عباية الراس موضوع شاغلني من زمان تعالو سمعوا مواجهاتي بيني وبين نفسي وساعدوني
زهرة اللافندر
02-02-2009
69 رد
22,806 مشاهدة
السلام عليكم ورحمة الله وبركاته
بنات شرايكم بعباية الراس ؟ ودي البسها لعدة اسباب:
1-عباية الكتف تفصل الجسم شوي 2-[COLOR=magenta]قمنا نتماداى بموديلات العباية ابتدينا بالزخارف الناعمه على اليد:Dكملنا شوي على الصدر:eek: وختمناها بالظهر:rolleyes: لحد ماوصلت وصارت كانها فستان سهره 3 -ولو تلاحظون حتى الحريم الكبار والامهات فقدو شوي من وقارهم وحتى البنات اعذارهم صارت سخيفه وانا منهم للاسف هههه العبايه هاذي ناعمه للسوق وهاذي ثقيله للسهرات مو للسوق طيب انتي مراح تركبين مع السايق والسايق هذا مو رجال؟؟؟؟ اوكي قلنا بيوصلك حد من محارمك !!!مراح تنزلين الشارع معقوله محد بيشوفك؟؟؟؟؟ امممممممم بس انامتردده لان محد من اهلي لابسها مع ان كلهم محتشمين ومنقبين بس عبيهم كلها على الكتف... وانا للحين ما تزوجت بس على وجه زواج وخايفه ألبسها واتراجع ويصير شكلي مو حلو قدام الناس وابين انسانه متقلبه تحاول لفت الانظار...وخايفه البسها مع ان زوج المستقبل ماعتقد بيطلب مني هالشي بس انا من نفسي ودي البسها بس متردده من شغلات معينه يعني مثلا انا اخاف اطلع مع زوجي هو كاشخ وجاخ حده والبنات يطالعونه ويمكن هو يطالعهم وكلنا عارفين الدنيا مافيها امان خخخخخ والبنات كل وحده فاتحه شيلتها والرقبه طالعه وحاطه قوطي نيدو:mad: فوق راسها ومشغله الرادار وتدور لها صيده :BANNED2: وعلى بالهم انا حرمه كبيره او ماتعرف تلبس وتكشخ وتدلع مثلهم ويتمون يطالعونه وانا الثقه في لحظتها صفر خخخخخخخخ ((احنا عندنا عباية الراس اكثر شي بقطر للحريم الكبار وفي بنات يلبسون بس يعني الاغلب عباية كتف)) وتعرفون بنات ابليس شيسوون اذا شافو الرجال كاشخ مع مرته(6) الزبده من هالموضوع ابيكم تنوروني وبشنو تنصحوني لاني شوي احس نفسي ضايعه وابي اتخذ القرار الصح في الوقت الصح وما اتراجع عنه وقولو لي من فيكم متعوده تلبسها من زمان ومن اللي زوجها جبرها تلبس ومن فيكم البستها من نفسها ومن فيكم مو مرتاحه او مقتنعه فيها؟؟؟؟؟؟؟؟؟؟؟؟؟؟؟؟؟؟؟؟[/COLOR]
مع حبي زهرة اللافندر من قطر
[GLOW="000000"]
حبيبتي من وجهة نظري
إذا كانت عباية الكتف مش ضيقة والرسومات فيها بسيطة
وألوانها مش فاقعة
بتكون عادي وماراح تلفت إنتباه أحد
ترى حبيبتي حتى عباية الراس الحين بعض البنات الله يهديهم مسوينها أضيق من عباية الكتف
وتعالي شوفي الزخارف مهرجان مو عباية
أهم شي تكونين ساترة نفسك
والقرار يعود إليك
تحياتي
[/GLOW]
أختي المرأة هي اللي تتحكم بكشختها ولو كانت بعباية رأس
انا عني شخصيــاً ومتزوجة توني البس العبايتين لي على الكتف وزوجي أبداً ماأجبرني على لبس عباية الرأس
بس مرة قال لي بصراحة بس لاتزعلين انا ماأفرض عليج بس أحب اذا تكوني وياي وعليج عباية رأس .. نفسياً أرتاح
انا أنفذ له رغبــته وألبسها بدون مااحسسه انه طلب مني هالشي وألبس بعد عباية كتف
بعد الأماكن لما نروح للبر او للبحر تحتاجين عباية كتف عشان تتحركين أسرع
انتي سوي الشي اللي انتي تحسينه بترتاحين عليه غاليتي
وحتى عباياتي الكتف ماأسويها ضيقة ولااخليها فيها زخارف تلفت الأنظار شي بسيط يعني
ومن وجهة نظري البنت الكشخة كشختها لزوجها مو للطريق
وايد ناس يتكشخون برع بس في بيتوهم ولاشي
يعني انتي تقدرين تتكشخين وان كنتي بعباية رأس بحيث ان تختارين نوع العباية فخمة وقماشها حلوو
والملابس اللي تلبسينها من تحت العباية تكون ذوق وبهذا تكونين كشختين بعد مو كشخة
والرأي الأول والأخير لج
عباية الرأس اللي تنلبس كاملة وتكون ساترة من الرأس للقدم
انا مع رايي اختي بحرينيه وافتخر
انا طول عمري البس على الكتف بس لما تزوجت اكتشفت انه زوجي يحب عبايه الراس لدرجه مره قال لي هو مره لما كان خاطبني قبل مايملك تقابلنا في السوق يقول انا كنت دايم متخيلك بعبايه على الراس لما شفتك على الكتف تمنيتك لو لابسه على الراس يوم مالبس على الراس معاه انواع الدلال والدلع يقول يعجببببني شكلك مع انه زوجي منفتح ومو من النوع الي يدقق علي
ههه لدرجه ماعنده مانع البس على الراس واكشف وجهي عبايه الراس هوسه وجنانه
هلا أختي
مع ان ما فيني أزيد على كلام بحرينية و أفتخر بس اللي احب اقوله أن ياما في ناس بعباية راس اكشخ من ناس بعبايات كتف.... و اللي مرتب مرتب لو شنو لبس بس فصليها مرتبة و خليها لافتج زين يعني مو ضاغطة و تفصل جسمج بس يعني انها تكون حواليج لا تطيريها... مو عارفة أشرح بس يا ريت تكوني فهمتي... و اذا على الخوف من راي الناس اللي ممكن يناظرونج مع زوجج أقول شيلي هالكلام من بالج ما لهم دخل فيج و لا لج دخل فيهم .... كل واحد ينام ع الجنب اللي يريحه...
عندنا في البحرين عــــــــــــــادي ان البنت تنوع بين عباية الراس و الكتف يعني مثل ما قالت أخت بحرينية و أفتخر انها تخلي عباية الكتف للطلعات اللي تتطلب حركة و حط و شيل فالوحدة مننا تحس حالها راح تكون أستر لو لبست عباية الكتف.... بس عني أنا زوجي يرتاح لعباية الكتف يمكن لأنها أرتب علي و عملية أكثر بس انا ارتاح علي عباية الراس أكثر ....
في النهاية القرار لج ...... و عادي لو جربتيها يعني و اعلمتي اللي حواليج انها تجربة ... و اذا ارتحتي عليها راح تواصلي و راي زوجج طبعا مهم.......
كلامك ده معناه ان ضميرك مأنبك من عباية الكتف(y)
اعملي اللي يرضي ربك مش الناس ولا زوجك
عليكي بعباية الرأس فهي استر للبدن و تكون بدون زينة
واذا كنتي خايفة على زوجك من البنات سويله في البيت اكتر منهم بس خارج المنزل الزمي شرع الله
و عندنا في مصر البنات الا من رحم ربي افظع بكتيييييييييير الله يهديهم:mad: و الحمد لله انا لابسة عباية رأس و نقاب و حتى عيني ماتبان :cool:الحمد لله بس في البيت بعوض زوجي :) لبس,ماكياج,........:o:D
و ربي يوفقك للخير(f)
اها
ده الاسدال عندنا فى مصر .....بس عندنا منه كل الالوان وشيييييييييك موووووووووووت
بصراحه البنات هنا يحببوكى فيه من شياكتهم .........
طيب ماتلبسيه وتجددى فيه مع الاحتفاظ بالشكل الاساسى بتاعه .....
او انك تشترى عبايات مش مترزه قوى يعنى ولا لازم تحطى علبه نيدو على راسك وخلاص زيهم تاعبه نفسك ليه بس؟:D
كوني الملكه ..بعباءة الرأس...فالتاج لايوضع الا على الرأس................(( العبايه ستر وليست زينه )).................اتمنى لي ولك الهدايه......
شوووووووفي اختي عباية الراس ستر واحلى شي وتاخذين راحتج فيها وتحسين انج مميزة فيها عن غيرج بس يبي لها عزم ونية صادقة وقناعة انك تلبسينها مش تخلعينها وعباية الكتف تقدرين تفصلينها وسيعة وسادة وماتلتفت النظر
آ
آمنيتـيٌ آلحَـمـل
عروس ماسية
02-02-2009 | 08:22 PM
حبيبتي لا تفكري بمنظرك قدام الناس
انا عن نفسي كنت البس عالكتف
بس قبل 6 اشهر اشتريت عالراس عشان اصلي فيها
وشافها زوجي وعجبته وسار مايخليني البس غيرها مو غصب بس تعجبه اكثر
واهم شي انك تكوووني مقتنعه فيها
انا البس عباة الراس وريلي تعجبه
ويستحقر اللي يلبسون عباة الكتف
لان وحدة من الف اللي ما يبين شكل صدرها واكتافها
وما دون ذلك مما يستقبح ذكره ...
واذا بتابعين الناس ما راح تعيشين بسلام
ورود الاحساء : شكرا على ردك وكلامك حلو ان الشخص هو حر بنفسه
بحرينيه وافتخر: كلامج صح بس انا اشوف ان العبايه الواحد لازم يلتزم فيها يعني ما ينوع في هذا الشي مره كتف ومره راس لان الموضوع في نظري مافيه واحد اثنين لاني انا ابي التزم فيه صح...وانا على فكره انا عمري ماشفت ان البنات اللي يلبسون عبايه على الراس ما يعرفون يلبسون ويكشخون بس انا اتكلم عن نظرة الناس والزوج احيانا بعد لان انا اجهل شنو تفكير زوجي هل بيشوف هالشي حلو وبيستانس او بيشوفه شي مب حلو وفي النهايه اصلا انا لو اتخذت القرار ماعلي من الزوج او اي شخص بالعالم بس هاذي مجرد مكنونات داخليه في نفسي
حنين اللقاء :شكرا على اضافتج لرد بحرينيه ورايج عجبني وصح ممكن انا اجرب الموضوع لفتره بس اشوف واحط اعلان ههههه لهلي اني بس اجرب هالشي مؤقت ولو حسيت بثقه اكمل حلوه فكرتج عجبتني وايد مشكوره يا قلبي
moura88: بصراحة شجعتيني بكلامك الحلو اللي زي العسل شكرا جزيلا
افروديت:احنا في بيئتنا الخليجية اللون السائد هو الاسود وباقي الالوان تعتبر شئ ملفت يعني في مصر ممكن البنت تلبس ملابس ملونه لانه شئ سائد في البلد ولكن في الخليج يعتبر شئ ملفت للنظر وبخصوص علبة النيدو ههههه انا اكره هذا الشي لانه من تزيين الجاهليه الاولى وضحكتيني انك ركزتي على هالنيدو ....على فكره انا متابعه كل مواضيعك وبحبك أوي في الله واتمنى لك التوفيق وادعي لك على طول
تكتكه: بصراحة كلامك عين العقل وحلو يدل على تفكير صاحبته اتمنى انكون انا وانتي ممن يطبق هذا الكلام امين يارب العالمين
منية الخاطر: كلامك منطقي وحلو وانا بعد احس ان عباية الراس في رحه نفسيه وجسديه شكرا حبيبتي على ردك الحلو
موني: شكرا على ردك وان شاء الله يعطيني زوج مثل زوجك تعجبه هالعبايه وربي يستر عليك ويسعدك
دموع اليتيمة:زوجك يستحقر هالشي لانه اعلم بما ينظر له الرجال بالنساءوبطريقة نوعية هذه النظره اللي احنا الحريم ماندري عنها شي هههه
انا البس عباية الراس لان زوجي شرط علي قبل الزواج عباية الراس و النقاب و القفازات ووافقت
تصدقين زوجي يقول ان الوحدة بعباية الكتف يعتبرها عارية استغفر الله
و هذي نظرة الرياييل للحريم
عشان جذي الله فرض الحجاب
تدرين امس كنت في مكان عام
و كنت بحجابي الكامل الحمدلله كالعادة
ولا قاعدة وحدة بمكان قريب مني لابسة بنطلون ضيق و لبس فااااااااااااااااضح و شعرها اشششششششقر
و كان فيه ريال و قلت بقلبي سبحان الله صج فرق هذي كلشي مبين و انا احاول اتغطى كثر ما اقدر و احس مو كافي
انا ما افتخر بهالشي بس اقول عسى ربي يتقبل مني و دايماً اكررها
و تدريا انا اهلي كلهم سفوووووور لاقصى حد
وانا الكائن الغريب ساعات احس اني يايه من الفضاء لان شكلي مختلف تماماً
الي حافه حواجبها و الي تلبس تنانير فوق الركبة و الي بنطلونها ضيج و بلوزة ضيجة قصيرة
لا و بعد متزوجات و ازواجهم عادي مو هامهم
سبحان الله
ازواج يخافون على زوجاتهم من نار جهنم
و ازواج مو فارقة معاهم
انزين الوحدة ما تخاف تموت؟
ما تخاف اييها ملك الموت و اهي مطلعه كل زينتها للرجال الاجانب و مرتكبة امور تأدي الى اللعن و عايشة حياتها عادي تاكل و تشرب و نااااام!!!! شلون تقدر تنااااام؟؟؟؟
سبحان الله
اختي كلنا راح انموت في يوم من الايام
بس في سؤال
شلون تحبين ان تلاقين ربج؟
بعباية الكتف و لا الراس؟
اذا الراس لبسيها الحين و لا تنطرين و لا يوم
و الله يوفقج و يباركلج
عبايه راس اكيييد احسن واستر
بس بعضهم تخصرهااا وتتطرزهااا
وتصير مولفته
عبايه الراس استر طبعا وافضل
بس المهم تلبسيها وانتي مقتنعه فيها ما تكون حاله مؤقته وتملي منها وتندمي
ربنا يهديك ويهدينا
السلام عليكم ورحمة الله وبركاته
ربنا يوفقك حبيبتي ويعينك على طاعته
أهم شئ غاليتي ان ملابسك تتضمن الحجاب الشرعي
ونقلت لكِ شروط الحجاب الشرعي
شروط الحجاب الشرعي
أختي المسلمة:
اعلمي أن أهل العلم قد بينوا شروطا للحجاب ثمانية.. فاحرصي على حفظها والعمل بها.. وهي كما يلي:
أولا: أن يكون الحجاب مستوعبا لجميع البدن بلا استثناء، فالوجه والكفان، والقدمان، والذراعان من العورة التي يجب سترها.
ثانيا: أن لا يكون الحجاب زينة في نفسه، كأن يكون مزخرفا أو ملونا بألوان ملفته أو منقرشا بخيوط فضية أو ذهبية أو غيرها.
ثالثا: أن يكون صفيقاً متيناً ولا يكون شفافاً.
رابعا: أن يكون واسعاً فضفاضاً غير ضيق فيصف شيئا من جسمها أو يظهر أماكن الفتنة في الجسم أو يلف عليه فيجسم الصورة ونحو ذلك.
خامسا: ألا تكون الثياب مبخرة أو مطيبة أو معطرة.
سادسا: ألا يشبه لباس الرجال
سابعا: ألا يشبه لباس الكافرات مثل أن يكون قصيرا أو عاريا.
ثامناً: ألا يكون ثوب شهرة لقوله صلى الله عليه وسلم: " من لبس ثوب شهرة في الدنيا ألبسه الله ثوب مذلة يوم القيامة ثم ألهب فيه ناراً" رواه أبو داود.
(راجعى أدلة هذه الشروط في كتاب " من أمرك بالحجاب " " نشرة الحقيقة " وكتاب " عودة الحجاب "/ الجزء الثالث).
ملحوظة أختي الحبيبة كتاب عودة الحجاب للشيخ محمد إسماعيل المقدم
إن شاء الله أختي متى استفيت هذه الشروط يكون حجابك كاملاً بإذن الله