كيف حال كل العروسات؟
يارب يكونوا بخير
البنوته الي كانت المره الي فاتت بتسال عن تعطير هدومها وقولنالها ع الصابون والمسك
كمان ممكن في علب بخور كده البخور فيها اقماع صغيره العلبه ب 2,5 وفيها حوالي 10 اقماع بتخلي الهدوم ريحتها تجنن
في فكره تانيه مرات عمي قالتلي عليها انهارده
انها قبل ما ترص الهدوم تشغل بخور في الدولاب وتقفله عشان الدولاب يبقي ريحته حلوه والهدوم هتاخد منه وعلي فكره الخليجيات بيبخروا كل حاجه عندهم والطريقه انكم بس يادوب تخلوا الحاجه الي هتتبخر سواء هدوم او شعركوا او جسمكوا مثلا مبلوله بسيييط اوي والهدوم تحطوها وهي كده وتحطوا معاها المبخره في الدولاب وتقفلوا عليها شويه
وشعروكو وجسمكوا نفس الطريقه بس تقفلوا الفوطه حوالين المبخره عليه
يابنات وانا بدعبس ع النت كده لاقيت موقع حلو اوي فيه لينكات كتير لقاعات بالاسعار سواء فنادق او نوادي او دارات وكمان اسامي كوافيرات كتير باسعارهم ومركز تجميل واماكن للعفش والديكو بجد فيه حاجات كتير وفيه جزء كده اسمه احتياجات العروس عن الديكور والاثاث والكوافيرات ومراكز التجميل الزياء والمجوهرات ومكتوب فيه اسامي اماكن كتير ولينكتهم واسعار كمان
اللي عايز اللينك يابنانيت يقولي بجد هيساعدكم جدااااااااااا
انتو مش رضيتوا عليا ليه في حكايه مسك الطهاره والمسك الابيض واسعارهم؟
ياريت بتعتيلي من فضلك اللينك يا طمنت
مسك الطهاره الابيض موجود عند عبد الصمد القرشي في سيتي استارز ومول سان استيفانو
وهو بيبتباع بحاجه اسمها توله وهي ازازه صغيره اوي فيها حوالي مثلا 5 جرام او 10 مش عارفه الحقيقه واسعاره حوالي 120 وانتي طالعه بس ده الاصلي
في بعد كده احجار بقي الي هي بتبقي مربعه كده الروز والابيض والاتنين حلوين اوي في التعطير
بس بتهيالي والله اعلم ماينفعوش في طهاره الاماكن الخاصه
المعرض السورى شغال فين دلوقتى؟؟؟ رورو
بتهيألي في ارض المعارض في مدينه نصر
يا جماعة محدش قاللي
هوا طقم المينامين مهم ولا بلاش منه ؟؟؟؟؟
اصل ماما بتقول مش عملي عشان غلط تحطي فيه حاجة سخنة
بصي يا ستي احنا كان لينا واحد قريبنا بيشتغل في الشريف الي هما بيعملوا الملامين شخصيا
وهو نفسه قال ان الملامين ده ضار جدا بالصحه وانا اصريت ماجيبوش دلوقتي بنات عمي كانت مامتهم جابتهولهم دلوقتي بتدور علي طريقه تتصرف فيه بيها لانها اتاكدت انه مش كويس خالص
ده غير انه مع الوقت بيصفر كده وبيبقي لونه مش حلو خالص
يابنات انا هجيب مراتب جاهزه انتوا ايه رأيكو بنات عمامى كلهم جابوا جاهز وبيقولوا حلو ومريحين ايه رايكو وممكن حد يقولى المعرض السورى فتح ولا لا؟؟؟؟؟؟
والله يا قمر طلعت التكلفه واحده وساعات كمان التنجيد بيبقي اغلي لانك لازم تعملي لسريرك مرتبتين غير اجره الصنايعيه غير الخامات
رووفه
يابنات قوولوولي طقم الاركوبال الكامل بكاااااااااااااااااام ؟؟؟
ويكون نوع حلووووووو
انا بتاعي وصل دلوقتي ل 750 والكلام ده كان السنه الي فاتت مش عارفه دلوقتي ظروفه ايه هو فرنساوي وموجود في حمام التلات
انورين
عمي جايب يانسن وبيشكر فيها جدا وهي طبيه لان مراته ربنا يشفيها ويعافيها عندها انزلاق غضروفي
حبيبه مادو شبكتك ماشاء الله تبارك الله جميله اوي ربنا يباركلك فيها يارب وتتهني بيها
شيكو يا جميله ماشاء الله تبارك الله شبكتك بردو شيك جدا ربنا يباركلك فيها
دنيا ايمان شهر 3 بيبقي لسه الجو برد الي حد ما يا قمر
للبنوته الي بتسأل علي الشبكه انا جبت شبكتي من ميدان الجامع في مصر الجديده بردو وهي كانت صغنتته شويه وكنت في حدود 5000
ايه رأيكو يا بنات؟
اه يا بنات انا نازله ان شاء الله روكسي قريب تنصحوني اروح محلات لانجيري ايه؟؟
