ساعدووونى بالله عليكو بجد ؟

الله يعوضك باللي يستاهلك ..

صدقيني لو كان يستاهلك كان اتزوجتيه ..

أحمدي الله إنك عرفتيه قبل تتزوجيه وتنصدمي فيه ..

والله كل شيء يصير للإنسان تراه خير ..

والأيام راح تثبت لك ..

صلي ركعتين الحين وأدعي الله إنه يفرحك باللي يستاهلك ويعوضك بالخير إن شاء الله ..

ولا تنسين إدعي إن الله ينسيك ذكره عشان ما تتألمين ..

الله يعووضك ياااااارب ويفرج همك ..

smsmakimo;8640252:
هبة حبيبتى انتى من الاول مكنش لازم ترجعى للانسان دة وبجد حاسة بيكى اوى معلش خليكى مع ربنا انتى عارفة ممكن ف الخطوبة يجيلك نصيبك مع انسان محترم تقابلية ف خطوبة بنت عمك ويكون 6/2 دة يوم سعدك...........ربنا معاكى

والله كنت هقول نفس الكلام ماحدش عارف الخير فين

انا مش عارفاكي بس بجد بدعيلك من قلبي بس اقولك ايه وما منعك الا ليعطيك ربنا ان شاء الله شايلك احسن منه ميه مره لانك تستاهلي حد احسن هحكيلك حكايه واحده صاحبتي في اخر سنه في كليتها سقطت وكانوا محددين ميعاد الفرح بعد ماتخلص وتسافر معاه هو لما رجع وعرف انها سقطت اسر انه برضه يتجوز ويسافر وفضل يضغط عليها وعلي اهلها وهي عشان كانت بتحبه اقنعت اهلها واتحول موقفهم من الرفض التام للموافقه والتنازل عن حجات كتير عشان سعاده بنتهم لدرجه انه طلب منهم يجهزو ا الشقه بالكامل ووافقوا وقالهم انه مش معاه دلوقتي وهيسدد بعدين مع انه شغال في اكبر شركه ادويه وفي السعوديه يعني مرتاح جداااااااااا وفجاه وهما بيشتروا اوضه النوم من دمياط فركش الموضوع عارفه ليه عشان الرجل بيسال اكتب الفاتوره باسم مين قالت مامتها باسم بنتي وفركش الموضوع بفضيحه ادام الناس مع اني اقسم ان صاحبتي دي زي القمر ومحترمه جدا ومستواهاا لمادي عالي ودكتوره ومع ذلك عمل كل ده وهي دلوقتي مرتاحه جدا وبتقول انها بتحمد ربناانها سقطت سنه واكتشفت انه سئ كده وطبعا عمل مواقف غبيه بعد مافركش اخرها انه بعتلها واحديعرفه عشان يخطبها قال ايه بيدورلهاعلي عريس عشان ميحسش بالذنب

طيب هاقولك حاجه تانيه ليا واحده صاحبتي متجوزه بعد ارتباط خمس سنين وهو اعترفلها انه بيحب بنت تانيه ولسه بيكلمها وبيقابلها بعد الجواز وانه مش قادر يحب غيرها ولا راضي يطلقها ولاراضي يسيب التانيه ايه رايك؟


انا بدعيلك بس انتي تماسكي وراجعي حساباتك وانسي والله انا حاسه بيكي وعارفه انك مش قادره تتخيلي بس ادعي ربناهو يجبر كسرك ويهون عليكي

مش عارفه اقولك ايه بجد غير ربنا يصبرك

بس عارفه ياهبه هو مش يستاهل
وبجد الحمد له على موضوع الحادثه لانه كشف حقيقته
انا مره دخلت الشات
لقيت يميم كاتبالك مش ممكن الحادثه دى تكون خير ولسبب
هى فعلا كانت كده
وبينه
ربنا يصبرك ومتزعليش عليه

حقيقي ياهبة مش عارفة اقولك اية

غير اني ادعيلك

ربنا يصبرك ياحبيبتي

هبه معلش سؤال
هى بنت عمته دى
صحبتك الانتيم اللى كانت وقعت بينكم صح؟

لالالالالالالالا مش هيا بنت عمته دى عمرى مشفتها

شوفي يا ست البنات
انا بعد كل الكلام اللي البنات قالوه ليكي انا احب اضيف عليه كام حاجه من عندي
انا مريت بتجربه شبه تجربتك دي والدنيا اسودت في عنيا وقولت اني وحشه وكرهت الناس وكرهت نفسي
وبعد فتره اتعرفت علي حد وبقي في ميل وقولت ربنا هيعوضني طلع هوائي وماهواش عارف راسه من رجليه وحمدت ربنا وبعدت شويه وحد تالت ظهر في حياتي قولت بس هو ده.. المهم يا ستي اتلكك وقالي اسباب تافهه كده تمنع الارتباط انا انهرت وتعبت وقولت خلاص انا ماليش نصيب ولا هحب ولا هتجوز وشكلي نحس واكتئبت وصعبت عليا نفسي وقعدت اقول ليه كل ده يحصللي وانا ماعملتش حاجه وكده وطول الفتره دي يا ستي كان ليا حد زميل معايا بيواسيني دايما.. فجأه كده لاقيته بيحبني .. ولا قيت نفسي بحبه برده.. المهم ماخبيش عليكي خوفت عشان التجارب الي فاتت صليت استخاره وقولت اما اشوف.. طبعا لاني اتخبطت 3 مرات قبله.. قولت مش ناقصه خبطات تاني.. المهم يا ستي تعدي الايام بحلوها ومرها وظروفها كلها.. والاقيني بين يوم وليله خطيبه اخر حد الي هو كان زميل.. احلف لك بالله يا هبه اني بقول انا كنت حماره وغبيه وفيا العبر كلها اني عرفت الناس الي قبله.. والله يابنتي لو اطول اني اخد كلللللللل المشاعر الي حسيت بيها مع الناس الي قبله واديهاله لكنت عملت كده لانهم جزم مايتساهلوش الحمدلله رب العالمين ربنا عوضني لاني دعيته بقلب صافي وحزين ومكسور وهو برحمته جبرني وعشان قولتله اجرني في مصيبتي واخلف لي خيرا منها.. والله كل الخير جالي بعد مصايبي الي حكيتلك عليها
عارف الاكتر كمان.. انا من فتره عييت وجالي نزيف رحمي.. يعني البيريود ماكنتش بتتقطع شغاله علي طووووول.. لحد ما اتصفيت يا بنتي.. والدكاتره ماعرفوش سبب النزف.. والله خطيبي كان حاططني جوه عنيه وبيزعقلي لو اصرت في معاد دكتور او دوا.. اللي بجد حسسني انه ربنا عوضني بيه.. ان في دكتور حمار من الي انا روحت لهم قاللي اني عندي ورم ليفي في الرحم.. من غير كشف واشعات ولا حاجه كده.. انا طبعا اترعبت لاني لسه بنت ماتجوزتش وقالي عمليه بقي ووهمني.. والله يا هبه انا روحت البيت مش شايفه
وكلمت خطيبي وعيشت دور امينه رزق وحسين صدقي وقولتله انا مش عارفه الظروف ايه وسيبني ومش هنفعلك وكده عارفه رده كان ايه؟
شششششششششش قالي كده ششششششششش
انا مش عايز عيال انا عايزك انتي.. والله يا بنتي بقيت مش عارفه انا بعيط من الفرحه والا من الهم والا من الخوف.. والحمدلله طلع لا في ورم ليفي ولا حاجه والحمدلله خفيت ولما كل التحاليل قالت اني سليمه بفكره بكلامه وبقوله صحيح مش عايز ولاد؟ قالي ده مني عيني يكون لي منك طفل بس انتي عندي اغلي من كل الولاد .. شوفي بقي المواقف الي حكيتلك عليها وقارني.. تفتكري يستاهل منك دمعه واحده؟
ربنا يارب يصبرك ويخرجك من اللي انتي فيه ويجبرك اللهم امين

حسبنا الله ونعم الوكيل ربنا يصبرك ياهبه والله العظيم حاسة بيكى لان ده حصلى قبل كده وكمان كان ابن عمى بس الحمد لله ربنا ظهره على حقيقته زى ماحصل معاكى وسبنى بعد4سنين خطوبه وراح وخطب واحنا فى عز جرحنا وبعد كام شهر اتجوز وبكل برود كانو جاين يعزمونا على فرحه بس طبعا احنا مرحناش...المهم كان اول زيارة ليه هو والمدام بتاعتة لباباه الىهو عمى كانت قراية فاتحتى يعنى سبحان الله ربنا كريم اوى كرمنى باحسن منة مليون مرة الحمد لله ... يعنى انا كل قصدى اقولك ان ده كله ان شاء الله خيررر ليكى وعسى ان تكرهو شىء وهو خيرا لكم انشاء الله خير ليكى وربنا هيرزقك باحسن منه اصلا هو ميستهلكيش ....انتى بقى لازم تكونى قوية جدا متبينيش اى حزن خالص حولى بقدر الامكان عشان متفرحيش حد فيكى وتمسكى اوى ياهبة وربنا معاكى ياحبيبتى وربنا يكرمك ياررررب اللهم امين....

حسبى الله ونعم الوكيل معقول فى ناس كده؟؟؟؟؟؟؟
ربنا يعوض عليكى ياهبة باللى فعلا يستاهلك

انا والله والله بقول ربنا يوفقكو و لما كلمته قلتله يارب تكون احسن منى مليون مرة بس انا مش طايقه نفسى مش عارفه اليوم ده هيعدى عليا ازاى يعنى عماله افكر لو روحت خطووبه بنت عمى ومثلا الصدفه جمعت ان هو وهى بيتصورا فى نفس الاستوديو انا هعمل اهي انا ممكن اقع من طوولى
والله انا بنت عمى اللى هيا العرووسه بايته معايا بقالها يومين عشان تحاول تخرجنى من اللى انا فيه بس والله الجرح صعب اوووى

استهدي بالله كده يا حبه وحاولي تتماسكي وادعي ربنا اوي يعدي الايام علي خير وهي هتعدي ان شاء وانتي مش هتفوقي يا هبه الا لما تعوزي تفوقي (ان الله لا يغير ما بقوم حتي يغيروا ما بأنفسهم)
عشان كده اعقدي النيه علي انك تنسي وهتنسي ان شاء الله

هبة يا حبيبتي انا قلتلتك قبل كده انه انسان مش كويس و فعلا مكنش يستاهل من الاول و هما عيلة واضح الصراحة انهم معندهمش اصل و ماماته كل شوية بحال مرة كويسة و مرة وحشة و هوا كذلك بردو هذا الشبل من ذاك الأسد

احمدي ربنا الف الف الف مرة كل يوم و اشكريه و صلي كتير و اتقربي منه و ادعي و قولي حسبي الله و نعم الوكيل و الحمد لله أنه بان كده قبل ما يحصل حاجة و الحمد لله الف و مليون مرة انه مش من نصيبك يا هبة

حطي في دماغك إن الموقف ده لازم يقويكي و يوقفك على رجليكي أقوى من الأول بكتييييييييييييييييير لازم يعلمك تختاري صح و ان دي حياة أبدية و ده مصير و لازم نختار بعقلنا قبل قلبنا عشان نقدر نحدد صح

و مقدرش اقولك غير حسبي الله و نعم الوكييييييييييييل هو نعم المولى و نعم النصير

هبة هيا العروسة بنت عمك إنتي و لا بنت عمه هوا ؟؟؟؟؟؟؟؟؟؟

يخرب عقله ده طلع إنسان واطي بجد و معندوش ريحة الأصل ازاي يعني يقدر كده ربنا يردوهاله يارب في أعز حاجة عنده

و ازاي اصلا بنت عمك يوافقوا عليه و هوا خاطبك و عارفين انكو لبعض بجد غريبة و جاية بايتة معاكي كمان آل إيه عشان تخفف الجرح عنك بجد احنا في زمان العجايب ؟؟؟؟؟؟؟؟؟؟؟؟؟

يا بنتي ده اقل حاجة في الذوق و الأصول انهم كانوا يفسخوا الخطوبة قبل لما يروحوا يحددوا ميعاد فرحه و يشوف واحدة تانية ده المفروض بجد ده خسارة فيه انه يتقاله إنت بني آدم أصلا ؟؟؟؟؟؟؟؟؟؟؟؟؟؟

,والله عورتي قلبي صدق
الله يعون بعونج وقوي قلبج

وبقولج شي, لو خطيبج رجع لج وقال يباج بتقبلين فيه؟؟؟
ماظن بعد اللي سواه بترضين تكونين زوجة له عشان جذي ل

بصى يا حبيبتى يا هبة انا مش هلومك طبعا علشان انتى مش حمل لوم وعتاب علشان الغلط من الاول غلطك فى حاجات مينفعش تسامحى فيها وهو استغل النقطة دي فيكى انك بتنسى الجرح بسرعة لأنه خطب غيرك قبل كده ووقت ما فكر يرجعلك بكل بساطة رجعتى عموما اللى حصل حصل خلاص بس هقولك احمدي ربنا اوي انه ظهر على حقيقته دلوقتى انتى لسه على البر وهو يا حبيبتى قدر ينسى وهيكون فرحان فى خطوبته وانتى هتفضلى تهري فى نفسك كده وتتعبى وهو ولا على باله
بصى نصيحتى ليكى خليكى قوية اوي و ارمى ورا ظهرك كل ده وحسسيه ان الدنيا مش واقفة عليه وهتعيشى حياتك احسن كمان من الوقت اللى كنتى فيه معاه انا عايزاه يفهم كل ده وكل اللى حواليكى يفهموا كده كمان وادعى كتير اللهم اجرنى فى مصيبتى واخلف لى خيرا منها وثقى ان ربنا هيعوضك اوووي باللى يريح قلبك وتستريحيله ويستاهل الحب بجد
هبة انتى مشاعرك غالية اوي وطاهرة متفرطيش فيها ولازم تديها بس للى يستاهلها
يارب يصبرك ويعوضك ويربط على قلبك ان شاء الله ومتشوفيش حاجة وحشة ابداااا

,والله عورتي قلبي صدق
الله يعون بعونج وقوي قلبج

وبقولج شي, لو خطيبج رجع لج وقال يباج بتقبلين فيه؟؟؟
ماظن بعد اللي سواه بترضين تكونين زوجة له عشان جذي لا تزعلين لان واحد مثله صعب الوحدة ترتبط فيه



وهذا اكيد خير لج وبتحصلين الاحسن

ربي يوفقج ويسعدج واذا هم ظلموج ربج فوقهم مستحيل يتركهم

اولاًَ: انا مش مصدقه خااااااااالص اللى قرأته دا حاسه انى بشوف فيلم عربى فاشل كمان
ثانياً: خطيبك دا مش راجل اساسا لانه محترمش كلامه واتفاقاته معاكى ولا مع مامتك ولا اهلك
ثالثاً: دا شخص لا يعتمد عليه لانه بيلعب ببنات الناس
رابعاً: مامة المرحوم خطيبك معندهاش ذوق ولا مبادىء ولا اخلاق عشان بردو محترمتش اتفاقتهم معاكوا
خامسا: انتى من الاساس غلطانه لانك رجعتى له من تانى واديتيه الفرصه يلعب بيكى تانى زى اليويو
سادساً: دا مش بنى ادم اساسا عشان تبكى عليه الحمد لله انه راح فى داهيه بعيد عنك
سابعاً: كما تدين تدان هو ان شاء الله حيشوف كل المر اللى سقاه ليكى عشان ربنا مش بيضيع حق حد ابدا

خلاصه كلامى صلى واستغفرى وافضلى ادعو ربنا وقولى حسبى الله ونعم الوكيل اللهم اشكو اليك ضعفى وقله حيلتى... وصدقينى ربنا المنتقم الجبار حيرجعلك حقك تالت ومتلت وحيرجع يكلمك تانى بس رجائى لو كلمك تانى اقفلى فى وشه ومدوش اى فرصه انه يتكلم عشان دا مش رااااااااااااااااااااجل

وربنا حيعوضك بكل الخير والسعد وحتنجحى زى ما قولتلك قبل كدا فاكره:wink:

والله قلبى وجعنى وانا بقرا كلامك حاسه بيه اوى وانتى بتقوليه

ارمى ورا ضهرك وانسى كل حاجه بتاخد وقتها اكيد بس ف الانسان دة بالذات ماتخليش الدنيا تجرى بيكى وانتى لسه قاعدة بتبكى ع الاطلال

ايه رايك يا هيه بجد لو جمعنا نفسينا كلنا وخرجنا اليوم دة واهو نخرج وتنسى اليوم ؟؟؟؟؟؟؟؟؟؟؟؟؟؟؟

ها رايك ايه ؟؟؟؟؟؟