مخنوقة جدا و محتاجة رائيكم

صرى على رفضك للاول اما التانى صلى استخاره ولو نصيبك هتاخديه غصب عن الكل
وربنا يوفقك ويعملك الخير كله ويريح قلبك ويسعدك

بصي انا عارفه انه موضوع يخنق بس انتي استعنتي باللي احسن من بابا وماما واحسن مننا احنا كمان وهو ربنا وبدام انت يحسيتي براحه مع الشخص التاني يبقي خلاص اتكللي علي الله بدام هو كويس وانتي شايفه فيه نفسك وشايفه سعادتك معاه وبعدين ده جواز طول العمر يعني يوم ما تعيطي محدش هيمسح دمعتك غيرك ولا بابا ولا ماما هيعيشولك طول العمر
بس في حاجه تانيه ان انتي لازم تكوني اخترتي بناءا علي عقلك مش قلبك لان بجد اللي بيدوم هو العقل والحب بيجي بعد كده يعني مش عشان انتي حابه واحد تجري ورا عواطفك وبعدين انا شايفه برده ان الاولاني هيموت عليكي فكري كويس ولو لنتي شايفه ان التاني بجد هيسعدك اتكللي علي الله وكل حاجه هتيجي بعدين لان سبحانه وتعالي جعل من اسباب الغناء الجواز خدوهم فقراء يغنهم الله
لكن انا شايفه ان انتي بتتلككي للاولاني في حكايه ان انتي مش عارفه لو اتجوزتيه هترجعي امتي لان انتي لو اتجوزتي اللي انتي حباه ممكن تجيله فرصة سفر وساعتها هتعملي ايه؟
بصي انا من رايي اسمعي كلام نفسك المره دي وجربي واهي جوازه يا طلعت يا نزلت وربنا هيسترها معاكي انشاء الله واديكي جربتي مره كلام اهلك بصي اتكللي علي الله واتحمللي نتيجه قرارك بنفسك وخليكي قويه ويمكن هو ده اللي سعادتك معاه خليكي جريءه وواجهي الموقف

لان انا حصلي نفس اللي حصلك ف الاول اخدت واحد برضه تحت ضغط امي وكانت النتيجه ان انا فركشت

بصي انا عارفه انه موضوع يخنق بس انتي استعنتي باللي احسن من بابا وماما واحسن مننا احنا كمان وهو ربنا وبدام انت يحسيتي براحه مع الشخص التاني يبقي خلاص اتكللي علي الله بدام هو كويس وانتي شايفه فيه نفسك وشايفه سعادتك معاه وبعدين ده جواز طول العمر يعني يوم ما تعيطي محدش هيمسح دمعتك غيرك ولا بابا ولا ماما هيعيشولك طول العمر
بس في حاجه تانيه ان انتي لازم تكوني اخترتي بناءا علي عقلك مش قلبك لان بجد اللي بيدوم هو العقل والحب بيجي بعد كده يعني مش عشان انتي حابه واحد تجري ورا عواطفك وبعدين انا شايفه برده ان الاولاني هيموت عليكي فكري كويس ولو لنتي شايفه ان التاني بجد هيسعدك اتكللي علي الله وكل حاجه هتيجي بعدين لان سبحانه وتعالي جعل من اسباب الغناء الجواز خدوهم فقراء يغنهم الله
لكن انا شايفه ان انتي بتتلككي للاولاني في حكايه ان انتي مش عارفه لو اتجوزتيه هترجعي امتي لان انتي لو اتجوزتي اللي انتي حباه ممكن تجيله فرصة سفر وساعتها هتعملي ايه؟
بصي انا من رايي اسمعي كلام نفسك المره دي وجربي واهي جوازه يا طلعت يا نزلت وربنا هيسترها معاكي انشاء الله واديكي جربتي مره كلام اهلك بصي اتكللي علي الله واتحمللي نتيجه قرارك بنفسك وخليكي قويه ويمكن هو ده اللي سعادتك معاه خليكي جريءه وواجهي الموقف

لان انا حصلي نفس اللي حصلك ف الاول اخدت واحد برضه تحت ضغط امي وكانت النتيجه ان انا فركشت

سلام عليكم
انا استنيت عشان ارد عليكي رد وافي
بصي اولا نقطة نقطة كدا...قريب باباكي ده اتقدملك ولما ماوافقتيش راح خطب وكتب كتاب كمان
يعني مش فرقت معاه يعني كان بيفكر فيكي بعقل مش حب لما رفضتيه مش قضيه
تاني حاجه رجع تاني يتكلم ف جواز وهو لسا ماخلصش موضوعه ...دي مش مريحة اطلاقا...
ومدام انتي مش بتحبيه يبقى خلاص ده موضوع واتقفل وماتفكريش فيه كخيار
بس بشرط تكوني انتي رافضاه مش عشان التاني...لا ...انتي عندك اعتراض منطقي ومبرر عليه


اما بالنسبة لموضوع التاني... هو بيحبك وانتي مياله له ..فبند العواطف متوفر
نحي العواطف على جنب بقى ... وفكري بعقل
ومش ف الفلوس بس
لا ف كل حاجه التدين الاخلاق الاحترام كل حاجه...وفكري جامد
وخدي راي الناس الي حواليكي من باب الاستشارة لكن وقت الجد انتي اهم حاجه تكوني مقتنعه
مش هينفع تعاشري بني ادم مانتيش متقبلاه
دي مش عشرة يوم...دي عمر
فكري كويس واستخيري وادعي ربنا كتير وربنا يوفقك

والله ياحبيبتي انا مريت بنفس ظروفك تقدم لي واحد وكنت مابغاه بس بابا كان مصر جدا وشايف انه عريس مناسب وحاول يضغط علي كثير مع العلم انه حاول يضغط علي بعريس قبله وانا رفضت بقوه بس في الاخير ضعفت ومو عارفه ايش اقول له اصراره كان قوي انا وافقته ومن داخلي مو مرتاحه ابدا جات امخ وجتلست معي وتكلمنا برضو مو مرتاحهوكنت ابكي ومابغاه وبنفس الوقت تقدم لي شخص ثاني وكنت مره ابغاه وبابا كان رافضه واصريت وتزوجته والحمدلله حاسه انه احسن قرار فتوكلي على الله وخليك على اختيارك لانه الانسان لما هو يختار بيتحمل كل شي لكن لما يختار غيره بس يفضل يلوم غيرهاعتمدي على نفسك وقرري لحياتك

kitty_kity;8660653:
سلام عليكم
انا استنيت عشان ارد عليكي رد وافي
بصي اولا نقطة نقطة كدا...قريب باباكي ده اتقدملك ولما ماوافقتيش راح خطب وكتب كتاب كمان
يعني مش فرقت معاه يعني كان بيفكر فيكي بعقل مش حب لما رفضتيه مش قضيه
تاني حاجه رجع تاني يتكلم ف جواز وهو لسا ماخلصش موضوعه ...دي مش مريحة اطلاقا...
ومدام انتي مش بتحبيه يبقى خلاص ده موضوع واتقفل وماتفكريش فيه كخيار
بس بشرط تكوني انتي رافضاه مش عشان التاني...لا ...انتي عندك اعتراض منطقي ومبرر عليه


اما بالنسبة لموضوع التاني... هو بيحبك وانتي مياله له ..فبند العواطف متوفر
نحي العواطف على جنب بقى ... وفكري بعقل
ومش ف الفلوس بس
لا ف كل حاجه التدين الاخلاق الاحترام كل حاجه...وفكري جامد
وخدي راي الناس الي حواليكي من باب الاستشارة لكن وقت الجد انتي اهم حاجه تكوني مقتنعه
مش هينفع تعاشري بني ادم مانتيش متقبلاه
دي مش عشرة يوم...دي عمر
فكري كويس واستخيري وادعي ربنا كتير وربنا يوفقك

بجد مبسوطة من ردك جدا و انا فعلا مش رافضة الاولاني عشان التاني لاني مش بحبه انا يدوب مياله له اما الاولاني ف حسيته زي ماقلتي بالظبط مش بيحبني ده انا حسيته بيعمل ثفقة مش عاوز بطلق خطيبته قبل ما يضمني ده غير موضوع 9 سنين فرق بينا ده مش مريحني و سفري مع انسان مش حاسة ناحيته باي حاجة مش متقبل الفكرة
و الانسان التاني من ناحية العقل كويس و محترم و متدين و ظروفة معقوله بالنسبة لسنه طبعا لانه اكبر مني بسنتين بس
لكن لما يحطوا ف مقارنه مع قريب بابا تبقي ظروفه 0 طبعا
مرسيي لردك يا قمر

بصي يا جوجو يا قمر الشاب ال انتي مستريحاله نفسيا ده لو متاكده انه يستاهل انك تتحدي الدنيا عشانه يبقى اتحديها مدام هو ال هيسعدك وتحبيه لكن حران توافقي على علشان بس اهلك موافقين عليه المهم انتي لان انتي ال هتعيشي معاه مش هما وربنا يارب يوفقك للصح والخير

شوفو يابنات بقي اللي حصلي العريس رقم واحد اللي هو قريب بابا اهله اتصلو يوم السبت و قعدوا يتحايلو علي ماما ان انا اديلو فرصة تانية يتكلم معايا انا كبعا قلتلهم طول ماهو متجوز و موضوع مش خلص الموضوع ده مرفوض بس هو بعتلي مسج و قالي لو ممكن تديني فرصة اوضحلك موقفي عشان انتي فهمتي غلط لو ممكن تسمعيني و تديني فرصة ابعتيلي الميا بتاعك و مشكلتي خلاص خلال اسبوعين هتنتهي انا مش رديت ع المسج دي لحد دلوقتي
المهم ف نفس اليوم ماما قالتلي لن واحدة صاحبتها عازمنا نقضي يوم معاها انا قلت اوك انا عارفة صاحبة ماما دي و هي عسولة جدا و صغيرة مش كبيرة
المهم نزلت انا و ماما انا رايحين للدكتور و اتكلمنا مع بعض كتير و انا حسيت اني شاكة ف موضوع خروجة صاحبتها دي بس انا عارفة ولادها اطفال و قعدت اسأل ماما و هي مش عاوزة تقولي و قالتلي ماهو انتي مش بتاخدي و تدي ف الكلام معاي كنت اتكلمت معاكي
انا قلتلها انا فعلا مش باخد و ادي معاكي بس انتي السبب و انتي اللي بعدتيني عنك المهم اتناقشنا كتير و قالتلي مدام انتي مش بتحبي حد و كلهم بالنسبة لك زي بعض يبقي اقعدي و اتكلمي و بعدين قرري
قلتلها لا انا مرتاحة لموضع صاحب خطيب صاحبتي و مرتحاله بس مش عاوزة استعجل
المهم ماما عارفة ان الولد ده بيكلمني و انا بحكيلها ومش بخبي عليها عشان مش شايفة انس بعمل حاجة غلط
المهم بليل نفس اليوم الولد ده اتصل بيا علي الموبيل رديت و ماما كانت جنبي سلم عليا و اطمن عليا و يدوب قفل لاقيت ماما بتقولي مين ؟؟؟ قلتهلها فلان
قالتلي و ينفع يتصل دلوقتي ؟ قلتهلها عادي ايه المشكلة ماكل صحابي بيكلموني عادي ولاد و بنات المهم انهتي اليوم
و صحيت تاني يوم مش ف بالي حاجة لاقيت ماما مش طايقاني و بكلمها راحت مزعقة جامد و حسستني اني منحرفة و بعمل حاجات غلط قلتلها في ايه انا رديت قدام و انتي قاعده جنبي و سمعة كل الكلام
قالتلي ده انسان مش محترم و .... وانا عامله اقولها في ايه كل ده ليه انتي ليه رافضة كده من غير ماتعرفيه طب انا مش عاوزة غيرة بقي
قالتلي انتي حرة ان شالله تتجوزي زبال حتي و خليه يجي من بكرة بس لو مجاش بكرة مايتصلش بيكي قلتها دي بيتصل علي موبايلي مش ع البيت يعني قالتلي انا هتصل بصاحبتك و اهزقها و اقولها تخليه مش يكلمك تاني قلتلها صاحبتي مالهاش دعوة و انتي بعملي كده ليه هو انا غلطانة عشان بحكيلك كل حاجة و مش بعمل حاجة من وراكي مانا كان ممكن ماردش قدامك و المهم اتخانقنا جامد جدا
اختي كانت موجوده بدل ماتهدي الموضوع شعللته اكتر عشان هما لااتنين عاوزيني اتجوز علي مزاجهم هما قلتلها انتي ليه بتعملي معايا كده انا طول عمري واقفة معاكي قعدت تتخانق معايا هي كمان و قالتي كلام زي الزفت انتي انسانة مريضة نفسيا و عايشة ف الوهم و معيشة نفسك ف دور الضحية و انا منهارة و عماله اعيط و اقولها اطلعي بره و هي تقولي لا و عمالة تكمل كلامها لحد ماما ماجت قلتها تعالي برة قعدت تقولها سيبها تولع و لا تروح ف داهية و من النهارده لا انتي اختي ولا اعرفك
حالتي كانت زفت مش قادرة اخد نفسي منهارة حتي صاحبتي الوحيدة ماما عاوزة تخسرهاني
قفلت موبيلاتي وقررت اموت نفسي
لاول مرة افكر كده ...استغفر الله العظيم
لولا صاحبتي دي اتصلت بيا و لاقتني منهارة قعدت تهديني و نزلت كنت رايحة للدكتور مع صاحبتي
رجعت بليل لاقيت بابا هو كمان قالب عليا و ماما بعتالي اخويا يقولي ماما بتقولك عندكو مشوار بكرة (مشةار صاحبتها بتاع العريس) قلتله قلها مش رايحة
راح و جه قالي بابا بيقولك لازم تروحي قلتله ايه لازهه يعني قالي معرفش قومي كلميهم
قلت بلاش اقوم اقغد اهدي شوية لاقيت ماما بتقول لبابا اني بقول مش رايحة راح بابا مزعقالي و قالي هتروحي و كلامي لازم يتسمع ومشكلة جديدة ...اليوم ده انا فضلت اعيط 11 ساعة متواصل
مش عارفة ماما بتعمل معايا كده ليه انا مش بعمل حاجة غلط ولا حاجة من وراها
المهم بقي جه تاني يوم المفروض هنخرج نشوف العريس و انا بقي خدت الموضوع عند و قمت لبست اسود ف اسود و ماما قعدت تتخانق معايا بالعافية غيرت الاسود و قيل ماننزل صاحبتها اتصلت اعتذرت عشان جوزها عمل حادثة و هو راجع و عربيته باظت....
انا طبعا فرحت جداااااااااااااا
نجي للاخر حاجة ...الولد اللي انا مرتحاله ده امبارح كان بيتكلم معايا و لاحظت ان كلامه اتغير شوية
يعني و كان قايلي هجيب شبكة ب 10000 امبارح قالي 8000
كمان هو كل يوم يقولي عاوز اقابل بابا و كان قالي عاوو اقابله اول 2 فانا قلت اشمعني اول 2 قالي عشان في فلوس جيالي عشان الشبكة و كده
امبارخ لاقيته بيقولي ان هو مهاه 4000 و هقيبض جمعية ب 2000 و هيبقي يعمل واحده تانية بعد دي ب 2000 كمان و ان شاء الله علي شهر 7 يخطبني
انا تنحت!!!!!!!
قلتله انت عاوز تقابل بابا دلوقتي و الخطوبة بعد 5 شهور ؟؟؟؟؟؟
طب بابا هيقولك انت عاوز ايه يعني دلوقتي؟
المهم انا اتخنقت و مش كملت كلام معاه
و الله انا مش فارق معايا الشبكة و الكلام ده بس انا لما حكيت لماما عليه قلتلها علي كلامه الاولاني و هي اصلا مش موافقة ع الموضوع من غير سبب و عشان حساه مستواه اقل مننا
كمان انا كنت مخطوبة قيل كده وخطيب كان جايبلي شبكة ب 12000
بلاش ده اختي متجوزة من 3 سنين شبكتها ب 10000 دي اقل كلمة هسمعها منهم
انا خايفة جدا وماما لسه جاية قالتلي اننا هنقايل صاحبتها و العريس بكرة و قالتي ده مستشار عنده 31 سنة و اهله ناس كويسين شوفيه و اتكلمي معاه و ماحدش هيغصبك علي حاجة انتي حرة
انا بجد خايفة موووووووووووووووووووووووت صحيح انا مرتاحة لصاحب خطيب صاحبتي بس مش بحبه و هموت نفسي و كده يعني انا بحس ان هو بيحبني و عاوز يعملي اي حاجة خايفة اتمسك بيه و هما مش و موافقين و ارجع اندم مش عارفة انتم فاهميني و حاسين بيا ولا لا

حبيبتي أولا وأخيرا القرار قرارك لكن أقدم لك شوية نصايح أثناء اختيارك عشان ترتاحي

العريس الأولاني رافضاه , والعريس الثاني يعني عاجبك بس لو ما انخطبتي له ما عندك مشكلة
والعريس الثالث بكرة حتشوفيه؟؟ ان شاء الله أكون فهمت صح

المهم اليو م اجلسي وحدك في غرفتك وهاتي أوراق وقلم

اكتبي اسم العريس الأولاني وكنيته
واكتبي جدولين ايجابيات , وسلبيات هذا الشخص

بعدين أكتبي اسم العريس الثاني وكنيته
وبرضه جدول ايجابيات وسلبيات

والعريس الثالث كمان لما تشوفيه بكرة طبعا

المهم خلصي اقرأي الجداول كويس وشوفي أنتي حلمك ايه أكيد عندك تخيلات وأحلام عن زوج المستقبل
شوفي أي عريس يناسبك أكثر

وبعدين صلي صلاة الاستخارة ونامي
وباذن الله ربنا حيختار لك الأحسن لك وييسر لك الرجل اللي يكون صالح لك

لازم تحتوي موضوع كل عريس من كل الجوانب يعني مو فقط العمر أو الحالة المادية لا لا قصدي كل النواحي ..

ان شاء الله تطبقي اللي قلتلك عليه..
وطمنينا عليكي

مرسيي علي النصيحة الغالية و ان شاء الله هعمل بيها بس لما اشوف هيحصل ايه بكرة
ادعولي يا بنات ربنا يكرمكم

بصي يا جوجو

اولا انا معاكي انك ترفضي العريس الاولانى قريب باباكي لان حاسه كده من طريقته انه واخد الموضوع ثفقه مقصدش طبعا المعنى الحرفي بس هو يعني الموضوع مش فارق معاه اوى لما رفضتيه في الاول راح خطب و اتجوز في اسبوع و بعدين لما حصل مشاكل مع خطيبته فكر انه يرجع يخطبك تانى مع انه اصلا لما رفضتيه في الاول مفكرش انه يتحايل عليكي شويه لا مسدق و راح خطب

ثانيا بقي العريس التاني اللي هو صاحب خطيب صحبتك انا بصراحه في الاول كنت مستريحاله من كلامك بس موضوع ان غير كلامه كله معاكي كده مش مطمنى حاسه انه بيلعب بيكي لما حس انك وافقتي عليه و انه خلاص هيقابل باباكي ابتدي يغير كلامه و الموضوع مش موضوع شبكه ب8000 او 10000 بس الفكره انه لو كان قالك كده من الاول كان هيبقي انسان صريح لكن كده انا حاسه انه ملاوع و بيغير كلامه يمكن يكون حصله ظرف او حاجه هو اللي اثر عليه بس بيتهيالي لو كده كان قالك انه حصل كزا عشان كده انا مش هقدر اعمل الا كده لكن كده كلامه غريب معاكي

ثالثا بقي العريس التالت ده انا شايفه انك تروحي بكره عادي جدا و تقابليه و تقعدي و تتكلمي معاه و لو ارتحتيله مبدئيا تقابليه تانى و تالت لغايه متتاكدي من ان كان انسان كويس و مناسب ليكي او لأ لو هو كويس و مناسب يبقي اتكلي على الله و اتخطبيله بس خدي بالك من حاجه انك قبل ما تقرري انك تتخطبي تبقي مرتاحه للانسان ده و اهلك برده يبقوا شايفينه كويس
بس طبعا صلي استخاره قبل اى حاجه صلي النهارده قبل ما تنامي و برده صلي استخاره بعد ما ترجعي من المقابله بكره بس متروحيش المقابله و انتى اصلا مش طايقه المشوار ده لا روحيس عادي كانك خارجه خروجه عاديه جدا يمكن يكون هو ده نصيبك محدش عارف نصيبه فين

sweetyronaaa;8678869:
بصي يا جوجو

اولا انا معاكي انك ترفضي العريس الاولانى قريب باباكي لان حاسه كده من طريقته انه واخد الموضوع ثفقه مقصدش طبعا المعنى الحرفي بس هو يعني الموضوع مش فارق معاه اوى لما رفضتيه في الاول راح خطب و اتجوز في اسبوع و بعدين لما حصل مشاكل مع خطيبته فكر انه يرجع يخطبك تانى مع انه اصلا لما رفضتيه في الاول مفكرش انه يتحايل عليكي شويه لا مسدق و راح خطب

ثانيا بقي العريس التاني اللي هو صاحب خطيب صحبتك انا بصراحه في الاول كنت مستريحاله من كلامك بس موضوع ان غير كلامه كله معاكي كده مش مطمنى حاسه انه بيلعب بيكي لما حس انك وافقتي عليه و انه خلاص هيقابل باباكي ابتدي يغير كلامه و الموضوع مش موضوع شبكه ب8000 او 10000 بس الفكره انه لو كان قالك كده من الاول كان هيبقي انسان صريح لكن كده انا حاسه انه ملاوع و بيغير كلامه يمكن يكون حصله ظرف او حاجه هو اللي اثر عليه بس بيتهيالي لو كده كان قالك انه حصل كزا عشان كده انا مش هقدر اعمل الا كده لكن كده كلامه غريب معاكي

ثالثا بقي العريس التالت ده انا شايفه انك تروحي بكره عادي جدا و تقابليه و تقعدي و تتكلمي معاه و لو ارتحتيله مبدئيا تقابليه تانى و تالت لغايه متتاكدي من ان كان انسان كويس و مناسب ليكي او لأ لو هو كويس و مناسب يبقي اتكلي على الله و اتخطبيله بس خدي بالك من حاجه انك قبل ما تقرري انك تتخطبي تبقي مرتاحه للانسان ده و اهلك برده يبقوا شايفينه كويس
بس طبعا صلي استخاره قبل اى حاجه صلي النهارده قبل ما تنامي و برده صلي استخاره بعد ما ترجعي من المقابله بكره بس متروحيش المقابله و انتى اصلا مش طايقه المشوار ده لا روحيس عادي كانك خارجه خروجه عاديه جدا يمكن يكون هو ده نصيبك محدش عارف نصيبه فين

انا و الله لما اتكلمت مع قريب بابا ده حسيته فعلا بيعمل ثفقة و حسيت اني لو وافقت هبقي بعت نفسي
اما التاني فانا اه ادايقت ان كلامه اتغير بس انا متأكده ان هو مش غير كلامه عشان بيلعب بيا ولا حاجة الحق يتقال الراجل عاوز يجي من بكرة و انا اللي بقولو لسه شويه بس هو شاب ف بداية حياته و عاوز يعتمد علي نفسه بس مش عارفة ايه حصل بالظبط عشان اتكسفت اسئلو طبعا
اما التالت بقي ربنا يستر لما نشوف مشكلتي اني بشوف ان اللي يفكر يتجوز جواز صالونات و سايب حد تاني يدورله علي شريكة حياته اللي هي اهم حاجة يبقي من الاول كده تفكيره مش عاجبني..
ادعولي و لما ارجع هحكيلكو الل حصل ..

بصي يا حببتي في ناس بتلجأ لجواز الصالونات ده لانه مبيبقاش مجال عمله ممكن يسمح ليه انه يتعرف على بنات كويسه يختار منهم شريكه حياته و ده شئ مش عيب بس اهم حاجه انك لما تشوفيه ترتاحيله و لما ترجعي ابقي طمنينا عملتي ايه

انا رجعت يا بنات و مش قادرة اقولكم كبرت دماغي و ريحت ماما و مالبستش اسود زي المرة اللي فاتت
و رايحة و انا بارددددددددددددددددددده مش متعصبة زي المرة اللي فاتت ابدا و قلت بلاش عند و اشوف يمكن يكون خير ليا و اقعد و اشوف و تاحدش عارف الخير فين...
المهم روحنا قعدنا شوية مع صاحبة ماما و جوزها و نص ساعة و الباشا شرف
اول ماشفته صراحة ..عادي جدا لا اضايقت و لا اتبسط و اتضايقت...المهم جوز صاحبة ماما قام مش عارفو يعمل ايه و شوية و طنط خدت ماما و قالت عن ازنكم ثواني و جايين...قال يعني بيدونا فرصة نتكلم
و اتكلم و ياريته ما اتكلم..دمه تقيل اخر حاجة و بيتكلم ف حاجات غريبة جدا و مالهاش اي علاقة ببعضها
و الله كنت هنام منه و انا قاعده و بيستظرف قوي عامل زي اللي بيقول نكته بايخة و هو بس اللي يضحك عليها .. و اللطيف انه راغي جدا و لو جيت اقول رأيي مش يدني فرصة و لو بيتكلم ف حاجة مش عارفها و اقوله لا ده كذا مثلا يقعد يقاوح قال يعني فاهم كل حاجة و هو كان بيتكلم علي حاجة تخصني انا اصلا
عارفين لما تقعدي مع حد و تحسي ان حديثه ممل؟؟؟؟؟؟؟ هو كده بالظبط
المهم 10 دقايق و ماما و طنط رجعو الحمدلله و الحديث بقي جماعي و هو برده دمه ........يلطش
يهزر فجأه كده و يقول كلام مش يضحك خالص و يقعد يضحك هو و يموت من الضحك كمان..
اه نسيت اقولكم كمان كان قاعد بطريقة غريبة جدا كأنه قاعد ف بيتهم مش ف النادي ..رافع رجله علي الكرسي و تانيها تحته مع انه لابس بدله يعني مش ينفع يقعد كده .. ده غير انه طول ماهو قاعد و بيتكلم عمال يلعب ف ضوافره ..حسيته تافه اوييييييييي..
المهم انا حبيت اطمنكم اليوم عده بسلام بس لسه ماحدش سئلني علي رائي..ربنا يستر..ادعولي يا بنات و النبي انا محتاجة دعائكم جدا

لو ما عجبك خلاص قولي لمامتك وباباك ما ارتحت له وفي النهاية كل شي قسمة ونصيب

الله يختار لك اللي فيه الخير

جوجو بجد ضحكتينى اوى بوصفك للعريس التالت ههههههههههههههههههه
بصى ياقمر انا كنت معاكى ايام زمان لو تفتكرينى يعنى فى المشكله القديمه بصى انا هقولك حاجه وده رائى فى كل عريس
الاول : ده بجد انا مش مرتاحاله لله فى لله حساه واخد الموضوع تهريج يكتب كتابه على واحده ويطلقها ويتقدم لواحده وترفضه ويتقدم تانى فى حاجه مش تمام

التانى: هو شكله بيحبك وشاريكى بس ظروفه مش مساعداه وده مش عيب يعنى هو ممكن يكون فعلا معاه 10000 بس هو مش عايز يحطهم كلهم فى الشبكه يعنى عايز يخلى جزء يعمل بيه حاجه فى الشقه ومتستهونيش ب 2000 جنيه دول اللى بيجهز بيبقى محتاج الجنيه مش الالفين فانتى اتكلمى معاه وقوليله انا مش بحب اللى يغير كلامه وبعدين انا اديت لماما فكره عن الموضوع فمينفعش ارجع اقولها ان انت نزلت فى فلوس الشبكه هيبقى انطباع مش ظريف من اولها
وهقولك حاجه كل واحد فى بداية حياته بيبقى مزنوق يعنى انا فضلت احب جوزى 3.5 سنين قبل الخطوبه كنا لسه بندرس واول مااتخرجنا والجيش اتاجل الحمد لله ومسك وظيفه هى مكانش مرتبها كبير بس اسمه بيشتغل جه واتقدم على طول وكان عايز يجيب شبكه كان معاه فلوس يعنى راح بابا ربنا يديله الصحه ويخليهولى قاله انا مش موافق على موضوع الشبكه كفايه دبلتين والفلوس اعمل بيها حاجه بس جوزى جابلى دبله وتوينز واسوره وكنا عملنا خطوبه فى قاعه يعنى وبابا صرف مش عملها عالديق مع العلم انه مكانش عنده شقه بس كان عنده عربيه باعها وجاب بتمنها شقه بعد الخطوبه والحمد لله اشتغل فى شغله احسن بعد الخطوبه على طول والمرتب الحمد والشكر لله اتحسن وابتدى يشتغل شغل اضافى ووضبنا الشقه واهلنا ساعدونا طبعا والحمد لله اتجوزنا بعد حب 5 سنين بقالنا 5 شهور متجوزين والحمد لله مش ممكن هلاقى حد احسن منه فى الدنيااااااااااااا
معلش رغيت كتيربس حبيت اقولك بصى هى فى ايه او حديث عندكم بس انا مش عارفه بصراحه يعنى بيقول اذا جائكم من ترتضون دينه فزوجوه اعذرونى لو فى خطأ فى الايه فانتى اتكلمى مع والدتك بهدوء وقوليلها ان كل الناس لازم تتعب فى بداية حياتها عشان تحس بعد كده بطعم الحاجه وعارفه احلى حاجه فى الدنيا لما تبقوا بتحطوا كل قرش على بعضه عشان تشتروا حاجه وبعدين بعد الجواز تلاقوها فى البيت هتبقى كل حته فيه عزيزه عليكوا

العريس التالت: ده باين عليه شايف نفسه شويه يعنى فرحان بشبابه فسيبك منه سكى عليه ولو مامتك قالتلك انتى ايه رايك قوليلها يعنى انتى عجبك هيافته وتقل دمه هاتى الكوره فى ملعبها


وربنا يعملك الصالح وان شاء الله تيجى تقوليلنا اخبار حلوه قريب

دا حديث يا قمر ...الرسول صلى الله عليه و سلم قال: (إذا جاءكم من ترضون دينه و خلقه فزوجوه)....
و تحليلك لل3 عرسان حلو يا مشمش..جزاك الله خير

manyaa;8768358:
دا حديث يا قمر ...الرسول صلى الله عليه و سلم قال: (إذا جاءكم من ترضون دينه و خلقه فزوجوه)....
و تحليلك لل3 عرسان حلو يا مشمش..جزاك الله خير

معلش انا متأسفه للخطأ اعذرينى

مشمش بجد مش عارفة اقولك ايه كلامك ريحني اوي و الله و حسسني اني فعلا صح عشان بجد كنت قربت اتوه و ماعرفش الصح من الغلط
انا بفكر زي مانتي قلتي بالظبط ايه المشكلة لما اتعب شوية بس اكون مع انسان بيحبني و بيتمني رضايا وبصراحة انا كمان بقيت بحيه اوي عشان هو بجد يستاهل يتحب بس ماما بقي بتفضل تقولي انتي طول عمرك عايشة مدلعة و كل طلباتك اوامر هتقدري بقي تستحملي انك تعيشي حياة صعبة؟؟ او انك تبقي عاوزة حاجةو ماتعرفيش تجبيها؟؟؟
و بابا بيقولي انتي غاوية فقر؟؟؟ حد يكره يعيش هانم؟؟؟
انا قولتلهم لا ماحدش يكره و الفلوس مهمة طبعا بس مش هي اهم حاجة يعني هعمل ايه لما اتجوز واحد يجيبلي كل حاجة بس انا نايقاش سعيده معاه؟؟؟؟
بس عارفة رغم اني بقولهم كده بس من جوايا ساعات بخاف واقول لنفسي هقدر امشي بيتي ب 1000 جنيه؟؟؟؟ هقدر استحمل و ابقي مبسوطو فعلا؟؟؟ بجد كلامهم بيخوفني قوي
الغريب ان اهلي مش ده طبعهم يعني ده معايا انا بس اختي لما جت تتجوز كان انسان بتحبه و ماعندوش اي حاجة غير انه بيشتغل لا شقة ولا شبكة و لا اي حاجة و بابا وافق و وقف جنبه و ربنا كرمهم و اتجوزو
و الاغرب بقي ان اختي دي ذات نفسها بتقولي نفس كلام ماما و بابا مع انها هي مافكرتش كده و اتجوزت اللي بتحبه و الحمدلله عايشة مبسوطة يعني مهياش مضايقة عشان اقول مش عاوزني اعمل زيها...
المهم بقي يا شوفو المشكلة الجديده اصل انا كل ماخلص مش حاجة تتطلعلي حاحة غيرها....
العريس رقم 3 (والله حاسه اني ف ماتش كورة و برقم اللعيبة ده تهريج و الله ما علينا)
قال ايه عاوز يقابلني انا و ماما و هو و مامته لانه يا عين مامته مالحقش يتكلم معايا و بصراحة مش فاهمة يعني واحد مالحقش يتكلم يعني لسه عاوز يقعد و يتكلم و يقرر يجيب مامته معاه ليه؟؟؟؟؟؟؟؟؟؟؟
مش لما يبقي يتكلم و يقرر يبقي يجيبها تتفرج؟؟؟
المهم بقي انا اول ما ماما قالت انا قلت لا بابا قالي ليه قلتله دمه تقيل و قعدت قولتله رأيه فيه زي ماكنت كاتبهولكم كده بالظبط ...المهم بابا قالي اصل انتي اصلا رايحة غصب عنك و رايحة ف نيتك الرفض و مش ينفع تحكمي علي حد من اول مرة و كلام كتير كده و بناءا عليه زي الجزمة وافقت اقعد معاه و بجد مخنوقة جدا اول مرة اعمل حاجة غصب عني و انا مش مقتنعة بيها...بجد مش قادرة اتقبل الفكرة جواز الصالونات طول عمري بحسه اهانه و عمري واعمل كده بس انا قلت بلاش اصمم رأيي و يفكرو اني بعمل كده عشان العريس رقم واحد خصوصا ان ماما مش طايقه الموضوع من دون سبب
بس مؤخرا ابتديت اعرق حجتها ايه ...انا طبعا خريجة هندسة زي مانتو عارفين و العريس رقم واحد بكالوريوس حاسب الي بس خريج معهد انا بصراحة مش شايفة دي مشكله لان لا انا و لا هو حاسين بفرق ولا الموضوع عامل لنا مشكلة لكن ماما تقريبا هتعملهم مكتب تنسيق مش فاهمه يعني
انا هتجوز ولا هدخلهم الكلية...
طبعا انا عارفة ان التوافق مهم ف كل حاجة بس ده مش جاهل و لا هو حتي معهد سنتين ده 4 سنين و شهادة معتمده من جامعة عين شمس و كمان هو ان شاء الله ناوي يكمل دراسات عليا بش مأجل الموضوع ده دلوقتي لحد مانتخطب عشان الفلوس ككان يا مشمش انا لما قلتله اني قلت لماما كلام غير اللي هو قالع علي موضوع الشبكة قالي من غير ماعرف قلتلها ايه كل اللي قلتيه هيحصل عشان مش هينفع اصغرك قدام اهلك يعني بجد انا شايفة بيعمل اللي عليه و زياده و انا بدئت احبه بس بجد خايفة اوي اني ماسمعش كلام اهلي و ارجع اندم و برده خايفة اسمع كلامهم و اندم...
بجد مش عارفة اعمل ايه قولولي رأيكم الله يخليكم عشان بجد انا تعبت و زهقت و حاسة ان مش مكتوبلي ارناح...ادعولي عشان انا رايحة اقابل العريس التقله رقم 3 النهارده ان شاء الله لما ارجع هحكيلكم ايه اللي حصل..

بصى ياجوجو صلى استخاره واللى ربنا رايده يكون
وبالنسبه للدراسه انا بكالريوس تجاره وجوزى معهد سياحه وفنادق 4 سنين ومفيش مشاكل بجد الحب ممكن يعمل معجزاااااااااااااااات وبجد انا حاسه انى لو مكنتش اتجوزت جوزى مكانش ممكن هبقى مبسوطه ثانيه
وبعدين هو شكله شاريكى فنصيحه منى خدى اللى بيحبك وشاريكى
واللى ربنا كاتبه يكون