تجهيزات عرايس مصر القمرات الجزء 113

نعــ M!sS ـومـة;8382686:

الحاجه اللي على العروسه واللي على العريس
معروفه ولا بتكون بالاتفاق بينهم؟؟؟

دى ياحببتى بيبقى بحسب الاتفاق بينكوا وبين العريس بتتفقوا انتوا هتجيبوا ايه والعريس هيجيب ايه

شيكـ SHIKO ـو;8383926:
اعتقد تقصدى نفتالين مش فازلين اللى هو كور مدوره اد البلى كده

النفتلين بيخلى الهدوم ريحتها مش حلوة هو صحيح بيحافظ عليها من العته بس الريحه بتفضل فى الهدوم لحد متغسليها بس ريتها مبتعجبنيش خالص

نغم2020;8384870:
بنات ممكن سؤال
انا عايزه اعرف فى يوم الاتفاق لما الرجاله بتيجى تتفق على العروسه
اهل العروسه بيقدموا اييييييييييييييييييه
والعروسه بتلبس ايه وبتقعد معاهم ولا لا
اذا كان عددهم مش كبير يعنى 2 بس
وممكن الام تكون قاعده
وياترى العروسه تقعد معاهم للاخر ولا تقعد شويه وتقوم
وسؤال تانى العروسه بتقوم هيا اللى تحضر الحاجه وبتقدمها
امتى معلش اسئله غريبه شويه
بس معلش حبيت اسئل اخواتى

بصى ياقمر احنا كنا النهارده بنخطب لااخويا وكنا رايحين عشان الاتفاق وعشان ماما تشوفها لانها اول مرة تشوفها وكنت انا وماما واخويا وبابا واهل العروسة قدمولنا جتوه ومنفيه وبيبسى وبعد شويه سالونا مين بشرب شاى وقاموا عملوا لبابا ولبابها وعلى فكرة مامتها كانت قعده وبعد ماجينا بربع ساعه مامتها طلعت ندتلها والعروسة جت وقعدت معانا لحد مااحنا مشينا ووصلتنا لحد الباب بره هى وبابها ومامتها واخوتها جهم قعدوا معانا والعروسة هى اللى قدمتلنا كل حاجة وهى اللى قامت عملت الشاى والقهوة والعروسة كانت شيك وكانت لبسه عبارة عن جيبة وبدى وعليه جاكت يعنى البسى انتى طقم من عندك بتاع خروج بس احسن طقم عندك تكونى شايفه انوا شيك ولو عندك استفسار تانى اسالينى وانا اجوبك انا لسه جاية من حاجه واقيعيه الحقى اسالينى قبل مامخى يتلغى وينسى ههههههههههههه

flower20009;8399958:
ربنا يرجعلك جوزك بالسلامه يا عاصفة الايام انا ليا صحابى زيك كده والموضوع صعب اوى ربنا معاكوا كلكوا

بنات عندى سؤال
انا دلواتى اختى هتتجوز فى شهر 7ان شاء الله
المفروض نحجز من دلواتى عشان الاماكن صح؟؟ وخاصة عندنا فى القاهره بيقى زحمة موت فى الصيف وكل الدارات متقفله؟؟ دا رايى الاغلبيه
ماما بقى بتقول لا لسه بدرى ونحجز فى شهر 3او 4؟؟؟؟ كده هيبقى صعب صح
ياريت رايكوا

كمان المعرض الى بتتكلموا عنو عند سور الكليه الحربيه
دا معرض القوات المسلحه؟؟ لو هو هو اسموا كده ولا ليه اسم تانى؟
الحاجات هناك مضمونه خشب وكده ولا ناخد واحد بيفهم فى الخشب اضمن؟؟

ربنا يتمملها على خير يارب ...الأفضل انكو تنزلو تحجزو من دلوقتي لأن خللي بالك رمضان 22-8 هتلاقي الناس كلها زنقة نفسها في شهر 6 و7 اكتر كمان ....وبعدين انا لما نزلت احجز فرحي مالقيتش معاد خميس او جمعة فاضي خااااالص غير 29-5 وده طبعا بعيد المهم لقيت الناس بتحجز لسبعة من دلوقتي عشان يكون قدامكو المكان المناسب والمعاد المناسب واللي تختاروه .....يابنوتات ياحلوين الاقي فين بدل شيك وسيمبل؟؟؟؟

يعنى انتو بتقولوا للبنات الى مش من القاهره انهم يحجزوا الكوافيرفى القاهره لو الفرح هناك طب ما تساعدونا شويه وتقوللنا الاماكن والاسعار والباكدج

mitcy;8399879:
معلش يا راندا هو فعلا حصل لغبطه في موضوع الليسته المره دي.
وكتير كان اتمسح.. انا عن نفسي حطيب اسمي بنفسي واالاسماء الللي قدرت عليها
وكتبو تاريخ فرحهم
بس قولي ميعاد فرحك وكوكا او حد يحطها..
...
الحب هو الحياه ميرسي علي ردك في المكواه السيراميك
بس انا كنت بسال علي براون بالذات لانها في الطريق اليا
لو عندك فكره عن استخدامها والشعر مبلول
وعاوزه اقولك ان موضوعك بتاع المطابخ تحفه
ميرسي اوي عليه.جزاكي الله كل خير




http://www.3roos.com/forums/t419621.html

mitcy;8400003:
دي زي بتاعي بالظبط
بس الجزي بتاع الحواجب اللي هو سيفر في البيض دا باظ مني .حد يا بنات يعرف اصلحها فين؟؟

ده بيتباع فى المحلات ورخيص اوى
فطالما حباه اشتريه ياقمر
بس هو فيه منه اسعار



بنات بليز حد يقولى تمن تنجيد المرتبه بكام
اجره المنجد:)

tatoomy;8392841:
انا جيبت اللحاف ده من حوالي 5 شهور كان ب300 وكنت جايباه من سوق غزة ولونه بيج في زيتي...اي خدمه ياقمر:D:D

مبروك يا قمر تتهني بيه ان شاء الله بس ممكن تقوليلي نوعه صناعة ايه؟ وكمان فين سوق غزة وكان قايلك بكام اصل قالي 850؟؟؟؟؟؟؟؟ وقال هيعمل خصم ويخليه 750 ههههههههههههههههههههه ونفس اللون . كتر خيره تعب نفسه اوي هههههههههههههه
ممكن تقوليلي صناعة ايه وكان بكام الاول وفين سوق غزة؟
ربنا يوفقك يا قمر

هاى على احلى عرايس فى الدنيا
هى متأخرة شويتين بس مبروك على الجزء الجديد انا مش بلحق اغمض عينى شوية عنكوا الاقى جزء جديد ماشاء اللة يعنى ربنا يزيد ويبارك :D:D:D:D
انا كمان عايزة اعرف سعر التنجيد كام دلوقتى انا عارفة واحد فى ميدان الجامع جنب محل داماس بتاع الدهب واحدة صحبتى عملت عندة بتقول تحفة جدااااااااااااااااااااااااااا بس مش عارفة اية نظام اسعارة (f)(f)(f)(f)

سراب.سراب;8389730:
يابنات كنت عايزة اسال على حاجة مهمة :دلوقت كل عروسة بتبقى شايلة لبسها من خروج و بيت و لانجيرى فى كراتين او شنط ولمدة سنة او اكتر فطبعا بيتكرمش او على الاقل بيكون معلم فيه التطبيقة و محتاج كوى ,طيب دلوقت لما نيجى نفرش الشقة هنكوى الملابس كلها و لو هانكويها او هنوديها للمكوجى طيب هانعمل ايه فى اللانجيرى عشان ده طبعا ماينفعش يروح للمكوجى و كمان الكوى فى البيت بيكون صعب لانه زى ما انتوا عارفين حساس اوى و ممكن يتلسع و يبوظ و غير كده عدده بيكون كبير اوى بالذات انى بنت وحيدة و ماعنديش حد يساعدنى خالص و حتى صحباتى بيشتغلوا او متجوزين و مشغولين و محدش هيكون معايا خالص فمضطرة اعمل كل الشقة تقريبا لوحدى .يا ريت حد يرد عليا عشان انا بجد مش عارفة هاعمل ايه خالص و البنات الللى اتجوزوا اكيد عندهم خلفية بالمشكلة دى .

بصى ياقمر انتى طبعا مش هتعلقى كل اللانجيرى اللى انتى جايبة شوفى اللانجيرى اللى بيتكوى واكويه وهو ده اللى تعلقيه اما الباقى لو خايفه عليه قوى هاتيه على درجه حرارة هادية جدا يااما تطبقيه وتحطيه على رف دوبلك عادى بس علقى الحاجات اللى زى الساتانات دى بتتكوى وشوفى الاقمشة اللى بتتكوى واكويها وعلقيها

حبيبه مادو;8393687:

انا نزلتلكم صوره شبكتى عشان البنااات العرايس اللى لسه هيتخطبوا وينزلوا يشتروا الشبكه بس دى قبل الشبكه بتاعتى كنت لسه مش ظبطتها يعنى ولا عملت صينيه الشبكه كنت مزواقاها بتل وورد وجليتر بيلمع الوان فستانى

وقولولى رايكم فيها ايه :o

ما شاء الله حلوة ياقمر تتهنى بيها يارب

miss_w;8394261:

انا بعتلك على الخاص
عشان اشرحلك بالتفصيل

يا جماعة محدش قاللي
هوا طقم المينامين مهم ولا بلاش منه ؟؟؟؟؟
اصل ماما بتقول مش عملي عشان غلط تحطي فيه حاجة سخنة

بصى ياقمر احنا هنا فى البيت بناكل فيه واختى اشترته وبتاكل فيه وانا كمان جبته وناوية اكل فيه وكتير من اصحابى جايبنة وطول عمرنا بناكل فيه وناس كتير بتستخدمه ومبسمعشى غير هنا فى التجهيزات منكوا انوا وحش بالعكس ده احلى وعملى عن انك تستخدمى صينى فى مطبخك وبعدين انتى اختار نوع حلو من الملامين زى ملامين الشريف ده لا يعلى عليه وانظف واحسن انواع الملامين وفيه من اشكال شيك جدا منا جايبة اركوبال وبيركس وصينى ومع ذلك جابته عشان حاسه انوا برضه لاغنى عنه واعداد نفس اعداد الصينى بالضبط ماعدا طقم الشاى مبيبقاش موجود فيه بس

شيكـ SHIKO ـو;8394352:
ما شاء الله تبارك الله تتهنى بيها يا قمر وربنا يتمم لك على خير يارب


بنات ايه رايكم الصينى المدور ولا المربع والصينى المدهب ولا الفضى وانه بلد احسن للصينى ويكون السعر معقول مش الاسعار الجامده ديه

انا عن نفسى بحب الصينى المدور واللون الفضى ده راى شخصى بحس انوا اشيك

يابنات انا هجيب مراتب جاهزه انتوا ايه رأيكو بنات عمامى كلهم جابوا جاهز وبيقولوا حلو ومريحين ايه رايكو وممكن حد يقولى المعرض السورى فتح ولا لا؟؟؟؟؟؟

يابنات قوولوولي طقم الاركوبال الكامل بكاااااااااااااااااام ؟؟؟
ويكون نوع حلووووووو

http://www.3roos.com/forums/t419703.html

lasposadelnilo;8393027:
ميرسي كتير ليكم ياجماعه على ردكم واهتمامكم
بس لو في محلات بتبع الحاجات دي جاهزه غير سيتي ستارز قولي او اسم المحل اللي في سيتي ستار لان زم مانتم عارفين سيتي ستار متاهه
وانا بحاول اتخيل شكل الصنيه على وصفكم هتطلع رقيه وجميله وكل ما نغير فيها يبقى احسن
بس لو حد عنده صور ليها يبقى يحطها
والف شكر في كل الاحوال انتم برضه خلتيوني ابقى متخيله المنظر ولو غلبت محلات الوود كتيره في المعادي
وانا اصلا عندي في البيت ورد مجفف ممكن اخد منه
انا من المعادي
اللي عاوزه تعرف مكان حاجه في المعادي انا موجوده هحاول اعرفلكم على قد ماقدر باذن الله

بما انك بقى من المعادي يا جميلة نستغلك. انا لفيت على فستان سوارية عايزاه تحفة بمعنى الكلمة روحت كل اللي البنات كاتبينهم محلات واتيليهات في مدينة نصر ومصر الجديدة والمهندسين ولا حياة لمن تنادي فاضل ايه بقى ............؟ المعادي فممكن يا قمر تبعتيلي محلات واتيليهات سواريه تحفة في المعادي؟

ghayod;8400627:
يابنات انا هجيب مراتب جاهزه انتوا ايه رأيكو بنات عمامى كلهم جابوا جاهز وبيقولوا حلو ومريحين ايه رايكو وممكن حد يقولى المعرض السورى فتح ولا لا؟؟؟؟؟؟

بس هاتي المراتب المضغوطة
بس على فكرة المراتب الجاهزة اغلى من التنجيد
يعني هتلاقي مرتبة السرير معدية االالف
واكيد التنجيد ارخص

dandona we bas;8393650:
بنات لقيت موقع حلو اوي فيه شوية فساتين زفاف و سواريه و ممكن يوصلكو للمكان اللي أنتو فيه الفستان بس السعر الموجود بالريال السعودي لأنه شركة سعودية اللي عايز اللينك يقولي

انا عايزة اللينك يا قمر جدااااااااا ربنا يوفقك

عاصفة الايام;8399496:
ازيكم يا بنات .....................وحشتونى كتييييييييير
زى ما قلتلكم اتجوزت 26/10/2008
وجوزى سافر فى 28/11 وبجد يا بنات انا محبطه ومخنوقه وحاسه زى ما كون ما تجوزتش لانى رجعت تانى بيتنا بيت بابا يعنى ولا كانى اتجوزت...................صحيح كانت احلى ايام عمرى ال32 يوم دول ب كل ما بيعدى الوقت.............بحس انى بجد نفيتى تعبانه خصوصا انى كنت مخطوبه اربع سنين
ادعولى يا بنات ربنا يرجعهولى بالسلامه ...........لانى بجد تعبت
معلش دوشتكم بس مش لاقيه حد اتكلم معاه


حد يعرف نوع كويس للشسوار اللى هوا ب10 او اكتر accesores فرشه ومكوه وكده يعنى نوع يستحمل مش يبوظ بسرعه ومنين وبكام

الله يكونك يا قمر وانا زيك انا كمان بس جوزى قعد معايا قرب شهرين وسافر على طول معلش اصبرى على ده بالصلاه والقراءان وان شاء الله ربنا هيصبرك

طمنت ممكن يا قمر اللينك بتاع السايت اللي بتقولي عليه و جزاكي الله كل خير

دندون يا قمر ممكن تبعتلى السايت وتسلمى يا قمر ويجزكى الف خير

mashimaro16;8398420:
البنوته الى بتقول مطبخ صاحبتها مفيهوش منفذ للتهويه

خليها تجيب مهندس وهوا يقولها تفتح فين
اكيد حيبقى فى مكان تفتح ان شاءالله

اخبار اللبس الشتوى ايه يا جماعه؟؟
مين نزل جنينه ولا ستارز حد يقول اخبار اللبس ايه ؟
وايه لبس البيت اللى يتجاب للشتوى ؟

بصى ياقمر انا كنت فى وسط البلد النهارده هو اللبس الى حد ماا فى حاجته حلوة بس هتتعبى شوية على متلاقى اكتر من حاجه حلوة لان اللبس السنة فى الشتوى كا رائى انا مش حلو قوى وبالنسبة للاسعار فهى عاليه وفى معقوله بس اغلبيته عالية

emy_alex;8400420:
ده بيتباع فى المحلات ورخيص اوى
فطالما حباه اشتريه ياقمر
بس هو فيه منه اسعار



بنات بليز حد يقولى تمن تنجيد المرتبه بكام
اجره المنجد:)

اناشايفه ان الجاهز فى المراتب افضل من انك تنجديها نجدى بس المخدات

ghayod;8400627:
يابنات انا هجيب مراتب جاهزه انتوا ايه رأيكو بنات عمامى كلهم جابوا جاهز وبيقولوا حلو ومريحين ايه رايكو وممكن حد يقولى المعرض السورى فتح ولا لا؟؟؟؟؟؟

(y)(y)(y)(y)

رووفة;8400630:
يابنات قوولوولي طقم الاركوبال الكامل بكاااااااااااااااااام ؟؟؟
ويكون نوع حلووووووو

http://www.3roos.com/forums/t419703.html

على مااتزكر 750 ج فرنساوى بس لانى جايبة من فترة فمش متاكده قوى بس تقيبا زى مابقولك 750ج

مساء الخير علي كل البنات كنت عاوزه اسال البنات الي اشتروا مراتب جاهزه
اولا ايه نوعها لان فيه انواع كتيره
منها(فوربد ---واليانسن ---والتاكي وده طبعا انواع ودول تقريبا انضف حاجه انا خطيبي سال علي اليانسن ب1450
اما التاكيفيه منه نوعين سال عليهم(الدودو والباجت) الباجت دي اغلي حاجه ب2170 وانا بصراحه عاوزه اجيبها لانه بيقول انضف الفنادق في شارم بتستخدم التاكي والنوعيه دي
وكمان ليها وشين وش صيفي ووش شتوي
فمش عارفه محتاره وهيه كمان سعرها عالي اوي كده هجيب مراتب بس4000 لان كمان حتي مراتب الاطفال النضيفه اسعارها مش قليله فياريت البنات الي جربوا التاكي او اي نوعيه من المراتب يفدنا ويوقلنا هل هيه انضف من القطن ومريحه للضهر ولا لا ياريت حد من الي جربوا المراتب عشان مدفعش فلوس في الفاضي افادكم الله وجعله في ميزان حسناتكم

طمنت;8398608:
يابنات وانا بدعبس ع النت كده لاقيت موقع حلو اوي فيه لينكات كتير لقاعات بالاسعار سواء فنادق او نوادي او دارات وكمان اسامي كوافيرات كتير باسعارهم ومركز تجميل واماكن للعفش والديكو بجد فيه حاجات كتير وفيه جزء كده اسمه احتياجات العروس عن الديكور والاثاث والكوافيرات ومراكز التجميل الزياء والمجوهرات ومكتوب فيه اسامي اماكن كتير ولينكتهم واسعار كمان
اللي عايز اللينك يابنانيت يقولي بجد هيساعدكم جدااااااااااا
انتو مش رضيتوا عليا ليه في حكايه مسك الطهاره والمسك الابيض واسعارهم؟

أنا يا جميلة عايزة اللينكات وربنا يوفقك

كده يابنات انا مش عاوزة ازعل منكم بجد عشان انا بحبكم كلكم فى الله
ياقمرات انا سالت سؤال وكنت اتمنى حد يجاوبنى وسؤالى كان كالتالى
دلوقتى التخفيض بيكون على كل حاجة يعنى هدوم البيت والخروج واللانجيرهات ولا التخفيض بيكون لحاجة معينه؟وبنات المنصورة ياريت يقولولى التخفيض هيبدا امتى فى المنصورة

يابنات اسكندريه انا شفت الفواحه اللى بالكهرباء امبارح فى جرين بلازا عند محل اسمه جنه العطور اللى جنب المسجد وكانت ب55وفيه ب65 واشكالها حلوه وكمان عنده الزيت العطرى

banota_helwa;8401056:
كده يابنات انا مش عاوزة ازعل منكم بجد عشان انا بحبكم كلكم فى الله
ياقمرات انا سالت سؤال وكنت اتمنى حد يجاوبنى وسؤالى كان كالتالى
دلوقتى التخفيض بيكون على كل حاجة يعنى هدوم البيت والخروج واللانجيرهات ولا التخفيض بيكون لحاجة معينه؟وبنات المنصورة ياريت يقولولى التخفيض هيبدا امتى فى المنصورة

واحنا منقدرش علي زعلك ابدا ياجميل بصي يا ستي بالنسبه للمنصوره التخفيضات بتكون علي لبس البيت والخروج علي شهر 2 باذن الله لان الاسعار الايام دي مولعه جدااااااا اما لانجيري بيكون حاجات وحجات مش كل حاجه بيكون عليها تخفيض عندك ماركات زي لاسو دي سعرها سابت صيف شتاء ولما انزل برده هقولك يا جميل