تجهيزات الحوامل اللواتي يلدن بشهر (7)

ريم احنا بنولد بعزززز الصيف وحيكون الجو مره حار (اتكلم عن السعوديه) احسن انك تشترين الاندر وير كلها يا نص كم يا cut

ريم اغلب الملابس اللي حطتيها شتويه و لادتنا بتكون في الصيف

وينكم يا بنات نبي نشوف تفاعل

شعوله وين التجهيزات ؟

انشالله مس روز اليوم بحاول ارجع انزلهم اول ماافضى..

البنات الباقيين ويييييييينهم

اي شي تشترونه نزلو صوره هنا بليييز

مس روز بصراحه الاغراض اللي شريتيهم روعه
يتهنى البيبي فيهم يارب
شعوله حبيبتي في انتظارك من شان اعرف من وين اخذ
مو عارفة متى اجهز ومن وين

بنـات اكيد صادفكم المقاسات الي بالوزن كيف
على اي اساس اخذهم
واسفنجه التغيير شفتوها بمحل غير مذكير؟

الجو فى الصيف عندى برد:ss:
وش تنصحونى البس البيبى صيفى

اختي ريم اخذ على حسب الجو عندكم في البلد

اذا تولدين في البرد اخذي شتوي

وينكم يا حوامل يوليو 2009

ريم الصحراء
اذا عندكم برد لبسيه شتوي
والله يعينك

نايس بتر فلاي;8846141:
بنات اكيد صادفكم المقاسات الي بالوزن كيف
على اي اساس اخذهم
واسفنجه التغيير شفتوها بمحل غير مذكير؟

ايه اتوقع ناخذ اللي يجون 4 كيلو وفوق لانه اللي اقل من 4 كيلو يكونون مرررررررره صغاااار

ريم اكيد اذا برد راح تلبسينها شتوي ولا ناويه تمرضين بنتك ؟؟

بليز مس روز كيف حطيتى الصور

حبيبتي صغريهم في ال paint وسويهم تحميل في مركز التحميل التابع للمنتدى ونزليهم في الموضوع

مرحبااااااا بنوتات كيفكم؟؟

أنا عضوة قديييييييييمه جديده خخخخخخخ يعني من زمان مسجله بس انقطعت فترة بعد زواجي وحملي وولادتي ورجعت لكم الآن بعد حملي الثاني..

أنا حامل وولادتي بإذن الله في شهر 7 طبعا أم للمره الثانية وصار عندي خبرة الحمدلله خصوصا ان بنتي توها صغنونه عمرها سنه و4 شهور ..

حملت والحمل ماكان مخطط له أبداااااااا والحمدلله على كل حال..

بالنسبة للتجهيزات لي رجعة مع بعض النصائح للأمور اللي مرت علي وتحسفت في تجهيزها واستفدت من أغلاطي بهالحمل..

انا حامل بولد هالمره بإذن الله يارب يتمم علي وعليكم بالصحة والعافية ..

بنات السعودية بالنسبة للرضاعات ..

أنا ببنتي جربت رضاعات بيجون وأخذت منهم 3 حجم وسط و2 حجم صغير وكلهم زجاج لأنه افضل بالتعقيم والبلاستيك انا أقرف منه ..

ولما كبرت بنتي جربت رضاعات شيكو بصراااااااااااحه مسكته ممتاااااازة لولدي أخذت منهم 2 كبار و 1 صغنووووووووووووووووونه يجنن شكلها للماي والتمر والأشياء هذي.. لاتكثرون منهم لأنكم بتغيرونهم كل فتره ..

طبعا أنا شريت ملابس بهالبببببببببببببببببببل لبنتي وتحسفت لأنها بسرعه كبرت عليهم ولا استهلكتهم ..

مالكم بالطويله الحين بس بقول لكم وش أهم شي تاخذينه هالفتره ..

عدد 9 بربتوزات أبيض (فنايل داخليه ) طبعا بدون أكمااااااام لأنه صيف وحر مووووووووت .. أنا كنت ماخذه من مذركير وبعدين جربت حقات سنتر بوينت سيتي بلازا بصراحه حقات سيتي بلازا أفضل 100 مرررررررررره تنكرف ولايتغير قطنها ..

أخذت عدد 9 بيجامات كامله حقت مذركير بصراحه رووووووووووعه والأحلى فيها ان الكم فيه سفطه تلفينها على يد البيبي عشان مايمخش روحه..

نجي للمقاس يابنات صدقوووووووني 0-3 حق مذركير يلبس 6 شهور لعيالنا وعن تجررررررررربه ..

أنا بنتي جات وزنها 3 كيلوا و 600 غرام ماشاءالله وطولها 63 وتخيلوا أول اسبوعين أو ثلاثه بالأربعين كانت تلبس مقاس تااااااااايني يعني اللي أصغر من النيو بورن .. وبعد الثلاث اسابيع بديت البسها نيو بوووووورن ..

لاتكثرون ملابس جربوا خذوا تايني لو 3 حبات مع بعض والله تستفيدون منهم وتلم البيبي ..

وبالنسبه للبدل تبع الطلعات البيبي بالأربعين مايطلع وحتى لو يطلع ملفوف لاتاخذون بدل كثير خذوا 3 بسسسسس نيو بورن للتقديم للزوار أو طلعات مراجعة المستشفى .. وبقول لكم السر بعد شوي..

السليب باق أو المدس أنا أخذت واحد بسسسسس بنتي ولدتها بشتاء بس ماتطلع كثير ولا استخدمته كنت ماخذه ارماني واستفدت منه في تقديمها للناس المقربين جدااااا احطها فيها عشان سهولة الحمل ..

وهالبيبي أخذت بيبي ديور وخلااااااااااص يكفي.. والله حرام تشترين وتكدسينهم بعدين ماينكرفوووووون ابد..

المهادات واللفات وعند بعض الناس المقاطه ..
أنا عن نفسي ما أحب الملونين أحسهم يسوون زحممممه ويغطون على وجه البيبي حلاة لفة البيبي أبيض أو اوف وااااااايت وبس لأن وجهه ياخذ العقل سبحان الله ..
أنا أخذت المهادات مع الربطات من سيتي بلازا عندهم نوع قطن خفيف وبااااااااااااااارد ينفع للصيف وقطنهم مره ممتاز أنا خذت 8 .. طبعا هذولي من حملي ببنتي لأني ما استخدمتهم لها استخدمت النوع الثقيل لأنه كان شتاء ..

الشنط أنا شريت شنطه وحده بسسسس من أويليلي بالبحرين العالي شنطه غالية وفخمه وتنكرف ماهي قماش تجي قماشتها اللي تنمسح ماتتوسخ وحده تكفي فخمه وماركه وخلاص .. تكثرين شنط وتسوي لك زحمه .. وجاتني هديه من أختي شنطه نفس الشي من اويليلي بس حجم صغير تنفع للطلعات السريعه مثلا روحة مستشفى طلعه سريعه ..

اممممم وشو بعد بقى نسيت .. ذكروني يابنات ..

بعد تجهيزات البيبي نروح لتوزيعات البيبي اللي علللللللللللللللللت قلبي محتارة من وين وايش اسوي ..

توزيعات بنتي أخذتهم من محل ليفيز للشوكلاته بالبحرين صراحه فخممممم ولذيذ وجديد علينا المحل ..
وأخذت بعد شوكلت مزين زياده عبيت صواني أنا مزينتها من انوش شوكلاتتهم لذيييييييييذه مره ..

بس هالمره حابه أغير ودي توزيعات جديده..
بس خبركم عندنا بالسعوديه وخصوصااااااا الخبر ماعندنا محلات كثيرة خبره بهالأشياء وحلوه غير عن المحلات المعتاده باتشي وغيرهم ..

وبإذن الله لي عودة نفيد ونستفيد ..

سووووووري بنات تفلسفت كثييييييييير وتكلمت كثير خخخخخخ..

اختي شوق الخير الله يعطيك العافيه على نصايحك
بس بسألك
الحين البربتوز الابيض شنو المقاس الي خذتيه كلهم مقاس واحد
ولا لا لان الوالده تقولي لاتاخذين اصغر مقاس عشان
يكون السر لاسمح الله ملتهب ولامابعد يطيح مايكون
ضيق فهمتي قصدي؟؟
يعني شنو تنصحيني بالمقاس خصوصا اني اول مره
واحتار بالمقاسات الي اشوفها ولاافهمها

نايس بتر فلاي..

شوفي حبيبتي حسب المكان اللي بتاخذين منه ..
اذا مذركير خذي نيو بيبي والله كبيييييييير وراهي ابدااااااااا مايضايق البيبي أنا مجربه في بنتي ولا يضايق السر.. ولو بتاحذين حق سيتي بلازا حسب صناعته في شي تاخذينه عادي نيو بيبي وفي شي يجي أصغر تاخذينه من 0 - 3 ..
..


بنات نصيييييييييييييييحه مني لكم لاتكثرون ملابس أببببببببببببد حتى البيجاماااااااااات..
إذا انتوا مثلي تحبون السوووووووووق أنا بنهاية الأربعين رحت تسوقت لي ولبنتي ونسيت اللي شريته قبل..
أن سبحان الله وانتي حامل كل تشوفينه تشتهييييييييينه للبيبي لأنك مابعد شفتيه ولا عرفتي ملامحه لكن سبحان الله بعد الولادة تصيرين كل مارحتي محل تختارين اللي يناسب البيبي والألوان الحلوه عليه وتقولين اييييييييييييييييييييييه هذا حلو عليه وهذا مايصلح له عكس لما يكون لسه في بطنك..

أنا عن نفسي بهالحمل كل اللي أخذته بسسسسسسسسسس:
8 مهادات مع ربطاتهم
1 مدس
9 بيجامات
2 بدلات استقبال
9 بربتوزات أبيض (فانيله داخليه)
2 رضاعات كبيرة
1 رضاعه صغييييييييره
2 فوط كبيره للسباحه
2 فوط متوسطه للتغير السريع

طبعا هذي اشياء راح اذكرها لكنها موجوده عندي من ولادتي الأولى..

بوكس الأدوات الخاصه بالبيبي من مذركير كنت ماخذه لون محايد ينفع للجنسين
ومسلزمات النظافه كنت اخذ من جونسون .. لكن والله منتجات سيباميد روووووووووعه وأحسن وللبشرة الحساسة خذوها أفضل من جونسن..

بإستثناء البودرة بودرة جونسن ريحتها خيااااااااااااااااااااااال لكن يابناااااااااات حذااااااااااااري تحطونها على بشرة الطفل مباشره خطر وهو توه صغنوووووون ..

أمي الله يخليها لي كانت تحطها في الملابس تكب منها داخل البيجامه والمهاد وتنفضهم تضربهم تصير البودره تطلع منهم مثل الغبار لكن تبقى ريحتها رووووووووعه وتلزق بالبيبي ..
خطر تحطين من البودرة على رقبة البيبي هي المسبب الأول للأمراض الصدريه والحساسيه ..

طبعا حوض الإستحمام كنت ماخذته طقم مع البوكس من مذركير والإسفنجه اللي تحطين عليها البيبي..

ولما اتذكر شي برجع اكتبه لكم..


يالييييييييييييت أقدر أصور لكم .. كل اغراضي مرفوعه .. وأنا ممنوعه حاليا من الحركة عندي المشيمه نازله ومعي شوي نزيف ..
انا الحين بالخامس ادعوووووووووووولي ربي يهون علي ويثبت حملي ويحفظ لي ولدي..