تجهيزات عرايس مصر القمرات الجزء 114

طمنت;8435701:
ازيكم يابنات ميروك علينا الجزء الجديد
بقولكوا ايه يابنات انا اتفقت في القاعه اني اجيب التورته تفتكروا اعملها ادوار عادي ولا ايه اصل عندي فكره اني اعمله مربعه كبيره واحط عليها صور مثلا ولو حطيت صور احط صوره ايه مثلا الخطوبه و عندي فكره برضوا احط صورنا واحنا صغننين انا وخطيبي واكتب عليها فكروا معايا كده وقولولي رايكم
عايزه افكار وروني الشغل

اولا ازيك ومبروك ياحبيبتى
ثانيا انا من رائى انك لو تحطى صورة الخطوبة هتبقى حلوة اووووووووووووووووى ولازم تكون صورة بوشكم وباينة كدة وتكون فيها شوية رومانسية او ممكن تروحى تتصورى انتى وهو بطقمين شبة بعض صورة جديدة برضة هتبقى فكرة حلوة اوى بس قوليلى بقى هتعملى التورتة برة القاعة ليه وهتعمليها فين وبكام وكمان الفرح عملاه فين ومبروووووووووووووووووك تانى مرة

بوبا 123;8435907:
يااااااااا بنات عندى ليكوا خبر حلو وانا فرحانة اووووى انا الحمد لله خطوبتى اتحددت يوم 30\ 1 يلا بقى ضيفونى فى الليستة بقى نفسى كنت اشوف اسمى فيها من زماااان وربنا يعوض على كل وحدة فسخة خطوبيتها (غادة_بطة فارس _رورو _جوجو )يارررب يعوضهم خير وعقبال كل البنات اللى متخطبوش ربنا يرزقهم الازواج الصالحة ويتتم لكل اللى مخطوبين على خير

انا ان شاء الله ح عملة فى البيت عاوزة اعرف اظبت الدنيا ازاى والحياة حتبقى شكلها اية ونقدم اية ونجيب اية ؟ويااارت كلكوا تردوا عليا علشان انا بحبكوا اوووى

اولا الف مليوةن مبروك لولولولولولولولولللللللللللللللللللللللللى
ثانيا ميرسى اوى على الدعوة يا قمر
ثالثا بقى بصى اولا تنزلى تشوفى فستان سيمبل كدة وجميل وطبعا تشوفى هتعملى المكيب لنفسك ولا هتعمليه عند كوافير
وبعد كدة بقى شوفى ان شاء الله كام فرد جاى وهاتى بقى جاتوة وساليزونات وباتون سالية ولو هتعملوا سندوتشات بسيطة سواء كفتة او باينة او كدة ولو تحبى بقى تعملى تورتة ليكوا انتوا الاتنين بكارت شيكولاتة عليه اسمكم هتبقى حلوة اوى تقطعوها سوا
وطبعا تنضفوا البيت من قبلها كويس اوى وتشوفى لو عندكوا كرسين من الصالون تحطيهم جمب بعض وفى الوسط بوكية ورد ولو تعرفى تشترى بى ليتس صغيرة تحطيها على مثلا الحيطة وراكم هتبقى روعة فى التصوير والف مبرووووووووووووووووووووووووووووووووك

ghadghoda;8441568:
اولا ازيك ومبروك ياحبيبتى
ثانيا انا من رائى انك لو تحطى صورة الخطوبة هتبقى حلوة اووووووووووووووووى ولازم تكون صورة بوشكم وباينة كدة وتكون فيها شوية رومانسية او ممكن تروحى تتصورى انتى وهو بطقمين شبة بعض صورة جديدة برضة هتبقى فكرة حلوة اوى بس قوليلى بقى هتعملى التورتة برة القاعة ليه وهتعمليها فين وبكام وكمان الفرح عملاه فين ومبروووووووووووووووووك تانى مرة

الله يبارك فيكي ياقمر
ميرسي ع ردك ياغدغود بصي انا من المنصوره وعمله في قاعه صغنونه وبسال مدير القاعه كده ان كان ممكن اجيب انا التورته ولا لاء قالي عادي ممكن تجيبيها انتي وخاصه اني عامله فرح بسيط اوي من غير بوفيه

سما الحب;8439112:
ازيكم يا احلي بنات كنت عايزه اخد رايكم في طقم الصيني ده

وياريت لوحد شاف زيه يقولي بكام هو 124 قطعه

انا يا حبيبتى شفته كان ب1200 وشوية تقريبا هو بالظبط كان فى معرض كدة فى جمال عبد الناصر بعد الحرفيين

[quote=rozyyy;8439975]السجاد ياقمر هاتلاقي النساجون الي عند الدائري عند كارفور واسمه فرع البارون -بجد فرع رهيييب وعنده حاجات تجنن - وعندك كمان فرع مدينة نصر عباس العقاد حلو اوي برده -بس مارعفش فرع شيراتون - والانواع بقا انا جبت سجادي كله مودرن ومعظمه الفناكيش دي وكله كله اتكلف 5 الاف ج



lميرسى يا روزى يا سكر و ربنا يتمملك بخير انتى خلاص فى العد التنازلى و ربنا يقويكى بجد .و على فكرة الفرع بتاع كارفور كنت بشوفه بس مافكرتش ادخله و كده شجعتينى .اه كنت عايزة اقولك ان الحاجات اللى اشتريتيها كلها جميلة و طقم الحمام جميل كمتن و ربنا يباركلك فيهم يا قمر.
كنت عايزة اسال على حاجة يا بنات :بالنسبة لموضوع الحمام المغربى و السويت و الحاجات اللى بتتعمل عند الكوافير للعروسة دى يعنى بتفرق عن البيت و لا عادى ؟يعنى اصلى حسه انه صعب اوى اعملها عند حد غريب و بحاول اعرفها عشان اعملها لنفسى فايه رأيكوا يا بناتيت يا حلوين انتوا؟؟

ghadghoda;8441568:
اولا ازيك ومبروك ياحبيبتى
ثانيا انا من رائى انك لو تحطى صورة الخطوبة هتبقى حلوة اووووووووووووووووى ولازم تكون صورة بوشكم وباينة كدة وتكون فيها شوية رومانسية او ممكن تروحى تتصورى انتى وهو بطقمين شبة بعض صورة جديدة برضة هتبقى فكرة حلوة اوى بس قوليلى بقى هتعملى التورتة برة القاعة ليه وهتعمليها فين وبكام وكمان الفرح عملاه فين ومبروووووووووووووووووك تانى مرة

يا بنات انا الحقيقة ليا رأى تانى -بعد اذننكم طبعا-انا بحس ان تورتة العروسة ماتبقاش اسمها تورتة عروسة الا لازم تكون هى اللى كذا دور دى و لونها ابيض و ان اى تورته تانية تناسب اى مناسبة غير الفرح و التورته المربعة اللى عليها صور بتبقى جميلة برضوا بس تناسب عيد ميلاد او خطوبة لكن فرح ,صعب و فى الاخر دا برضوايرجعلك و ايه اللى نفسك فيه اكتر عشان ده يومك و انتى الملكة فيه تعملى اللى يريحك و الف مبروك و ربنا يتمم لكل العرايس بخير و يرزقهم الزرية الصالحة و الزوج الصالح :9_28:

مرهفه المشاعر;8441180:
لولولوولوللللللللي الف الف مبروك يابوبا ياحبيبتي فرحتلك اوي والله اي خدمه ياقمر انا تحت امرك محنا جيران بقي ههههههههههه
كنت عايزه بقي اعرف محل تكبير بتاع الملابس المحجبات فين وهل فيه مقاسات كبيره شويه يعني ولو ليه سايت ياريت تبعتههولي وايه نظام اسعاره

في فرع تكبير في سيتي سنتر وجنينة مول وسيتي ستارز واللبس عنده حلو اوي واسعاره كويسة يعني اللبس نضيف بصراحة عنده غالي وعنده المعقول بس بلاش تروحي فرع سيتي ستارز دايما بيعك في الاسعار واللبس مش عارفة ليه بحس كده

اسكندرنيه;8435599:
انا شفت في فتح الله الداون تاون كان شبه اوي الصور الي البنات بيحطوها وفيها خط سلفر كدا اودهبي بيلمع كانت ب 300 وحاجه شكلها شيك وقيمه


بيبي ليس او براون والبراون موجود في فتح الله وفي سشوار عاجبني اوي شكله اسمه ايليت بس مش عارفه ده حلو ولا لا



معنديش تعليق بس حبيت اقلك ربنا معاكييييي يارب اليومين دول ويكملك كل حاجه على خير وتبقي احلا عروسه


بنات الاقي اطقم استعمال يومي لومينارك مربعه فين غير كارفور والفا ماركت لانهم مش طقم دول بيتباعوا فرداني موجودين فين مربعين حتى لو مش لومينارك في اسكندريه؟؟

الأطقم فى رويال هاوس

mitcy;8436706:
بوبا123......الف الف مبروك يا جميله.عقبال الزواج ان شاء الله
عروسه الزهره......الفييييييييييين مبروك وربنا يتممملك بخير...

حبيبه مادو......انتيي ممكن ا جميله تعملي ستاره واحده بحجم البالكونه
وخلاص وحاولي بس في الستاره دي توفقي بين لو النتريه والسفره لو يه الوان ممكن تبقي مشتركه بينهم


انا شفت من شويه طقم حمام وكان كويس يعني وكان ب 40 جنيه.دا بالنسبه لسؤالك عن طقم الحمام


بنات قولولي بسرعه .....هو انا لو جبت العفش خشب ابيض من دمياط مثلا ودهنته هنا ..كدا احسن وتكلفته اقل من لو جبته جاهز كله.....ولا مفيش ففرق كبير.ياريت اللي عنده تجربه يقولي يا بنات

حاولى تجيبى الحاجه مدهون
أولا تكلفة الدهان غاليه ثانيا مش مضمون

مرسي لكل البنات الي قالو رايهم في طقم الصيني


البنوته الي من الاسكندريه وبتسال علي قاعه كبيره عندك فرحتي بالاس شفت فرح علي CD ما شاء الله واسعه وتشيل كتير وفيه سوليتير وهمسات ودول طبعا داون تاون

rozyyy;8440679:
سااااالي طقم الحمام اهو ياقمر وابو النيل ده في شارع شهاب المهندسين قبل كلوب الدو ع طول

http://www.3roos.com/uploder/uploded20080901/232265/01231977621.jpg

وده يابنااااااات فستان الحنة بتاعي ايه رأيكوو

http://www.3roos.com/uploder/uploded20080901/232265/11231977621.jpg

ودي البلوفرات الي قلتلكو جبتها من وسك البلد امبارح ورخيصة
http://www.3roos.com/uploder/uploded20080901/232265/41231977621.jpg
http://www.3roos.com/uploder/uploded20080901/232265/51231977621.jpg
http://www.3roos.com/uploder/uploded20080901/232265/01231978322.jpg

روزي ما شاء الله حاجتك زوق زيك تتهني بيهم في الخير ان شاء الله

maro;8440789:


فكره للعرايس المنقبات
بنات ممكن اعرف احدث لون فستان خطوبه ايه ؟؟؟

الفكره جميله ما شاء الله

بالنسبه لالوان الفساتين السنه دي درجات الاخضر وخاصه الزيتي والبستاج وكمان الدهبيات وطبعا الروزات موضه وما بتبطلش في فساتين الخطوبه

بنات الحقو لقيت جروب على الفيس بووك واحدة عاملاه وبتحذر من خبيرة تجميل اسمها دينا صالح وبتقول انها حاصلة على شهادات فى فن الفوتوشوب وتلوين الصور ببراعة يعنى بتحط على الجروب بتاعها صور معموله بالفوتو شول عشان تضحك على الناس والبنت دى بتقول انها بتقول كدة لوجه الله خدوو بالكو بقى يا بنات مش اى واحدة تلاقى صور حلوة يبقى معناها ان الماكيرة دى كويسه لازم تشوى شغلها على الطبيعه اللهم بلغت اللهم فاشهد

بصو انا جبت حاجات المطبخ كلها ماعدا شنطه المعالق وجبت لبس بيت ولانجيرى كويسين اوى وجبت ملايات ومفارش لو عايزة اجيب بقى حاجه كل شهر كدة انزل اجيب ايه تانى ؟؟؟؟

اعيط دلوقتي انا ولا اقطع هدومي انا كنت في الليسته وبعد كده شلتوني :confused:
ليه بس كده زعلانه انا موووووووووووووووووووووووووووووووووت
بصوا حد سمع عن مراد في المعادي هوا كوافير انا كنت قصيت عنده وكان هايل بصراحه ورحت سالته للخطوبه قالي 300 لفه ومكيب وباديكر ومانكير كده يبقى كتير ولا قليل وازاي اقدر اعرف شغله حلو ولا وحش قبلها يعني وفي واقريه تانيه اسمها ماري بس اختى شافت شغلها في فرح في الصيف وكانت بتحط ميكب كويس بس بصراحه معرفش عرها انا بس عاوزه اعرف اقدر اعرف شغل الكوافير ده حلو ولا وحش منين لاني لما بسال الناس الحوار ده بيكون ازواق اللي يعجبني ممكن ميعجبش غيري
والبنوته اللي قالت انها عملت خطوتها في البيت ورشت على الارض ورد انتى تقصدى انك قطفتي ورق الورد وسيتيه ينشف وبعد كده فردتوه على الارض
وياريت لو عندك صور من الخطوبه اشوف بس عمتي الحروف على الحيطه ازاي عاوزه يعني اتخيل شكلها
واسفه على الاطاله
ورجعوني الليسته احسن نا مجنونه وممكن اكهربلكم السايت لو اسمي اتشال تاني:wink:

بوبا 123;8435907:
يااااااااا بنات عندى ليكوا خبر حلو وانا فرحانة اووووى انا الحمد لله خطوبتى اتحددت يوم 30\ 1 يلا بقى ضيفونى فى الليستة بقى نفسى كنت اشوف اسمى فيها من زماااان وربنا يعوض على كل وحدة فسخة خطوبيتها (غادة_بطة فارس _رورو _جوجو )يارررب يعوضهم خير وعقبال كل البنات اللى متخطبوش ربنا يرزقهم الازواج الصالحة ويتتم لكل اللى مخطوبين على خير

انا ان شاء الله ح عملة فى البيت عاوزة اعرف اظبت الدنيا ازاى والحياة حتبقى شكلها اية ونقدم اية ونجيب اية ؟ويااارت كلكوا تردوا عليا علشان انا بحبكوا اوووى

الف الف الف مبروووووووووووووووك ,, بجد فرحتلك يا بوبا ربنا يعوضك انتى و كل اللبنات خير يارب
بصى يا قلبى نصيحه بجد بجد خلى فرحتك فى قلبببببببك متعمليش خطوبه كبيره ..و افتكرى اسروا الخطبه و اعلنوا النكاح و لحد ما رنبا يتمملك على خير البسى لبس شيك و جميل سواء سواريه بسيط او تايير و مكياج حلو ورقيق و ياما لو البيت هيساعد هترتبوزه بحيث السفره تبقى بوفيه صغير تورته و نواشف و حلويات و الشبكه تتحط على صينيه حلوه وممكن تحتيها خداديه ناعمه او ترشى ورق ورد احمر او مرف على الصينيه كان فيه شكبه جميييله ماشاء الله واحده من البنات حاطه صورتها كدا برده و لو حبيتى و عندك حد يساعدك ممكن تعملى زواق ظريف للبيت سواء فى السقف او على الحيط حسب الجو العام عندك انا مليش فى الجو دا بس فى ناس بتعمله حلو و بيبقى جميل ولو ليكى فى الورد تجيبي بس سبت ورد كبير ورا المكان اللى هتقعدى فيه انتى و العريس بيبقى شكله حلو فى الصور ومش عارفه ايه تانى بس اكيد البنات مش هيأخروا عنك و ربنا يكرمك يارب و يكملك على خير :)

mashimaro16;8439899:
عاشقه الرحمن دينا
معلش يا جميله ممكن تقوليلى عملتى ايه مع الخياطه بتاعت مصر الجديده؟؟ مستنيه ردك اوى اوى اوى

يا سلام بس كده اقولك من عنيا
بصي يا ستي الحمد لله البدله بعد ما اتظبطط طلعت حلوه جدا
و الجاكيت القصير برده طلع لذيذ
بس بصراحه كان في بنطلون كده طلع مش اوي من فوق هوا عاوز علية حاجه طويله لان في حاجه غلط انا مش عارفاها

بس و انا عندهل لقيتها عامله بلطو نبيتي يجتت و الله كان موهير تقيل بصفين زراير و الياقه واقفه و حزام كبير كان بصراحه يجنن استأذنتها و قيسته كان تحفه بجد بجد
بفكر اول الشهر اروح اعمله لانها قالتلي بيحتاج 2.5 متر موهير و المتر ب 50 و اعتقد هتاخد 75 يعني الاجمالي 200 بس يستاهل

عروسة الزهره;8436292:
ازيكم يا جماعه ؟ انا من اسكندريه وكنت دخلت الموقع من فتره وعجبنييييييييي جدا واتمنيت اتخطب لحبيبي بسرعه علشان اجي اجهز معاكم والحمد لله ربنا استجاب لدعائي واتخطبت واتكتب كتابي في اسبوعين بس الحمد لله والفرح ان شاء الله في شهر 4 كده بس لسه محجزتش القاعه اول منحجزها هاجي اقولكم المعاد ان شاء الله

المهم انا بدات اجهز بس محتاجه شوية مساعدات في الفستان والكوافير والقاعات انا فكرت في اليكس مون في الداون تاون ايه رايكم؟ بس لو حد يعرف اتيليه وكوافيره كويسه اوييييييييي يقولي بليز

كمان طقم الاستالس سمعت عن korkomaz ايه رايكم فيه ده؟ ولو في كمان محلات لطقم الصيني والعشا ياريت كمان

معلش انا بسال كتير بس الوقت اتحدد بسرعه وحاسه اني متلغبطه جداااااااااااا ادعولي

هي فين الكس مون دي يا بنات واسعار الهاي تي بكام؟

besannnn;8439173:
مبروك يابنات احب اقولكم ان in&out فى موديلات هايلة مودرن بس انا عايزة اعرف اتلية كويس فى القاهرة:15::15::15::15:ياريت تردو عليا

هو in & out دة بتاع الاثاث المودرن؟ انا بحب الحاجات بتاعته اوي بس انا مش عارفة نوعية الخشب00 لو اي بنوتة تعرف ياريت تقوللي

قطة اخر الليل;8438106:
ازيك يا قمر اخيرا عرفت حاجه ارد علي حاجه:o

بصي يا قمر تعرفي الدفراوي اللي في النعام فيه بوتات لذيذه جدا وزي اللي بتقولي عنها جميله جدا انا لسه جايبه واحد جميل من غير بوذ برضوه لاني بكرهه ومش كعب عالي خالص كعب لذيذ كده بس العريض ده وكمان هتلاقي في روكسي وكلب الدو طبعا والاسعار طبعا مقاربه
بس يا قمر

بنات كنت عاوزه اعرف هانو فين بالظبط عاوزة اعرف الله يخليكو
وربنا يارب يبارك فيكم وتتهنوا كلكم كده وتبقوا احلي عرايس

أنا روحت الدفراوى مول بس مش عجبنى هناك بوتات بس أشتريت جزم من محل أسمه مكسيم بجد حاجاته تحفه وشيك قوى وكان فى بوتات بس كعبها عالى أو شغلها كتير وانا عايزة حاجه بسيطة
وفى كمان محل الشنط اللى جنب زلط فى النعام جبت منه شنطة تحفه ووتر بروف

lasposadelnilo;8437031:
الف مبرووووووووووك يا بوبا على الخطوبه انا كمان خطوبتي هتبقى في البيت بس يوم 5-2 يلا ضيفوني انا كمان من نفسي عاوزه اشوف اسمي في الليسته
وياريت يابوبا نتابع مع بعض لاننا برضه اللي هنحتاجه واحد انا ياقمر اجرت الفستان خلاص وجبته مش منفوش ولا بجيبونه عشان هنبقى في البيت وكده وجبت االشبكه برضه وفاضل الاهم وهوا الكوافير فبكرر سوالي تاني احسن كوافيرات المعادي ايه واعرف رينج الباكدج بلنسبه للمكياج وطرحه وباديكر ومانكير ياريت في المعادي او الاقرب للمعادي
وكمان ياريت البناتيت هنا يفيودنا بخبرتهم لو خطوبه في البيت يبقى الدنيا جاتوه وبيبسي ولا لازم عشا ولا الاتنين ولا ايه بلظبط
وميرسي لكل اللي قالو رايهم في حوار البارينا وانا اقتنعت بكلامكم فعلا
وانتم عندكم حق مهما كان البارينا هتبقى عامله زي الكوتشي وده مهمه كانت خطوبه وبعدين انا وقفت جمب خطيبي انهارده تاني حسيته طول اكتر فربنا يكرم بقى

انا بردو كانت خطوبتي في البيت وسعنا الدنيا وحطينا كرسين الصالون جنب بعض ووراهم لوحة جوبلان كبيرة كانت تحفة معاهم كأنها كوشة وبنا بوكية ورد كبيير وتحفة اللي هو بيبقي في كاس ده وفيه احجار صغيرة كده والورد صناعي بس كأنه طبيعي عشان احتفظ به بعد كده في بيتي ان شاء الله وجبنا جاتوه وساليزون وبيبسي واطباق فوم واسعة وشوك بلاستيك وشاليموهات، وجبت الصب بتاعي وهو كمان جاب بتاعه ووصلناهم باللاب توب ووزعنا السماعات الصغيرة في الريسيبشن هو قطعتين، وكنت مظبطة طبعا الاغاني قبلها، وفصلت فستاني قطعتين بس سيمبل ومش منفوش عشان في البيت وكمان عشان لو حبيت البسه بعد كده في اي مناسبة يبقي عادي لونه موف بتنجاني كده، وفصلت الجزمة كمان من نفس قماشة الفستان، وبعدين اخدت قماش باقي منه المطرز والساتان الاتنين وروحت عملت وردة عمولة مطعمة بالقماشتين وليها ورق شجر كده عشان احطها في الفستان من الجنب وجبت شريط رفيع موووووت فضي لامع لزقته بالورب كده علي الجزمة كان شكله حلو اوي، وجبت كذا طرحة منوعين كلهم من نفس الدرجات في الافتح سنة وفيه المظبوط عشان يعملوا كونتراست كان تل بس طري وساتان بيدي ضي كده فاتح وغامق والبندانة فيها جليتر من نفس اللون، وجبت ورود صغيرة اوي اوي الساتان الجاهزة دي اللي مفروض بتتحط في الهدوم اللي اد العقلة او اصغر كمان وخليت البنت لزقتهالي في دبابيس طويلة شوية وكانوا حلوين اوي ورقيقة خالص عشان احطهم جنب بعض نص دايرة كده زي التاج في الطرحة بتاعتي من ورا، وانا الي عملت الميكاب والطرحة وصحابي وكل الناس عجبهم جدااااااا كل حاجة والتنسيق وكله، وخلينا بدل الشربات التقليدي عشان خطيبي مش بيحبه اوي، عصير مانجو وعملنا نفس الحركات اللي بيعملوها في القاعة واحنا بنشرب وبناكل :) وايه كمان مش فاكرة بقي. :D

عاشقة الرحمن دينا;8443502:
يا سلام بس كده اقولك من عنيا
بصي يا ستي الحمد لله البدله بعد ما اتظبطط طلعت حلوه جدا
و الجاكيت القصير برده طلع لذيذ
بس بصراحه كان في بنطلون كده طلع مش اوي من فوق هوا عاوز علية حاجه طويله لان في حاجه غلط انا مش عارفاها

بس و انا عندهل لقيتها عامله بلطو نبيتي يجتت و الله كان موهير تقيل بصفين زراير و الياقه واقفه و حزام كبير كان بصراحه يجنن استأذنتها و قيسته كان تحفه بجد بجد
بفكر اول الشهر اروح اعمله لانها قالتلي بيحتاج 2.5 متر موهير و المتر ب 50 و اعتقد هتاخد 75 يعني الاجمالي 200 بس يستاهل

دينا انا هنزل معاكى أول الشهر
ونروحلها سوا بس تعرفى هتاخد وقت قد ايه؟؟

amatalrahman237;8443592:
هي فين الكس مون دي يا بنات واسعار الهاي تي بكام؟

اليكس مون دي في الداون تاون شارع اكاسيا بجوار نادي الاجون
والهاي تي ل 150 فرد سعر الشتا 6500 جنيه واي خدمه يا قمر


والهاي تي عباره عن
----------------------
ساندوتش فراخ ( بانيه او رستو )
ساندوتش كفته مشويه
ساندوتش روز بيف
قطعتين جاتوه لوكس
شربات صنفين - مياه معدنيه - مياه غازيه


والعرض شامل

----------------
زفه نجوم الليل
زفه اسانسير ربالمشاعل
شو شربات
شو تورته العروسه بالمشاعل والليزر
D.J راقص وشو نوبي

بالاضافه للتصوير
--------------------

3 ساعات فيديو ميكسر
6صور استوديو +صوره 50*60 بالبرواز
فيلم فتوغرافي 36 صوره
ليزر ودخان وشاشه عرض

ومعايا نمره التليفون لو عايزاها ابعتيلي علي الخاص

emy_alex;8440972:
اجاوبك على لومينارك
اه لومينارك حلوه واسعارها كويسه
وطقم العشا بتاعها جميل اوى

طقم العشا لومينارك ده بيركس يا ايمي

صح ؟

طمنت;8441599:
الله يبارك فيكي ياقمر
ميرسي ع ردك ياغدغود بصي انا من المنصوره وعمله في قاعه صغنونه وبسال مدير القاعه كده ان كان ممكن اجيب انا التورته ولا لاء قالي عادي ممكن تجيبيها انتي وخاصه اني عامله فرح بسيط اوي من غير بوفيه

ألف مبروك يا قمر .. ربنا يتمم لكِ بخير

يااااااااااااااااريت تقوليلي اسم القاعة وسعرها ايه ؟؟؟