ساعدووونى بالله عليكو بجد ؟

s

smartstar

عروس مشاركة

01-02-2009 | 12:40 PM

ربنا مش حيسامحه أكيد على اللى عمله معاكى ، بس هو كان باين عليه من الأول وإنتى اللى رجعتيله تانى وإتنازلتى ورجعتيله تانى وقولتى إنه كان فاهم غلط .
كده خلاص أوعى تفكرى فيه تانى ، إنسيه خالص وأوعى تكلميه ولا ترجعيله تانى مهما حصل،
وإحنا عايشين فى الدنيا علشان نتعلم هو صحيح كان درس صعب أوى بس معلش قدر الله وما شاء فعل ربنا عايز يشوف صبرك إزاى ده إختبار من ربنا والحمد لله إن حصل تأجيل وإنك مش مكتوب كتابك ولسه فى الأول وبان على حقيقته .

إتقربى من ربنا وإدعى وصلى كتيير وهو حيعوضك بأحسن منه إن شاء الله وحيكون هو ده الزوج الصالح ليكى بإذن الله.

المهم خلى بالك على نفسك وعلى مامتك وعيشى حياتك يا بنتى وإقلبى الصفحة القديمة دى خالصو إبتدى صفحة جديدة سعيدة إن شاء الله.

g

ghadghoda

عروس ماسية

01-02-2009 | 01:30 PM

هبة انا مش عارفة ارد اقول ايه انا اكتر واحدة واله حاسه بيكى بجد وعارفة احساسك دلوقتى بس بجد يا هبة البنى ادم ده ميستاهلكييييييييييييييييييييييييييييييييييييييييييييييييييييش بجد انتى تحمدى ربنا ان الحادثة دى حصلتلك وعرفتك انه كان بيلعب بيكى والله وفعلا الحاجات دى هى اللى بتبين مين عدوك من حبيبك انتى متعمليش حاجة غبر انك تقربى من ربنا وتدعية وتصليله وتسغفرى وبسسسسسسسسسسسسسسسس وهو الوحيد اللى هيطلعك من اكتر من الهم ده لو عندك والله اسالى مجرب ولا تساليش طبيب ههههههه هبة قولى اللهم اجرنى فى مصيبتى 3 مرات وهتلاقى ربنا بدلك حزنك فرح باذن الله ويارب ربنا يهونلك اللى انتى فيه يارب

L

LdayDo

عروس رائعة

01-02-2009 | 01:59 PM

هبه فوقى لنفسك يا ماما ده أنسان قذر ولا يستاهلك حسبى الله ونعم الوكيل فيه ولو سمحتى لو رجعلك أرفضيييييييه

L

LaMar's MuM

عروس مبدعة

01-02-2009 | 04:04 PM

heba 017;8638581:
السلام عليكم
اكيد معظم البنات كانو عارفين مشاكلى مع خطيبى وانى كنت فسخت الخطووبه ورجعنا انا وهو تانى
وبرده عارفين موضوع انى كنت حجزت قاعه وعملت كل حاجه وانا عملت حدثه والموضع اتئجل
عارفين بقى يا بنات الجديد ايييييه
انا اولا بكتب ليكو وانا بعيط وبموت انا بقالى اسبوع مكلتش مخرجتش من اوضتى مشفتش الناس قافله موبيلى رافضه اكلم اى حد عندى زهوول فتحت انهرده عشان اكتب ليكو عشان محتاجه افضفض مع حد عشان بجد انتو معايا على الحلوة والمرة
الجديد يا بنات انى لما عملت الحدثه الموضوع بتاع الكتب كتاب والشبكه اتئجل خطيبى سئل عنى اول يومين وبعدها انقطعت اخباره وانا زى العبيطه كنت ببقى هموت من القلق عليه بحبه بقى وقالقانه عليه عارفين خطيبى كان قافل موبيله ليه وحماتى مكنتش بترد عشان بيجهزوه لفرح ابنهم
فرح خطيبى على بنت عمته يااااااااااااااااااااااااااااااااااااااه انا كنت موهومه وعايشه فى وهم متخليين منظرى
المهم يا بتنات انا خلصت امتحانات الاحد وجريت بقى على الدكتور عشان يقلى على الجبس هفكه امتى عشان خطيبى يشووفى فى احسن حال صعب عليا انه يشوفنى فى الجبس وروحت للكوافير وخلاص فاضل التلات والاربع والخميس وحبيبى وخطيبى يجيلى الجمعه
المهم يوم الاتنين الساعه 8 بليل لقيت حماتى بتتصل وبترد عليا بمنتهى البرووود
بصى يا هبه كل شئ قسمه ونصيب ابنى فرحه يوم 6/2 على بنت عمته وهو قال انه محسش بالحب اللى معاها ومعلش يا هبه يااااااااااااااااه كنت فاكراه كابووس وهصحى منه والله ماما اتصلت بيها وقالت لها كميه كلام ماما كانت بتموت بسببى وبسبب انسان زباله
محستش بنفسى ولا حسيت باى حاجه
ولا نزلت دمعه من عينى دخلت اوضتى وقفلت على نفسى وقعدت افكر واحاول اكدب نفسى واطلع ليه اى مبرر جبت موبيلى وكلمته كل الرد يا هبه انا اسف بس انتى اكيد معزووومه مش قادرة يا جماعه صعب
قفلت فى وشه وقفللت موبيلى وخلاص بدأت افوق من الصدمه كنت فى حاله هيستريه والله يا بنات عارفين لما تكونوا عايزين تكسروا اى حاجه ادامكو
انا كنت كده ومنمتش غير لما ماما خدتنىت فى حضنها وقرتلى قرأن
استاهل منه ليه كل ده ؟ عملت ايه ؟ امتى الوقت اللى محسش فيه بالحب معايا ؟
استحملت على الحلوة والمرة واستحملت تئجيل 6 مرات ماليش فيهم اى سبب غير مرة الحدثه بتاعتى
زنبى ايه ان يوم 6/2 ده يبقى يوم مووتى وقهرتى وفى نفس الوقت هو يوم خطوبه بنت عمى ؟
زنبى ايه اشوف شفقه واحسان وانا صعبانه على الناس ويوقلوا يعينى ده فرحه وهى بتموت
ليه كل ده استاهل ايه ؟
حد يفهمنى انا ليه حصلى كل ده ليه حبيبت واتبهدلت ليه ؟
انا عينى مش شافت غيره
انا تعبانه اووى انا بجد بمووت والله ما لقيه كلمه اقولها عن اللى انا فيه عينى نشفت من كتر العياط
اعمل ايه ؟ دلووونى :16::16:

لا حول ولا قوة إلا بالله قولي ياهبة حسبي الله ونعم الوكيل وربنا هو المنتقم وهياخدلك حقك بإذن الله الظلم وحش اوي انا بعيط والله دلوقتي ياحببتي انا حاسة بيكي اوي يارب اسالك ان تخفف عنها الامها وحزنها معلش انا مفروض ادعي بظهر غيب وبدعي دلوقتي بس كتبت علشان كل البنات يرددوا ويقولوا الدعاء
اولا مفيش انسان ظالم وخاين نحزن عليه طبعا احنا بشر بنحزن ونبكي وعايزين نكسر كل ده طبيعي وبقولك متحزنيش ومعرفش ايه لآ ابكي وفوقي بأه من الوهم انتي حسيتي بالظلم من اللي قلبك محبش غيره وقلبك اتكسر من نفس الشخص اللي كان قلبك ليه
وفي الاخر كانت النتيجة ايه
انا اقولك الست الوالده مامته قالتهله ايه ياحماده ياحبيبي انت هتتجوزها بعد الحادثه انت لازمك ياحبيبي واحده مفيهاش اي ديفوة طبعا ده احنا لما نشتري بدله ليك بنشوف فيها ديفوه ولا لآ دي بقه عروسه ومش مهم من لحمك ودمك
في واحده تانيه فل الفل ميه ميه ( ممكن اوي يحصلها اكتر من كده احنا بشر وماشيين من الدنيا لكن غيرنا مش حاسس ولا عارف) والتانيه دي انانيه همها تتجوز وخلاص وربنا يجازيها بنيتها
اما بأه الحبيب والخطيب مقدرش اقول عليه غير عليه كلمه واحده بس لايتقي الله
والانسان ده عقابه عند الله سبحانه وتعالى
متحزنيش كفاية اوي كده حزنك عللى نفسك ووهمك
اكتر من كده لآ مفيش حد يستاهل وانتي شوفتي
واوعي تتعقدي وتقولي كل الناس كده لآ الدنيل لسه بخير وفيها الحلو والوحش وتأكدي ربنا هيبعتلك الافضل والزوج الصالح اللي يستهلك
لاني حصل معايا نفس اللي حصلك وربنا بعتلي بافضل زوج (يارب احفظه واحميه) ادعي دايما وقولي دعاء الهم والحزن وكمان رددي دايما حسبي الله ونعم الوكيل ربي انت حسبي وليس لي سواك انا الضعيفة وانت القوي خذ لي حقي من فلان وارني فيه كما ظلمني واجرني في مصيبتي واخلفني خير منها امين يارب

ن

نور التقوى

عروس ذهبية

01-02-2009 | 04:40 PM

حسبى الله ونعمه الوكيل

انا والله اتصدمت من الى حصل

بس بجد الى زى ده ان ميتزعلش عليه ولا يستاهل دمعه واحده من عنيك عليه

واحمدى ربنا ان انتى خلصتى منه قبل ما تكتبى الكتاب الحمد للله

وحاولى تروحى خطوبه بنت عمك وغيرى جو وربنا ان شاء الله يعوضك بانسان احسن منه مليون مره ياااااااارب

h

heba 017

عروس مبدعة

01-02-2009 | 04:57 PM

يارب يقوينى بجد وشكرا ليكو كلكو على ردودكو عليا بجد ربنا يخليكو ليا يااارب انا والله والله حاسه انى فى دنيا يا انا الغلط يا الناس اللى فيها هما الغلط
والله والله اسئلو غاده ودينا انا كنت لما بكلمهم بفكر فيه حتى وانا بكلمهم يعنى والله كنت بفكر اجيبلو ايه فى الفلانتين وكنت ادخل الشات اسئل يميم واسئلهم كلهم عايزه اعمله احسن حاجه وفى الاخر بيكون بيفكر فى غيرى وبيحضر لفرحه على غيرى

ع

عروس memo

عروس مشرقة

01-02-2009 | 05:01 PM

الله يكون فعونك يا هبة والله قطعتيلي قلبي متلوميش نفسك انتي معملتيش حاجة غلط انتي حبيتيه وهوا طلع ميستاهلكيش يا حبيبتي صلي وادعي ربك يرزقك بالي احسن منو الخيرا في ما اختاره الله .

ح

حبيبه مادو

عروس فضية

01-02-2009 | 05:17 PM

يا خبرررررررررر

هبه حبيبتى بجد مش عارفه اقولك ايه بس بجد ده انسان ندل ولا يستحق منك كلمه واحده بجد ده ملوش امااااان معقوله ويقولك بنفسه معزووومه ده ايه الوقااااحه والحقاااره دى

ده انسان وقح ومش يستاهلك وربنا نجاكى منه

واكيد ربنا هيكرمك باحسن منه باخلاصك ده ويكون يحبك ويحترمك ويقدررررك واحسن منه بالف مررررره

انا زعلت بجد عشانك وانتى عانيتى كتير بجد اوعى تفكرى فيه وانسيه واشغلى نفسك واعملى كل حاجه بتحبيها وربنا هيكرمك باحسن منه بمليييييييييييون مره وانتى الف من يتمناكى ويستاهل حبك واخلاصك

h

heba 017

عروس مبدعة

01-02-2009 | 05:19 PM

ميرسي يا قمر ربنا يخليكى يارب ويارب ميحط اى بنت مكانى يارب ولا تحس باى جرح لانه صعب والمه كبير بجد

h

heba 017

عروس مبدعة

01-02-2009 | 05:21 PM

ربنا يخليكى يا حبيبه مادو والله والله انا كرهت الرجاله حسيت كلهم واحد خلاص بجد مش طايقه اسمع اى صوت حتى صوت اخويا

M

M!ss Tuky

عروس فضية

01-02-2009 | 05:31 PM

مش عارفه اقولك ايه يا هبة

كلام كتير اوى لو اتقال هيزعلك وانتى مش محتاجه

من اول موضوعك بتاع تجربة انتحارى مع نفس الشخص وترجعيله تانى يبقي كلام هيزعلك

دا قضاء ربنا ومش نصيبك

نفيش حاجه تانيه غير كده لا زعل هيرجع الى راح ولا هيحلى صورة شخص فنظرك

بصي لقدام وابدأى حياتك من جديد عارفه انو صعب تسلمى بكلامى ده بس مقدامكيش حاجه تانيه تستعيدي بيها نفسك

s

s_a_r_a

عروس مبدعة

01-02-2009 | 05:45 PM

حسبيا الله ونعمة الوكيل عليهم
الخير فيما اختره الله

ف

فراوله مصريه

عروس متألقة

01-02-2009 | 05:50 PM

يا خبر ليه الناس بقت وحشه كده يا بنتى خلاص ما تفكريش فيه دهه ميستاهلش ربنا يعوضك ويرزقك بالى احسن منو ده بنى ادم ما يتبكيش عليه اصلا :(

ر

روضه 2006

عروس نشيطة

01-02-2009 | 06:13 PM

هبه ماتزعليش نفسك الانسان ده مايستهلش انك تزعلى لحظه واحده عشانه قولى الحمدلله واكيد ربنا هايعوضك بانسان احسن منه يقدرك ويستهالك بس حاولى تخرجى من اللى انتى فيه وثقى تماما ان ربنا مبيجبش حاجه وحشه وفى احد الصالحين قال (مامنعك الا ليعطيك) يعنى اكيد ربنا بعده عنك عشان يعطيكى حد احسن منه انا والله حاسه بيكى لانى جربت نفس الموقف ده تقريبا ايوه انهرت فى البدايه لكن بعدين صبرت وربنا عوضنى بانسان احسن منه فى كل حاجه خليكى واثقه فى ربنا (ولا تيئسو من روح الله انه لاييأس من روح الله الا القوم الكافرين) وفكرى كويس فى كلامى وسيدنا يوسف مش اخواته رموه فى البئر فكرين انهم بيضروه لكن رموه عشان يبقى عزيز مصر ثقى فى ربنا ياهبه وادعيه وان شاء الله مش هايردك

p

paradise rose

عروس رائعة

01-02-2009 | 08:21 PM

يا حبيبتى بجد انا مش عارفه اقولك ايه
بس اللى انا متاكده منه ان هوا مش انسان اصلا ولا اهله ناس كويسه
وانتى تستاهلى واحد احسن منه الف مره
واحمدى ربنا انه نجاكى منه دا كدااااااااااااااب
مكنتيش عارفه لو حصل واتجوزتوا كان ممكن يعمل ايه ممكن بتجوز عليكى او يخونك فكدا فى البر اهون شويه
ولعلا موضوع الحادثه بتاعك دا جه بنجاه ليكى منه
ربنا نجاكى من شره هوا واهله
ادعى واستغفرى وكونى قويه متحسسيش حد انك ضعيفه
وربنا هايكرمك اكيد يا حبيبتى وهيعوضك باللى ينسيكى كل الحاجات الوحشه اللى فى حياتك وربنا يخليلك مامتك يارب

ت

توتى وشيكو

عروس فضية

01-02-2009 | 08:35 PM

والله دا ميستاهلش التراب اللى بتمشى عليه واللى يعمل كده يبقى ندل ومعندوش اى احساس يخطب ويتجوز وهو معلق واحده ويسيبها وهى عيانه بالطريقه الوقحه دى
والله العظيم لو انا منك افرح واصلى ركعتين شكر لله انه نجاكى من هذا الثعبان
وصدقينى ربنا انعم علينا بنعمه النسيان وهتنسيه وربنا هيعوضك بحد كويس يريح قلبك ويهنيكى وكونى على ثقه ان ربنا يمهل والا يهمل ودى مش نهايه الدنيا انتى مش اول والا اول واحده تنجرح بس شدى نفسك وقومى وارمى ورا ضهرك وربنا يريح قلبك ويسعدك يا جميل

ش

شموخ قلب

عروس متألقة

01-02-2009 | 08:40 PM

يا هبة ما تخذيش فبالك ترى والله إنه ما يستاهل حتى يتبكي عليه...
حبيبتي حطي ف بالج إنه الله يحبك والا شو فايدت الزواج لو عشتي مع واحد طعنك فظهرك أكثر من مرة...
بالعكس إحمدي ربك واستغفريه ودعي ربك يرزقك بإنسا ن أحسن منه إنسان يعرف قيمتج ويعرف قدرك وقدر أهلك..إنسان يتمنى يطول ضفرك...
وارفعي راسك لفوق واعتبري إللي كان ما صار وما بيصير صحيح بيكون صعب عليكي لكن حاولي ..واعرفي إن الدنيا ما بتتوقف عند إللي صارلك...
وبعطيش نصيحة...لا تجعلي مشاعرك أرضا يداس عليها بل سماء يتمنى الجميع الوصول إليها..
..................زألا بذكر الله تطمئن القلوب...........

e

emy_alex

مشرفة سابقة

01-02-2009 | 08:44 PM

dandona we bas;8642139:
و ازاي اصلا بنت عمك يوافقوا عليه و هوا خاطبك و عارفين انكو لبعض بجد غريبة و جاية بايتة معاكي كمان آل إيه عشان تخفف الجرح عنك بجد احنا في زمان العجايب ؟؟؟؟؟؟؟؟؟؟؟؟؟

يا بنتي ده اقل حاجة في الذوق و الأصول انهم كانوا يفسخوا الخطوبة قبل لما يروحوا يحددوا ميعاد فرحه و يشوف واحدة تانية ده المفروض بجد ده خسارة فيه انه يتقاله إنت بني آدم أصلا ؟؟؟؟؟؟؟؟؟؟؟؟؟؟

لالالالالالالا
انتى فهمتى غلط
العروسه بنت عمته هو

هى بتقول نفس يوم فرحه
خجطوبه بنت عمتى

أ

أم حلا القمر

عروس ماسية

01-02-2009 | 10:36 PM

هبه انا بجد مش عارفة اقولك بجد غير مبروووووووووك انتي ربنا بيحبك موووووووت ياريت احنا كمان ربنا يحبنا زيك كده

(( وعسي ان تكرهوا شيئا وهو خير لكم ))

((وعسي ان تكروا شيئا ويجعل الله فيه خيرا كثيرا)))

انا يا هبه حصلي زيك كده وساعتها كنت زيك وفي حالتك حب 7 سنين وبعد كده بكل سهوله راح اتجوز غيري والله بجد فرحانه موت وفرحانه ليه كمان وهتصدقي لو قلت لك اني ساعات بدعيله لانه اولا صله رحم ابن عمي ثانيا لاني ما كنتش اعرف ان ربنا مخبيلي كل الخير ده انا ساعتها اول ما رعفت الخبر قلت اللهم ااجرني في مصيبتي واخلف لي خيرا منها بس........ز هتصدقي لو قلت لك اني روحت خطوبته وباركتله كمان هههههههه هتقولي اية البت دي والله بس ده اللي حصل اوعي تنسي الحب اللي كان ما بينا علشان ما تفتكريش اني ما كنتش بحبه بس والله استغفرت ربنا كتير ودعيته ودلوقتي ربنا كرمني بأنسان لوفضلت اكتب من دلوقتي لتاني يوم مش كفايه عليه اتاري ربنا كان مخبيلي خطيبي ده هههههههههه اللئيم كان مستخبي هههههه

بصي يا هوبا يا قلبي انا عايزاكي ما تحطيش في بالك كل ده مكتوب عند ربنا ونصيب وهي مناسبة ليه اكتر منك مش لانك وحشة يا قلبي لاء لا ن انتي اللي يناسبك حد تاني مش هو يستهالك انسان يكرمك ويعيشك ملكة وشاريكي بجد انتي تحمدي ربنا نه عمل كده من قبل ما تغوطوا في الموضوع لاقدر الله مش كده احسن ولا لاقدر الله مطلقة ولا حتي انه يقرفك في عيشتك صدقيني وعن تجربة يا حبيبتي ربنا مخبيلك انسان بجد هيحتويكي ويحبك ويديكي كل عمره بببسسسسسسسس الصبر ثم الصبر والاستغفار داومي وواظبي عليه وهتدعيلي بعدها يا هوبا

اسأل الله العظيم رب العرش الكريم ان يرزقك بالزوج الصالح عاااجلاغير اجل

يارب يا من تقول للشيء كن فيكون ويامن ترزق من تشاء بغير حساب ارزق واكرم هبه بالزوج الصالح وريح بالها يااااااارب وارزقها الذرية الصالحة يااااااارب

m

movvvv

عروس مشاركة

02-02-2009 | 12:02 AM

اة يا حبيبتى بجد جسمى قشعر
وقلبى بيدق جامد مش مصدقة ان فى انسان سورى فى اللفظ
ندل اووووووووى كدة
معلشى يا حبيبتى ما تزعليش نفسك والله ما يستاهل دمعة من عينيكى
انتى عارفة ربنا هيورية ايام سودة بسبب اللى عملة فيكى
ربنا يصبرك ويرزقك بواحد احسن منة مليون مرة
والله بادعيلك من قلبى ربنا يصبرك دة ابتلاء من ربنا
ولازم تصبرى والله ربنا بيحبك انك عرفتى الانسان دة قبل ما تتخطبوا
ربنا يصبرك يا قلبى