poloseden;8446309:
الف مبروك يا جميلة وممكن تقوليلي فين اقدر افصل سندل او شوز من نفس قماش الفستان عند مين وبكام تقريبا والوقت قد ايه وينفع بكعب عاااااااالي ولا لاءه . ومعلش يا قمر او تعرفي اجيب منين الورد الصغير اللي بيتحط في الشعر ؟
الله يبارك فيكي يا قمر، بصي الجزمة عملتها عند مجدي صالح اللي في جنينة مول الدور الأرضي وانا كنت شاريه من عنده قبل كده جزمة سواريه تركواز كانت حلوة اوي ومريحاني وكعبها طوله حلو، فقلتله انا عايزة نفس القالب ده بالظبط ونفس الطول هتحتاج اد ايه قماش، قالي ربع متر لو جزمة بس، المهم فرحت جبتله من نفس قماش الفستان بس اخدت نص متر عشان كنت فاكرة انه ممكن يعملي كشكشة في القماشة فيبقي عنده مساحة كافية، قالي لا دي مش في ايدي دي بتبقي جاهزة، انا هعملهالك مفرودة عادي علي القالب عايزاها علي انهي وش من القماشة الغامقة ولا الفاتحة وبس وكانت ساعتها ب 145 وتقريبا الاستلام كان بعدها بيومين او 3 بالكتير مش فاكرة اوي عشان كان في اخر شهر 8 قبل رمضان عالطول، والورود دي دي جبتها وعملتها في النمرسي بتاع الكلف والخرز وكده اللي في ميدان الجامع، الصغيرين دول كانوا فكرتي اني اعملهم في دبابيس والزقهم كانهم جاهزين وكان فيه الوان كتير فاخترت الموف الفاتح اليلاه ده، لكن في ورود احجام كتير بقي في الفترينة بره دول للبس بتختاري الشكل اللي عايزاه ويعملك زيها بالقماشة اللي انتي عايزاها ولو عايزاها مطعمة كمان بالخرز مفيش مشكلة، انا قلتلهم الوردة نفسها عايزاها من الوش الفاتح وفروع الشجر من الغامق وتطعم من علي ورق الورد نفسه بالخرز اللي في الفستان وكانت مظبوطة تمام وخلتهم عملولي دبوس من ورا عشان تبقي زي البروش وبردو كان الاستلام بعد كام يوم مش كتير مش فاكرة كانت ب20 باين او 15 حاجة كده والصغيرين مش فاكرة بس رخاص والبياعة هي نفسها اللي لزقتلي علي الجزمة الشريطة اللي اخترتها، يعني انا فكرت ووجهت بس والتنفيذ هي بقي بس كانت فهماني وبالها طويل.
وعلي فكرة في محلات كتير اوي في روكسي وميدان صلاح الدين بيفصلوا يعني الأغلبية دلوقتي ليهم مصنعهم وبيعملوان بتختاري الشكل من عندهم وتديهم القماشة وبس وبتطلع مظبوطة.