الأعمال اليدوية للأطفال لتنعمي بأجازة صيفية ولا على البال

*مريم*

الف الف الف شكر اختي الغالية على الدعوة

الله يسمع منك

مشكورة على مرورك وعلى أحلى رد شفته في المنتدى

تحياتي لك

أدري بنات خليتكم تنتظرون فترة طويلة بس والله مشغولة بس المفروض اني ما أنشغل عنكم معليش اعذروني وخلونا نشوف العمل الجديد اليوم

هالعمل ينفع الأطفال من عمر الخمس سنوات وما فوق وهو عبارة عن اللوحة اللي نعلقها على الباب مثل اللي نحطها على باب غرفة في الفندق ومكتوب عليها مثلا ممنوع الازعاج بس هالمرة راح نكتب عليها اسم الطفل ونرسم له صورة

الأدوات

ورقة كرتون مقوى باللون المفضل



ورق الفلين الخفيف الملون



صمغ ومقص

عيون متحركة ( متوفرة في محلات القرطاسية )



الطريقة

سهلة وواضحة راح نكتب اسم الطفل على قطع الفلين ونقصها
بعدين ترسمي شكل الطفل ( كرتوني ) يعني شخص يشبهه في لون الشعر ولون البشرة وشكله العام ، بعدين ترسمين شكل يفضله الطفل مثلا أشكال كور للأولاد وقلوب وفراشات للبنات

وبعد ما تقصين هالأشكال كلها راح تلصقيها على قطع الورق المقوى وتخليها تجف لفترة وتعلقيها على غرفة الطفل



بسيطة صح ؟؟

تحياتي

يتبع ...........

السلام عليكم ورحمة الله وبركاته اود شكركم على هذه الزاوية الرائعة وهي فكرة موفقة لشغل وقت الفراغ عند الاطفال 0واتمنى من الله ان يوفقنا واياكم لما يحبه ويرضاه0:clap: أم طلال0

الشكر لك اختي العزيزة ((( أم طلال ))) على مرورك وردك ........

انتي تابعي ركن الديكور والأعمال اليدوية وان شاء الله تلاقي كل اللي يسرك

تحياتي لك

الصراحة


لازم تفتحين محل هدايا خاص فقط للأطفال


والله مابتخسرين انشالله


حتى لو ماكان عندج راس مال وما فتحتي هالمحل

تقدرين تشاركين في المعارض والمهرجانات الخاصة أيضاً بالأطفال

أو تغيرين جو على الأطفال وتلمين شمل العايلة والقرايب والجيران

وتكسرين الملل ولو مرة في السنة

ومع مرور الأيام سوف تتحول الفكرة إلى أفكار مطورة ومن ثم إلى مشروع

كبير وتجارة رابحة إنشالله ودخل ثاني((:D :D :D ))

اتريا ردج

ومستعدة أعطيج أي فكرة في المشاريع

أختي روضة الدار

شكرا لمرورك وتشجيعك لي ........ راح أقول لك سر ... أنا عندي ان شاء الله مشروع كبير شوي وراح افضى له لمن اتزوج في شهر 11 ان شاء الله ( قولوا ان شاء الله ) لأن المكان اللي حاطة عيني عليه المستأجر ماخلص عقده وان شاء الله راح اسوي مشروعي هناك ومن ضمنه حضانة صغيرة وفيها مركز هوايات للأطفال وقسم تغليف هدايا وبوكيهات ورد ....... بس هذا سر طبعا وفيه بعد أشياء ثانية بعد في المشروع بس بعدين اقول لكم عليها واذا اجتجت اي فكرة راح اطلبها منك ياعيوني ما تقصرين

تحياتي لك

نشوف اليوم عمل جديد وفكرة جديدة تناسب الأطفال ( خاصة البنات ) وتقدرين تخلينهم يشاركونك في تنفيذها

الفكرة اليوم عبارة عن عمل دبابيس ( بروشات ) من دبوس الأمان اللي كلنا نعرفه

الأدوات

الشئ الأساسي اللي راح نحتاجه هو الدبابيس





وبقية المواد على حسب التصميم اللي انتي تختارينه يعني خلونا نشوف كم فكرة وايش نحتاج لتنفيذها





مثلا هالفكرة كل اللي نحتاجه هو الدبوس وشوية خرز ملون وتشكين الخرز في الدبوس وبعدين تحطين قطعة تمنع تناثر الخرز وتخلين طفلك يلبسها

*******************

هذي حركة حلوة تسويها لطفلك حتى لو كان صغير



لتنفيذها راح نحتاج الى

* ورق فلين ملون


* صمغ وقلم كتابة عريض

** راح تقصين شكل تي شيرت T-shirt طبعا بعد ما ترسمين الشكل ولتسهيل مهمتك اختاري من الأشكال الموجودة هنا



بعدين تكتبين عليه اسم الطفل أو اي شي يفضله هو وتلصقينه على الدبوس وتعلقيه في ملابسه

******************

بكمل لكم بكرة مع أفكار لنفس العمل

تحياتي لكم

عمل جديد وسهل

قلعة من الكرتون

كل اللي راح نحتاجه هو كرتون فاضي ( كرتون ماي الصحة مثلا )

أقلام تلوين

مقص

* أول شي ازيلي أحد أجزاء الكرتون يعني الطرف السفلي او العلوي حتى يظل عندك كذا



* قصي قطعتين مستطيلتين من وسط الكرتون بالشكل هذا



* أرسمي أجزاء تمثل قمة القلعة بنفس هالشكل



* بعدين افتحي فتحة تمثل الباب



* وافتحيه من ثلاث جهات واتركي طرف رابع ثابت



بعدين خلي الطفل يلون بالشكل المرغوب ويلعب فيه مع أخوته سواء بحيوانات أو أي لعبة اخرى



ان شاء الله تعجبكم الفكرة وتنفذونها

تحياتي لكم

الله يعافيك زيدينا بصراحة أشياء جدا خيالية ورائعة .... والله يوفقك و يزيدك من فضله... ما تقصرين .

مشكورة اختي الغالية ((( مكنونة )))


كلك ذوق وان شاء الله الموضوع في تجدد مستمر

تحياتي لك

انا صراحة اتمنى اسوي بيت لباربي اتمنى انة يكون عندك فكرة

مكنونة ........ أختي راح أدور لك أفكار لبيت الباربي بس تقدين تسوين نفس الشكل اللي فوق بس تلونينه بلون وردي أو تغلفين الكرتون بتغليف لاصق وردي وتزينين البيت من برة برسومات باربي تنزلينها من الانترنت وتحطين البيت على قاعدة من حشيش صناعي وتحطين فيه ورد من الفلين بس ان شاء الله لو شفت فكرة جديدة راح أقول لك

ماشاء الله عليك جبتيها والله مشكوووووووووووورة

العفو أختي مكنونة

تحياتي لك

الله يعطيك العافية أخت RoOoOmy_M على مجهودك الحلو والرائع

صج تستاهلين أنج تكونين عروس ركن الديكور
:D :D


تحياتي لك

((( نجوم الليل )))

شكرا لمرورك وردك الحلو

كلك ذوق اختي وأنا سعيدة ان الكل مستفيد من المواضيع اللي في ركن الديكور والأعمال اليدوية

تحياتي لك

السلام عليكم ورحمة الله وبركاته

تسلمين يا الغاليه على المجهود الحلو

بارك الله فيكِ ودائماً نتباع كل جديدك

الشكر لك اختي الفاضلة

((( نور الهدى )))


على المتابعة والشجيع المستمر لي ولغيري من الأعضاء

يعطيك العافية

تحياتي لك

مشكوووووووووووووووورة وايد روعة

متابعتك الدائمة هي اللي روعة اختي أحلى صدفة

تحياتي لك