تجهيزات عرايس مصر القمرات الجزء 113

سويزااا;8367794:
ازيكوااااااااااا جمييعاااا

انا متبعاكو على طووول بس دى اول مرة اشارك معاكو انا من اسكندرية ومقرى فتحتى وانشاء الله خطوبتى كمان شهر على اجازة نص السنة انشاء الله .

وكنت عايزة اسالكو انتو ليه البنات الى هنا المشاركين بيجيبوا الصينى والحلل والحااجات دى وانا الى اعرفه انها على العريس مش العروسة ؟؟؟؟؟؟

وعلشان المخالفة """""" عايزة اعرف ايه احسن الاماكن الى اشترى منها ملايات وفوط من اسكندرية وبطاطين طبعااا """"""" وشكرااا

الف مبروك يا سكرة و ربنا يتمملك بخير ,قولتيلى بقى ان الحاجات دى عندكم على العريس؟ ياسلالالالالالالالالالالالالالالالالالالالالالالالالالالام(y)ده بابا لو يعرف كده كان بعتنى بعثة لاليكس بلا رجعة هههه دا احنا متبهدلين يا بنتى و رغم ان الحاجات دى هى اللى بتجمع الالاف الا انها مش بتبان يا عينى علينا:confused::confused:و عشان المخالفات :
سؤال بقى الجو فى اسكندرية اخباره ايه فى شهر 4و 5 لو حد عايز يجي يقضى يومين بعد شهر العسل ان شاء الله

celeenياقمر انا بعتلك رساله ع الخاص ارجو اني مش اضايقك كنت عايزه اسالك ع حاجه ياقمر مسك الطهاره عند عبد الصمد القرشي بكام والمسك الابيض برضوا وياتري المسك الابيض ده ينفع للمنطقه الحساسه ولا لاء لازم مسك الطهاره؟
سؤال يابنات المنصوره عايزه حد عرف مركز سما اللي عند محل الاسطوره ده كويس ولا ايه نظامه

smsm_anwar;8364818:
اشرى كنتى سالتينى على دبله خطيبى
هى برضو من محل فضيات فى عين شمس جنب محل الطاهرة
سؤال بقى فين جيتان اللى فى روكسى ده

بصى ياجميله عارفه طبعا ام ام اللى بروكسى هو واخد ناصيه ااقفى ادامه بس خلى ضهرك ل ام ام هاتلاقى جيتان على الناصيه التانيه اللى ادامه بالظبط وكمان هاتلاقى جمبه سوبر مركت وبيبع لب على فكره لو حبيتى تأذأذى:wink: هاتلاقى جيتان جنبه وعنده كمان بيجامات تحفه وجلاليب ها وصلت وعموما لو مش وصلت قولى واشرح تانى

ازيك سراب انشاء الله بخير وربنا يكرمك انشاء الله وتتجوزى وتتهنى معاه يا رب

جو اسكندرية زى العسل على طووووووووووول بجد اصل انا بحبها جداااا(مين يشهل للعروسة) ب بجد والله احلى شهور انا بحبها هى 4 و5 و10 و11 بيبقى الجو جمييييييييييييل والدنيا هادية ومافيش زحمة.. وانشاء الله تنورينا ونعملوا معاكى احلى واجب واجدع اكلة سمك وجمبرى على البحر نعملوها لك.

علشان المخالفة كنت عايزة اعرف اجيب قد ايه الاعداد يعنى بطاطين ومفارش ولحفة وملايات وكل الكراكيب دى؟؟ وشكراااا اوووى لكل الى ردوا عليا ورحبوا بيا

طمنت;8367981:
celeenياقمر انا بعتلك رساله ع الخاص ارجو اني مش اضايقك كنت عايزه اسالك ع حاجه ياقمر مسك الطهاره عند عبد الصمد القرشي بكام والمسك الابيض برضوا وياتري المسك الابيض ده ينفع للمنطقه الحساسه ولا لاء لازم مسك الطهاره؟
سؤال يابنات المنصوره عايزه حد عرف مركز سما اللي عند محل الاسطوره ده كويس ولا ايه نظامه

انا كمان بليز نفس السؤال لانى سمعت الموضوع ده و اشتيت مسك بودرة ابيض من رجب العطار و حطيته على مية الورد و كنت قلقانة اوى لان المسك مش بيدوب و بعدها جالى التهابات شديدة فى المنطقة دى و كمان ريحة مش حلوة رغم ان قبلها كان كله تمام فبطلته و بدات استعمل بيتادين عشان امحى اثار العدوان اللى حصل ده..فبليز تجاوبينا عشان انا نفسى استعمله برضوا مافيش فايدة ؟

سويزااا;8368117:
ازيك سراب انشاء الله بخير وربنا يكرمك انشاء الله وتتجوزى وتتهنى معاه يا رب

جو اسكندرية زى العسل على طووووووووووول بجد اصل انا بحبها جداااا(مين يشهل للعروسة) ب بجد والله احلى شهور انا بحبها هى 4 و5 و10 و11 بيبقى الجو جمييييييييييييل والدنيا هادية ومافيش زحمة.. وانشاء الله تنورينا ونعملوا معاكى احلى واجب واجدع اكلة سمك وجمبرى على البحر نعملوها لك.

علشان المخالفة كنت عايزة اعرف اجيب قد ايه الاعداد يعنى بطاطين ومفارش ولحفة وملايات وكل الكراكيب دى؟؟ وشكراااا اوووى لكل الى ردوا عليا ورحبوا بيا

ميرسى يا سكر دا واجب علينا احنا لما تيجى نفرجك على الجمل و نركبك ابو الهول ..يوه..قصدى نركبك الجمل و نفرجك ابو الهول ..بهزر
كتر خيرك و الزوق مايطلعش غير من اهل الزوق و ربنا يوفقك و يتمملك بخير يا رب .
بصى يا ستى بالنسبة للبطاطين فبيتهيألى 2 كفاية و المفارش برضوا 2 واحد صيفى ستان مطرز مثلا و كده و التانى شتوى تقيل شويه و بالنسبة للحاف فواحد كفاية و لو تحبى بالكتير اوى 2 برضوا اما الملايات بقى فانا مش فاكرة بس تقريبا 20 ملايه 12 ملاية حلوين عشان الايام الاولى من الزواج و الباقى عادية و انا جايبة 2كوفرته تقريبا اصلى مش فاكرة اوى عشان شارياهم من السنة اللى فاتت و شايلاهم فى كراتين كمان و 3 بطاطين صيفى الى هى خفيفة اوى دى و 2 مفرش مطرز و واحد رخي و بسيط اوى لونه اوف وايت.و حاولى ماتكتريش اوى عشان بعد الجواز بفترة بتطلع اشكال و الوان جديدة و ممكن تبقى نفسك فيها فماتكركبيش الدنيا و الحاجات تترمى حرام.

marmora7722;8367865:
يا بنات قولولى عايزه اجيب براون سيلك ابيل اجيب ايييييه اللى فى علبة كبيرة دى و لا اللى قطعة واحدة؟؟؟؟

بصى يا جميلة :انا عندى البراون اللى هى 2 راس واحد عادى و واحد للمناطق الحساسة شوية و معاه عجلات التدليك بتاعته و فى موديلات بعديها بتكون مضاف اليها قطع اضافية .بس انا شايفة ان دى كويسة و مش محتاجة لاى اضافات و دى طريقتهم بس عشان يغلوها و خلاص .انا سمعت انها دلوقت رخصت و بقت ب 190 جنيه باين و هى لونها موف فى ابيض و العلبة من بره بينك ..اتمنى اكون افادتك بحاجة

البنوته اللى بتسال عن حمام التلات اكييييييييييييييد انه فاتح الجمعه وكل الايام ما عدا الاحد بيكون فى محلات كتير مش فاتحه والسبت بيقفلوا بدرى لانه المفروض السبت عندهم نص يوم بس مش بدرى اوى يعنى على 10 كده :D

فى كذا مكان تروحيه عندك حمام التلات فى حاجه المطبخ من صينى واركوبال وبيركس وملامين وحلل كلا الانواع والزجاج كوبايات وكاسات والبلاستيكات صحيح فى هناك قريب من حمام التلات معرض الهلال والنجمه فى كل البلاستيكات وعندك الغوريه بعد حمام التلات بشويه دى فيها الملايات والفوط والبطاطين وهدوم البيت كمان

ربنا معاكى باه وخدى ناس معاكى عشان تساعدك فى شيل الحاجات :wink: والحقى انزلى عشان تلفى براحتك وعشان الزحمه بتاعه بليييييييييييييييييييييييييييل


انا زعلانه منكم اوى يا بنات كده اقولكم ادعولى ربنا يصلح حالى محدش فيكم يعبرنى ؟؟

شيكـ SHIKO ـو;8369102:
البنوته اللى بتسال عن حمام التلات اكييييييييييييييد انه فاتح الجمعه وكل الايام ما عدا الاحد بيكون فى محلات كتير مش فاتحه والسبت بيقفلوا بدرى لانه المفروض السبت عندهم نص يوم بس مش بدرى اوى يعنى على 10 كده :D

فى كذا مكان تروحيه عندك حمام التلات فى حاجه المطبخ من صينى واركوبال وبيركس وملامين وحلل كلا الانواع والزجاج كوبايات وكاسات والبلاستيكات صحيح فى هناك قريب من حمام التلات معرض الهلال والنجمه فى كل البلاستيكات وعندك الغوريه بعد حمام التلات بشويه دى فيها الملايات والفوط والبطاطين وهدوم البيت كمان

ربنا معاكى باه وخدى ناس معاكى عشان تساعدك فى شيل الحاجات :wink: والحقى انزلى عشان تلفى براحتك وعشان الزحمه بتاعه بليييييييييييييييييييييييييييل


انا زعلانه منكم اوى يا بنات كده اقولكم ادعولى ربنا يصلح حالى محدش فيكم يعبرنى ؟؟

ميرسي يا جميلة. وربنا يكرمك ويصلح لك شأنك كله ويسهلك امورك ويتمم لك على خير وزي ما تتمني آآآآآآآمين.

علشان المخالفة انا اول مرة اروح حمام التلات فافي اي نصيحة حد يقدمها لي و حدود اسعار البطاطين الملايات والالحفة هناك ايه علشان ما يضحكش علينا ههههههههههههههههههه؟

koka;8364727:
اه هو لازم يتجاب ولو انتى مش بتحبى تشربي كاكاو افرضي حد طلب منك او عاوزه تعملى لحد هتديله فى كوبايه ؟؟؟؟؟؟؟؟؟؟
او حماتك طلعت بتفهم فى الحاجات دى وقالت انك مجبتيش طقم كاكاو هيبقى شكلك مش حلو
هاتيه هو حلو فى الاستعمال والمنظر وكله فى وشك فى الاخر وكمان هو مش غالى

طمنت;8367622:

ثالثا البنات اللي راحو المعرض السوري في المنصوره هناك في مفارش للنيش حلوة ولا ايه؟

المعرض فيه مفارش كتير اكيد ان شاء الله هتلاقي مفارش للنيش .

سويزااا;8367794:

وكنت عايزة اسالكو انتو ليه البنات الى هنا المشاركين بيجيبوا الصينى والحلل والحااجات دى وانا الى اعرفه انها على العريس مش العروسة ؟؟؟؟؟؟

الحاجات دي بتبقى حسب العرف أو الإتفاق .. وفعلا بسمع إنها في إسكندرية على العريس .

عاشقه زوجهها;8367823:

عاوزه اجيب كنك للقهوه اجيب ايه استانلس ولا تيفال؟

استانلس زهران .

سويزااا;8368117:

علشان المخالفة كنت عايزة اعرف اجيب قد ايه الاعداد يعنى بطاطين ومفارش ولحفة وملايات وكل الكراكيب دى؟؟ وشكراااا اوووى لكل الى ردوا عليا ورحبوا بيا

لكل سرير بطانية ولحاف .. وللسرير الأساسي مفرش صيفي ومفرش شتوي ..

و12 ملاية .

شيكـ SHIKO ـو;8369102:

انا زعلانه منكم اوى يا بنات كده اقولكم ادعولى ربنا يصلح حالى محدش فيكم يعبرنى ؟؟

ربنا يصلح حالك يا قمر .

poloseden;8369271:
ميرسي يا جميلة. وربنا يكرمك ويصلح لك شأنك كله ويسهلك امورك ويتمم لك على خير وزي ما تتمني آآآآآآآمين.

علشان المخالفة انا اول مرة اروح حمام التلات فافي اي نصيحة حد يقدمها لي و حدود اسعار البطاطين الملايات والالحفة هناك ايه علشان ما يضحكش علينا ههههههههههههههههههه؟

ميرسى يا حبيبه قلبى لدعائك وربنا يسعد قلبك يارب

بصى حمام التلات محتاج لف كتير الحاجه هتلاقيها عند اكتر من واحد وباسعار مختلفه فالحاجه اللى تعجبك متجبيهاش على طول خدى لفه الاول كده واسالى عن سعر اى حاجه تعجبك وبعدين قررى هتشترى منين واهم حاجه الفصال فاصلى كويس بس هو فى محلات مش بترضى تنزل جنيه فى الحاجه بس دول مش كتير بالنسبه للبطاطين والالحفه والملايات هاتيهم من الغوريه هتلاقى هناك حاجات كتير ومش قادره اقولك رنج اسعار بالضبط عشان فى خامات كتير وانواع اكتير واسعارهم متفاوته

وعشان الدعوه اللى دعتيهالى دى باه انا هوصفلك مكان كويس جدا لحاجات الرفايع بتاعه المطبخ هو سعره اقل من حمام الثلاث ومفيهوش فصال ورااااااااايق هو مول دورين كده بيبيع قطاعى بسعر الجمله هو اصلا بتاع جمله وبتوع حمام التلات بيجيبوا من عنده
هو اسمه مول الصابرين ده موجوده فى حاره كده قبل المحكمه اسالى وانتى عند حمام التلات اسالى عن جامع البنات والمحكمه وقبل المحكمه فى شارع كده اول ما تدخلى هتلاقى المول على ايدك الشمال المول ازواقه بجد جميله وراقيه وحاجاته تحفه وبيجيب من الاخر لا فصال ولا زحمه وتتفرجى براحتك

جورى2008;8364511:
بصى ياحبيبه مادو انا النهارده كنت فى روكسى ولمحتهم عند جيتان بس بصراحه مهتمتش اعرف السعر لانى مش بعرف اللبس كعب فى الطبيعى :( بس روحى جيتان هاتلاقيه فوق فى الدور التانى

سؤؤؤال
تفتكروه 4 مفرش سرير سورى كفايه ولا قليل؟؟؟

بدل 4 ماتجيبى واحد بتمنهم الاربعه

ومحدش يا حبيبتى اصلا بيجيب 4 مفرش سورى
االبنوته الللى بتسئل عن حمام التلات هو يوم الاحد بس اللى ببئى نصو قافل والنص التانى بينضفو البضاعه بتاعتهم بس بيبئو بيببيعو بردو بس بتلائيهم مش بينزلو اوى
فايستحسن ماتروحش الاحد

poloseden;8367874:
يا بنات وحياة اغلى حاجة عندكوا كل واحدة تقرا سؤالي تحاول تجاوب بسرعة
حمام التلات فاتح يوم الجمعة ولا قافل وايه المهم نشتريه من هناك؟؟؟
وميرسي يا احلى celeen

فاتح يا حبيبتى والله

Der pferd;8366488:

ارجو عدم تجاهلي كالعاده من الموجودين
سؤالي عن مكان مفكو حلوان
بتقولو حجته حلوه وشفت غرفة نوم doaaes وبسم الله ما شاء الله جميله ربنا يبارك لك فيهه

وجزاكم الله خيرا

بصي يا ستي هو ليه كذا مكان
بتاع مدينة نصر موجود في شارع مكرم عبيد
وفي فرع في حلوان على كونيش النيل بعد ركن فاروق
وفي فرع في الهرم وفي فرع في المهندسين
هوا غالي بس شغله جميل جدا

عاشقه زوجهها;8367804:

عند حبيبه انا شفتها في فرع الملحق التجاري لهيلتون رمسيس

جزاكى الله كل خير ياقمر بس أنتى شفتيها قريب يعنى هالاقيها موجودة دلوقتى وربنا يسعدك يارب :D

بنوته مصرية جدااا;8367204:


دا انا ماما ماقداني بحكايه هاتي اكبر هاتي اكبر عشان انا كمان فرحي ان شاء الله في الصيف بس عموما انا خلتني في الوسط مع اني مش جبت حاجات اصلا بالمعني هم 3 ترنجات وجبت 2 اكبر نمره واحد مظبوط والجلابيه عموما شكلها حلو لا واسع ولا ضيق
بصي انا من رائي تستني تشتري في التخفيض احسن معرفش انا حاسه انه ان شاء الله اللي يدور يلاقي وروحي سنتر الاهرام اللي تقريبا في العتبه او الموسكي انا مش عارفه بالظبط البنات يفدوكي اكتر في حاجات رخيصه وحلوه بالتوفيق يا عروسه

أنا روحت محل الاهرام في الصيف اللي فات ده
ومعجبنيش فيه اي حاجة
حتى القمصان يعني حاجات مش اد كده
وبعدين انا كده كده الحاجات عليا بتطلع واسعة عشان انا رفيعة
يعني انا تقريبا مضيقة كل الجلبيات الصيفي اللي جبتها
وإن شاء الله انزل قريب
في محلات في وسط البلد في شارع 26 يوليو دول انا بجيب منهم في السيل
وبيبقى عندهم حاجات كتير للبيت وعبايات شيك جدا وبأسعار متفاوتة وفي اسعار نار
بس عشان حاجات متطرزة وكده
محل اسمع دنيا النغم ومحل حبيبة
وفي في ممر الكونتننتال محل اسمه كوكوب الشرق برده في عبايت بيت تحفة

يا بنات انا عاوزة اسالكم على حاجة هوصحيح الايا م دى مش بيعملوا كتب الكتاب الا اذا كان فى الشهادة الطبية و لا دى اشاعة انا واحدة صاحبتى قالتلى كده بس انا مسمعتش فيا ريت اللى يعرف يفيدنى و يقولى فحوصات ايه دى وبتتعمل فين ؟؟

anouren;8365735:
مساء الخير علي كل الموجودين ومبروك علينا الجزء الجديد انا كان عندي سؤال يا بنات عاوزه اعرف منين اشتري النكهات الي بتتحط علي الجسم زي الكريم كده ياريت لو حد اشتراها يقولي منين واسعارها ايه وكمان ممكن اشتري منتجات بادي شوب منين موجوده في القاهره افادكم الله

موجود فى سيتى ستارز وفى كارفور العبور
بنات ايه رايكم اللى هينزل حمام التات تتفقو سوا وتنزلو كزا بنت لان لما بتشترى حاجت كتير بينزلوللكم ف السعر اكتر
هو والوكاله والازهر

التحاليل دى كانت هى شغلنا الشاغل من كام جزء يا قمر وفى الاخر بنات كتير عملوها ومدش طلبها منهم
انتى اسئلى الماذون اللى هيكتبلك

بنات كنت عايزه اسال هما بيعوزوا كام صورة لكتب الكتاب ونورهان اللى فى جسر السويس عنوانه ايه بالتفصيل
بلييييييييييييييز ردوا عليا ضرورى وبسرعة لانى نازلة كمان شوية
والبنت اللى بتسال على الشهادة الطبيه بتاعه كتب الكتاب
هى فعلا حقيقه انهم مش بيعملوا كتب الكتاب الا بيها
بس لما تروحى علشان تعمليها مش بيكشفوا خالص بيشوفوا شكلك بس انتى وخطيبك
بنات متنسوش تردوا عليا بليز

يا بنات عندى سؤالين لو سمحتم:
*أولا : أنا لسه مش مخطوبة وبسبب دراستى ممكن يكون زواجى بعد 4 سنين أو أكتر شوية بس بدأت أجيب لبس يعنى و أعينه ممكن مثلا لو حاجة عجبتنى أجيبها و أعينها كمان انتم عارفين الأسعار علطول بتغلى فكنت عاوزة أسألكم كده كويس و لا إيه؟ كمان كنت عاوزة أسأل هل لو جبت عبايات قطيفة بيتى يعنى وعنتها الفترة دى كلها ممكن تخسر مثلا أو يحصل لها حاجة؟
*ثانيا: هو إيه الفرق بين خامت اللانجيريهات الغالية والرخيصة . هم هنا فى المنتدى قالوا نوعى بين الرخيص و الغالى طيب مثلا الحاجات اللى بـ25 أو35 هل قماشها ضعيف و ممكن تبوظ مع الغسيل و أعرف إزاى الخامة الحلوة.
متشكرة جدا يا أحلى بنات

flower20009 ميرسى على ردك(f) وربنا يسعدك ياقمر ويحققلك اللى فى بالك:)

بنات أنا عاوزة أعرف إذا كانت المصانع اللى زى حبيبة وميس ايجيبت ممكن يبيعوا الحاجات الصيفى بتاعتهم دلوقتى ولا مش بيرضوا ربنا يكرمكم لو حد عارف يقولى لأنى مش هألحق أشترى اللبس الصيفى قبل ما أسافر لجوزى هيكون لسه الشتوى معروض :confused:

doaaes;8369999:
بنات كنت عايزه اسال هما بيعوزوا كام صورة لكتب الكتاب ونورهان اللى فى جسر السويس عنوانه ايه بالتفصيل
بلييييييييييييييز ردوا عليا ضرورى وبسرعة لانى نازلة كمان شوية
والبنت اللى بتسال على الشهادة الطبيه بتاعه كتب الكتاب
هى فعلا حقيقه انهم مش بيعملوا كتب الكتاب الا بيها
بس لما تروحى علشان تعمليها مش بيكشفوا خالص بيشوفوا شكلك بس انتى وخطيبك
بنات متنسوش تردوا عليا بليز

أنا هرد عليكى بالنسبة لعدد الصور بتاعة كتب الكتاب كان المأذون طلب مننا 5 صور وربنا يتملك على خير ياقمر ويهنيكى يارب :D