اااااااااه خيانة زوجي من 4 سنين لين اليوم

الحمد لله ربي يحبك احسن من انك تكتشفينه بعد عمر واعيال احمد الله والله يعوضك برجل يقدرك ويحبك
بالتوفيق

اختي الله يفرج همج واستخير ربك قبل ماتتخذين اي قرار وان شاء الله ربي يوفقك في حياتك

الله يعينك نصيحتي لك صلي صلاة الاستخارة و وكلي امرك لله

الله يسمع منكم
بس انا اليوم متردده ماعرف اخلي اخوي يرمسه بالموضوع ويوقفه عند حده ولا اخليه يطنشه لين ماهو ايي بنفسه لي
لانه اخوي رايح بوظبي الدوام فقال وانا رايح الدوام على دربي بمر وتفاهم وياه واذا مايا بالطيب بنتصرف وياه تصرف ثاني
ماعرف محتاره اخاف يقول نحن نركض وراه مب نحن نبا نوقفه عند حده
شو رايكم اخليه يرمسه ولا لا؟

الله فكّج منه ..والله يعوضج خير ..

والله يوفقج..

اختي من رأيي ان أخوك يروح له ع الاقل تعرفون راسكم من رجولكم وما تقعدين معلقة لا طايلة سما ولا ارض

وعاد يشوف رده فعله ايش وعلى اساسها ممكن تتصرفون .. المسألة ماهي مذلة الموضوع حساس وخطير

جدااااا وما ينسكت عليه واذا اهو بيسكت انتو لا تسكتون

ربي يصلح الامور

ياااااااااااااااااااااااارب يسر لي اموري
يارب سخر لي زوجي كما سخرت البحر لموسى عليه السلام
اللهم اني استودعتك قلب زوجي وبصره وسمعه يا من لاتضيع لديك الودائع
اللهم الف بين قلبي وقلب زوجي كما الفت بين قلوب عبادك
يارب تهديه الى الطريق المستفيم وبعد عنه بنات الحرام
اللهم ثبت قلبه على الايمان وعلى طاعتك يا ارحم الراحيم
ياااااااااااااااااااااااااااااااااااااااارب يا مغيث اغثني
ياااااااااااااااااااااااااااااااااااااارب يا مغيث اغثني
ياااااااااااااااااااااااااااااااااااارب يا مغيث اغثني
دعواتكم لي بنات في ظهر الغيب والله اني محتاجه ولو بدعوه وحده بس اتكون من القلب

اللــــــــــه يكون في عونك اختي و
يكون في عون الجميع

ياااااااااااااااااااااااارب يسر لي امورها
يارب سخر لها زوجها كما سخرت البحر لموسى عليه السلام
اللهم الف بين قلبها وقلب زوجها كما الفت بين قلوب عبادك
يارب تهديه الى الطريق المستفيم وابعد عنه بنات الحرام
اللهم ثبت قلبه على الايمان وعلى طاعتك يا ارحم الراحيم
ياااااااااااااااااااااااااااااااااااااااارب يا مغيث اغثها
ياااااااااااااااااااااااااااااااااااااارب يا مغيث اغثها
ياااااااااااااااااااااااااااااااااااارب يا مغيث اغثها

بارك الله فيكم
والله يسمع منكم

هلا اختي انا متابعه حق موضوع ..وانشالله يا ربي الله يهديه ويترك بنات لبليس عنه ...

اخوج كلم زوجك .....؟؟؟؟؟وصار امبنهم ...؟؟؟؟

الله يهــديه .. ان شاء الله

اللهم عظمها في قلب زوجها واجعلها ماء عينه ودم قلبه ودفىء حياته وقرة عين له ..
واجعله ماء عينها ودم قلبها ودفىء حياتها وقرة عين لها ...
وأسعدها ولا تشقيها معه ياااا أرحم الراحمين ....

شو تبغي فيه اخ زباله ........سيري سوي فحوصات......الحمدلله انج ما حملت منه........و احسن شي تطلقي منه.......هذا آفه و العياظ بالله

منى ............... خلي ثقتج برب العالمين كبيره

بالعكس جاهدي بكل ما تقدرين عليه

أحس انج تقدرين تغيرينه ...... وانا واثقه ان حياتج بتتبدل

ما في انسان ما فيه ذرة الخير كل انسان حتى الظالم بتلاقين شي زين فيه

وهذا ريلج وانتي تقولين انه طيب أكيد فيه الخير

ادعي واااااايد من قلبج ان يبعده عن الحرام

هالفتره لو طولت اربع سنين بعد تقدرين لان عندج سلاح

والدعاء سلاح المؤمن

لا تقنطي من رحمة رب العالمين

عليج بقيام الليل وخلي كل همج ودعائج ان الله يصلحه ويهديه

عندج بين الاذان والاقامه الدعاء مستجاب

يلا شدي حيلج

أما الطلاق ما انصحج أبدن

والله يعينج سوي هالشي لأجرج وانسي جرحج

حبيبتي الله يعينج صدق قهر :( والله احساس كريه اربع سنين وانتي ما ذقتي راحت البال.... الله يعينج ويهدي ريلج ويوفقج ان شاء الله واذا ما كملتي وياه الله يعوضج بواحد احسن منه يحبج وداريج يا رب العالمين ...وما فيه زي الاستخارة وربي بيرتب كل امورج..

شلون تحملتين تواصلين معاه بعد المرض اللي جا لك منه اليوم ثواليل مهبل وبكره ماادري شنو



ابتعدي عنه مابينفعك بشي اذا مرضتين على حسابه وابو طبيع مايجوز عن طبعه



عطيتيه فرصة واجد كفاية 4 سنين الله يساعدك