تسميه المولود من حق من؟

أحبه ღوأحب عياله;8657032:
ما عورت راسي بها السوالف
انا وزوجي مقتنفعين ان التسمية لنا الاثنين وما يتسمى اي احد من عيالي بدون شوري
حتى اهل زوجي صراحة ما يتدخلون


بس المهم انا وزوجي وبس
اذا بسمع كل الكلام اللي ينقال بتخبل
بمش معورة راسي ابدااااااااااااااااااااااااا
انا الام واهو الاب واحنا تعبانين بولدنا

ريم الصحراء;8657444:
(y)

ام عبد المحسن;8658658:
ذكرتوني بولادتي ببنتي كان لي اسبوع والده وكان عندي ابو زوجي وامه واخواته وامي وكان كل واحد يجيب اسم اذا قالت امي اسم اعترضو عليه واذا قالو اسم امي تعترض وانا ساكته وانتم عارفين النفسيه ززفت وفجأه قعدت ابكي بصوت وكلهم سكتو وقلت انا شايفيني تعبانه انا الي بسميها والله يوم شافو دموعي سكتو ولاواحد عقب هاالموقف قدر يقول شي حتى ابو زوجي تعجب وشكله رحمني ههههههههه وانا الي سميتها طبعا بعد موافقه زوجي

فديتك@;8666464:
انا من رايي انو النصيب الاكبر من اختيار الاسم يكون للزوجه >>> خلي رايك لنفسك
يعني اول ماتزوجت ولسى توي ماحملت زوجي يقولي اناا ابغى اسم بنتي جوري >> قلت كويس ماجاب شي ثاني جوري حلو
واذا ولد قالي 3اسماء ومن ضمنها اسم جده سعيد >>قلت stop جدك الله يرحمه ادعيله بس
وولدت وصار المشاورات من هنا ومن هناك طبعا اهله ماتتدخلو يعني كان يعطو راي فقط مع اني ماكنت حابه لانو طفلنا ونحنا الي نختار
طبعا اخوه قاله ليه ماسميت بأسم الوالده واخوه جاته بنت قبلنا بكم شهر ماسمى عادي يعني قاله زوجي ليه ماسميت انت طيب قال انا خلاص سميت بأسم الوالد الي هو عمي
يعني الواحد مايدري من وين تجي
وفي النهايه رايي زوجي هو الي يمشي
انا الحين نفسي اسمي يوسف اذا جاني ولد وزوجي ابدا مو راضي مع اني انا الي احمل واتعب واولد
والله يكتب الي فيه الخير

نجــــد;8666664:
آآآخ ياعيون محمد ليش تقلبين المواجع
يااختي انا اكتشفت ان زوجي معاق
مدري شلون ماعرفت طبعه قبل نتزوج آآآآآآآآآآآآخ كان مايقول غير سمعاً وطاعة
والحين كبر رأسه ,, بكل شي يتلقف يعلني عل .. وبالآخير يجي ولاكنه مسوي شي
يومي حامل كنت متفقه معه على انه نسمي ( نجـــد أو يـــارا ) وابشري ابشري
واخواته يقولون سموها على امنا الله يرحمها ( نورة ) وانا اقول والله مااسميها كل بناتهم اساميهم نورة وربي كل بيت عندهم لازم فيه نورة ... قال ابشري ياقلبي مايصير الا اللي تبغينه
ويوم ولدت :( :( نكث فيني الخايس
قال بسميها على امك وانا انواع القهر مااحب اسم ماما بالمرررره
واحلفه تكفى لا تكفى واخواني يقولون له وماما تحاول فيه قال طيب طيب
ولما راح يسجلها قلت له خلاص غيرت ررأيي سجلها رغد وقال طيب
ولما جاب لي الشهادة ولا مسجلها :


























ريزا :(


وانا تنفقع مرارتي
واموت
وانقهر
وابكي
وانهار
وبالاخير قلت يالله ربي كاتب لها هالاسم خلي ماما تنبسط شوي :(
بس والله لو يموت بعد مايسمي بكيفه المعفن =====> ارتفع ضغطي ذكرتيني بالماضي




الله يوفقك ويوفقني بهالاختبارات ....

×تفاحــــــــــــــة آدم×;8668952:
يحليلكم من جد مقهورين من هالسالفة انــــــــــــا صار عندي تبلد من

هالسالفة البنت وسميت على خالتي لا مفر ههههههههه:D

والولد اكيد على ابوه راااااااااااااشد ولو اني زي ماقلت لكم ودي

بياسر ولا محمد على اسم بابا :8884:

بس عمك اسمخ لا حياة لمن تنادي وزوجي واهله من النوع اللي

مايحب الا الاسماء القديمة ودايماً يعلقون على اختي عشان اسماء

بناتها غيــــــــــر شكل ويقولون ليش فلان ماسمى على امــــــــه

قلت لهم اشوا ان امه هي اللي حالفة لا احــــــــــد يسمي علي

مع ان اسمها سارة يعني عااااااااادي جداً وتقول مو ناقصين عقد

لولدها سم اسماء جديدة وحلوة شفتوا الفرق:ss:

بنت ولدنــــــــــــا في اول ثانوي ومن سادس ابتدائي تبكي على ابوها

وامها غيروا اسمي ولا مادرست طبعاً ابوها يقول لو تموتين ماغيرت

اسمك لانه برضوا على اسم خالتي ههههههههههه بس البنت متوعدة

اذا تزوجت والله تغيره ومو مشاورة احــــــــــد لووووووووووول قوية:sm179:

وان الله كتب وحملت ماراح اناقشه لين اولد واستخدم سلاح المرأة

البكاء مثل ماسوت ام عبدالمحسن يمكن ينفع معه مع اني اشك:cry:

ويحليلك يانجد موتيني ضحك بس ماقلتي لي وش معنى اسم ريزا

اول مرة اسمع فيه امك سعودية خلني اسوي فيك مثل الناس

متسوي فيني خالتك ام زوجك سعودية:mad: مستغربين من الاسم

بـنـت نـاس;8690020:
انا على اني توني ببداية حملي الا ان زوجي يقول من الحين قرري الاسماء

علشان خلاص نكون مقتنعين فيهم ومانسمح لابن امه يتكلم ساعتها ولا نسمح لاحد يشاركنا الاختيار

نفه مطر;8690261:
مرحبا والله الموضوع حلو وعجبني انا الحين حامل بالشهر الثامن وعند ي محمد وعمر من قبل وقلت لامي لو بنت بسميها عليج يؤؤؤؤؤؤؤؤؤؤؤؤ العيوز ما عجبها ههههه قالت اسمي قديم بعدين البنت بتتعقد حركات عيايز المهم في الحلقه الاخيره اكتشفت انه ولد الله يبارك وقلت بسميه خليفه ادعو لي بالسلامه

حاملة القرنفل;8691725:
أم روز هاربة من الكتب ها :) يعطيج العافية

أولاً .. تسمية الأبناء على اسم الأم أو الأب شي ما له علاقة ببر الوالدين أبداً هذي مجرد عادة اجتماعية حالها من حال الكثير من العادات اللي ما لها علاقة بالدين،، وعلى فكرة هالعادة موجودة حتى عند الغرب

بالنسبة لي شخصياً لا أهلي ولا أهل زوجي ادخلوا في تسمية بنتي يعني كان في اقتراحات بس ما كان في فرض لإسم معين وفي النهاية سمينا الاسم اللي اتفقنا عليه أنا وزوجي .. الواجب علينا إن نحسن اختيار أسماء أبنائنا ومو واجب إن نسميهم بأسماء أهلنا بالعكس إذا كان الاسم سيء أو يعرض الطفل للسخرية المفروض ما نسيمه وإلا نكون جنينا عليه المسكين

وحبيت أضيف مثل ما ذكرت وحدة من الأخوات إن تسمية المولود من حق الزوج شرعاً بس إذا كانوا الزوجين متفقين على الاسم خلاص


عيوون .. من زمان كنت أبغي أسألج انتي ليش سميتي بنتج روز ليش ما سميتيها وردة ؟؟ يعني ليش اخترتي الاسم بالأجنبي مو العربي؟

لمبادا;8691830:
انا معاكى يا حامله القرنفل بس زوجى سمى اولادى باسم ابوه وامه وانا ما حبيت ازعله بس كنت اتمنى اختار اسماء تانيه بس الحمد لله

حبيبة جيمي;8705163:
اني الحمد لله عندي ولد وانا الي سميته
بس مستحيل ثم مستحيل اسمي على اسم احد لامن اهل زوجي ولا من اهلي احب اسماء اولادي تكون جديدة في العايلة ومو مكررة
ويوم كنت حامل بولدي الكل كان يقترح علي اسماء واني بس ابتسم لانة الحمد لله متفقة وية زوجي ان احنا الي نسمي ومحد اليه اي دخل وفعلا يوم ولدت سميت ولدي صااادق الاسم الي اني اخترته وزوجي عجبه بعد

والحين لو حملت مرة ثانية واحد اقترح عليي اسماء وحتى لو عجبوني مستحيل اسميهم لانة بحطون في بالهم سميت لانة هم قالو الاسم مو لانة سمعته وعجبني عشان اسد الباب لازم اسمي اسم ما يكوون من لستتة الاسماء الي انقااااالت خخخخخخخ

ماما حسون;8705492:
بصراحه محد له حق تسمية الطفل الا الام والاب .. لكن لا ضرر لو اقترحوا الاهل بعض الاسماء من غير اصرار ع التسمية


ولادي الحمدلله كانت اسمائهم من اختياري انا وزوجي عجبته الاسماء وما اعترض .. الكبير كان عاجبني من زمان ولما قلت لزوجي ببداية حملي ان خاطري بهالاسم وافق مباشرة وبالثاني انا اللي قلت لزوجي بسمي على اسم ابوه لان شفت عمي يحب ولدي ويفضله على جميع الاحفاد فقلت بسمي على اسمه وطبعا زوجي وافق مباشرة بعد هههههههههه

وباقي الاسماء فـ احنا حاطين في بالنا اسمين لو الله عطانا ولد 3 وزوجي موافق عليهم يعني الاختيار لي انا من بين هالاسمين خخخخخ
والمشكلة في اسم البنت .. تصدقون لما حملت بولدي الاول انا قلت اذا ولد حسين واذا بنت بيان وكان وقتها عاجبني وايد لكن جبت ولد وعقب فترة ما شفت الا كارهة الاسم ومو عاجبني بس زوجي خلاص حطه في باله ويقول لو الله يعطينا بنوتة بنسميها بيان وانا رافضة لكن ماعندي اسم ثاني ممكن اقنع به زوجي (a)

bj3a;8707618:
موضووع مجبورين عليه .. يعني مثل ما يقول المثل حكم القوي على الضعيف وخاصتا اذا الريال يخاف على مشاعر امه لا تنكسر ..

يعني انا في ولدي محمد من البداية ومن قبل لا اتزوج خاطري في هالاسم وصادف ان ابو زوجي بنفس الاسم قلت يالله ضربت عصفورين بحجر ويوم ولدت كان حمود هو اول حفيد فالعايله لكن ما سووله سالفه قلت يالله وهذا على اسمهم .. قاله زوجي ابوي سميته على اسمك رد عليه ابوه على اسمي ولا حرمتك من زمان خاطرها بالاسم قلت في خاطري يحمد ربه ويشكره ياريت ما كان اسمه محمد عشان يموت قهر ...

وانا اسمي شوي غريب وكنت متعقده من اسمي وكله كنت اقول لامي ليش ما سميتوني مريم كانت تقول لا اسمج على اسم ام ابوج ((موتي قهر)) ويوم عرفت اني حامل ببنت الكل كان يتوقع اني بسميها على اسم ام زوجي عايشه بس اتفقت ويا زوجي وكسرت خاطرة بقصتي الجديمة ووافق .. وسميتها مريم وما شاء الله عليها تهبل بدلعها وتصرفاتها ...

والحين المصيبه يوم عرفت ام زوجي اني حامل قالت يالله عاد هاي المرة اذا بنت سموها على اسمي ((الي يقول سوت سالفه حق ال2 الي قبل عشان تسوي سالفه للياهل اليديد)) تقول الكل يسال ليش مرت ولدج ما سمت على اسمج قالها زوجي ان شاء الله بس انتي جهزي الشيك خخخخخخخ يستهبل .. وانا خاطري باسم علياء وان شاء الله الله يقدرني واقنع زوجي وخلي العيوز تتريا عيالها الباقين يتزوجون ويسمون على اسمها ..

واذا ولد سعيد حمود ولدي اختار الاسم وانا وزوجي اقتنعنا فيه

والله يعلم تتغير الاسماء بقدرة قادر عقب ما اولد ولالا

rawiyah;8731061:
اختيار الاسم من حق الأم و الأب معا
يمكن من البدايه متفقين اذا جاء الولد هو يختار و اذا جت البنت اني اللي اختار
و الحمد لله رزقني الله بولدين محمد و علي و هو اللي سماهم
واكيد ما راح اعترض عالاسمين لأني أحبهم

فرروحه عروس;8732007:
هالمشكله بكل بيت
اوووووووووف

دريم ويب;8733188:
الله يكون بالعون ..
احنا الحمدلله بعايتلنا اسم البنت من اختيار الام مايدخل فيه الزوج والولد انا مايهمني ايش يكون اسمه بس عادي لو سمى على اسم ابوه وعقب لازم على اسم ابوي خخخخخ

أم حسوون;8733410:
تسمية البنت او الولد من حق الزوجين فقط

بقايا فجر;8733576:
والله انا لما اقول له بسمهيه باسم والدي
يقول لي لا راح نسمي اسم احنا اثنينة بنتفق عليه...........؟؟؟مدري وش قصدة

هلا بنات
والله نفس المشكلة واقعة فيها أنا,
أهل زوجي يبون حامد على إسم جد زوجي وأنا أبي إسم عاصم
والمشكلة إن حامد كثيرة في جماعتنا وأنا معاندة مرة لأني صراحة أخوات زوجي ما سمو أولادهم على جدهم مابقالهم غير زوجي يتحكمون فيه شسوي أنا صراحة ما أطيق حامد أبد بس الله المستعان..

آآآآآآآآآآآآه يابنت توي الحين قبل ساعه متهااوشه مع زووجي وخلني حزينه وراح نام تخيلوا قلت مالي الا عروس ..
ابي افضفض لكم تعبت منه وش اسوي معه كيف اتعامل معها انا حامل توي بشهور الاولى .. وابي نختار اسم ونريح سوا بنت او ولد ..

انا من قبل اتزوج يعجبني عزام وكثييير يسموني ام عززام ويوم قلت له ابي اسم اذا ولد عزام قال لا مستحيل انسيه قلت ليه قال فيه واحد من الربع اسمه كذا واخلاقه وفعايله مو زينه وماينذكر بشيء كويس قلت طيب ماعلينا منه وهوشه وحوسه .. قلت نغير عزام وبدور اسم ثاني المشكله انه يبي يسمي على ابوه اللي هو عمي الله يرحمه اسمه مو زييين وحرمووه المشايخ لانه من صفات ربنا جل وعلى واقوله انه حرام وزمانهم كان جاهلين واحاول افهمه بس يقول لا انا بسميه كذا بنيه انه على ابوي مو انه صفه من صفات ربنا تعبت معه تعبت مرره ماادري وش اسوي والمشكله لاني اصغر منننننه بكثثثثثثثثثثثثثثثثير احسه احيانا ماياخذ بكلامي او ينفذ الا نااادر نادر مررره وربي تعبت كنت اتمنى ولد والحين اقول جعله بنت اذا بيسمي اللي بباله ..
بالاخير يقول خلاص انسي اذا جى فيها حلال ونشوف وش نسميه بس االلي براسي اسم ابوي .. قلتله اسم امي وابوي ماراح اسمي عليهم ..
اقول تبي تببر باابوك وتريحه تصدق عنه اعتمر حج عنه هو مب داري عنك اذا ولدك مسمى عليه اول وماراح ينفعه وبيفده باااي شيء بس مااايفهمني ابد وربي تعبت بناااات ريحوني تكفووون .. وادعولي انه ينسى انه يسمي باسم ابوه .. خصوصا انه اول طفل بيكون ولازم اكون اوم شيء حلو لانها كنيه بتلازمني طول عمري ... ادعولي اللله يهدي زوجي ووش اسوي معها تكفون ارشدوني .. مليت منه .. مايقدر ويخليني اعصب بالفتره اللي مفروض يرحيني فيه ندمت على الزواج بسن صغير جد ندمت يالله ..
ربي يريحني ويكون بعوني ياااارب ..

يوووووووووه هالعقده بكل ديره ..
تدرين قبل مااتزوج كنت متجننه على اسم روز وكنت احلم اسمي بنتي روز ويوم حملت طلع اسامي حلوه وجديده غير ان الكل مو مقتنعين ان معناه الورده او الزهره <<< بالهم من روز وجاك التيتانيك .. خخخخخخخ
عاد من حملت قال زوجي البنت بكيفك بس الولد على اسم ابوي <<:rolleyes:
وااااااااااااااي اسم ابوه فشيله قلت والله مااتعب واحمل وغيري يسمي غير ان اخوانه من قبل متزوجين محد مسمي بسم ابوه وبتجي براس ضناي انا ..
فسويت حملة مكافحه ضد اي اسم مايعجبني .. وكل من يشور علي بإسم اقول افكر واللي يقول سمي على اسم امه وابوه اعطيه طنش ..واصده ..
وجع بقلوبهم الواحد مايستحي انت ماسميت قبلي تبيني اسمي غصب عني ليش ..

قلت لزوجي اسمعني ياولد الناس <<<< وتطاير الشرر من عيوني:mad: انا مب مسميه بسم امي ولا ابوي .. ولا انت مسمي بسم امك ولا ابوك ..
لأن الاسم مايرفع من قدر ولايحطه واهالينا مكانتهم بالقلوب مب لازم نسمي بأساميهم عشان نثبت محبتهم ..<< سياسيه ومحنكه:wink:

وتميت محتاره بين ميار .. ولمار ..
وماقررت اسميها الا بالتاسع لمورتي ..

ماانكر ان للحين فيه من يتفلسف عشان الاسم مب عاجبه بس بالطقاق .. اهم شي انا وزوجي وبنتي بعدين ترضى عن اسمها ..

ماكني مصختها وحطيت قصة حياتي هني ...<< توها تستوعب :tongue:

مشكوره يالغلا عالموضوع الحلو ..(f)(f)

ههههههه

يازين سوالفكم

عن نفسي

قلت قدام اهلي واهل زوجي


بالفم المليان

عيالي مارح اسميهم على احد

وخاصة ان لا امي ولا خالتي ام زوجي (خوات) سموا على

اهلهم او اهل ازواجهم

هههههههه..كلكم تعانون من هالمشكله!!!
انا بعد عانيت ومريت بضروف صعبه لين حققت اللي في بالي
كنا انا وزوجي متفقين على الاسم حتى قبل الزواج
وبعد ولادتي علطول زوجي كتب الاسم وبعدها جت الاعتراضات
تزعلو فلان وتراضوا فلان انا طنشت السالفه وقلت لهم بنتنا وعلى كيفنا!
بس للحين ما سكين زوجي اللي جاي تسميه كدة لو بنغضب عليك؟؟؟؟؟؟؟
غريبه والله..تصدقون ان اغلب الشباب الحين يغيرون اساميهم الى الاسم اللي يشوفونه
يناسب ومعقول!!
يعني سمينا عليهم او ما سمينا خصوصا الشباب اذا كبروا ولا عجبهم الاسم الغريب
يغيرونه بكل بساطه ويتحملواااا روح وتعال بس علشان يتخلصوا من هالاسامي
خنيفس<<<<اعوذ بالله..شهالاسم..
بنتي القمورة سميتها....ماريا..

الصراحه ذي موضوع يخص الزوجين في اختيار اسم ابنائهم
يعني انا وزوجي صج اختلفنا في اختيار الاسم بس كان كل واحد يبي يسمي الاسم اللي عاجبه مو علشان اسم شخص معين بس في الآخر اتفقنا لوحدنا محد تدخل بينه...

وثانيا بعض الآباء والأمهات اساميهم مالت اول يعني قديمه ماتصلح لزمنه الحين مثل بخيته ولا قماشه ولاغيرها ذي اسامي مال اول والواحد يستحي يسميها

الله يهدي الاجداد يارب ومايتدخلون في حياة ابنائهم ...