الأعمال اليدوية للأطفال لتنعمي بأجازة صيفية ولا على البال

R

RoOoOmy

عروس ماسية

21-06-2003 | 01:07 AM

بنات وأمهات

الأجازة على الأبواب والحر والملل والطفش ، طيب ايش تسوون اذا الأطفال بدأوا يطفشون ويطفونكم معاهم ؟؟ لا واللي زاد الطين بلة انكم ماراح تسافرون هالسنة ؟؟ الحل عندي

اشغلي وقتهم بالأشغال اليدوية والأعمال الفنية

انشاءالله راح اوريكم أفكار تقدرون تسوونها لأطفالكم وتعلموهم بطريقة سهلة والشرح بالصور والأفكار هذي تستفيد منها الأم والأخت أو المشرفة في نادي صيفي مثلا وتساعد على شغل الطفل بتعلم شي جديد وتريحين بالك من الأزعاج والفوضى الناتجين عن حالة الملل

كل يوم راح يكون في فكرة جديدة سهلة التنفيذ والأدوات متوفرة في كل بيت أو يمكن شراءها من أي محل قرطاسية أو مكتبة

ها ايش رايكم ؟؟

بانتظار ردودكم

تحياتي

ن

نور الهدى

عروس ماسية

21-06-2003 | 04:31 AM

السلام عليكم ورحمة الله وبركاته

مرحبا أختى الفاضلة

فكرة في غاية الروعة وموضوع حلو يالله أختى توكلى على الله واحنا معك

وراح انشارك معك

ا

النظرة الخجولة

عروس برونزية

21-06-2003 | 07:55 AM

ألف شكر RoOoOmy_M

على هذي الأفكار الحلوة

ان انشاء الله احنا وياكي

في الانتظار .. لا تتاخريين علينا

تحياتي

النظرة الخجولة

د

دائما عروس

عروس مبدعة

21-06-2003 | 10:28 AM

:) فكره رهيبه اختي رومي
ونحن معج بكل خطوه وننتظرج
تحياتي

ا

البحرالجرئ

عروس نشيطة

21-06-2003 | 10:35 AM

فكره حلوه
إحنا في انتظارك

R

RoOoOmy

عروس ماسية

21-06-2003 | 09:02 PM

نور الهدى
شكرا لمرورك وتشجيعك الحلو يالغالية

النظرة الخجولة
العفو اختي ........ شوفي أول الأفكار اليوم وانشاءالله تعجبك

دائما عروس
انتي اللي رهيبة يا أحلى عروس ........ تابعيني

البحر الجرئ
انتي أحلى ......... تحياتي لك

يالله بنات تابعوني ..........

R

RoOoOmy

عروس ماسية

21-06-2003 | 11:33 PM

يالله بنات خلونا نبدأ في الأعمال اليدوية الخاصة بالأطفال

طبعا راح أعرض عليكم مجموعة كبيرة جدا جدا ( بدون مبالغة ) من الأعمال وكل وحدة تختار ما يناسبها منها من حيث توفر المواد وسهولة العمل وعمر الطفل أو مجموعة الأطفال اللي تطبق عليها

أقنعة متنوعة

نبدأ بمجموعة أقنعة الحيوانات

نحتاج الى

(i) ورق مقوى - مقص ( يفضل من النوع البلاستيك ) - مجموعة ألوان - خيط مطاط

أول شي راح تسألي الطفل عن شكل الحيوان المفضل له
وعلى حسب اختياره تبدأي العمل

اطبعي الشكل اللي اختاره طفلك على الورق المقوى وبعدين خليه يلونه ويقصه ( مقص خاص بالأطفال ) وعند الانتهاء من قصه اثقبي فتحتين عند مكان الأذن وثبتي الخيط المطاط وفتحتين للعينين وفي النهاية شوفي نظرات الفرح في عيون طفلك وهو يرتدي قناع صنعه بنفسه

مثلا اختار شكل الأسد

أطبعي هالشكل

اطلبي من الطفل تلوينه حسب مخيلته

فتحات العينين واضافة الخيط المطاط

ها ايش رايكم سهلة ؟؟؟

شوي وأرجع لكم مع أشكال متنوعة

يتبع ....

ع

عروس دبي

مشرفة سابقة

22-06-2003 | 09:50 PM

فكرة

حلوة عزيزتي رومي لأستغلال مواهب الأطفال في الصيف ويقدرون

الأمهات اللي يسون حفلات تنكرية بدل ما يشترون الأقنعة يعملونها

بنفسهم ويقدرون يضيفون عليها لمساتهم الخاصة شكرا عزيزتي على

الموضوع ونتمنى نشوف التكملة

R

RoOoOmy

عروس ماسية

22-06-2003 | 11:05 PM

شكرا لمرورك أختي عروس دبي وانشاءالله كل الأمهات والمهتمات بهالموضوع يستفيدون منه

يالله بنات اليوم نكمل نماذج وامثلة لفكرة أمس وبعدين اوريكم فكرة جديدة

هذي هي بعض الأشكال اللي نقدر نسويها

يالله شوي وراجعة مع الباقي

ت

تيوليب

عروس مشاركة

23-06-2003 | 01:24 AM

انا نفذت الفكرة وابنى بيلوين ماسك الاسد دلوقتى
و قولت له ادعى لطنط رومى بالخير علشان هى اللى جابت الفكرة الجميلة ده لك
مشكوررررررة اختى العزيزة

R

RoOoOmy

عروس ماسية

23-06-2003 | 01:30 AM

مشكورة اختي تيوليب على تنفيذ الفكرة وانشاءالله تعجب ولدك بعد ما يخلص تلوينها وشوفي المجموعة الجديدة من الماسكات

تحياتي لك ولولدك

R

RoOoOmy

عروس ماسية

23-06-2003 | 01:39 AM

يالله نكمل الماسكات

هالمرة راح نغير المواد شوي

راح نحاج على صحنين ورق
صمغ - غراء -
مقص
الوان
خيط مطاط
خرامة

أول خلي الطفل يلون الصحن الأول بهالطريقة بس بالألوان اللي هو يفضلها

اقطعي الصحن من المنتصف تماما حتى تحصلي على جزءين متطابقين لعمل الأذنين

يلون الصحن الثاني بهذه الطريقة ويقطع منه جزء يمثل الربع تقريبا

باستعمال دباسة أو الصمغ الصقي الأذنين

افتحي فتحين للعينين

ثبتي الشريط المطاطي

باستعمال الألوان نفسها اجعلي طفلك يرسم شوارب الأرنب

وشوفي طفلك كيف صار كأنه أرنب

يتبع ...........

ض

ضياء القمر

عروس مبدعة

23-06-2003 | 02:00 AM

مشكورة أختي على الموضوع

و تسلم الأيادي اللي كتبت و تعبت :)

و يعطيك ألف عافية أختي على هذا الموضوع الأكثر من رائع :)

و نحن في أنتظار التكملة على أحر من الجمر :D

فلا تبخلي علينا بها و لا تتأخري ;)

تحياتي
_________

ضياء القمر

s

srabeel

عروس مشاركة

23-06-2003 | 05:32 AM

جزاك الله خير أختى العزيزه فعلاً موضوع مهم لأن ودى بأشغال يقوم بها طفلى لكن ماعندى أفكار والحمد لله إنج حطيتى هالأشغال الحلوه

فلك منى الف شكر

ا

النظرة الخجولة

عروس برونزية

23-06-2003 | 06:48 AM

تسلم إيديك.. أفكار حلوة

ن

نور الهدى

عروس ماسية

23-06-2003 | 07:18 AM

السلام عليكم ورحمة الله وبركاته

بارك الله فيكِ أختى الغاليه احنا معك الى النهاية

والأمهات خلوا الأطفال يبدعوا في الأجازة

ح

حبوبة

عروس مشرقة

23-06-2003 | 07:50 AM

ما شاء الله عليك رومي ...

افكارك روعة ....وسهلة

بانتظار المزيد...

ل

ليااال

عروس مبدعة

23-06-2003 | 08:09 AM

مشكووووووره اختي هاي الظاهر مب للاطفال لاني بجربهم لان بصراحه عجبوني وتسلم ايدج على هالافكار الرائعه :clap::clap::clap:

تحياتي
اختكم
ليااال

R

RoOoOmy

عروس ماسية

23-06-2003 | 08:50 PM

ضياءالقمر
الله يسلمك اختي ...... وانشاءالله تعجبكم كل المجموعة

srabeel
الله يسلمك يا رب ..... انتي بس تابعي الموضوع وانشاءالله ولدك ( الله يخليه لك ) يستفيد من الأجازة

النظرة الخجولة
ذوقك هو الأحلى يا قمر ............ تحياتي لك

نور الهدى
شكرا للمتابعة يا أحلى مشرفة ........ وانتوا يالأمهات اسمعوا كلام نور الهدى

حبوبة
انتي اللي أروع حبوبة......... تابعينا

ليااال
جربيهم راح يعجبونك كثير وانشاءالله تستفيدين منهم لأخوانك أو عيالك

تحياتي للجميع

يتبع ........

ت

توأم الغلا كله

عروس متألقة

24-06-2003 | 06:58 AM

مشكوووووره اختي
:)