تجهيزات عرايس مصر القمرات الجزء 113

يا بنات شفت امبارح الستيكر اللى بيتلزق فى ادراج المطبخ
عند واحده قريبتى متجوزة ما شاء الله بقالها خمس سنين
وبتقولى انه مش بيطلع وسهل فى تنضيفه بالميه والصابون عادى
حبيبت اقولكو لان روزى كانت بتسال عليه

سراب.سراب;8378215:
يا بنات فى حد عنده فكرة عن ماكينة الشمع كويسة ولا لا للجسم و المنطقة الحساسة عشان كنت عايزة اشتريها.و انا جربتها على وجهى عند الكوافيرة و ارتحت معاها عن الفتلة بكتير ؟

هي ايه ماكنه الشمع دي واصلا اصلا ازاي بيتشال الشعر بالشمع
انا اعرف شرائح فيت بتاعت الشمع لازاله الشعر غير كدا مش عارفه ياريت توضحيلي:o

dandona we bas;8379213:
بنات انا عايزة اعرف الأصول ايه في حالة ان تكون خالة العريس اتوفت و لسه باقي على الفرح ان شاء الله 8شهور او 7 شهور تتوقعوا يتأجل الفرح و لا لأ و ياريت كل قمراية منكو تقولي تجربتها لو حصل حاجة شبيهة في العيلة عندهم بالله عليكو

و بالله عليكو تدخلوا على الرابط اللي في توقيعي بالله عليكو

مع العلم ان انا فرحي اتأجل مرتين لحد دلوقتي فربنا يستر

حبيبتي انا جدي توفي... الله يرحمه.... قبل خطوبتي بشهرين تقريبا ومكنش ينفع خاللص اجل الخطوبه لانها تاجلت قبل كدا واساسا كان المفروض تبقي كتب كتاب وبقت خطوبه ما علينا المهم اني عملتها بس عملتها ع الضيق جدا يادوب 2 من اصحابي وقرايبي مش الكل جاء
بس اتعملت انتي لسه بدري علي فرحك وان شاء الله مفيش تاجيل وكدا كدا جوزك باذن الله يستائذن ولادها او زوجها وربنا يتمللك بخير

حبيبه مادو;8381327:
انا كمان عاوزه اعرف تفاصيل الموضوع ده بالظبططططط لو عاوزه اسافر مع خطيبى بعد ما يرجع ونتجوز واسافر معاه علطول ايه المطلوب بالظبط يعنى عاوزه اعرف تفاصيل موضوع الاستقدام والتكلفه كااااام وياخد قد ايه بالظبببببط وكله ولو م سافرت معاه وسافر هو وبعدين يبعتلى هيكون بعدها بقد ايه بالظبططططططط واقصى مده كااام علبال يبعتلى والنبى الموضوع مهم اوووى وياريت تردوا علياا ضرورى يا حبايبى انا والبنووووته

انا هجاوبك مع اني لا مسافره ولا حاجه بس لاني اعرف حوارات الاستقدام والكلام دا
بصي هو فلوس الاستقدام دي حسب كل بلد يعني في السعوديه مثلا هو لو كتب الكتاب واخد القسيمه ممكن الحكايه كلها تاخد شهر شهرين بالكتير جدااااا عشان يجيبك معه واخر مبلغ سمعته كان 2000 ريااااال يعني مثلا 3500 مصري عشان الاستقدام اما بقيت الدول معرفش الصراحه ومشفتش واحده سافرت مع جوزها ع طول الا واحده بس اعرفها وساعتها هي فضلت تقوله لا زم تاخدي معاك وكدا وعملو الاجرائات تقريبا من السفاره والكفيل بتاعه ساعده من السعوديه شويه بس الفكره بقي انها تعذبت حبه عقبال هو ما جهز شقه فيها الاساسيات بتاعتها فالاحسن انه ياخذ القسيمه ويظبطلك الاستقدام والشقه عشان متتعبيش..... معلش رغيت كثير ربنا يوفقك

يتصفح الموضوع حالياً: 23 (17 عضو و 6 ضيف) ‏meshmesh_romio, ‏kitty_kity, ‏soshe, ‏tote frote, ‏dyana, ‏saroorah, ‏عاشقة الرحمن دينا, ‏بنبونه حماده, ‏مرهفه المشاعر, ‏poloseden, ‏kenziii, ‏مريم المسلمة, ‏smsm_anwar, ‏amatalrahman237, ‏tikatika, ‏شيكـ SHIKO ـو, ‏حبيبه مادو

ربنا يزيد ويبارك

حبيبة مادو
كنتى سالتى عالشباشب الفورير انا كنت جايبه واحد بكعب صغنن كده من جوه ساتان والوش فورير ناعم كده ومفتوح
من شارع قصر النيل كان بحوالى 10 جنيه او 15 جنيه

شوفوا اللينك ده كده يارب يعجبكم
http://www.3roos.com/forums/t419192.html

banota_helwa;8364831:
السلام عليكم لكل البنوتات القمرات الموجودين
دلوقتى انا سمعت ان الاكروبال اللى موجود الوقتى كله عباره عن ستات 6 يعنى وموضوع ال 12 ده مبقاش موجود الكلام ده صح؟
وبعدين عاوزة اعرف كمان ايه اسعار طقم الاكروبال الفرنساوى سواء كان اعداد القطع فيه 6 او 12؟
ولبنات المنصورة بقى منين اقدر اشترى الاكروبال الفرنساوى؟

الاعداد الصغيرة بتبقى 6 لكن الاعداد الكبيرة بتبقى 12
يعني في اطقم اركوبال بتبقى 19 قطعه و 25 قطعه وكدا...فدول بيبقوا من كل واحد 6
لكن الطقم الكامل بيبقى من كل واحد 12
احنا عندنا اتنين ..واحد 87 قطعه والتاني 107...والاتنين من كل نوع 12

بنات ازيكم كلكم وحشتووووووووووووني
لبنات طنطا...المحل الي قلتلكم عليه جنب سوق ناصر في حاجات شتوي تحفه
جبت عباية لمامتي ب95...وواحده ليا ب100 دول قطيفه
وبتاعتي لونها اسود وعليها من بره شغل زي الشغل البدوي او الفلسطيني...شكلها عبايه خروج اساسا وبجد روعه
وواحده تانيه ميلتون لواحده قريبتي كانت ب45 بس شكلها شيك اوي

صحيح يابنات انا معايا اسعار كل منتجات شركة توشيبا العربي...لو حد عايز يسال على اي حاجه يقول وانزله اسعارها كلها

tikatika;8381436:
بصى يا قمر أنا لقيت منهم فى محل فى جرين بلازا فى أسكندريه لو أنت من أسكندريه بس مش عارفه أسمه أيه تقريبا فى v كده هو جنب كرامنتس فى الأكستنشن الجديد










حبيبتى كده مخالفه أقرى القوانين فى أول الصفحه(f)





فى محل فى القاهره أسمه table art عنده أطقم سمك حلوه بالقطعه (f)















الف مبروك وربنا يتمم بخير

علي فكره انا من الاسكندريه و الصيني والحللو الحاجات الحوسه دي عليا مش علي العريس وعلي فكره ده بيبقي حسب الاتفاق :21_103:




بالنسبه للملايات والبطاطين و الفوط ومفارش السرير في واحد في الساعه بتاعت كرموز عنده حاجات شيك جدا وبيبيع بسعر الجمله والخامات بتاعت الملايات تحححححححححفه انا جايبه من عنده معظم المفروشات وهبقي اصور حاجات اوريهالكم واسمه رافت مشهور جدا
:up:


ممكن تنزلى الصور يا جميل (f)

ممكن يا جميلة تقوليلي table art فين في القاهرة

بنوته مصرية جدااا;8381461:
هي ايه ماكنه الشمع دي واصلا اصلا ازاي بيتشال الشعر بالشمع
انا اعرف شرائح فيت بتاعت الشمع لازاله الشعر غير كدا مش عارفه ياريت توضحيلي:o

ده عباره عن جهاز كده بيتحط جواه حاجه اسمها شمع زى اللى بتكون فى الشرائح الشمعيه بس هنا فى حاجه زى ازازه كده برستيك ومربعه الجهاز ده بيتوصل بالكهرباء فالشمع بيدفى ويسيح بتمشى المكنه على الجلد فبتحط الشمع على الجلد بعدين بتحطى الورق اللى بيييجى معاها اللى هو زى الشرائح وتشديه بس كده :D

[quote=M!ss Sheko;8370898]بنات اليكم اخر الاخبار والتقارير

كنت قلتلكم انى عرفت بالصدفة علي المعرض الى عند الكلية الحربية من ورشة رش الخشب الى بيعملو فيها

روحت امبارح هو زى ما تقولو سنتر كبير تلات ادوار وفيه عارضين كتير مش تبع حد معين يعني

يعني انا كنت رايحه لمحمود الألفي السكشن بتاعو اسمو الحمد للأثاث

وبجد انبهرت لما روحت هناك شغلو حلو اوى اه كان عارض سفرتين بس احلى من بعض والشغل نضيف واغلبو أرو واول مره اعرف ان الارو أحلى من الزان :D

المهم لقيت سفرة مودرن حلوة اوى ب 12 الف بعد ما نقصنا البوفية قالنا 8500

بس طبعا خطيبي قالو فيها كلام تانى

لقينا اربع اوض نوم تحفة بصراحة انا مبقتش عارفه انهو احلى من انهو فالسكشن بتاعو

ومابالكو ببقيت المعرض كنت حاسه انى هتحول اوض نوم مودرن بأفكار تحفة

خطيبي اتفق معاه انو الاسعار دي مش مستعدلها وبما اننا هنعمل مقاسات خاصه قالو تحت امرك

احسن حاجه انى اروح وارفع المقاسات بنفسي عشان ابقي مقدر الاحجام عالطبيعة

فإتفقنا اننا علي معاد ان شاء الله لما نبدأ فالتنفيذ هنتصل بيه ويجيلنا ونتوكل علي الله

بس بجد المكان هناك للى بيحبو المودرن تحفة اوى

وقالنا اى اوة هاتوهالى وانا بعملكو زيها واى تعديلات عالاوضة بيكتبها وبيشوف ايه فيها الى صعب يتنفذ وايه الى اوكى

بس كنت مبسوطة اوى وانا هناك لان الاسعار بره فالعشرينات وهناك كانت ابتداءا من 12

وبالنسبة للاستيل انا مش بحبو وبالتالى مش بعرف فيه اوى بس هناك كان فيه حجات حلوة بردو وحجات متنوعه بالنسبة للصالونات والانتريهات وبردو الالوان الى تحبيها الاشكال الى تحبيها المعرض بيتعامل معاكى زى الورشه بالظبط وبيتفقو معاكى علي معاد وبتكتبي عقد بالاوضة

ده تقريري يا بنات :)

كانت معكم تووكي هانم

استنو بقي اما اقري كل الى الصفح الى فاتت

وسنوافيكم بادق التفاصيل :D

الله الله الله ههههههههههههههههههههههههههههههههههه
شيكو يا اجمل شيكو فى الدنيا انا امبارح دفعت عربون السفره المودرن الارو اللى فى بارتيشن الحمد للاثاث واتفقت عليها بردو من غير بوفيه ب 8500 جنيه
اللى كراسيها جلد بقر صح ؟؟؟ معقوله انا مش مصدقه انها عجبتك واختارتيها انتى كمان
واتفقت بردو على اوضه النوم اللى هى الاولى اللى رسمتها برواز كدا زى قطع الشيكولاته واخدتها ب 12600 بس بصراحه الحاجة حلوة اوى ادعيلى استلم الموبيليا من غير اى ديفوهات لان خطيبى دقيق الملاحظه اوى
انا ان شاء الله حستلم 10/2/2009 ادعيلى يا شيكو

smsm_anwar;8381456:
يا بنات شفت امبارح الستيكر اللى بيتلزق فى ادراج المطبخ
عند واحده قريبتى متجوزة ما شاء الله بقالها خمس سنين
وبتقولى انه مش بيطلع وسهل فى تنضيفه بالميه والصابون عادى
حبيبت اقولكو لان روزى كانت بتسال عليه

سمسم طب ده مع الوقت لما يبوظ لونه يروح ولا شكله يروح ولا يتقطع هنعمل ايه ؟؟ اكيد مش هينفع يتشال مش كده .؟

سلام عليكم,

ازيكم يا بنات ساره و دندنه و بوكى و صوت مش هترجع بقى ولا ايه و غدغوده كمان يارب تكونى بخير وناس تانيه كتير و الله كلكو على بالى و يارب دايما بخير ,انا مش عارفه اخبار الناس اوى لانى مش بدخل كتير بس معلش عايزه أسألكم عن حاجه مهمه وياريت تجاوبونى

انا دولقتى باذن الله هفرش شقتى الاول بره مصر فعايزه اعرف اجيب بوتجاز كبير ولا صغير كفايه و هيمشى الحال معايا و كمان انا محتاجه معاه فرن بالكهربا او مكرويف بس مش عارفه مين الاحسن فيهم ,,انا عايزه اللى يسعفنى و يون اجود فى الاستخدام و ياريت كمان ترشحولى موديلات لو تعرفو و يارييييت يجاوبنى البنات اللى اجوز فعلا و جربوا و بس كدا :)

عايزة اسال البنات اللي جابو في بيوتهم سجاد شاج عامل ايه معاهم فالإستخدام هل هو مريح ولا متعب فالنضافة والغسيل وشكلو بيغير بعد فترة ولا عادي عايزة تجارب البنات اللي اشتروه تقولي كل وحده ايه مميزاتو وعيوبه اللي شافتها بعد فترة من الاستخدام انا مستنية ردودكم يا ريت محدش يطنش والف شكر

dyana;8381653:
[quote=M!ss Sheko;8370898]بنات اليكم اخر الاخبار والتقارير

كنت قلتلكم انى عرفت بالصدفة علي المعرض الى عند الكلية الحربية من ورشة رش الخشب الى بيعملو فيها

روحت امبارح هو زى ما تقولو سنتر كبير تلات ادوار وفيه عارضين كتير مش تبع حد معين يعني

يعني انا كنت رايحه لمحمود الألفي السكشن بتاعو اسمو الحمد للأثاث

وبجد انبهرت لما روحت هناك شغلو حلو اوى اه كان عارض سفرتين بس احلى من بعض والشغل نضيف واغلبو أرو واول مره اعرف ان الارو أحلى من الزان :D

المهم لقيت سفرة مودرن حلوة اوى ب 12 الف بعد ما نقصنا البوفية قالنا 8500

بس طبعا خطيبي قالو فيها كلام تانى

لقينا اربع اوض نوم تحفة بصراحة انا مبقتش عارفه انهو احلى من انهو فالسكشن بتاعو

ومابالكو ببقيت المعرض كنت حاسه انى هتحول اوض نوم مودرن بأفكار تحفة

خطيبي اتفق معاه انو الاسعار دي مش مستعدلها وبما اننا هنعمل مقاسات خاصه قالو تحت امرك

احسن حاجه انى اروح وارفع المقاسات بنفسي عشان ابقي مقدر الاحجام عالطبيعة

فإتفقنا اننا علي معاد ان شاء الله لما نبدأ فالتنفيذ هنتصل بيه ويجيلنا ونتوكل علي الله

بس بجد المكان هناك للى بيحبو المودرن تحفة اوى

وقالنا اى اوة هاتوهالى وانا بعملكو زيها واى تعديلات عالاوضة بيكتبها وبيشوف ايه فيها الى صعب يتنفذ وايه الى اوكى

بس كنت مبسوطة اوى وانا هناك لان الاسعار بره فالعشرينات وهناك كانت ابتداءا من 12

وبالنسبة للاستيل انا مش بحبو وبالتالى مش بعرف فيه اوى بس هناك كان فيه حجات حلوة بردو وحجات متنوعه بالنسبة للصالونات والانتريهات وبردو الالوان الى تحبيها الاشكال الى تحبيها المعرض بيتعامل معاكى زى الورشه بالظبط وبيتفقو معاكى علي معاد وبتكتبي عقد بالاوضة

ده تقريري يا بنات :)

كانت معكم تووكي هانم

استنو بقي اما اقري كل الى الصفح الى فاتت

وسنوافيكم بادق التفاصيل :D

الله الله الله ههههههههههههههههههههههههههههههههههه
شيكو يا اجمل شيكو فى الدنيا انا امبارح دفعت عربون السفره المودرن الارو اللى فى بارتيشن الحمد للاثاث واتفقت عليها بردو من غير بوفيه ب 8500 جنيه
اللى كراسيها جلد بقر صح ؟؟؟ معقوله انا مش مصدقه انها عجبتك واختارتيها انتى كمان
واتفقت بردو على اوضه النوم اللى هى الاولى اللى رسمتها برواز كدا زى قطع الشيكولاته واخدتها ب 12600 بس بصراحه الحاجة حلوة اوى ادعيلى استلم الموبيليا من غير اى ديفوهات لان خطيبى دقيق الملاحظه اوى
انا ان شاء الله حستلم 10/2/2009 ادعيلى يا شيكو

ههههههههههههههههههههههههههههههههههههههههه

ديانا قوليلي يا تووكي اينعم النكنيم غير ده بس انا مغيراه قريب

عامتا بقي انا اخترت كل الى بتقولى عليه ده :)

والسفره بتاعةجلد البقر الابيض فبني فاتح

والنوم الى فضهرها مستطيلات صغيره :D

ربنا يهنيكي بحاجتهم وانا خطيبي قعد يكلمهم بردو فالتفاصيل والخامات وكل حاجه

بجد المعرض كلو تحفة بس الحمد ده عندو تصميمات حلوة وغير كده يقولك خدى الكتالوج اختارى الى انتى عايزاه واحنا ننفذهولك او هاتى اى ديزاين بره واحنا ننفذهولك

مبروكين عليكي يا قمر تهنى بيهم يااااااااااااااااااااااااااارب

وانا عن نفسي شفت الورشه الى بيرشو فيها خشبهم بصراحة ذوق جدا جدا جدا وشغلهم نضيف فعلا

عاشقة الرحمن دينا;8379706:
ازيكو يا بنات وحشتوني موووت
عاوزه القايمه اللي كان في بنوته حاطاها و كانت كاتبه فيها كل لوازم العروسه
( هدوم - صيني - ملايات - فوم - حاجات المطبخ و الرفايع ) كلو كلو
يا ريت يا بنات بليييز اللي عندها القايمه دي تحطهالنا

حاد شاف العروض بتاعت توشيبا اللي كانت في اهرام الجمعه؟؟.
اعنقد الاسعار حلوه للي بيشتروا الجهاز

بصي يا حبيبتي دي قايمه كنت نزلتها قبل كده يارب تنفعك ولو ناقص منك حاجه بقي يارب حد يكملهالك
http://www.3roos.com/uploder/uploded20080901/144369/01227376912.doc



واحلي سلام علي كل عرايس مصر الحلوين يارب يسعدكوا كلكوا يارب وتبقوا احلي عرايس
كل اللي يعرفوني وحشتوني جدااااااااااااااااا وانا مش بدخل التجهيزات كتير معلش
وكل العرايش الجداد اللي ما يعرفونيش عايزه اسلم عليكوا كلكوا وربنا يكرمكوا كلكوا يارب
وعايزاكوا كلكوا تدعوووووووووووووووولي عشان عندي امتحنات بعد كام يوم

smsm_anwar;8381456:
يا بنات شفت امبارح الستيكر اللى بيتلزق فى ادراج المطبخ
عند واحده قريبتى متجوزة ما شاء الله بقالها خمس سنين
وبتقولى انه مش بيطلع وسهل فى تنضيفه بالميه والصابون عادى
حبيبت اقولكو لان روزى كانت بتسال عليه

معلش يا جميل هو ده عباره عن ايه اصلا

سلسولة;8381741:
عايزة اسال البنات اللي جابو في بيوتهم سجاد شاج عامل ايه معاهم فالإستخدام هل هو مريح ولا متعب فالنضافة والغسيل وشكلو بيغير بعد فترة ولا عادي عايزة تجارب البنات اللي اشتروه تقولي كل وحده ايه مميزاتو وعيوبه اللي شافتها بعد فترة من الاستخدام انا مستنية ردودكم يا ريت محدش يطنش والف شكر

بصي انا بيعجبني سجاد شاجى جدا

بس انا الحمدلله ناوية اجيب مقاس صغير 180*120

المقاس ده انا شفتو وجميل اوى يناسب المساحه عندي بحيث ميغطيش السيراميك كلو

بس انا مقتنعه انى لو كبرت عنكده هتعب اوى فإستخدامو او تنضيفو

بيتهيألى ان الحجم الصغير هتتحكمى فيه اكتر من الكبيرة

شوفي انتى مقاساتك ايه وكل ما كبرتى فالسجادة طبعا كل ما قدرتك علي تنضيفها هيقل

شيكـ SHIKO ـو;8381690:
سمسم طب ده مع الوقت لما يبوظ لونه يروح ولا شكله يروح ولا يتقطع هنعمل ايه ؟؟ اكيد مش هينفع يتشال مش كده .؟

السلام عليكم
ازيكم يا بنات كلكم
kitty .kitty...بليز يا طنطاويه يا جميله كنت عاوزه اعرف الدبله اللي
انتي كنتي قلتي عليها اللي جبتيها لخطيبك عملتيها فين وبكام
وياريت لو نصوريها بلييييييييييييييييز

السلام عليكم
أنا كتير مبسوطة اني عرفت أدخل واني حلاقي حد يساعدني:D
عندي أسئلة كتيييييييييييييييييييييير أوي
أنا أصلا فرحي ان شاء الله يوم 21\2\2009
عايزة أسألكم عن أحسن برفان تحفة لليلة الدخلة؟:wink:حريمي ورجالي
وكمان أسأل عن كوافير حلو قوي بس يكون متجرب ويكون قريب شوية من الهرم,عشان الكوافير الأنا رحتلو في الخطوبة كان وحش قوي و ناس كتيير ماعجبهومش المكياج:confused:
ومكان أشتري منه بيجامات شتوي بس يكون سعرها معقول وتكون جامدة
وفساتين سواريه لأختي بس تكون جميلة وسعرها مش عالي قوي
وكمان عايزة أسأل عن WELLARTبتاع المطبخ لو حد اتعامل معاه وهو أحسن ولا فرونكس
وبعدين يا بناتيت لو حد عايز يسأل عن حاجة في الجهاز يقولي عشان أنا تقريبا قربت أخلص
مرسييييييييييييييييييييييي جدا ليكو وسوري اني طولت عليكم

بنات قولولى أيه محلات التجهيزات فى ستى ستارز علشان أنا رايحه القاهره بكره

مشمش انا بدور على ترنجات شيك مش ترنجات تقليديه يعنى الوان حلوة واشكال جدبدة كدة

mitcy;8381873:
السلام عليكم
ازيكم يا بنات كلكم
kitty .kitty...بليز يا طنطاويه يا جميله كنت عاوزه اعرف الدبله اللي
انتي كنتي قلتي عليها اللي جبتيها لخطيبك عملتيها فين وبكام
وياريت لو نصوريها بلييييييييييييييييز

الدبلة دي ياجميلة هتلاقيها عند كل محلات الفضه ف الصاغه..هيوروكي كتالوج تختاري منه بس لااااازم تكوني عارفه المقاس بالظبط او هو معاكي ياخدوا مقاسه عشان مش بينفع يتضيق
وعلى فكرة ممكن اي موديل تختاريه يتعمل بناتي او رجالي ويتعمل فضه او دهب
وهيقولك السعر ب 150
بس الراجل الي انا عملت عنده هيقولك ب120 :D
لان كل المحلات بتاخد الاوردر وتديه للراجل ده وهو الي بيسافر القاهرة ويعملهم ويجيبهم للمحلات وبتاخد اسبوع
الراجل ده لو دخلتي الصاغه من ناحية عدلي...مش من ناحية السيد البدوي من ناحية السكة الجديدة..هتلاقيه واقف بفاترينة كدا قدام محل الدهب الي هناك اسمه انور او مش فاكرة اسم المحل
الراجل نفسه اسمه استاذ رضا ومعايا رقم موبايله لو عايزة..اسالي عنه هناك هيقولولك عليه