اااااااااه خيانة زوجي من 4 سنين لين اليوم

هلا غناتي

أنا متابعة موضوع وادعالج بس بغيت اطمن عليج طمنينا الله يخليج

تقبلي مروري

اللي سويتيه عين العقل
ويمكن الله مب رايد لج الحمل لكنه لانه مايستاهلج وكلي امرج لرب العالمين واللي فيه الخير بيصير ورب فوق كل ظالم لاتنسين انه زاني وهذا عذابه عند ربالعالمين موشوي
الله يعوضج خير حبيبتي

ان شاءالله ربنا يهدي زوجك وترجعو لبعض ويتعلم درس هالمره

طمنينا عنك

حبيبتي انتي لاتطلبين الطلاق ,,, اظن انو فضيحته عند اهله واهلك درس كبير له بدون ماتطلبين الطلاق ,,,

وكمان انتي شوفي الوالد الله يخليه لك اش يقول وايش رايه في هاذا الموضوع لان الكبار يفهمون في

الموضيع هاذي اكثر مننا ,,,

الله معاكي ,,,

سوري على الكلام الي بقوله لك

بس وش تبين في هالزباله

وربي انه مايستاهلك

انتي بنت ناس وبنت رجال صابره عليه 4 سنوات

واحمدي الله انه مارزقك منه عيال

تطلقي منه وربي يرزقك بولد الحلال المحترم الي يخاف الله في نفسه قبل لايخاف الله فيك

لاحول ولا قوة الا بالله

جزاكم الله الف خير
المهم اخوي يلس وياه ورمسه واتفاهمو وريلي اتعرف بغلطه واتاسف لاخوي وقال مابيعيدها
وبعد طلعني انا الغلطانه قال ليش هي تطلع من البيت بدون شوري لاني انا ظهرت بدون ما اقول من الحره والقهر الي فيني اتصل لاختي وخليتها تاخذني وبعد ما ظهرت طرشت له مسج اني سايره بيت ابوي
والحينه من يومين اخوي اتفاهم وياه
بس هو ما اتنزل واتصل فيني يعتذر ويتاسف لي ولا شي ولا حتى بمسج
يعني شو معناته هذا
عناد ولا شو؟
ويعني هو الغلطان هو المفروض يتصل مب انا
ويمكن انا غلط ليش اني ظهرت بدون ما خبره لكن هو الغلط الي سوا اكبر من جي بوايد
بس انا كرامتي ماتسمحلي اني انا اتصل به او ارجع هو لازم اييني ويعتذر لي وبوس راسي بعد
كــــــــــــــــــــــــــلامي صح ولا انا غـــــــــــــــــلطانه؟

اكيد انتي صح....
شوفي لا ترجعين لها الا لما يراضيك لا برضاوه بعد
نشفي ريجه شوي خليه يحس على دمه

كلامك صح يا اختي
لزم هو لي يعتذر لك ويطلب منك تسامحيه
لأنه جرح كرامتك
الله يصبرك يا اختي

ويكون في عونك ويفرج همك وغمك

يارب ويسعدك

معليشي
طالما اعترف بذنبه لأخوه
معناها مستحي على وجهه ومو قادر يتصل
صبري انتي وانشالله يتصل
وامهم مو بس انه يتصل
الهم انه ما يعيد الغلط مره ثانيههذا لازم يكون شرطك
لازم تخليه يخاف
هدديه انه لو سواها مره ثانية انك مستحيل ترجعي له


وانشالله ربي يهديه يا رب

والله ما اعرف شو اقولج

بس صدق الله يعينج

والله يكتب لج اللي فيه الخير

جزاكم الله الف خير على ردودكم
ويارب اتفرج همي
اللهم سخر زوجي لي كما سخرت البحر لموسى عليه السلام
اللهم اني استوعدتك قلب زوجي وسمعه وبصره وفرجه يامن لاتضيع لديك الودائع
اللهم حصن فرج زوجي من الزنا
اللهم الف بين قلبي وقلب زوجي كما الفت بين قلوب عبادك
الله حبب زوجي فيني وقربه الي وكرهه باي بنت غيري
الله لاتجعل لزوجي حضا في نساء غيري وجعلني الزوجه الوحيده له
الله ثبت قلب زوجي على الايمان وعلى طاعتك يا ارحم الاراحيم

دعواتكم لي بنات

ما عليه اختي
ان شاء الله اهلج بيحلون المشكلة
زانتي الجاي لربج وصلي قيام الليل وادعي له

ربي يسخره ويهديه لج يارب

الله يسمع منج الغاليه

تصرفج صح وكلامج صح بس لا تروحين له الا اذا ياج واعذر منج وانتي لاتروحين بسهوله حطي شرط قولي انا برجع بس بشرط انك ماترد حق عاداتك القديمه وتترك عنك البنات وغيره ...واشنالله الله يهديه ..

انا لو مظرحك باطلق
انا والله ما باضلك لكن امثال هذا الشخص لا اقول ميئوس منه ولكن الله يهديه لنفسه وانتى الله ييسرلك مع الاحسن منه

الله أكوووووووووووووووون في عونج حبيبتي
والله انج قطعتي قلبي
حسب الله و نعم الوكيل على كل خاين

طمنينا عليج حبيبتي شقالج اخوج

وربي قلبي اتقطع بس البنات هم وراء الرجال والله
بس صراحه عجبتيني يوم سبيتيها ورحتي لبيت اهلك وارسلتي لزوجك امسج ان شاءالله يحس بالغلط ويتحسن يااارب

ماشاء الله عليك صبرك كبير الله يعوضك خير,هو ماعليه حسوفه,خلي الرجال يتفاهمون معه ,وبالنسبه لاتصاله اساساهو ماله وجه وقبل لاترجعين له خليه يحلل واذا ثبتت سلامته خيريه بين ماضيه الاسود وبينك,ولاتتهاونين وتضعفين,صبرك عليه كل هالسنين دليل ع محبتك الزايده له رغم خيانته الكبيره لك.