تجهيزات قمرات مصر ...الجزء 118 يارب نتجوز بقه

mashimaro16;8788787:
بجد
وحشتونى اوى
بقالى يومين مش عارفه اتابع خالص
بصوا بجد
اللى عايز يعمل فرح محترم فى البلد دى لازم يعمل حسابه على 20 الف على اقل تقديرررررررر

بجد حقيقى استهبال ... يعنى اجيب ناس واعشيهم ب 20 الف وفى الاخر يقعدوا يتريقوا على العريس والعروسه والفرح كلها :)

يالا الحمدلله

بس بجد اكتر داررررررررر وهمييييييييييه بجد ماشاءالله الحرس الجمهورى
ايه الجمال ده ماشاءالله

البنات اللى راحوا دار الدفاع
ايه رايكم فى قاعه الباسنت ؟ حلوه ولا ايه؟

محدش ليه كاتب تفاصيل عن القوات الجويه ؟ ولو حد راح ايه نظامه حلو ولا ايه ولا فى مستوى ايه مثلا؟


سؤال بقى :

المفروض اجيب كام ترينج شتوى ؟

اه فى محل اكسسوراات حلو موت جنب كلوب الدو المرغنى وعنده جوانتيات تحفه واموره اوى وصوف وجميله ب حاجه و 30
اسمه تقريبا NYX او حاجه زى كده ... صحبة اختى قالتلى عليه

.....

بصي ياقمر قاعة الباسنت انا حجزت فيها هيا حلوه وشيك وبتاخد من 120 الى 200 فرد الدار حلو انا شفت قاعات كتير واكتر قاعات عجبتني اللي بدار الدفاع والفرح الحلو مش اقل من 21000 او 22000 الدار بتدي ليله مبيت للعرسان شاملة وجبة الفطور

pascotta;8793791:
تسلميلي على الدعوه والحاجات دي انا شفتها بنفسي واشتريت منها كمان
الزنوكي 5 قطع بس مش عرفه المقاسات
اللانجيري التنكري ده بيبقى عباره عن اطقم كده زي كيلوباترا مثلا او زي الشغاله زي بتاع هيف في الكليب او زي الرقاصه بتاه زمان ايام الفراعنه وكده يارب اكون وصلتلك المعلومه
والاطقم التانيه دي حاجات صغنوووووووووونه اوي كده بس سيكسي موووت يعتي شفت منها طقم برا واندر عباره عن ورق كوتشينه في خيط صغير كده وخلاص وهكذا بقا حاجات مطرقعه اوييييييييييي

ميرسي لكل البنات ال قيموني ودعولي ربنا يخليكوا لي
ودينا يا مجرمه انتي تسلمي يا قمر

بنات محدش يعرف كانت صوره قايمه العروسه موجوده فى انى جزء ضرورى ةاللى عندها ياريد تبعتهالى ضرورى

الف وعد

دورتلك على الصور اللي عاوزاها ولقيتها

اتفضلي ياعسل











ومعلش يابنات

هو المفروض اجيب كم طقم الحفة وكم مفرش سرير وكابرتات

وبكام اسعارهم تقريبا ومن فين ؟

ماشاء الله بنات الواحد مش عارف يلاحق عليكم

الف مبروك الجزء ولونه مابقاش جديد....ده احنا بقينا في نصه


ادعولي بنات
بكرة ان شاء الله هجيب الشبكه ونحدد ميعاد الخطوبه
ادعولي علشان ادخل في القايمه معكم الشهر ده

...نوسي...;8796588:
الف وعد

دورتلك على الصور اللي عاوزاها ولقيتها

اتفضلي ياعسل











ومعلش يابنات

هو المفروض اجيب كم طقم الحفة وكم مفرش سرير وكابرتات

وبكام اسعارهم تقريبا ومن فين ؟

يالهوى هو ادق التفاصيل المكتوبه دى؟
حتى قدرة الفول كاتبينها
هو كلكم بتكتوبو الديتيلس دى ولا ناس وناس

عروس الحب;8796989:
صور من اعراس اوربيه

قاعات اعراس و افراح من اوروبا

:(ووبعدين ياحبيبتى
مش نبطل الدعايات دى بئا:o

emansaed;8784793:
بنات انا واقعة ف مشكلة كبيرة وفرحى خلااص فاضل اقل من شهر ادعولى بالله عليكم
انا لسه معملتش الستاير
بصوا انا شقتى كلها استيل واللى تاعبنى ان الستاير اللى هى ببرقع دى مش حباها لانها اولا بعد فترة بتلاقيها اتملت تراب وبتشل ف التنضيف
بصوا انا عايزة اعمل ستارة سيمبل كده من غير برقع طبعا هجيب قماش خفيف وتقيل بس عايزة حاجة سيمبل ياترى ينفع ولا هيبقى شكل الشقة وحش
ياريت اللى عملت ف شقتها حاجة سيمبل من غير برقع تصورهالى
ومحتاجة رايكم كلكم

بنات بليييييييييييييييييز كلو يرد عليا ف موضوع الستاير المفروض اسافر بكره ان شاء الله عشان اتفق مع الراجل بتاع الستاير ادعولى وشاركونى

عشان مكونش مخالفة ايه احسن نوع استشوار للشعر وبكم ومنين؟

بصى ياقمر انا برضو كان عندى نفس المشكله لان شقتى معظمها استيل مفيش غير الانتريه اللى مودرن وانا برضو مش بحب الستاير البراقع دى خااااااااااالص وعملت ايه بقا ؟؟

نزلت من ع النت صور ستاير وبعدين حملتها ع الموبيل بتاعى ورحت وريتها لبتاع الستاير يعملى زيها وفعلا هيا دلوقت بتتفصل لو كنت جبتها كنت نزلتلك صورها
بس هحطلك الصور اللى انا جبتها من ع النت وعملت منها يمكن حاجه تعجبك وتفيدك
وربنا يوفقك







ودى تنفع لاوضة النوم تبقى مناسبه اوى



اوضة نوم برضو





وبس كده بالتوفيق ياجميله بس قبل ماتشترى القماش لو عجبك حاجه لازم تسألى بتاع الستاير القماش نوعه ايه ماتعمليش زىى وتجيبى قماش وف الاخر مينفعش التفصيله اللى انتى عاوزاها :cool::D

DodyCat;8790123:
شيكو مبروك يا قمر ربنا يتمملك على خير فستانك ومكياجك تحفه بسم الله ماشاء الله

بنات انا مش عاجبنى فساتين فرح خالص غير 2 فى نيفين البرى وغاليين قوى
واحد ب 4000 أول لبسه والتانى ب 2500
انا عايزة حاجه نضيفه فى حدود 1500- 2000 وماما بتقولى ده مبلغ كبير وعايزانى أشترى أو أفصل وانا مش عندى غبر شهر بالظبط
قولولى اعمل ايه؟

اية دة يابنات القايمة دى احنا مش بنكتب ادوات المطبخ كلها بالتفصيل الممل دة
هو لوازم مطبخ وادواتة ونجمع سعرهم وشكراااااااااااااااااااا

قولولى فى محلات لبس بيت فى شارع الهرم

zozokah;8795207:
حبيبتي ممكن تقوليلي احجز عند نانيس امتي انا فرحي في شهر 7 يعني احجز قبلها بقد ايه واحجز عن طريق مكتب الحفلات ولا عن طريق الصالون

لا عن طريق الصالون اللى جمب مكتب الحفلات والمكان حلو اوى بش صغير شوية مش كبير اوى يعنى بس واى استفسار انا موجودة

بنات سامحونى يوم الاحد ان شاء الله هبقى اكتبلكم كل التفاصيل عن ال5 قاعات بتوع دار الدفاع الجوى باذن الله عشان ورايا حاجات مهمة اوى بعملها كل يوم ومش فاضية والله خالص فا باذن الله وعد منى هكتبلكم وانا مش صورت غير والله الاوركيد من جمالها وحلاوتها بجد ولانها اشيك وانضف واكبر قاعة هناك

مش عارفة والله يابنات بالنسبة للقايمة

دي صورة كانت في الجزء اللي فات

بس باين بيختلف من عيلة للتانية



وبوسي كات

معلش الستاير اللي حاطاها حلوة اوي

بس اقدر اعرف فصلتي زي اي وحدة وبكام هياخد الخياط منك وتفاصيل الخياط ؟

totano;8793808:
ايزيك يا بنات لاقيت واحده بتعمل مكياج حلو وهي اسمها رضوي وبتيجي البيت
وانا حعملكوا اقتباس للكلامها من منتدي تاني
ازيكوا يا بنات انا خبيرة التجميل مصرية كندية اسمي رضوى عندي دبلومة من مدرسة لويولا في تورونتو كندا واخدت دورات في MAC, MAKEUP FOREVER ,L'oreal
انا بحب المهنة دي والمهم اني ابسط العروسة في كل حاجة انا باعمل الميك اب والطرحة اللي عايزه

الرد انا اسعاري 200 للمناسبة و450 للخطوبة و600 للفرح كلة شامل الطرحة وبروفا وكمان استشارة في نوعية الميك اب المناسب لبشرتك وباروح للعروسة في البيت او الاوتيل او الدار ياللو مستنية الرد وهحط شوية صور لشغلي


دول صورها الي منزلها
://www.3roos.com/uploder/uploded20080901/223888/11234451761.jpg[/IMG]
http://www.3roos.com/uploder/uploded20080901/223888/11234451761.jpg
IMG]http://www.3roos.com/uploder/uploded20080901/223888/11234452391.jpg[/IMG]


http://www.3roos.com/uploder/uploded20080901/223888/11234452391.jpg

www.3roos.com/uploder/uploded20080901/223888/11234452439
://www.3roos.com/uploder/uploded20080901/223888/11234452439

www.3roos.com/uploder/uploded20080901/223888/11234452478.jpg[/IMG]

www.3roos.com/uploder/uploded20080901/223888/11234452478.jpg


://www.3roos.com/uploder/uploded20080901/223888/11234452518.jpg[/IMG]

www.3roos.com/uploder/uploded20080901/223888/11234452518

انا ما اعرفش عنها حاجه بس ححاول اجيب نمرتها بس شغلها خفيف وحلو

...نوسي...;8798611:
مش عارفة والله يابنات بالنسبة للقايمة

دي صورة كانت في الجزء اللي فات

بس باين بيختلف من عيلة للتانية



وبوسي كات

معلش الستاير اللي حاطاها حلوة اوي

بس اقدر اعرف فصلتي زي اي وحدة وبكام هياخد الخياط منك وتفاصيل الخياط ؟

بصى ياعسل انا فصلت بتاع السفره زى دى بس الوان بيج فاتح منقوش ف بنى كاكاوى كده
بس خدى بالك ان الاورجانزا مش بينفع معاها لازم يكون شيفون



والانتريه فصلته حاجه زى دى بس لونها نبيتى ف دهبى وطبعا اللى فوق منقوشه نبيتى واللى ورا نصين نصها دهبى ونصها نبيتى بس ساده يعنى عكست المنقوش قدام والساده ورا وعملتها بعرض الحيطه كلها مش بس على اد البلاكونه


بالنسبه للاسعار الراجل اخد منى على متر القماش 4 جنيه والقماش حوالى 22 متر قماش لانى عامله بعرض ا لحيطه كلها بالاضافه لانى مزوده ف عدد الامتار عشان يدى كشكشات كتير

القماش بقا نزلت الازهر ف التربيعه بتاع القماش هناك اقمشه جميله اوى جبت من هناك الشيفون والاورجانزا الشيفون الساده ب 15 جنيه والاورجانزا المنقوش ب 15 والساده ب 10
بالتوفيق ياقمرايه (f)(f)

bocy.cate;8798900:
بصى ياعسل انا فصلت بتاع السفره زى دى بس الوان بيج فاتح منقوش ف بنى كاكاوى كده
بس خدى بالك ان الاورجانزا مش بينفع معاها لازم يكون شيفون



والانتريه فصلته حاجه زى دى بس لونها نبيتى ف دهبى وطبعا اللى فوق منقوشه نبيتى واللى ورا نصين نصها دهبى ونصها نبيتى بس ساده يعنى عكست المنقوش قدام والساده ورا وعملتها بعرض الحيطه كلها مش بس على اد البلاكونه


بالنسبه للاسعار الراجل اخد منى على متر القماش 4 جنيه والقماش حوالى 22 متر قماش لانى عامله بعرض ا لحيطه كلها بالاضافه لانى مزوده ف عدد الامتار عشان يدى كشكشات كتير

القماش بقا نزلت الازهر ف التربيعه بتاع القماش هناك اقمشه جميله اوى جبت من هناك الشيفون والاورجانزا الشيفون الساده ب 15 جنيه والاورجانزا المنقوش ب 15 والساده ب 10
بالتوفيق ياقمرايه (f)(f)

ماشاء الله زوقك حلو اوي

ستارة السفرة بتاعتك نفس اللي فكرت فيها ووحدة من اللي عجبوني اوي

وكويس انك نبهتيني على موضوع نوع القماش لحسن انا كنت بفكر انه اورجانزا

وياريت تقوليلي فين الخياط ده

وربنا يهنيكي بحاجاتك يااااااارب ويسعدك يابوسي ^_^

flower20009;8798813:

دى رضوى رشوان اللى عملت لبنت خالتوا اللى منزله صور فستانها

هى فعلا ماشاء الله شغلها حلو جداااااااااااااااااااا وزوق جدااااااااااااا وبتريح العروسه يعنى عملت قبل الفرح بكام يوم بروفه لبنت خالتوا حاجتين وقالتلها شوفى انهى احلى ليكى ومرتحالو واعملهولك وماشاء الله طلعتها ملكه
معايا لينك الجروب بتاعها عالفيس بوك
ونمرها
بس اللى اعرفوا انها سافرت كندا فى شهر 10تقريبا وقالت هترجع فى شهر 1ان شاء الله

ودى صور لشغلها بردو

ودى بنت خالتوا

besannnn;8792751:


يا بنات لو حد يعرف شيالة الصابون دة ممكن اجيبها منين يقولى ضرورى

انا اموت واعرف دى شياله صابون ازاى؟

اشرى;8794270:
ازيكم يا بنات اخباركم اية وحشتونى اوى بقولكم بقا انا هقبض جمعية 10 /3 تفتكروا لبس البيت الشتوى هيبق لسة موجود ولا لا بجد افيدونى عشان انا لسة ابيض يا ورد فى لبس الشتا

hi ya banateet

lebs elbeet elsefy 7ayenzel 3ala awel shahr 3 ensha2 allah
la2en 7atta law bassety now 7atla2y kol el7elw etshal w fadel bs el7agat elly fadalet fil sale

shayyalet elsaboon elly bets2alo 3anha 7atla2ooha fi ma3ared cleopatra

w begad heyya di el ayma elly btetkatab?????
ana mondahesha mooooooot

بصى يانوسى ياعسل انا من بنها واللى عملى الستاير من بنها من عندى لكن انا معرفش حد ف القاهره واللهى

لو تحبى تعرفى مكانه انا تحت امرك (f)(f)

شيكـ SHIKO ـو;8800104:
برنسيس ميرو او اى حد من البنات ياريت تردوا عليا انا كنت منتسبه للمجموعه بتاعه كلام بنات ودلوقتى جايه ادخل قالى انى مش منتسبه ليها ممكن بيلز اعرف ايه اللى حصل ؟ انا اطردت ولا اييييه ؟:(

[FRAME="15 70"]
هاى ياجميلة والف الف مبروك على الخطوبة كنتى زى القمر وانتى مش اطردتى ولا حاجة بس كل الحكاية ان كانت فية مجموعة واتلغت وعملنا واحدة تانية ادخلى عليها واطلبى طلب انتساب وهتدخلى بعد ما يتقبل طلبك ؟؟؟؟
سؤال بقى يابنانيت كان من فترة كدة نزلت ماكينة براون اسمها مجموعة العروسة بس مش عارفة اجيبها منين اللى اتخايل بيها يقولى فين وكانت بكام ضرورى يابنات :):)(f)(f)(f)
[/FRAME]

mishmish2010;8795318:
ممكن يا قمر توصفلى المحل ده فين واسعاره اخبارها ايه انتى قلتى قبل كده انه ارخص من محل سترس ممكن تقولى الفرق ده قد ايه والفرق ده بعد التخفضيات اللى شغاله يعنى وشكرررا وربنا يجزاكى الف خير ويوفقك فى حياتك ويرزقك بالزوج والذريه الصالحين

انا والله كتبت المكان بالضبط فين من كام مشاركه هو عموما في المنطقه ال قبل سبينس في سيتي ستارز عند الحته ال فيها كام كافيه والنافوره والاسعار بتفرق من 25 جنيه لحد 100 عن المحل التاني بس في اللبس التنكري بس لان هو مش بييع لانجيري عادي