تجهيزات عرايس مصر القمرات الجزء 113

مساء الخير علي كل الموجودين ومبروك علينا الجزء الجديد انا كان عندي سؤال يا بنات عاوزه اعرف منين اشتري النكهات الي بتتحط علي الجسم زي الكريم كده ياريت لو حد اشتراها يقولي منين واسعارها ايه وكمان ممكن اشتري منتجات بادي شوب منين موجوده في القاهره افادكم الله

anouren;8365735:
مساء الخير علي كل الموجودين ومبروك علينا الجزء الجديد انا كان عندي سؤال يا بنات عاوزه اعرف منين اشتري النكهات الي بتتحط علي الجسم زي الكريم كده ياريت لو حد اشتراها يقولي منين واسعارها ايه وكمان ممكن اشتري منتجات بادي شوب منين موجوده في القاهره افادكم الله

انا شفت الكريمات دى فى كارفور و عندهم انواع كتير .و محل تانى فى جنينة مول فوق بس مش فاكرة اسمه بس على العموم هو محل مكياجات و كده و سهل اوى تلاقيه .لكن انا ماجربتهمش خالص

أزيكم يا بنات ومبروك علينا الجزء الجديد
ادعولى يا بنات ربنا يصلح لى حالى يارب

banota_helwa;8364831:
السلام عليكم لكل البنوتات القمرات الموجودين
دلوقتى انا سمعت ان الاكروبال اللى موجود الوقتى كله عباره عن ستات 6 يعنى وموضوع ال 12 ده مبقاش موجود الكلام ده صح؟
وبعدين عاوزة اعرف كمان ايه اسعار طقم الاكروبال الفرنساوى سواء كان اعداد القطع فيه 6 او 12؟
ولبنات المنصورة بقى منين اقدر اشترى الاكروبال الفرنساوى؟

بالنسبه للاركوبال ال12 موجود انا جايبه منه بس هو اركوبال اماراتى مش فرنساوى هو كان 87 قطعه كان ب 450 بس انا كنت جيباه من القاهره من حمام التلات بس عموما هو موجود يعنى منقرضش ولا حاجه

يا بنات عايزة اسال منين اشترى مفارش و ستاير شباك و بانيو حمام شيك و عرايسى كده و ماتكونش غالية لانى عندى 3 حمامات و مش عايزة يتخرب بيتى فى الفلوس فياريت اللى يقولى فين و اسعاره تقريبا:think:

للبنوته الي بتسال علي الاركوبال بصي ممكن تلاقيه في الرملاوي الي علي الماشيه او تلاقيه في محل نور الدين الي في ميدان الطميهي هو كان فاتح علي ناصيه شارع قفل وفتح دلوقت جوه الشارع عنده حاجات تحففففففففففه جدااااا هو اسعاره عاليه شويه بس عنده حاجات شكلها شيك اوي وممكن تحصلي كمان اطقم تكون احلي من الاركوبال والله انا والدي جابلي اركوبال والصيني كاملين ده 105 والصيني نفس الحوار بس من الكويت وبجد يارتني كلها حاجات ملهاش لازمه وهتتكدس في الشقه وخلاص بس المشكله اني كنت بجهز ومكنتش اعرف ايه المفروض اجيبه ويكون عملي لكن يلا حصل خير ولو احتجتي حاجه انا من المنصوره ولفيت كتير ياقمر وعاوزه الي يساعدني في القاهره

سراب.سراب;8366063:
يا بنات عايزة اسال منين اشترى مفارش و ستاير شباك و بانيو حمام شيك و عرايسى كده و ماتكونش غالية لانى عندى 3 حمامات و مش عايزة يتخرب بيتى فى الفلوس فياريت اللى يقولى فين و اسعاره تقريبا:think:

هتلاقى فى الرويعى ياقمر محلات كتير بتبيع الستاير بتاعه البانيو ومعاها كمان ستاير شباك نفس الشكل

الف مبروك يابناتيت على الجزء الجديد









بنات اسكندريه





انا لاحظت حاجه؟؟؟؟؟؟؟؟؟؟؟؟؟؟؟؟؟؟؟؟؟




انتوا طول الوقت اما اى واحده تسال على كوافير فى اسكندريه بتقولوا كلللللللله اللا كوافير ميس وان؟؟؟؟؟؟؟؟؟؟؟



هو وحش ولا ايه؟؟؟؟؟؟؟؟؟؟؟؟؟؟؟؟





انا حجزت عنده فى فرحى وشفت شغلها فى كتالوج ويدينج وهو وهمى بصراحه









فا انا مستغربه





ممكن تقولولى هو عيبه مثلا ايه ولا هو مش مشهور اوى؟؟؟؟؟؟؟؟


انا بس عايزه اطمن

اشري بصي يا جميلة، وش الباب ده منتشر اوي دلوقتي وفيه اشكال حلوة وزي ما قلت في نوعين:
النوع الرخيص ال mdf ب 25 والارو ب 50 وكمان بيفرق في السماكة، وده بيتثبت علي الباب نفسه بس انا لسه مركبتوش لان النجار اللي كان شغال عندنا حمايا جه اتخانق معاه وقاله كمل اللي انت بتعمله وشكرا علي كده، وهايخللي حد تاني يجي يركبه ويكمل الحاجة عشان خاف انه يبوظه او يكسره عشان هو شكله لسه جديد في شغلته، وطبعا الناس بتجيب ده عشان بدل ما تبدل باب بحاله وتتكلف كتير وكمان الباب نفسه سليم، يبقي ده احسن حل وده بيبقي شكل خارجي بس من بره الشقة من جوا زي ما هو.

على فكرة انا النهارده سالت فى كوافير نورا اللى فى السراج قالولى باكيدج العروسه اللى بتعمله نورا 1500
وباكدج العروسة بتاع اخواتها ب 1100
والباكدج عبارة عن ماسكات وحمام كريم وحواجب ووش او تشقير وقص وسشوار وباديكير ومانكير ولف طرحة او فورمة وميكب
انا سالتها على الصبغة والهاى لايت قالتلى بدايته من 300 جنيه وحسب طول الشعر بقى
وطبعا الصبغة والهاى لايت برا الباكدج بتاعهم
وهى على فكره ليها طلبات كمان بتقول عليها علشان تجبيها للطرحة
بس بجد انا عجبنى موووووووت لفة الطرحة والميكب بتاعها
اللى عايز تلفونها يبعتلى على الخاص

بنات عشان خاطرى ادعولى ربنا يفك كربى وكرب بوكى وينجح غاده ويرزقنا جميعا الخير يارب
انا والله فى كرب شديد وكمان مع الامتحنات يعنى ربنا يستر وعشان مكنش مخالفه
بصو بقى انا اكتشف حاجه ان طقم الكاكاو ملوش اى لازمه اولا انتى ممكن تقدمى الكاكاو فى فنجاين الشاى ثانيا ممكن تقدميه فى مج ومش شرط يجماعه نعمل من الحبه قبه يعنى
انا ايام مكنت مع ماما فى القاهرة كان فيه ممرضه فى المستشفى ورتنى صور خطوبتها وكانت عند كوافير اسمه مجدى وحاجه باين وهو سنتر وفيه قسم محجاب وفى النزهه الجديده شغله عجبنى اووى وكمان كان مشاء الله عامل لها تسريحه شيك جدا كانت مخلياها زى الاميرات

ارجو عدم تجاهلي كالعاده من الموجودين
سؤالي عن مكان مفكو حلوان
بتقولو حجته حلوه وشفت غرفة نوم doaaes وبسم الله ما شاء الله جميله ربنا يبارك لك فيهه

وجزاكم الله خيرا

heba 017;8366451:
بنات عشان خاطرى ادعولى ربنا يفك كربى وكرب بوكى وينجح غاده ويرزقنا جميعا الخير يارب
انا والله فى كرب شديد وكمان مع الامتحنات يعنى ربنا يستر وعشان مكنش مخالفه
بصو بقى انا اكتشف حاجه ان طقم الكاكاو ملوش اى لازمه اولا انتى ممكن تقدمى الكاكاو فى فنجاين الشاى ثانيا ممكن تقدميه فى مج ومش شرط يجماعه نعمل من الحبه قبه يعنى
انا ايام مكنت مع ماما فى القاهرة كان فيه ممرضه فى المستشفى ورتنى صور خطوبتها وكانت عند كوافير اسمه مجدى وحاجه باين وهو سنتر وفيه قسم محجاب وفى النزهه الجديده شغله عجبنى اووى وكمان كان مشاء الله عامل لها تسريحه شيك جدا كانت مخلياها زى الاميرات

ربنا يفك كربك وكرب المسلمين
الكوافير ده اسمه مجدى وسيد
عند سور الكبيه الحربيه
وصحبتى كانت عامله عنده فى خطوبتها وجوازها وكان كويس

Der pferd;8366488:

ارجو عدم تجاهلي كالعاده من الموجودين
سؤالي عن مكان مفكو حلوان
بتقولو حجته حلوه وشفت غرفة نوم doaaes وبسم الله ما شاء الله جميله ربنا يبارك لك فيهه

وجزاكم الله خيرا

فى شارع مكرم عبيد يا قمر

Der pferd;8366488:

ارجو عدم تجاهلي كالعاده من الموجودين
سؤالي عن مكان مفكو حلوان
بتقولو حجته حلوه وشفت غرفة نوم doaaes وبسم الله ما شاء الله جميله ربنا يبارك لك فيهه

وجزاكم الله خيرا

حبيبتى مفكو حلوان اللى انا اعرفه فى مدينه نصر مكرم عبيد ادام سيتى سنتر

mashimaro16;8364615:
مبرووووووووك الجزء الجديد يا احلى عرايس

سؤالى بتاع كل مره ومحدش بيرد عليا يارب حد يرد المره دى ويساعدنى :(

مش لاقيه نجفه فضى بكريستال
حد شاف نجف شيك فضى وبكريستال فين؟

انا دورت فى كل حته
نزلت درب البرابره مرتين وملقتش حاجه خااااااااالص عدله كلهم حاجات مودرن اوى ومش بكريستال
ونزلت شارع الكهربا : على فكره فى حاجات مودرن تحفففففففه اوى
ونزلت مصر الجديده : محل شموع اللى عند هارديز الخليفه المأمون عنده حاجات تحفه
وقنديل النزهه عنده حاجات جميله واسعاره حلوه
اه ولفيت عباس العقاد كله ملقتش حاجه تناسبى فى حاجات كتيره حلوه فى النجف اوى

حد يعرف انزل فين تانى؟؟؟


بنات
نصيحه
اللى عايز يعمل نجف مودرن ميعملش صرر فى السقف ( الصره اللى هيا بتبقى جبس او فيوتك ... ) لان كل النجف الجديد المودرن بيتركب لطش فى السقف ( لطش دى يعنى لازق فى السقف ) هوا اسمه كده

:( انا وقعت فى الكارثه دى ومش لاقيالها حل لحد دلوقتى :(

يالا الحمدلله
بليز بس حد يقولى الاقى نجف فين
وفين محل ستايل تيم ؟؟؟

بصى لو لسه شويه عالجواز استنى معرض القاهره الدولى فى شهر3 السنه اللى فاتت شوفت هناك كتير اووووووووووووى وكان تحفه وشيك جدااا بس ممش فاكره كان كريستال عصفور ولا ايه عشان مش افتى
فلو لسه اصبرى وهتلاقيه خناك ان شاء الله

smsm_anwar;8366597:
فى شارع مكرم عبيد يا قمر

معلش انا عوزه التفصيل الممل انا مرحتش مكرم عبيد قبل كده:o

وجزاك الله خيرا وادخلك الله الجنه بلا حساب ولا سابقه عذاب(f)

اه صحيح يابنات انا فرحى يوم 28|4|2009 حطووووووووووووونى فى الليسته





:D:D:D:D:D:D:D:D:D:D:D:D:D:D
اخيرا هاشوف اسمى فى الليسته........


احمدك يااااااااااااااااااااااااارب

doaaes;8366083:
هتلاقى فى الرويعى ياقمر محلات كتير بتبيع الستاير بتاعه البانيو ومعاها كمان ستاير شباك نفس الشكل

ميرسى يا حبيبتى على الرد بس عندك فكرة عن اسعار الطقم الستارة للبانيو و الشباك ؟
وفى حد يعرف اجيب منين فرش الحمام بسعر معقول؟

Der pferd;8366488:

ارجو عدم تجاهلي كالعاده من الموجودين
سؤالي عن مكان مفكو حلوان
بتقولو حجته حلوه وشفت غرفة نوم doaaes وبسم الله ما شاء الله جميله ربنا يبارك لك فيهه

وجزاكم الله خيرا

بصى يا جميل مفكو فاتح فى مكرم عبيد والهرم وحلوان وليه كذا فرع لكن اللى انا عارفاه اللى هو فى مكرم هما قالولى ان بتاع الهرم وحلوان اكبر وهيبقى فيهم معروضات اكتر وروحت فعلا بتاع الهرم بس انا مش هعرف اوصفلك بس لو انتى عايزه تروحى فرع الهرم او حلوان ممكن تبعتيلى على الخااص وهديكى نمرة تلفونهم وتساليهم
على فكرة ميزة مفكو انه بيفصل مش بيديكى من المعروض واقل وقت للاستلام اسبوعين ولو عايزه تقعديه اكتر من كدا عادى جدا انا اشتريت القودتين بعد العيد الصغير وهستلمهم فى
10-2 يعنى هستلمه يعد اربع شهور والنقل عليهم على فكرة لو داخل القاهرة وبيسلموا فى يوم والتركيب والتلميع فى يوم التالى بس عيبهم حاجه ان غرفه النوم اللى جبيتها من غير كرسى تسريحة ومن غير بوفيه للى بيحب البوفيهات والسفره قالولى من غير البنورة
معلش طولت عليكم انا عارفة انى رغاية:o

سراب.سراب;8366695:
ميرسى يا حبيبتى على الرد بس عندك فكرة عن اسعار الطقم الستارة للبانيو و الشبك ؟
وفى حد يعرف اجيب منين فرش الحمام بسعر معقول؟

بصى يا جميل انا جبته من الرويعى ستارة البانيو 45 وستارة الشباك 15
فرش الحمام بقى انا جبته من كارفور 180 جنيه وقالولى غالى جداااا والرويعى ارخص وهو ده اللى خلانى انزل الرويعى وطبعا تفاصلى معاهم مش هوصيكى