عباية الراس موضوع شاغلني من زمان تعالو سمعوا مواجهاتي بيني وبين نفسي وساعدوني

صــــرااحه عبااية الراس اريــــح واستـــــر ،،
ومااعليك من النااس سووي اللي يريحك ويرضي ربك ،،
"احلى ملح "
مااشـــــااء الله عليك ،،
الله يثبتك ياارب ،،

جربي تلبسين عباية الراس واذا ما ارتحتيله لبسي عباية الكتف...مو معناته اذا تلبسين عباية الكتف يعني تلفتين انتباه...بالعكس مب لازم تسوين زخارف و حركات انا عن نفسي افضل العبايات اللي بدون حركات

أحلى ملح: كلامك وصل ---------> هنا :15:احس العبره خنقتني وانا اقرى كلامك يارب يثبتك على اللي انتي فيه ويعطيني قوة ايمان مثلك والله انك شجعتيني كثير وخاصه انك بين اهلك وحاسه نفسك غير ومصره وملتزمه ماشاء الله تبارك الرحمن والله اني اغبطك على النعمه اللي انتي فيها

أموره وفرفوره: شكرا على وجهة نظرك

NaaaN: كلامك صح

مسلمة موحده : جزاك الله خيراً انا بصراحة ارى ان عباءة الرأس هي التي تستر جميع البدن بدون استثناء وتعطي وقار للمراه وتكون مبمثابة الحماية لها من تحرشات الرجال ونظراتهم
deem:شكرا على وجهة نظرك
لمعة عين: شكرا على النصيحة

انا البس الثنتين و تراني مو كبيره بالسن يعني :)

بس حق طلعات سريعه او معاي ولدي او مطعم اسهل لي عبايه الكتف

في مناسبات مثل العيد صباح العيد او اذا بروح خلف فألبس عبايه راس

وبعدين انتي تقدرين تتحكمين بالموديل يعني تقدرين تسوين عباي الكتف من غير خرابيط و واسعه بشكل مرتب

انا اسويهم وساع قصه الكلوش كلش ماتفصل الجسم بالعكس استر لي من عبايه الراس احيانا لاني ساعات اتحرول بها او تتبطل و يبين شنو لابسه مثلا يعني شغلانه

موضوع جميل
انا اهلي او البنات اغلبهم في عيلتنا يلبسون على الكتف
بس امي واختين كبار لي يلبسون على الراس بشكل مهيب ومحترم يعجبني جدا
وانا حاولت وحاولت ان البس على الراس لدرجة اني فصلت وحده
ويوم لبستها انواع الاستهزاء والتطنز ماادري ليش؟
يقولون مولايقه عليك نحسك مو انتي
المهم لبستها مره ومرتين وبعدين ركنتها في كبتي واذا بغيت اروح مشاوير قصيره مثل المستوصف
يعني اماكن مافيها حركه ومشي البسها لان في سبب ثاني بعد يخليني ما اميل لها
احسها تسحب راسي على ورا ماادري كيف اشرح بس احسها تعور كتفي لان كل شوي اعدلها اخاف تطيح
وانا وحده الله لا يبلاكم عندي الشقيقه ومااتحمل اى ضغط او اجهاد على راسي هو انا اصلا يوم البس
العبايه واحط غطوه او لثمه احس بصداع ومااصدق متى ارجع للبيت بس شسوي بعد
فتح الوجه عيب جدا عندنا لازم خمار او نقاب.
تحياتي

امممم ^^
آنه حاليـ ـاً البس عباة كتف و ماني مرتاحه لها !
و دايماً افصلها عماني و ساده ما فيها شي بس هالمره ابي افصلها غير
و مره جربت دفه الراس
و ارتحت عليها , و كان احساسي فننن يعني حسيت براحه
بس المشكله اني ماعرف اتصرف و انه لابستها
الاسهل عبايه الكتف بس الافضل عبايه الراس

وو أتمنـ ـى من كل قلبي ان الي بياخذني يطلب مني إني البس عبايه راس لاني مابي البسها مني و من نفسي لوول :D
ادعي لي خيوو
و الله يوفقج

هلا حبيبتى

انه رائيي من راي بحرينيه

البسي ونوعى بين الاثنين

ولبسي عباه الكتف بس خليها تكون واسعه وما فيها نقش وزخارف خليها سوده كامله ووسيعه

وعباه الراس بعد يعنى مره جي ومره جيي

والله يااختي
عن نفسي البس الاثنين
عباية الراس البسها غالبا وارتاح فيها اكثر احس روحي مستره فيها ومحد يقدر يطالعني

والبس عباية الكتف مع انها مو مطرزة ولا شي عادية
بس غالبا احس روحي مو مرتاحه فيها واحس الكل يطالعني
يعني مخلتنها للطلعات الي فيها حركه

ترى لاتفكريني ام او جده
توني صغيره في المدرسه ((خخخ))

أنا بقول لج قصتي مع عباية الراس لبستها وانا بنت وبعدين تعرفين لاقيت انتقادات وايد وخصوصا أهلي ولا ترددت ولا لحظة بس بعدين تركوا الكلام على الموضوع بعدين ياني النصيب وتزوجت وتعرفين كنت خايفة من زوجي يضحك من شكلي بعباية الراس بس كانت الصدمة يا عزيزتي أنه قال لي أنا ما خذتج إلا يوم عرفت انج لابسة عباة الراس و من يومها وانا اسمع كلام طيب لان هذا هو الشي الصح

تصدقين في مجتمعنا مستحيل الوحده تلبس عباية كتف كلنا على الراس

الغرض من العبايه الستر وليس الزينه والمظهر انتي بتلبسين عشان رضا ربك مو عشان الناس الحمدلله كنت البسها وتركتها بارك الله فيك لايهمك كلام احد البسيها

مراوي: انتو في البحرين عادي عندكم عباية الراس انا عندي اهل عندكم فهالشي عادي ومنتشر بكثره يعني اللي تسويه مو شي شاذ وايد ...ومن ناحية اني انوع في اللبس انا ودي اثبت على شي واحد بس والتزم صح :)

دلوعة حناني: صح كلامك في ناس عباية الراس تعطيهم هيبه او وقار ماشاء الله وعن موضوع الاستهزاء والتطنز هههه هذا شي طبيعي لان ابليس مسيطر على الوضع بقوه على الناس هالزمن هههههههه

آهات: الله يثبتج وينولج مرادج يارب امين شكرا :)

خدوج قلبها ابيض: هههه بخصوص النك :) ماشاء الله الله يثبتج ان شاء الله يارب ويسعدج وان شاء الله تلتزمين بعباية الراس على طول يارب امين

صلوحة: انا اعرف ناس كثير تزوجو نفس قصتج عن طريق هالعبايه اصلا البنت تكبر بعين الشاب اذا كانت محتشمه وملتزمه ....ماشاء الله عليج تعجبني ثقتج بنفسج

ام ارجوان: شكرا على اضافتك بس ماقلتي لي انتي من وين؟

دروب حزينه : صح كلامك انا مابي البسها واتراجع فيها لاني ابي البسها باخلاص تام

احنا عندنا في مجتمعي العائلي عباية الراس شااذة وللعجااايز اللي عندها كومة أحفااد >_< ..
وانا كنت البس كتفـ .. بس مو راضية كثير على نفسيـ .. وبعدين خطيبي قال لي انه يرتاح لـ عباية الراس اكثر .. >> يعني لبسته عشانه مو من قرارة نفسي وكنت مو متقبلة كيف بلبسها ومجتمعنا العائلي هيييك >_< ..خفت من تعليقاتهمـ .... بس الحمـدلله ارتحت لهآآ كثيير .. والله عطاني صديقات الجامعة ملتزمات ع الآخر وغالبهم عبايات ع الراس وشجعوني :).. والحمـدلله اقتنعت فيها وحسيت ان اللي في الجامعة يحترمووني .. ولا في شاب يتجرأ يكلمني او يقرب حتى .. بعكس باقي البنات اللي لابسين كتف ما يحصلون ذاك الاحترامـ ..
لدرجة حتى اني اذا بمر وانا امشي في الجامعة كل الشباب تتباعد >> كشخة خخ .. وهالشي ما يسوونه للبنات اللي تلبس عباة كتف .. يعني حسيت عباية الراس لها هيبتها واحترااامها .. :) ..

بس ما البسها على طول يعني المناسبات والزيارات البس كتف لأن ما بيشوفوني الا حريم :) ..بس اهم شي في جامعتي المختلطة رااس ..
لأن لو جينا للجد هي تفصل من جدام خصوصا للمليانة شوي تفاصيل صدرها تبيين ..بعكس النحيفة "نفسي خخ" ..ممكن اشوى ما تبين تفاصيل جسمهآ وهيكـ ..

وانا مو ملتزمة فيها 100% .. بس نفسي التزم فيها ..
والحين طلعت عباة راس حلووة اسمها عباة الكتف الاسلامية وانتشرت كانها عباة كتف على رااس ..يعني مسترة وما تنفتح من النصـ .. وما يحتاج تمسكينهآ >> لحد يسألي عنها من وين ههه بس سمعت ناس تكلموا عنها ..

الله يهدي الجميع للخير :)

الموضوع حلو ولي عودة برايي

حبيبتي انا ما شفت الراحة النفسية إلا من قمت البس عباة الراس ما كذب من قال عباة الراس ترفع الراس
وانا لبستها بإرادتي محد جبرني عليها وهالكلام تقريبا من 5 سنوات
توكلي على الله ومن ترك شيئا لله عوضه الله باحسن منه
خليج شجاعة وتذكري ان كل انسان رح يحاسب لوحده وقبرج اما يكون جنه او نار ومحد رح ينفعج الا عملج الصالح

مشكورة الغلا هالموضوع بس حبيت ارد ان الالتزام هو نفسه اناقه بس البنات يفكرن اللي لبست عباة ري الراس معقدة يا ريت خواتي نرد للاصل شوي ونحاول نلتزم بالدين وبعاداتنا وقاليد ديننا الاسلامي باللبس والميك اب اللي خسف ويوه بناتنا بعد ما كانن جميلات من غير مكياج اوكي فالبيت لزوجها عرس مناسبة بس مو حق الطلعة والله ان تفكر انها خلاص ملكة الجمال لكن ما تدري ان الشيطان يغريها لا تنسوا ان الدنيا دنية وغرت وايدات واول خطوة العباة والله اعلم شو بعدها ----------

مرحبا عزيزتي ..احيي فيج هالروح ،، واشجعج على اتخاذ قراراتج بثقة وقوة ..انا عن نفسي كلــــــــــــــــــــــــــــــش ارتاح بعباية الرأس .. ومابي امحد نفسي بس محد يتحدى كشختي والحمد لله .. لبست عباية كتف بس لما كنت مسافرة ،،، تعرفين مغارات وبحيرات اكي دراح تكون اسهل في الحركه بس اطمن واحس اني محترمه وراضيه ربي لما البس عباية راس ..وزوجي بعد يموت فيني اذا البسها ..ونصيحه اخويه من كل قلبي .. البسي عباية راس تراها رزه واحس ما يلبسونها الا الكباريه ،،

انا مع الاخت بحرينيه وافتخر

انا لما تزوجت زوجي شار علي البس عبايه على الراس ووانا من زمان فقرارة نفسي كنت ابي البسها بس كنت محتاجه تشجيع ويوم حصلت التشجيع لبستها واحين صار لي سنه البس عبايه على الراس اللي تكون بيد وتراهي مرتبه وكشخه واهم شي اني لمم البسها احس الحمدلله بطمأنينه مدري اشلون اشرح لج

طبعاً صرت البس احين على اللي على الراس على طووول وساعات اذا معزومه مكان وابي اكشخ بعبايه وماودي البس ثياب كشخه تعرفنين شاسوي البس العبايه الكشخه ومن فوقها عبايه الراس لانها تكون ساده واول ما اوصل العزيمه اشيل دفه الراس وبس
ووايد مرتاحه الحمدالله
وماعليج من كلام الناس انا اشكثر تكلمو عني ليش جذي وتوج صغيره(لأن اهلي سفووووووور فوق ما اتصورين) نفس ما قالت الاخت هني جني عندهم يايه من الفضاء ومن عالم ثاني اقل منهم بس تدرين اهم شي ارضي ربي و وارد عليهم انه موب عيب ولا حرام وللحين يتكلموون بس ماعلي منهم

راح أجي مرة ثانيه للموضوع و أرد ... :)