CuTie KaTkOoTa;8803097:
اهدي بس يا جميلة وسيبيها علي ربنا وهتلاقي كل حاجة اتحلت ببساطة واقتناع ان شاء الله، بالنسبة للحاجة السواريه مش لازم تجيبي فستان، ممكن تجيبي توب وجيبة حاجة بسيطة وفي ايدك انتي تظبطيهم ويطلعوا شيك اوي وحلوين وممكن كمان حتي لو هما مش بتوع سهرة تجيبي شرايط جاهزة مطرزة من كل شيء مثلا وتمشيها علي الجيبة من الجنبين او من تحت خالص كده يعني في حلول كتير وفي الأخر بتطلع حلوة اوي وكأنها جاهزة.
وبالنسبة للفلانتين انا عملتله ميدالية فضة عمولة علي شكل جيتار لأنه نفسه في واحد أوي وكتبت عليه اسمه بارز، بس المشكلة لما جيت استلمتها مكنتش زي ما كنت متخيلاها واتضايقت اوي وعيطت بس قدر الله وما شاء فعل ودي قدرة اللي عملها عشان بردو مش هايقدر يعمل فيها تفاصيل كتير وهو شغال، اهم حاجة انها عجبته جدا وده ريحني كتير أوي، وكنت جايبة بوكس هدايا مغناطيس حطيت فيه قطن في البيت وكتبت عليه من جوا بقلم فضي بس المساحة مأسعفتنيش فكتبت الكلمة ناقصة بس تمشي بردو :) وحطيت جواه من الميدالية 2 شيكولاتة مكتوب عليها كلام حلو بمناسبة الفلانتين، كان فيه اشكال كتيرة اوي وانا نقيت اتنين مختلفين وبلونين اسود واحمر، بصي انا صورتهم اهو بس مش باينين اوي عشان الشمس.
انتي بقي ممكن تجيبي ميدالية جاهزة أو ساعة بسيطة مش لازم تبقي ماركة بس شيك بردو او الي هي تقليد الماركات دي وفي اختيارات كتير بس بتكلم عشان الوقت والفلوس.
الهدية جميلة ما شاء الله تعيطى ليه يا بنتى دى حلوة جدا والعلبة و الشيكولاتة جامدين اخر حاجة.....قوليلى باه المحل ده فين وللا اى محل فضة عادى ممكن يعملها و بتاخد وقت اد اية عمال متتعمل
