زوجي بخيل

عبير البنفسج;8565108:
حبيبتي .. :)

المشــكله ان هالعــاده ما تقدرين تغيرينها لانها خلاص تجري في عروقه !!

بس أهـــم شي يوفر لج ضرورياتج :)

وغير جذي تحمــلي :S

اسمعو بنااااااااااات شنو الي صار اليوم مع خطيبي

انا اشتغل وعندي ساعه بريك المهم من خطبني كل يوم في الساعه لبريك ايني ونروح نتغدى طبعا في بيتهم ونادرا مااودي مطعم اوكي انا احب اتغدى في البيت يعني احب غدا البيت اكثر من المطاعم بعكس العشى المهم

انا الحين صار لي يومين مااكلمه عدل اذا يتصل وامس بطوله مااتصل ولا انا اتصلت فيه كنت ابي اجوف غلاتي عنده واتصل اليوم الصبح وكلمته عادي بس من صوتي حس بزعلي المهم قالي امر عليج اليوم نتغدى قلت له اوكي وياني وركبت السيارة وانا ساكته ولاسالته وين بنروح ولا اهو سالني وين تبين تتغدين وتوقعت بنروح بيتهم
اله اجوفه موديني فدركرز @@ اول مره يسويها منه ومن نفسه من داخلي فرحت بس مابينت له وقلت اكيد بدء يحس والوضع اثر فيه المهم طلبت وخلصنه ويوم ركبت السياؤه اله اهو معطني فلوس قالي هاج يودي هذا مصروف لج واي شي تحتاجين او ينقصج قولي لي
انا هني استحيت :o

احم يعايعني على الي يستحون هههههه وقلت له مشكوروماتقصر وانا كنت قايلت له قبل المشكله انه ابي اروح المعرض يوم الثلاثاء اله اهو اليوم وبروحه فاتحني وقالي وعن المعرض اليوم تبين اتروحين قلت له براحتك قالي خلاص انروح العصر :o احم من قدي

وجان ارجع الشغل حدي مستانسه وحمد ربي واشكره انه تغير وانشالله دووووووم وانشالله فهم االي ابي

ادعو لي بنات الله يثبته بعقله ويفهمني يارب وهذا كل من دعواتكم لي وانشالله بفاتحه بعد وستسمح منه اذا زعلته بشي

وبخبركم بكل شي جديد يصير

a.essa;8583305:
مرحبا اختي

انا قريت مشكلتج وبصراحه صفة البخل صفه كريهه جداااااااااً وصفه صعب الواحد يصبر عليها .. انا نصيحتي لج انج تصارحينه بهالمشكله وتقولين له ان هالصفه انتي ماتتحملينها .. وتبينين له ان لازم يوفر لج الاشياء اللي انتي تحتاجينها من مصروف او لبس او او ... يعني الشي اللي انتي متعوده عليه ..

خصوصا ان احنا في المجتمع البحريني مثل ماقالوا خواتي البحرينيات .. احنا من بعد الملجه يبتدي الريال يخصص مصروف حق خطيبته ..

وبصراحه يعني اهو هذي وقت اللي يحاول يكسب خطيبته فيها .. فالمفروض على الاقل يسوي نفسه كريم ويصرف شوي عشان يكسب زوجته في فتره الخطوبه .. وبعدين شوي شوي يبتدي يقتصد .. مو من الاول ..

فنصيحتي لج انج تواجهينه وتصارحينه .. دام انتي في ايام الخطوبه .. لان البخل مايتحمله اي شخص .. وهالشي مو عيب انج تكلمينه في الموضوع .. دامكم في بدايه حياتكم .. وعشان الامور تكون واضحه من البدايه لج وله ..

واتمنى لج حياة سعيده :)

آيسكريم;8609440:

تسلمون حبيبااااتي كلكم وماقصرتو وانشالله دووووووم

وطمنكم لحد الأن الأمور مستقره معاه :o

حبيبتي (الحزينة84)
انا صح اشتغل وراتبي الحمدالله زين ولا انه مااقدر اصرف على نفسي بالعكس اقد راصرف على نفسي وعليه بعد بس الي ابيج تفهمينه
انا ماابيه يتعود وحط في باله انه عندي معاشي وصرف على نفسي وشيل ايده من كل شي لاسمح الله انا في اي وقت حبيت اطلع من الشغل وقعد في بيتي وجابل اعيالي وبيتي وزوجي لانه الحين مخطوبه ماعندي شي غيره اهو بس بعدين حمال وبيت وعيال مسؤوليه وفي امل اطلع من شغلي وبكون اهو مو متعود انه يصرف علي وبصير صعبه عنده وعندي بعكس اذا عودته من الحين انه لايحط في باله عندي معاشي واشتغل معناتها خلاص مو ملزوم فيني ولا يصرف علي.
واكيد اذا كان محتاج بالشك بساعد زوجي وانا مغمضه بعد واكيد بوقف معاه . اتمنى فهمتي قصدي ووصلج الي في بالي

وثانكس على ردج عيوني :)