تسميه المولود من حق من؟

ما عورت راسي بها السوالف
انا وزوجي مقتنفعين ان التسمية لنا الاثنين وما يتسمى اي احد من عيالي بدون شوري
حتى اهل زوجي صراحة ما يتدخلون


بس المهم انا وزوجي وبس
اذا بسمع كل الكلام اللي ينقال بتخبل
بمش معورة راسي ابدااااااااااااااااااااااااا
انا الام واهو الاب واحنا تعبانين بولدنا

m!ss rose;8641859:
انا من عرفت إني حامل على طول كلمت زوجي واهله واهلي وقلت لهم انا اللي بتعب وبعاني وانا اللي بسمي البيبي على مزاجي ومحد له شغل

وأخترت إذا بنت (شوق ) وإذا ولد (راشد)

(y)

ذكرتوني بولادتي ببنتي كان لي اسبوع والده وكان عندي ابو زوجي وامه واخواته وامي وكان كل واحد يجيب اسم اذا قالت امي اسم اعترضو عليه واذا قالو اسم امي تعترض وانا ساكته وانتم عارفين النفسيه ززفت وفجأه قعدت ابكي بصوت وكلهم سكتو وقلت انا شايفيني تعبانه انا الي بسميها والله يوم شافو دموعي سكتو ولاواحد عقب هاالموقف قدر يقول شي حتى ابو زوجي تعجب وشكله رحمني ههههههههه وانا الي سميتها طبعا بعد موافقه زوجي

انا من رايي انو النصيب الاكبر من اختيار الاسم يكون للزوجه >>> خلي رايك لنفسك
يعني اول ماتزوجت ولسى توي ماحملت زوجي يقولي اناا ابغى اسم بنتي جوري >> قلت كويس ماجاب شي ثاني جوري حلو
واذا ولد قالي 3اسماء ومن ضمنها اسم جده سعيد >>قلت stop جدك الله يرحمه ادعيله بس
وولدت وصار المشاورات من هنا ومن هناك طبعا اهله ماتتدخلو يعني كان يعطو راي فقط مع اني ماكنت حابه لانو طفلنا ونحنا الي نختار
طبعا اخوه قاله ليه ماسميت بأسم الوالده واخوه جاته بنت قبلنا بكم شهر ماسمى عادي يعني قاله زوجي ليه ماسميت انت طيب قال انا خلاص سميت بأسم الوالد الي هو عمي
يعني الواحد مايدري من وين تجي
وفي النهايه رايي زوجي هو الي يمشي
انا الحين نفسي اسمي يوسف اذا جاني ولد وزوجي ابدا مو راضي مع اني انا الي احمل واتعب واولد
والله يكتب الي فيه الخير

آآآخ ياعيون محمد ليش تقلبين المواجع
يااختي انا اكتشفت ان زوجي معاق
مدري شلون ماعرفت طبعه قبل نتزوج آآآآآآآآآآآآخ كان مايقول غير سمعاً وطاعة
والحين كبر رأسه ,, بكل شي يتلقف يعلني عل .. وبالآخير يجي ولاكنه مسوي شي
يومي حامل كنت متفقه معه على انه نسمي ( نجـــد أو يـــارا ) وابشري ابشري
واخواته يقولون سموها على امنا الله يرحمها ( نورة ) وانا اقول والله مااسميها كل بناتهم اساميهم نورة وربي كل بيت عندهم لازم فيه نورة ... قال ابشري ياقلبي مايصير الا اللي تبغينه
ويوم ولدت :( :( نكث فيني الخايس
قال بسميها على امك وانا انواع القهر مااحب اسم ماما بالمرررره
واحلفه تكفى لا تكفى واخواني يقولون له وماما تحاول فيه قال طيب طيب
ولما راح يسجلها قلت له خلاص غيرت ررأيي سجلها رغد وقال طيب
ولما جاب لي الشهادة ولا مسجلها :


























ريزا :(


وانا تنفقع مرارتي
واموت
وانقهر
وابكي
وانهار
وبالاخير قلت يالله ربي كاتب لها هالاسم خلي ماما تنبسط شوي :(
بس والله لو يموت بعد مايسمي بكيفه المعفن =====> ارتفع ضغطي ذكرتيني بالماضي




الله يوفقك ويوفقني بهالاختبارات ....

يحليلكم من جد مقهورين من هالسالفة انــــــــــــا صار عندي تبلد من

هالسالفة البنت وسميت على خالتي لا مفر ههههههههه:D

والولد اكيد على ابوه راااااااااااااشد ولو اني زي ماقلت لكم ودي

بياسر ولا محمد على اسم بابا :8884:

بس عمك اسمخ لا حياة لمن تنادي وزوجي واهله من النوع اللي

مايحب الا الاسماء القديمة ودايماً يعلقون على اختي عشان اسماء

بناتها غيــــــــــر شكل ويقولون ليش فلان ماسمى على امــــــــه

قلت لهم اشوا ان امه هي اللي حالفة لا احــــــــــد يسمي علي

مع ان اسمها سارة يعني عااااااااادي جداً وتقول مو ناقصين عقد

لولدها سم اسماء جديدة وحلوة شفتوا الفرق:ss:

بنت ولدنــــــــــــا في اول ثانوي ومن سادس ابتدائي تبكي على ابوها

وامها غيروا اسمي ولا مادرست طبعاً ابوها يقول لو تموتين ماغيرت

اسمك لانه برضوا على اسم خالتي ههههههههههه بس البنت متوعدة

اذا تزوجت والله تغيره ومو مشاورة احــــــــــد لووووووووووول قوية:sm179:

وان الله كتب وحملت ماراح اناقشه لين اولد واستخدم سلاح المرأة

البكاء مثل ماسوت ام عبدالمحسن يمكن ينفع معه مع اني اشك:cry:

ويحليلك يانجد موتيني ضحك بس ماقلتي لي وش معنى اسم ريزا

اول مرة اسمع فيه امك سعودية خلني اسوي فيك مثل الناس

متسوي فيني خالتك ام زوجك سعودية:mad: مستغربين من الاسم

وه يا حلوكم لي عوده قريب وتعليقاتي
بس فاره من الكتب وجيت اتصفح

انا على اني توني ببداية حملي الا ان زوجي يقول من الحين قرري الاسماء

علشان خلاص نكون مقتنعين فيهم ومانسمح لابن امه يتكلم ساعتها ولا نسمح لاحد يشاركنا الاختيار

مرحبا والله الموضوع حلو وعجبني انا الحين حامل بالشهر الثامن وعند ي محمد وعمر من قبل وقلت لامي لو بنت بسميها عليج يؤؤؤؤؤؤؤؤؤؤؤؤ العيوز ما عجبها ههههه قالت اسمي قديم بعدين البنت بتتعقد حركات عيايز المهم في الحلقه الاخيره اكتشفت انه ولد الله يبارك وقلت بسميه خليفه ادعو لي بالسلامه

أم روز هاربة من الكتب ها :) يعطيج العافية

أولاً .. تسمية الأبناء على اسم الأم أو الأب شي ما له علاقة ببر الوالدين أبداً هذي مجرد عادة اجتماعية حالها من حال الكثير من العادات اللي ما لها علاقة بالدين،، وعلى فكرة هالعادة موجودة حتى عند الغرب

بالنسبة لي شخصياً لا أهلي ولا أهل زوجي ادخلوا في تسمية بنتي يعني كان في اقتراحات بس ما كان في فرض لإسم معين وفي النهاية سمينا الاسم اللي اتفقنا عليه أنا وزوجي .. الواجب علينا إن نحسن اختيار أسماء أبنائنا ومو واجب إن نسميهم بأسماء أهلنا بالعكس إذا كان الاسم سيء أو يعرض الطفل للسخرية المفروض ما نسيمه وإلا نكون جنينا عليه المسكين

وحبيت أضيف مثل ما ذكرت وحدة من الأخوات إن تسمية المولود من حق الزوج شرعاً بس إذا كانوا الزوجين متفقين على الاسم خلاص


عيوون .. من زمان كنت أبغي أسألج انتي ليش سميتي بنتج روز ليش ما سميتيها وردة ؟؟ يعني ليش اخترتي الاسم بالأجنبي مو العربي؟

انا معاكى يا حامله القرنفل بس زوجى سمى اولادى باسم ابوه وامه وانا ما حبيت ازعله بس كنت اتمنى اختار اسماء تانيه بس الحمد لله

اني الحمد لله عندي ولد وانا الي سميته
بس مستحيل ثم مستحيل اسمي على اسم احد لامن اهل زوجي ولا من اهلي احب اسماء اولادي تكون جديدة في العايلة ومو مكررة
ويوم كنت حامل بولدي الكل كان يقترح علي اسماء واني بس ابتسم لانة الحمد لله متفقة وية زوجي ان احنا الي نسمي ومحد اليه اي دخل وفعلا يوم ولدت سميت ولدي صااادق الاسم الي اني اخترته وزوجي عجبه بعد

والحين لو حملت مرة ثانية واحد اقترح عليي اسماء وحتى لو عجبوني مستحيل اسميهم لانة بحطون في بالهم سميت لانة هم قالو الاسم مو لانة سمعته وعجبني عشان اسد الباب لازم اسمي اسم ما يكوون من لستتة الاسماء الي انقااااالت خخخخخخخ

بصراحه محد له حق تسمية الطفل الا الام والاب .. لكن لا ضرر لو اقترحوا الاهل بعض الاسماء من غير اصرار ع التسمية


ولادي الحمدلله كانت اسمائهم من اختياري انا وزوجي عجبته الاسماء وما اعترض .. الكبير كان عاجبني من زمان ولما قلت لزوجي ببداية حملي ان خاطري بهالاسم وافق مباشرة وبالثاني انا اللي قلت لزوجي بسمي على اسم ابوه لان شفت عمي يحب ولدي ويفضله على جميع الاحفاد فقلت بسمي على اسمه وطبعا زوجي وافق مباشرة بعد هههههههههه

وباقي الاسماء فـ احنا حاطين في بالنا اسمين لو الله عطانا ولد 3 وزوجي موافق عليهم يعني الاختيار لي انا من بين هالاسمين خخخخخ
والمشكلة في اسم البنت .. تصدقون لما حملت بولدي الاول انا قلت اذا ولد حسين واذا بنت بيان وكان وقتها عاجبني وايد لكن جبت ولد وعقب فترة ما شفت الا كارهة الاسم ومو عاجبني بس زوجي خلاص حطه في باله ويقول لو الله يعطينا بنوتة بنسميها بيان وانا رافضة لكن ماعندي اسم ثاني ممكن اقنع به زوجي (a)

موضووع مجبورين عليه .. يعني مثل ما يقول المثل حكم القوي على الضعيف وخاصتا اذا الريال يخاف على مشاعر امه لا تنكسر ..

يعني انا في ولدي محمد من البداية ومن قبل لا اتزوج خاطري في هالاسم وصادف ان ابو زوجي بنفس الاسم قلت يالله ضربت عصفورين بحجر ويوم ولدت كان حمود هو اول حفيد فالعايله لكن ما سووله سالفه قلت يالله وهذا على اسمهم .. قاله زوجي ابوي سميته على اسمك رد عليه ابوه على اسمي ولا حرمتك من زمان خاطرها بالاسم قلت في خاطري يحمد ربه ويشكره ياريت ما كان اسمه محمد عشان يموت قهر ...

وانا اسمي شوي غريب وكنت متعقده من اسمي وكله كنت اقول لامي ليش ما سميتوني مريم كانت تقول لا اسمج على اسم ام ابوج ((موتي قهر)) ويوم عرفت اني حامل ببنت الكل كان يتوقع اني بسميها على اسم ام زوجي عايشه بس اتفقت ويا زوجي وكسرت خاطرة بقصتي الجديمة ووافق .. وسميتها مريم وما شاء الله عليها تهبل بدلعها وتصرفاتها ...

والحين المصيبه يوم عرفت ام زوجي اني حامل قالت يالله عاد هاي المرة اذا بنت سموها على اسمي ((الي يقول سوت سالفه حق ال2 الي قبل عشان تسوي سالفه للياهل اليديد)) تقول الكل يسال ليش مرت ولدج ما سمت على اسمج قالها زوجي ان شاء الله بس انتي جهزي الشيك خخخخخخخ يستهبل .. وانا خاطري باسم علياء وان شاء الله الله يقدرني واقنع زوجي وخلي العيوز تتريا عيالها الباقين يتزوجون ويسمون على اسمها ..

واذا ولد سعيد حمود ولدي اختار الاسم وانا وزوجي اقتنعنا فيه

والله يعلم تتغير الاسماء بقدرة قادر عقب ما اولد ولالا

اختيار الاسم من حق الأم و الأب معا
يمكن من البدايه متفقين اذا جاء الولد هو يختار و اذا جت البنت اني اللي اختار
و الحمد لله رزقني الله بولدين محمد و علي و هو اللي سماهم
واكيد ما راح اعترض عالاسمين لأني أحبهم

هالمشكله بكل بيت
اوووووووووف

الله يكون بالعون ..
احنا الحمدلله بعايتلنا اسم البنت من اختيار الام مايدخل فيه الزوج والولد انا مايهمني ايش يكون اسمه بس عادي لو سمى على اسم ابوه وعقب لازم على اسم ابوي خخخخخ

تسمية البنت او الولد من حق الزوجين فقط

والله انا لما اقول له بسمهيه باسم والدي
يقول لي لا راح نسمي اسم احنا اثنينة بنتفق عليه...........؟؟؟مدري وش قصدة

فراشة بوظبي;8642392:

انا من مؤيدي الام انها تسمي ومحد يتدخل بالاسم


اللي يبي يسمي يحمل ويتعب ويولد عقب حلال عليه يسمي اللي بخاطره


والله يقدرني اسمي البيبي الجاي بالاسم اللي ابيه

المحمدية;8643769:
موضوعك حلو

بس في الوسط اللي اعيش فيه حتى والمناطق اللي حوالينا

ما يتدخلون بتسمية المواليد ابدا .. حتى الزوج و الزوجة يتفقون على اسم لبنت و اسم لولد

و بعدين يطلع الاسم مفاجئة نفس جنس المولود

ما ادري بصراحة من وين جاء اسم (خنفس) انت من وين؟؟؟
اش هالاسم ؟؟ احسن ما تسمين على هالاسم !!

مـاريــا;8644867:
برنسس سريتا انا صحت قهر ههههههههه بس اسم منيره حلو بس مره ثانيه اكتبي اورقه وخليه يوقع ان موافق على الاسم الي بتسمينه هههههههههه...صراحه خوفتوني من الزواج كل شي ولا انقهر والله اضربه هههههههه... بخصوص الموضوع الام لها نصيب اكبر في التسميه لكن العادات والتقاليد الرجل هو الي يسمي ...تحياتي لكم