زوجي بخيل

السلام عليكم
بيبتي لا تتسرعي بالحكم عليه حاولي تتاكدي قبل الزواج لان بصراحه كل شي ممكن تغيري الا البخل و بصراحه مره شيخ قال ازوج بنتي واحد ما يصلب ري اهون من البخيل لان الي ما يصلي ربنا بهديه و بنحاوج معه اما البخيل هاي الصفه ما تتغير ابد
فكري و استخيري والله يجيب الخير

تَفْدّآهـ .. }•°;8573246:
لا طبعا تختلف اذا دخل عليها او لأ !!

شنو مافيها اختلاف !


اي نعم مافيها اختلاف

ماتصدق تشووف رجال .. علشان تقووول له اصرف عليّ !!



وهذا مب اي رياال

ايش بيقول عليها .. اهلك مقصرين معاك :ss:



شددددددخل!! السالفة مب سالفة مقصرين ولا لا ..
السالفة انه صار ريلها وملزوم يمشيلها مصروف كل شهر


الا فشلة وستين فشلة :(



الفشييله اذا ماعطاها لانه وبكل بساطة مايعرف الذرابة


لكن صدق اطباع الناس تختلف ..



اي والله يمكن انتوا طقوسكم غيير ..


والحمد لله حتى اختي عيون الفهد رأيها من رأي ..



ماأيدتج الا لأنكم من نفس البيئة



بعد تزوجت حتى استحي اطلب من زوجي .. وجلست فترة مو قصيرة حتى تعودت ..



وييي الحمدلله والشكـر هههه قلت لج طقوسكم غيير



وانا قلت رأيي للأخت ..
انتي اكتبي ردك بدون تسفهين حد !!



ماسفهت حد .. وحبيت اوضح لكم فقط .. واتضح انكم من البيئة نفسها يعني عندكم فشييله هالشي اما احنا عاادي واذا ماصرف علينا يُعتبر اكبر عييب

ماله داعي تكتبين ردك يضحك ..



هههههههههههههههههههههه

كل واحد يدلو بدلووه .. وصاحبة الموضوع مو ملزومه لا برأي ولا برأي غيري ..
تختار اللي يعجبها وترتاح له ..

سبحان الله !!


على حسب بيئتهاا اذا هي من بيئتكم بتسمع كلامكم واذا عاادي اكيد بتلتفت لنا

قطـــرية;8571980:
شدددددددخل اختي

اذا ماالج خلااااص يعني ريلها والمعروف انه الريل هو اللي يصرف على زوجته

السالفة مب سالفة امااكن كانت عند اهلها ولا كانت عنده في بيت اهله شدددخل

السالفة سالفة انها على ذمته وملزوم يصرف عليها





وليش تستغربين؟ مب مرته وعلى ذمته؟ يعني في اختلاف قبل الزواج ولابعده؟

طبعاً مافييه.. لانها زوجته خلاااص وسواءاً دخل ولا مادخل عليها

بعد ملزوم انه يصرف

وشنو تنطر وبعدين تطلب؟ انا اللي مستغربة منج ..

حتى الزعل مالها حق انها تزعل عليه؟

واذا كانت في بيت اهلها .. يعني افرقت اذا راحت هناك عنده؟

لا طبعاً .. لانها اساساً زوجته سواءاً عند اهلها ولا عنده .. ومب فشيله

وشدخل ماصدقت انها تشوف ريااال؟ الحمدلله والشكر ..

اذا ماطلبت منه تطلب من من

والله يضحك ردج ..


اختي صاحبة الموضوع

الله يكون بعونج حبيبتي.. والله صعبه وخاااصة صفة البخل

مااقول الا الله يصبرج انتي كلميه وقوليله ملزوم انك تصرف ولازم يترك هالصفه

ولا ترى بتتعذبيين عقب .. والله يعينج ووفقـج

(y)(y)(y)

ياعزيزتي اهو يمكن يفكر ان مايبيج تتعودين على الصرف لان بعض الشباب الله يهداهم عندهم هالتفكير
ان اذا عودت الخطيبة على الهدايا والمطاعم الغالية فبتتعود فتصير كلا تطالبك بهالشئ بعكس اذا عودتها على الحرص فابعد الزواج كل شي يسويه لج تشوفينه شكبره

والله يساعدج

لا صراحة اكره عيب في الريال هو البخل انتي اذا لاحظتية في مواقف ثانية ان بخيل انا اجوف انج تنفصلين دامج توج في البر والله يعوضج غيرة ليش؟؟؟ لان اذا انتي تقولين توكم شهر وهذي طريقته باجر شنو بتسوين اذا انتي تشتغلين ترا ما بيصرف عليج ولا اليهال بيعتمد عليج انتي انا ما استعيلج انج تنفصلين لا اختبرية في مواقف روحي مطعم وجوفي مين يدفع الفاتورة روحي السوق جوفي مين يدفع اهني بتلحظين لان انا اعرف وحدة انفصلت مرتين المره الثانية كانت المشكلة البخل والله عوضها بالخير في الزواج الثالث الحمدالله ريال كفو

مرحبا اختي الغاليه ....

غريبه ان زوجك جذي ... اقصد خطيبج .. يعني انا بتكلم من منطلق اني مثلج من البحرين وعاداتنا غير عن عادات بعض دول الخليج ومثل ما قلتي احنه عندنا البنت من تنخطب زوجها يبتدي يحط لها مصروف شهري بسيط ويلبي كل طلباتها...

واكبر مثال انا اول ماملجت مع زوجي .. ثاني يوم سويت حادث كلف الحالدث 80 دينار ويوم رحت الوكاله استلم سيارتي مالقيت الازوجي دافع من نفسه ومن اطلع معاه في الخطوبه ماكنت ادفع حتى مئه فلس ... ولمن نتعشى كل مكان يقول عندي الزود مانطلع الا وصارفين مب اقل من 30 دينار .. في المطعم او الكافيه ..

انا ماقولج كسري ظهره او شي اختي بس اختي عشان يثبت لج ان مب بخيل على قولتج .. الزميه يعطيج شي كل شهر لو عشرين دينار ..

او اختبريه بمواقف.. ثانيه خليه يوديج مطاعم تعرفين انها شوي غاليه .. طبعا مع مراعاه ظروف زوجك الماديه .. وبعدين اختي مثل ما قالو الاخوات توج شهر .. وجدامج وقت وايد ودام اهو اطباعه زينه اكيد بتغير وبغير من طبعه عشانج .. بس يحتاج لج صبر لكن ابد لا تعلمنيه على البخل ,, وان يكون حريص المرأه اتكون حريصه غير لكن الريال المفروض الي يكون كريم ..

وانتي اخبر بظروفه الماديه .. والسكوت عن البخل شي غير مقبول لان بيكون رضى بالامر الواقع وانتي للحين ما شريتي اثاث ولا جهزتي شقه ولا شي يعني باقي وقت عشان تتأكدين..

والله يوفقج ويهنيج ..

ام جنى

تسلمون على ردودكم وانا والله محتاره معاه موعارفه شسوي وشلون اتصرف

انا خايفه بعد مااتأكد من بخله اطلب انفصل مستحيه من بيتنا وفوق هذا لانه منفصله من قبل وهذا ثاني خطوبة لي وبعد انفصل احسها صعبه

انا بحاول قدر مااقدر اغير فيه هالصفه وحاليا قاعده اعامله بجفاف ولا اتصل فيه واذا اتصل ارد عليه بس ببرود اكلمه عشان يحس ويمكن يتغير. مادري الي اسويه صح او لا

:(

وهو ايه اللى هيعرفه انك بتعامليه بسبب بخله كده؟؟
ممكن هو اللى يزهق ويتخانق معاكى ويقول دى طبعا جاف ومش مريحه ؟؟؟

لا حبيبتى انتى بطريقتك تقدرى تتأكدى انا كنت مخطوبه لواحد كده وبصراحه سيبته لانه كان سئ الطباع كمان .......

قوليله تعالى نخرج وشوفيه هيقول ايه وهيوديكى فين وكده؟؟
بس مش يمكن ظروفه مش قد كده وانتى مش واخده بالك؟؟ وهو محرج منك؟؟

ممكن تتكلمى معاه عن حاجات نفسك تشتريها مثلا فى الكلام العادى بينكم وتشوفيه هيقول ايه او هيجيبهالك ولا لآ؟؟

ولو خرجتم وروحتوا السوق وعجبتك حاجه ؟؟
المواقف دى هتعرفك كل الامور دى .................. ومنها برضه صللى استخاره وادعى ربنا لو الصفه دى هتتغير يقربه منك ويغيره ولو لآ صدقينى حياتك هتبقى جحيم .........

وربنا يسعدك ويهديه

مادري سالفه البيبسي احسها عاديه انا كذا كمان في بيت اهلي ومع خطيبي ايام الملكه والحين بعد الزواج ودايم على الغدا اتعمد ابرد عليه واحده بس عشان نتقاسمها انا وزوجي لاني ماشرب كثير
اممم مايصرف عليك وقت الملكه مادري عندنا بالسعوديه الرجال مايسوي كذا نادر مايسوي كذا انا زوجي طلب مني رقم حساب جوالي عشان يسدده ومارضيت واخذه غصب وسدد قمت انا سددت جواله
عموما استني شويو بعدي احكمي لان كل الي قلتيه عادي
انا بعد لما كنت اخرج معاه في الملكه اقول له باقي الاكل اطلبه تيك اوي واذا مايبغاه ياخذه البيت اعطيه اي مسكين بالشارع لكن مايبقى وينرمي في المطعم بس لو تعرفيني مافيني اكثر مني احب اشتري واصرف وادلع نفسي بس ماحب اللعب

آيسكريم


فعلا تختلف عاداتنا عن عاداتكم

لكن مع ذلك ماشاء الله عليك .. رديتي بذووق ..

وهذا المطلووب الارتقاء في الاسلووب حتى لو كان هناك خلاف في وجهات النظر ..

لان كل وحده تمثل بلدها واللي تربت عليه ..

الله يعينك حبيبتي .. ويكتب لك الخير يارب ..

عادي حبيبتي اهم شي حاولي بطريقتك تغيرين هذه الصفه

اختي انا بصراحه عندي قنااعه ان الانسان وخاااصه الرجل صعب جدا ومن ساابع المستحيلات انه يغير شيء في طبيعته إلا اذا كان هذا الطبع يأثر على صحته او انه محرم
انا ما اقول جذيه عشاان احبطج ولا شي بس احس انه صعب يتغير وانتي ادرى لانج تعرفينه وحاولي فيه وغ\ا حسيتي ومثل ما تقولين انه يقول الشيء وما ينفذه الحين في فترة الخطوبه جذيه عيل لو كنتو متزوجين شو بيسوي ...... >>> ...............
المهم لا تخلين الامور تكبر في نفسج وتتزوجينه وبعدين تندمين مره ثاانيه وحكمي قلبج وفكري بعقلج لا تخلين مشاعرج تسيرج انته ما تقدرين تعيشين مع انسان بخيل وانا حاسه بهالشي
والله لا يقول اني ابا افرق بينكم بس انا حبيت انصحج مثل اختي
اوزني الامور وأسألي النا س عنه لا تسألين ولا تاخذين راي وااحد
وخلي الامور هالمرة تعدي وانتي واثقه من قرارج ولا تخافين من اللي ياي لانه كله قدر ومكتوب وخلي ايمانج بالله قوي >>>> (ولن يصيبكم إلا ما كتب الله لكم) ( وعسى ان تكرهو شيئا وهو خير لكم)
والسموحه منج الغاليه وأسأل الله ان يوفقج ويسهل امورج ويجمعكي بمن يخاف الله ويخشاه ويسعى في اسعدج و يعطيج اللي في بالج يا رب

مرحبا اختي

انا قريت مشكلتج وبصراحه صفة البخل صفه كريهه جداااااااااً وصفه صعب الواحد يصبر عليها .. انا نصيحتي لج انج تصارحينه بهالمشكله وتقولين له ان هالصفه انتي ماتتحملينها .. وتبينين له ان لازم يوفر لج الاشياء اللي انتي تحتاجينها من مصروف او لبس او او ... يعني الشي اللي انتي متعوده عليه ..

خصوصا ان احنا في المجتمع البحريني مثل ماقالوا خواتي البحرينيات .. احنا من بعد الملجه يبتدي الريال يخصص مصروف حق خطيبته ..

وبصراحه يعني اهو هذي وقت اللي يحاول يكسب خطيبته فيها .. فالمفروض على الاقل يسوي نفسه كريم ويصرف شوي عشان يكسب زوجته في فتره الخطوبه .. وبعدين شوي شوي يبتدي يقتصد .. مو من الاول ..

فنصيحتي لج انج تواجهينه وتصارحينه .. دام انتي في ايام الخطوبه .. لان البخل مايتحمله اي شخص .. وهالشي مو عيب انج تكلمينه في الموضوع .. دامكم في بدايه حياتكم .. وعشان الامور تكون واضحه من البدايه لج وله ..

واتمنى لج حياة سعيده :)

قولي له البخيل محروم والحريص مذموم بس بطريقة حلوة ولبقة وتعابير الوجه تكون مفرودة عارفة كيف حبيبتي : )

او اذا تكلمتي معاه او جاب لج شي قولي الحمد لله ربي رزقني بزوج كريم الله لايخليني منك هالطريقة جميلة من غير ماتزعلينه وفي نفس الوقت تنتبهينه انج ماتحبين البخل او الحرص..

او قولي الحمد لله انا كريمة مااحب اقصر على نفسي ولا على حبيايبي

نصيحة حبيبتي الهواش والزعل مايجيبون نتيجة
بس الصبر والكلام الحلو والتفاهم اهو اللي يجيب نتيجة..

يمكن الا في خطيبج مو بخل يمكن حرص
وانتي تعرفين مافيه مرا بخيلة او حريصة سواء كانت موظفة او ربة بيت

هالصفة احسها تكون بس في الرجال
او فيه رجال لهم طريقتهم في التفكير من ناحية الصرف

حاولي تكسبينه مو تخسرينه..

بالتوفيق :)..

الله يعنيك اذا صح هو كدا انا عن نفسي امقت امقت هالصفة

انا من ناحيتي موقفه يمكن عادي

انا لما اتعشى معاه هو كريم وايد ماشاء الله عليه بس انا ماشرب مشروبات غير المويه وعصير طبيعي

ولما اشوفه يشتري له عادي اخذ اشرب منه شوي مرررررررررره عادي الوضع جدااااااااا


مومعناته انه بخيل

ماء الكافور;8579621:

ما أنصحك يا أختي به أن تجدي لزوجك من الأعذار سبعين عذرا، فإن لم تستطيعي فصارحيه بذلك في جلسة مودة بينك وبينه، تشكرينه فيه على عواطفه تجاهك، وتشعرينه بأهميته في حياتك، واطلبي منه ما تريدين برفق ولطف وكياسة، ولكن دون عقد مقارنات بين كرم أهلك وبخله، وإذا كنت مدركة أن ما تطالبين به حقك فيجب أن تصري عليه، لكن بمرونة لتستطيعي أن تفهمي وجهة نظره أيضا، ويمكنك أن تقدمي له كتابا كهدية فيه حقوق الزوجين على بعضهما أو أي كتاب يحث على الإنفاق، وذكريه أن خير النفقة ما ينفقه المرء على عياله
أخيرا ما أعتقده يا أختي العزيزة أن وجود الحب بين الزوجين لا يكون حقيقيا إلا إذا كانا نفسا واحدة؛ فيقبل منك وتقبلين منه، فقولي له بصراحة: "ليس بالحب وحده يحيا الإنسان"