيبي من الحين

دلوعة يسوفي;8967054:
يارب يسهل على الجميع
انا حامل بالشهر الخامس
ينفع اجهز اغراض البيبي من الحين

عادى يا روحى والله يتمملك على خير

محبوبي1;8963871:
هلا مجموعي

حمستوني اجهز لكن لسه ما عرفت جنس المولود ممكن ما اجهز بدري لان بنوتي الله يحفظها متحمسه اكثرمني وممكن لو عرفة جنس المولود مراح تخلي احد الا تقوله ههههههه لانها الان تمشي وتقول للناس ماما في بطنها نونو حتي الي ما يعرف عرف ههههه واذا جاء احد لزيارتنا ممكن تذهب و تطلع الملابس على شان يشوفوها انا ما اريد احد يعرف جنس المولود اريدها مفاجه

الله يخليلك بنتك هههههه
والمفاجات حلوة

بسألكم ..

الحين التجهيزات حق المولود تكون نيو بورن و من -0 لين 3 بس
او اخذ بعد من 3لن 6

حبيبتي أنا أخذت بيبي ديور من باكو عندنا بالخبر..

حبيبتي حيورة أنا عن نفسي ما اخذت غير نيو بوووووورن بسسسسس ..

لأنك بتطفشيييييييييييييين من الحبسه بالأربعين وبعدها تصيرين تبين بس تطلعين وتغيرين جو بالأسواق وأكيد وقتها لهفتك لمحلات البيبي أكثرررررررررررررررر من قبل وبتشترين على راحتك واللي يناسب طفلك من ناحية اللون وغيرة..

يعني على سبيل المثال..
انا كنت شاريه لبنتي ملابس لونها أصفر ليموني فاااااااااااااااااااااااتح وكان عندها فستان يجنن ..
لكن لما لبستها اياه كرهته عليها لأن بنتي ماشاءالله بييييييييييييييضه وحسيت هاللون خلاها شاحبه ومالبستها اياه ابببببببببببد وفي كم قطعه كانوا عاجبيني بس يوم جربتهم على بنتي ابببببببببببد ماعجبوني..

عشان كذا أقول لكم لاتكثرووووووون خذوا اللي يكفيكم لفترة الأربعين بسسسسسس وبعدها بتشبعون من الملابس والأسواق.. وقتها تقدرون تشترون وتجربون واللي مايعجبكم تبدولنه ماتتوهقون فيه ..

والله يهون علينا جميعا ياااااارب..

انا قلت كذا بعد .. بخذ مقاسات صغيره

بس في وحده قالت لي البيبي بسرعه يكبر ولازم تاخذي من 3 لي 6 اناا استغربت
اقول معقوووله بسرعه

ومثل ماقلتي اختي بعد النفاس لازم نروح نغير جو
ومشكوووووره كثير ع الرد
الله يتمم لك الحمل ويسهل عليك يارب

ش الخبر وق

يااااااحبي لك من جد ماقصرتي الله يعطيك الف عافيه


بستفسر عن شي:

الحين لما اقدم البيبي للناس يكون لابس بدله اكيد كامله يعني اكمامها طويله لأن احلى شي على

المولود هي الكم الطويل بحكم انه يدينه بتكون صغنطوووووطه... سؤالي :

مايكون حر على البيبي لما اقدمه بالبدله الكامله مع المدس ؟؟ وحده قالت لي انه عادي ماراح يكون حر

لأن التكيف بيصير شغال وبارد على البيبي مو مثلنا نتحمل وكبار ...


صحيح هالكلام ؟

2- ايش الوان المدسات اللي شريتيهم ؟ افكر اشتري ابيض او اف وايت عشان يمشي مع كل الملابس

ومااتقيد بألوان

ياحبي لكم بسسسسس..

حبوبة روبينا..

ياقلبي أنا بعمري ما أفكر ألبس البيبي نص كممممم خخخخخخخخ مثلك أحس شكله غلط وبعدين البيبي يتأثر بسررررررعه ..
أنتي بتكونين ملبسته بربتوز داخلي كت وخفيف.. بدلته بتكون صيفيه بس كم طويل يعني الأقطان الباردة ياتكون بدلة كااااااامله متصله .. أو قطعتين خلي القميص يكون بارد..
والتكييف شغاااااااااال يعني ماراح يفطس حر شدعوه حنا داخل البيت لاتحاتين وجهزي له وانتي مبسووووووطه..

أما عن المدس أنا خذته سماوي صراحة وبنتي كان حقها وردي خخخخخخخخخخخخ..
والسماوي يمشي معاه الكحلي والأبيض والسماوي وعادي مو شرط يكون نفس الألوان..

الأوف وايت روووووعه وراقي بس ماحصلت وثاني شي كنت لو خذت اوف وايت بضطررررررر اخذ واحد ثاني بعد لأن أخاف يتوسسسسخ ويبين فيه اي بقعه بسررررررعه ..


وعلى فكرة بنات ترا راحت موضة الثييييييييم .. اللي يكون مفرشك ومفرش البيبي وغرفتك وكل الدنيا نفس اللون ونفس الرسومات خخخخخ.. <<< وجهة نظر ..
وكلن وذوقه ..
أهم شي تكون الوانك رسمية وراكزة ومتناسقة مو ضروري تطقمين لكلللللللللللل قطعة بغرفة نفاسك..

آآآآآآآآه روبينا جبتي طاري التكييف وضاق صدررررررررري خخخخخخخخخ..

أذكر بنفاسي كنت والد بعزززز الشتاء لكن قسسسسسسسم بالله من زود ما كنت احتر كان ودي اتفصخخخخخخ..
أذكر أمي تهاوشني يااااااابنتي تدفي موزييييييييييييييييييييين وأنا ولاحاسه ميييييييته حر واصب عرق قسم بالله وانام بكت وشورت وبدون شرابات وبعد حررررررررررر..

الله يسترررررر على هالنفاس بولد بعز الصيييييييييييييييف وش بسوي ياحرام بذبح ولدي معاي بالتكييف البارد..

يعطيك الف الف الف الف الف عافية شوق من جد ماقصرتي


بس عسوله كنت بسألك عن موقع [B]محل ليفيز للشوكلاته بالبحرين

الللللللله يعافيك حبوبة ..

محل ليفيز في منطقة البديع هذا اللي أعرفه بس الوصف تحديدا مااااادري خخخخخخخخخخخخخخ رحت مع زوجي وهو يدل .. وكان معاي رقم المحل اتصلنا عليهم ووصفوا لنا خخخخخخخخخخ..

اذا تحبين ارسل لك رقمهم ..