تجهيزات عرايس مصر القمرات الجزء 113

koka 08-01-2009 1,004 رد 35,141 مشاهدة
b
ازيكو يا بنات وحشتوني موووت
عاوزه القايمه اللي كان في بنوته حاطاها و كانت كاتبه فيها كل لوازم العروسه
( هدوم - صيني - ملايات - فوم - حاجات المطبخ و الرفايع ) كلو كلو
يا ريت يا بنات بليييز اللي عندها القايمه دي تحطهالنا

حاد شاف العروض بتاعت توشيبا اللي كانت في اهرام الجمعه؟؟.
اعنقد الاسعار حلوه للي بيشتروا الجهاز
ع
سراب.سراب;8378215:
يا بنات فى حد عنده فكرة عن ماكينة الشمع كويسة ولا لا للجسم و المنطقة الحساسة عشان كنت عايزة اشتريها.و انا جربتها على وجهى عند الكوافيرة و ارتحت معاها عن الفتلة بكتير ؟



ايوه انا برده جربتاه عن الكوافير وقلت حلوه واشترتها بصى هى كويسه للجسم عشان بتشيل مع الشعر الطبقه الميته بس ممكن تشيل الجلد كمان وتعمل التهابات وغمقان للجلد فاستخدمها لازم يكون بحرص والاماكن الحساسه مينفعش خالص والوش بتفتح المسامات وممكن تعمل ترهلات للجلد بعد كده والله انا بطلت استخدمها اول ما الشمع خلص كسلت اشترى تانى بس هى بتسعف عن المكنه عشان بتشيل كتير واحسن من السويت عشان مش بتسيح فى الصيف ولا تجمد فى الشتا

من الاخر هى كويسه للجسم بس لازم الاستخدام بحرص منسبهاش كتير عشان متلزقش اوى وتلهب الجلد ومنسبهاش قليل عشان متطلعش من غير حاجه :D
t
يابنات انا كنت سألت سؤال في الجزء اللي فات ومحدش رد عليا بس هاسأله تاني

انا عاوزه اسألكم عن الاماكن اللي ممكن اجيب منها الهدوم الدلع :o من القاهره عاوزه تفاصيل كل حاجه لاني بأذن الله هابدأ اجيبهم بس مش عارفه ايه اللي بيتجاب ومنين اجبهم والعدد ارجوكم ساعدوني عاوزه لسته كده بالاماكن وكمان ياريت يكون اسعارهم في المعقول :o ممكن تسعدوني عشان انا بجد حاسه اني تايهه ومش عارفه اجيييييييييييب اي حاجه خالص والوقت بيمر بسرعه :confused::confused::confused::confused::confused:
ع
سراب.سراب;8378949:
انا بجهز وعايزه اشترى كل حاجه
انا إن شاء الله هنزل مع واحده هتودينى حمام التلات والغوريه والازهر بس الكلام ده كمان شهر كده دلوقت عايزه اعرف ايه المحلات اللى فوسط البلد اللى فيها حاجات مش موجوده فحمام التلات والازهر علشان اجيبها المره ده
انا اكتر حاجه مركزه عليها دلوقت الشوزات علشان فالصيف مش هلاقى غير صنادل وسبوهات
ساعدينى:(


انا هسافر النهارده بالليل على الساعه 2 وعايزه طريقه تفصيليه اوصل الاماكن دى ازاى انا مش من القاهره واول مره اروح ومش معايا حد عارف الاماكن
عايزه اعرف يا ستى ازاى:

1-اروح من محطه رمسيس لشارع عدلى امام سينما ميامى شركه المقاولين العرب
1*-اروح من المحطه لشارع القصر العينى "مجلس الشعب او الشورى"
من شارع القصرالعينى لشركه المقاولين؟؟؟
من رمسيس لشارع عدلى اطول ولا من رمسيس للقصر العينى؟؟
الانتر فيو زى ما انتى عارفه فالمقاولين بس فى واحده صاحبتى رايحه معايا عندها مشوار فشارع القصر العينى وخايفه المشوار ده يأخرنا
2-من الشركه لغايه اقرب محلات بالنسبه للشركه
3-عايزه اروح جنينه مول بعد الشركه؟؟
4-عايزه ارجع المحطه تااااااااااااااااانى
بس
شكراً



بصى يا قمرايه سينما ميامى دى فى وسط البلد فى شارع طلعت حرب ودى هتروحيلها ازاى ؟؟ بصى يا ستى هتركبى من رمسيس المترو اتجاه حلوان هتنزلى محطه جمال عبد الناصر هى بعد رمسيس بمحطتين وهتطلعى من المحطه عند اتجاه دار القضاء العالى هتمشى فى الشارع اللى على نصيته دار القضاء واول شارع يمين هيقابلك على نصيته الامريكين هو ده شارع طلعت حرب هتمشى فيه شويه هتلاقى سينما ميامى على يمينك قدامها شارع هو ده شارع عدلى هتروحى باه للشركه بتاعه المقاولون العرب


لو عاوزه تروحى شارع القصر العينى بره هتركبى المترو اتجاه حلوان واتنزلى محطه انور السادات هى المحطه اللى بعد جمال عبد الناصر وهتطلعى ناحيه شارع القصر العينى (والاحسن تروحى ده الاول وبعدين ترجى على جمال عبد الناصر عشان فى محلات هناك كتير وتقعدى تتفرجى براحتك بعد الانترفيو فى شارع طلعت حرب )

بعد ما تخلصى فرجه فى المحلات اللى فى طلعت حرب ترجعى تانى محطه مترو جمال عب الناصر وتركبى اتجاه المرج وتنزلى فى رمسيس تطلعى من المحطه تركبى المينى باصات اللى بتقول اول عباس تنزلى اول عباس العقاد وهتمشى شويه هتكونى عند جنينه مول تتفرجى وترجعى تانى لاول عباس وتخدى الميكروباص بتاع رمسيس وتكونى عن المحطه ورحله سعيده ان شاء الله :D ولو عاوزه اى حاجه تانيه ممكن تكلمينى على الخاص واديلك نمرت موبيلى عشان لو توهتى هناك تكلمينى وانا اقولك تعملى ايه




وعشان المخالفه باه بنات ايه انواع البطاطين الكويسه بيكون بلادها ايه ونوعها ايه واجيب كام واحده ؟
m
thering;8379762:
يابنات انا كنت سألت سؤال في الجزء اللي فات ومحدش رد عليا بس هاسأله تاني

انا عاوزه اسألكم عن الاماكن اللي ممكن اجيب منها الهدوم الدلع :o من القاهره عاوزه تفاصيل كل حاجه لاني بأذن الله هابدأ اجيبهم بس مش عارفه ايه اللي بيتجاب ومنين اجبهم والعدد ارجوكم ساعدوني عاوزه لسته كده بالاماكن وكمان ياريت يكون اسعارهم في المعقول :o ممكن تسعدوني عشان انا بجد حاسه اني تايهه ومش عارفه اجيييييييييييب اي حاجه خالص والوقت بيمر بسرعه :confused::confused::confused::confused::confused:



في محلات كتير
يعني محلات بواقي التصدير بيبقى فيها باديهت حلوة وبناطيل وجيبات يعني
وممكن المحلات في وسط البلد شارع 26 يوليو وشارع محمد فريد
وممكن تنزلي العتبة

ع
شيكـ SHIKO ـو;8379836:
وعشان المخالفه باه بنات ايه انواع البطاطين الكويسه بيكون بلادها ايه ونوعها ايه واجيب كام واحده ؟


اسباني اصلي من غير وزن لو ليكي حد في السعودية يجيبهالك بتكون كأنها خفيفة بس مصنوعة من خامات تددددفي

أوووو مورو الأسباني اللي بتكون بالوزن بتكون حوالي 9 كيلو تقريبا

ولكل سرير بطانية ولحاف
l
amatalrahman237;8376578:
يا بنات باركولي قراية فاتحتي كانت النهاردة 00000000 صحيح عالضيق بس الحمدلله


بصوا بقى الناس عندي بيحبوا يتفقوا على كل حاجة من الاول فعايزين نحدد المؤخر من دلوقتي:(:( فكنت عايزة اعرف ايه هو متوسط المؤخر وربنا يبعد سيرته عننا كلنا


ألف ألف مبروك ياحبيبة قلبى :21_112: ربنا يسعدك ويتمملك بخير يارب

بصى ياقمر زى ما البنات قالولك رينج المؤخر بيبدأ من 10 والأغلب دلوقتى الناس بتكتب 20 أو 25 المهم أنتى ماتقلقيش نفسك وهم فى الآخر هيتفقوا على كل حاجة أنا كنت قلقانة قوى زيك كده ساعة موضوع الاتفاقات ده بس ربنا بيسهلها وربنا يفرح قلبك بإذن الله
s
اشرى;8370409:
ميرسة يا حبيبتى علبى ردك طب هيا بكام؟

مش فاكرة والله يا قمر
بس متهيالى مش هتزيد عن خمسين او ستين جنيه
b
يا بنات هوا ممكن اللي يعرف حاجه عن منطقه حدايق الهرم او اللي هيا هضبه الاهرام يقولي بلييز عشان بابا مش عاوز يوديني اشوف الشقه بتاعت خطيبي و انا عاوزه اعرف اي حاجه عن المنطقه بلييز

و عاوزه كمان حد يقولي ايه الاجهزه بتاعت المطبخ اللي علي العروسه
( الخلاط و الكبه و الحاجات دي؟

و القايمه اللي فيها كل الحاجات اللي علي العروسه كمان بلييز

طماعة صح؟
k
mishmish2010;8366929:
بصى يا قمر بالنسبه للاستديو تصوير فرح عندك كادو فى اخر عباس العقاد جنب جاد كده وعندك كادو برضه فى مصر الجديده فى ميدان سفير جنب سنتر هارون وهو تحفههههههههه


ممكن ياقمر تقوليلى فين ستوك هاوس ده بالظبط

يابنات انا عايزه واحده بتعمل حنه كويسه تجيلى فى البيت لو حد فيكم يعرف واحده يبعتلى التفاصيل على الخاص وشكرااااا

بصي مش عارفه العنوان بالظبط بس هوصفهولك
عارفه العبد بتاع الحلويات اللى فى شارع طلعت حرب اقفل كأن ضهرك للعبد وامشي فى الشارع اللى فى الشمال كانك رايحه على شارع قصر النيل هتلاقي فى الشارع ده واحد بيبع شباشب وواحد واقف بعربيه كبده المحل فى نفس الشارع
s
pussy22;8379694:
هاى ازيكو يا بنات اكيد محدش فاكرنى انا كنت بشارك معاكو بس مبدخلش بقالى فترة لان مكنش عندى نت عايزة اسالكو لو حد يعرف محلات عفش فى منطقة مصر الجديده او اى منطقة قريبة منها يا ريت يقولى اساميها و عناونها و يا ريت كمان محلات يكون فيها اوض سفرة حلوة لانى لفيت كتير و مفيش حاجة عجبانى يا ريت تفيدونى فى الموضوع ده:Zd_bye_3:

فى محل يا قمر اسمه ديكوريه
فى شارع ابراهيم االلقانى فى روكسى
بيبقى عنده حلجات حلوة اوى
m
[quote=Der pferd;8374525]عيزه اعرف تلاجه 14 قدم توشــــــــــيبا


و بوتاجاز 4 شعله
تكنــــــــوجاز



ح
هبه غدغوده بوكى ربنا يكرمكم يارررررررررب ويفك كربكم

غدغوده انا سالت عليكى انتى عامله ايه وحشتووووونى هههه هو انتوا لسه بتمتحنوا يا عييينى عليكووووا يا اولادى الواحد كان بيجيله فوبيا فى الامتحانات دى الحمد لله انه خلصت واتخررررررررجت السنه اللى فاتت ربنا يكرمكم ويوفقك انهارده السبت غدغوده عندها امتحااااان ادعولها يا بنانيييت

روزى ومشمشا وعاشقه زوجها وكوكا ووحشتووونى وباقه مشاعر راحت فين اللى هى بقيت عروسه حبيبى هى لسه زعلانه يارب خييييييير تعالى وحشتيناااا

بقولكم ايه بقى انا هنزل الاسبوع الجى ان شاء الله اشترى لبس جهازى الشتوى الخروج عاوزه اعرف بقى بالظبط اشترى كام بلوزه او تونيك وكام جيبه كام بنطلون كله كله مشمشا انتى جبتى ايه فى لبس جهازك الخروج

وايه هى افضل اماكن غير جنينه مول يكون فيها حاجات حلوه وشيك والسعر معقول
m
بنوته مصرية جدااا;8373712:
طبعا ان شاء الله تنفع هي هتقول لا بس متجبيش تاني كفايه كدا وهاتي ترنجات بقي

بقولكم يا بنات انا لو هجيب هدوم خروج شتوي وانا جوازي ان شاء الله في الصيف اجيب كام طقم كدا؟؟ انا محتاره قوووووي


5 اطقم كفايه

lolaloly;8374151:
[quote=Der pferd;8373987]انا سمعت انها اشاعه موضوع ان الاجهزه هتنزل اسعارهه
وبعدين اللي جوازهه احتمال في شهر اتنين تعمل ايه :think: بعد ما تتجوز تبقي تجبهم :think:

يابنات توشيبا العربى لسه حاطط فى جورنال الأهرام بتاع النهارده الأسعار الجديدة بتاعة الأجهزة وفعلا الأسعار نزلت


انا كنت هناك النهارده التلاجه 2 باب اقل حاجه ب 1500 وحاجه نوفروست

سدرة المنتهي;8375035:
يتصفح الموضوع حالياً: 19 (16 عضو و 3 ضيف) ‏سدرة المنتهي, ‏eman elsaady ouf, ‏khloud60, ‏lolaloly, ‏نغم2020, ‏مرمر23, ‏alex girl, ‏فشفوشة, ‏pascotta, ‏Princess_miro, ‏basmala11, ‏m@hy, ‏Der pferd, ‏banota_helwa, ‏شيكـ SHIKO ـو


ازيكم كلكم عاملين ايه


سدرة المنتهي;8375048:
انا اول مرة ادخل هو ده للى هيتجوزو قريب



مشاركه مخالفه ياريت تراجعى القوانين فى اول صفحه وهنستنى مشاركاتك واهلا بيكى
moonlight_nona;8375468:
السلام عليكم

اجمل بنات ........بجد مجهود فظيييع

اول مرة اشارك



مشاركه مخالفه ياريت تراجعى القوانين فى اول صفحه وهنستنى مشاركاتك واهلا بيكى


سراب.سراب;8376058:
يا بنات خلوا بالكوا فى مخالفات كتير و انا خايفة ده يتسبب فى غلق الموضوع فعشان انا بحبكوا و مش عايزة ده يحصل ارجوكوا خدوا بالكو ..لازم يكون المشاركة متضمنة على رد على السؤال او استفسار -بليز خلوا بالكوا و محدش يضايق منى......بحبكم
ممكن حد يقولى بقى انا عندى الليفنج لون الحائط فيه اصفر هادى و الحائط الرئيسى فيه اورنج و الانتريه لونه طوبى و فية تقليمات فى المخدات بيج فى اورنج فى طوبى فايه رايكم اعمل الستاير لونها ايه ؟


بيج فى طوبى
سدرة المنتهي;8376457:
شكرا اوى انا مش هدخل تانى عشان متزعليش يا بسكوته


من غير زعل الموضوع ده كلنا بنستفاد منه واحنا جربنا قبل كده انه اتقفل وناس كتير اتاثرت وانتى اخت لينا ومتحبيش لينا الاذيه اكيد فياريت تراجعى القوانين وتشاركى معانا اكيد كلنا هنبقى مبسوطين ان انضمت لنا اخت جديده ومتزعليش وحقك عليا (f)

amatalrahman237;8376578:
يا بنات باركولي قراية فاتحتي كانت النهاردة 00000000 صحيح عالضيق بس الحمدلله


لا يا جبيبتي لا هتقلي ولا حاجة ربنا يكرمك وتلاقي كل اللي انتي عايزاه
انا هنزل ان شاء الله فرع جرين بلازا في اسكندرية بس اعتقد ان كل الفروع فيها نفس الحاجة


بصوا بقى الناس عندي بيحبوا يتفقوا على كل حاجة من الاول فعايزين نحدد المؤخر من دلوقتي:(:( فكنت عايزة اعرف ايه هو متوسط المؤخر وربنا يبعد سيرته عننا كلنا


لوووووووووووووووووولى الف مبروك وعقبال الخطوبه وكتب الكتاب والفرح والحمل والولاده هههههههههه ناقص حاجه تانى (f)(f)(f)

poloseden;8376996:
المشكلة بقي يا كل البنات ان انا روحت كل الاتيليهات والمحلات اللي انتوا كاتبنها والحمد لله رجعت بخفي حنين ولا فستان حلو والله والله والله والاسعار حتى ليس لها علاقة بالفساتين اساسا روحت كل اللي في عباس العقاد واللي حواليه ومصر الجديدة والمهندسين كل اللي انتوا كاتبينوا الشراء والايجار مع اني كنت رافضة موضوع الايجار وحتى لما رضيت بعد ما ملقيتش شراء كويس الايجار بقى هو اللي مرضاش هههههههه لفيت عليهم واللي عجبني شوية كان ب4000 وانا شايفة انوا كتير على فستان سوارية لاني بدور على سواريه امال الخطوبة والزفاف هعمل ايه انا قولت مش مهم السعر لكن فين الفستان الحلو .... انا اتعقدت خلااااااااااااااااااااااص.

سؤال بقى لفيت على طقم سمك شوك وسكاكين وكدة وطقم سمك اطباق على شكل السمك لكن لا حياة لمن تنادي. يا ترى الاقي فين؟

انا كنت شفت الاطباق فى عمر افندى طلعت حرب من فتره مش عارفه هل لسه موجودين

سراب.سراب;8377142:
ربنا معاكى يا قمر و انا كمان كنت ناوية انزل اعمل كعب داير زيك على محلات فساتين الزفاف وكل ما اجى اروح محل الاقى حد من البنات بيقول مش حلو .او الاسعار غالية فيه و انا لسه على الفرح ثلاثة شهور ان شاء الله فقولت خلاص نأجل شوية مافيش مشكلة .فلو قابلك حاجات ايجار زفاف فى سكتك حلوة و تاجير يا ريت تقوليلنا .
بالنسبة للاطباق اللى على شكل سمك فانا باشوفها كتير اوى بس مش فاكرة الاماكن بالظبط لكن انا اشتريت واحد من التوحيد و النور و هو طبق كبير على شكل سمكة و 6 اطباق اصغر على شكل سمكة برضوا معاه و كان فيه نوعين عندهم واحد رخيص و واحد اغلى بس مش فاكرة السعر لكن هما كانوا رخاص عامة.
يابنات ممكن حد يقولى ممكن البس ايه فى كتب الكتاب بس مايكونش مكلف عشان انتوا عارفين المصاريف بتاعت الجواز خلاص قطمت وسطنا؟


تايير او بدله شيك

poloseden;8377415:
يا ريتني ما روحت حمام التلات يوم جمعة وما ادراك ما حمام التلات والله مانزلنا من العربية ولا مكان يتركن فيه ولا مكان الواحد يقف فيه والبارك 10 جنيه ههههههههههههههههههههههههه
على بعد 5 كيلو طيب ايه لازمته هههههههههههههههههههههههههههه
المهم تقترحوا الواحد يروح يوم ايه واسماء محلات هناك حلوة واشتري ايه وهو هناك بكام لو حد اشتراه علشان محدش يضحك علينا.

والبنوتة اللي بتسأل على فستان الزفاف في مول في الهرم اسمه ناجية سنتر هو اه المول مش حلو بس جوه في فساتين تحفة الزفاف فقط الخطوبة مش اوي والسواريه لا يصلح وفي محل حلو اوي الشارع اللي قبل المول تاني محل على اليمين تحفة والله وعنده حاجات لسة جديدة شفتها للايجار بس زي ما قولت زفاف غير كدة وحش المهم بقى وبيعمل فساتين في حوالي 10 ايام وكمان اسعاره حلوة. ادعيلي بقى لان دي نصيحة لوجه الله:)



حمام التلات يوم الاتنينوالتلات والاربع عشان بيبقى كل الناس فى شغلهم وانزلى الصبح احسن

قطة اخر الليل;8377514:
بنات ازيكم كلكم يارب تكونوا جميعا بكل خير
دي اسعار توشيبا اللي نزل النهارده في الاهرام
بسم الله الرحمن الرحيم

الثلاجات كلها نوفروست علي فاكره كاتبين مقاسات مش كام قدم
1_ثلاجه 6 باب اغلاهم طبع 7990
2_3باب اعتقد دي 12 قدم ب1840
3_ثلاجه ثلاثه باب 14 قدم ب2195
4_ثلاجه 2باب اربعه اعتقد طبعا اربع مقااسات انا هكتب الاسعار بس لانه مش كاتبين كام قدم
1545_1740_1860_2000
ثلاجه 2 باب دي بلازما 3 مقاسات الاسعار
2075__4595___5495
الغاسلات في اتنين فل اتوماتيك بتتفتح من فوق 3 منهم 1_8كيلو في نوعين واحده ب1295
التانيه 1495 ال10 كيلو 1945
الهاف اتوماتيك 7كيلو نوعين 870 ___925
من 10_12 كيلو اربع اسعار مختلفه اللي 10 كيلو نوعين واحده 970 والتانيه 130 ال12 كيلو 1080 والتانيه 1140 ال12 كيلو ديجتال ب1120
السخانات 35 لتر 895
45 لتر 975
55 لتر ب1095
65 لتر 1195
المكانس اول واحده طاقه قصوي 1600 واط ب535
مكنسه هيتاشي افقيه 1500 وات ب345
هيتاشي 1600 وات افقيه بردوه ب380
هيتاشي سيلكون 1800 وات ب625
هيتاشي برميليه 1600 وات ب690

البتوجاز لاجريمنيا وبصرحه كلهم غالين وكلهم خمس عيوون اول واحد مقاس 80في 50 ب3195
الباقي كلهم مقاس 60في 90 الاسعار 1_3695
2 4295
4495اشعال الكتروني
5095 اشعال الكتروني التحكم في وضع ارفف الفرن باب الرفن عاكس باب للتسين اسفل الفرن اما الباقي
هقول موصافتهمكده علي السريع كلهم طبعا استالس امان كامل الفرن والشوايه يعملان في نفس الوقت

الخلاطات
محضره طعام ولاط تورنادو
750 وات _220فولت سعه الدورق 1,5 لتر بنظام غلق امن سعه الخلاط 2 لتر سكينه تقطيع استالس
قطعه عصر قابله للتحريك
مصفي للعصير للموالح مكان لتخزين السكاكين
6 اقراص استالس للتقطيع المتنوع
سكينه للعجن
سكينه للخفق ملعقه للتظيف ب425
خلاط 2 مطحنه تورنادو نوعين 125 _145
الاول 250 وات
التاني 500 وات
المكاوي بالبخار تورنادو والعربي 6 اسعار 1400_ب125
1800ؤب135
2000-145-----2200cب150
ال سي دي 2000ب160
2200ب165
المراوح
مروحه سقف العربي +استاند العربي 155_190_275
مروحه بوكس وبوكس استاند 180_245_255_295

التلفزيونات
كتير جدا حوالي 20 نووع توشيبا سليم slim شاشه مسطحه سوبر فلات 21 بوصه ب1252
29 بوصه 2125
توشيبا اي كيو الذكي سوبر فلات تلفزيون 21 بوصه و25 بوصه و29 بوصه
1260_1350_1695_1790_1990_2190
وبس كده تعبت شوفوا نوع التفزيون وانا اقولكم سعره بس توشيبا طبعا علي حسب اللي مكتوب في الاهرام
وربنا يارب يوفقكم كلكم يارب
وياريت تدعولي ارجوكم ربنا يفك كربي ويهديني للخير وينور بصيرتي احسن انا في حيره جامده جدا
ربنا يصلح احوالنا كلنا


الف شكر ومشاركه ممتازه وتم تقييمها(y)
M
عاشقة الرحمن دينا;8380950:
يا بنات هوا ممكن اللي يعرف حاجه عن منطقه حدايق الهرم او اللي هيا هضبه الاهرام يقولي بلييز عشان بابا مش عاوز يوديني اشوف الشقه بتاعت خطيبي و انا عاوزه اعرف اي حاجه عن المنطقه بلييز

و عاوزه كمان حد يقولي ايه الاجهزه بتاعت المطبخ اللي علي العروسه
( الخلاط و الكبه و الحاجات دي؟

و القايمه اللي فيها كل الحاجات اللي علي العروسه كمان بلييز

طماعة صح؟


عايزة تعرفى ايه بالظبط عن المنطقه يا جميل هيا مبدئيا حدايق الاهرام كومباوند مقفول فى كذا بوابه يعنى بوابه 1 بوابه خوفو كدة يعنى ومنطقه جميله لو بتتكملى من الناحيه دى
ومستنيه تقولى عايزة تعرفى ايه عنها ؟؟؟؟؟

محدش يعرف مكان اجيب منو ترنجات بس شيك الترنجات ف المحلات دلوقت اقرف البسها ف بيتنا مش اشيلها للجواز
b
meroo012;8381184:
عايزة تعرفى ايه بالظبط عن المنطقه يا جميل هيا مبدئيا حدايق الاهرام كومباوند مقفول فى كذا بوابه يعنى بوابه 1 بوابه خوفو كدة يعنى ومنطقه جميله لو بتتكملى من الناحيه دى
ومستنيه تقولى عايزة تعرفى ايه عنها ؟؟؟؟؟

محدش يعرف مكان اجيب منو ترنجات بس شيك الترنجات ف المحلات دلوقت اقرف البسها ف بيتنا مش اشيلها للجواز



ميرسي يا قمر ربنا يكرمك
انا كل اللي اعرف انه واخد شقه هناك في منطقه ( ح)
مش عارفه هيا منطقه عمار و لا صحرا حلوه و لا وحشه قريبه من الخدمات و لا نوووو
حاسه اني هبقي معزوله و كمان عماليين يقولولي ان حوالينا عمارات كتير لسه مش مبنيه و لا هتتبي دلوقتي مش عارفه بجد اي حاجه

الترنجات مش عارفه بالظبط بس هقولك اعرف واحده بتجيب ترنجات و تبيعها هيا كانت قيلالي علي ترنجات قطيفه ب 200 جنيه يعني المفروض تكون حلوه لو روحت و عجبتني هبقي اقولك
هيا بتقول انها بتجيبهم من تجار الجمله اللي في الازهر
k
ادي ليسته العرايس وعقبااالكم كلكم يااااااااااارب
عرايس شهر يناير
29-1-2009
فرح Celeen

30-1-2009
فرح roaanader

عرايس شهر فبراير

2-2-2009
فرح rozyyy

6-2-2009
كتب كتاب aml86

13-2-2009
فرح مرمر23
عرايس شهر مارس

1-3-2009
كتب كتاب dyana


عرايس شهر ابريل
3-4-2009
فرح طمنت

28-4-2009
فرح momonon

عرايس شهر يوليو
17-7-2009
فرح danasam


عرايس شهر سبتمبر
9-9-2009
كتب كتاب manafola

25-9-2009
فرح sally2007

مبروك الجزء الجديد ويارب كلنا نستفيد

ربنا يسعدكم كلكم ويتمم على خير
ح
maro;8367044:
هو مفكو حلوان نوع خشبه ام دى اف؟
والبنات الى اتجوزو وسافرو لازواجهم تخليص الورق بياخد ادايه وقت من كتب كتاب وكله



انا كمان عاوزه اعرف تفاصيل الموضوع ده بالظبططططط لو عاوزه اسافر مع خطيبى بعد ما يرجع ونتجوز واسافر معاه علطول ايه المطلوب بالظبط يعنى عاوزه اعرف تفاصيل موضوع الاستقدام والتكلفه كااااام وياخد قد ايه بالظبببببط وكله ولو م سافرت معاه وسافر هو وبعدين يبعتلى هيكون بعدها بقد ايه بالظبططططططط واقصى مده كااام علبال يبعتلى والنبى الموضوع مهم اوووى وياريت تردوا علياا ضرورى يا حبايبى انا والبنووووته
m
سراب.سراب;8378865:
اوبسسسس انا اسفة موووت، اصل بابا كان عمال يكلمني وانا بكتب وكان مشتتني اوي وكان موضوع مهم فاتلخبطت، :o:o

بصي بتهيألي هايبقوا حلوين بردو مادام هايبقي للرز او لحاجة تانية جانبية مش للسمك نفسه كأنك قاصداها تعملي كونتراست بينهم وحاولي بقي تشوفي سيرفيس كبير نفس اللون بتاعهم عشان تحطي فيه الرز كله لو ملقيتيش يبقي مش مشكلة جمال بردو بجد حتي اهو يبقي ماشي مع لون الرز الأحمر :wink:

ميرسى يا سكر انا طبعا ماقدرش اخاصمكوا ابدا و اصلا كنت بهزر
بالنسبة لموضوع السرفيس فانا هادور عليه و لو مالقيتش يبقى هاغرف الرز فى المطبخ الاول على شكل قبة كده زى ما المطاعم بتعمل و اخلص نفسى ,حركة برضوا ال يعنى ....هههههه[/quote]
ههههههه فكرتينى بنفسى لما عزمت حماتى واخوات جوزى على سمك وجمبرى ه عملت كده حطيت فى المطبخ فى الاطباق وبعدين حطيتهم عالسفره جاهزين وفى اباق عاديه مش اطباق سمك ولا حاجه
dandona we bas;8379213:
بنات انا عايزة اعرف الأصول ايه في حالة ان تكون خالة العريس اتوفت و لسه باقي على الفرح ان شاء الله 8شهور او 7 شهور تتوقعوا يتأجل الفرح و لا لأ و ياريت كل قمراية منكو تقولي تجربتها لو حصل حاجة شبيهة في العيلة عندهم بالله عليكو

و بالله عليكو تدخلوا على الرابط اللي في توقيعي بالله عليكو

مع العلم ان انا فرحي اتأجل مرتين لحد دلوقتي فربنا يستر

اولا ربنا يرحمها ويسكنها فسيح جناته ويلهمكم الصبر و السلوان
ثانيا فى لسه فتره كبيره على الفرح يعنى مش محتاجين تاجلوا ان شاء الله

thering;8379762:
يابنات انا كنت سألت سؤال في الجزء اللي فات ومحدش رد عليا بس هاسأله تاني

انا عاوزه اسألكم عن الاماكن اللي ممكن اجيب منها الهدوم الدلع :o من القاهره عاوزه تفاصيل كل حاجه لاني بأذن الله هابدأ اجيبهم بس مش عارفه ايه اللي بيتجاب ومنين اجبهم والعدد ارجوكم ساعدوني عاوزه لسته كده بالاماكن وكمان ياريت يكون اسعارهم في المعقول :o ممكن تسعدوني عشان انا بجد حاسه اني تايهه ومش عارفه اجيييييييييييب اي حاجه خالص والوقت بيمر بسرعه :confused::confused::confused::confused::confused:

ممكن نيويورك فى روكسى
او ستوك هاوس فى الشارع اللى جنب العبد فرع طلعت حرب اسمه شارع البورصه الجديده هو قرب اخر الشارع عالشمال

حبيبه مادو;8381154:
هبه غدغوده بوكى ربنا يكرمكم يارررررررررب ويفك كربكم

غدغوده انا سالت عليكى انتى عامله ايه وحشتووووونى هههه هو انتوا لسه بتمتحنوا يا عييينى عليكووووا يا اولادى الواحد كان بيجيله فوبيا فى الامتحانات دى الحمد لله انه خلصت واتخررررررررجت السنه اللى فاتت ربنا يكرمكم ويوفقك انهارده السبت غدغوده عندها امتحااااان ادعولها يا بنانيييت

روزى ومشمشا وعاشقه زوجها وكوكا ووحشتووونى وباقه مشاعر راحت فين اللى هى بقيت عروسه حبيبى هى لسه زعلانه يارب خييييييير تعالى وحشتيناااا

بقولكم ايه بقى انا هنزل الاسبوع الجى ان شاء الله اشترى لبس جهازى الشتوى الخروج عاوزه اعرف بقى بالظبط اشترى كام بلوزه او تونيك وكام جيبه كام بنطلون كله كله مشمشا انتى جبتى ايه فى لبس جهازك الخروج

وايه هى افضل اماكن غير جنينه مول يكون فيها حاجات حلوه وشيك والسعر معقول

بصى انا مش فاركره اوى بس هقولك بالتقريب يعنى فى البنطلونات
2 اسود ساده - اسود مقلم ابيض - بنى - بيج - جينز (بعضهم يمشى صيفى وشتوى)
انا مش بحب الجيبات بس جبت كام واحد يعنى 1 اسود - 1 طوبى قصيرين و1 زيتى - 1 جبردين بيج
الباديهات الصوف جبت 1 اسود - 1 ابيض - ا رمادى - بنى - بيج - 1 مقلم بيج فى موف فى فوشيا
الجواكت واحد اسود و1 بيج - ا بنى -
وجبت بدله شتوى سوداء وتايير لونه لبنى شويه
مع العلم ان مش كله جديد انا اخدت هدوم من بتاعتى فى بيت بابا يعنى لان كان عندى الحمد لله لبس كتير ومعظمه غالى ومستورد ومنهم حاجات اتلبست مرتين او مره فحرام ارميهم
بصى ممكن تشوفى فى شارع طلعت حرب وقصر النيل انا معظم الوقت بجيب منهم


meroo012;8381184:
عايزة تعرفى ايه بالظبط عن المنطقه يا جميل هيا مبدئيا حدايق الاهرام كومباوند مقفول فى كذا بوابه يعنى بوابه 1 بوابه خوفو كدة يعنى ومنطقه جميله لو بتتكملى من الناحيه دى
ومستنيه تقولى عايزة تعرفى ايه عنها ؟؟؟؟؟

محدش يعرف مكان اجيب منو ترنجات بس شيك الترنجات ف المحلات دلوقت اقرف البسها ف بيتنا مش اشيلها للجواز

انتى عايزه ترنجات شكلها ايه
t
حبيبه مادو;8364452:
هلووووو يا بناااات مبررررروك علينا الجزء الجديد

روزى وعاشقه زوجها منوووووورين كده اهووون ديما

بقولكم ايه انا بدور على شباشب فورير بكعب صغنن مش فلات مفتوحه اللى هى بتاعه البيييييت حد يعرف منين او شافهم وبيبقوا بكاااام كده لانى مش لاقيااااهم




بصى يا قمر أنا لقيت منهم فى محل فى جرين بلازا فى أسكندريه لو أنت من أسكندريه بس مش عارفه أسمه أيه تقريبا فى v كده هو جنب كرامنتس فى الأكستنشن الجديد

miss_w;8365047:

كوكي
ميس كات

ميرسي على ردكم
هحاول انزل الاسبوع الجاي

بالنسبة لملابس البيت
اجيب كام جلباب وكام ترنج و بيجامة
ماما بتقولي هاتي الحاجات اكبر مقاس عشان لو تخنتي والحكاية دي مضايقاني جدا
انا اصلا رفيعة وبعدين مش كل اللي بيتجوزوا بيتخنوا على طول
على الاقل بعد الحمل
ولا انتوا ايه رايكوا ؟؟


بصى بقه ماما بتقولى نفس الكلام بس هو مش ذنبه بصراحه أنه يشوفك برده بعد الجواز فى حاجات واسعه:wink: عليكى أومال هتلبسى الحاجات الضيقه أمته وأنت حامل :eek: وعلشان متزعليهاش جبيلك كام حاجه أوسع شويه



*حبيبة حبيبي*;8371536:
دي صور اهي لبجامات ممكن تجيبي زيها














































اتمني اكون افدتك وانا جمعتهوملك مع ع النت مخصوص :)
ممكن يا جميل أعرف الموقع ده أيه (f)





سدرة المنتهي;8375035:
يتصفح الموضوع حالياً: 19 (16 عضو و 3 ضيف) ‏سدرة المنتهي, ‏eman elsaady ouf, ‏khloud60, ‏lolaloly, ‏نغم2020, ‏مرمر23, ‏alex girl, ‏فشفوشة, ‏pascotta, ‏Princess_miro, ‏basmala11, ‏m@hy, ‏Der pferd, ‏banota_helwa, ‏شيكـ SHIKO ـو


ازيكم كلكم عاملين ايه




حبيبتى كده مخالفه أقرى القوانين فى أول الصفحه(f)


poloseden;8376996:
المشكلة بقي يا كل البنات ان انا روحت كل الاتيليهات والمحلات اللي انتوا كاتبنها والحمد لله رجعت بخفي حنين ولا فستان حلو والله والله والله والاسعار حتى ليس لها علاقة بالفساتين اساسا روحت كل اللي في عباس العقاد واللي حواليه ومصر الجديدة والمهندسين كل اللي انتوا كاتبينوا الشراء والايجار مع اني كنت رافضة موضوع الايجار وحتى لما رضيت بعد ما ملقيتش شراء كويس الايجار بقى هو اللي مرضاش هههههههه لفيت عليهم واللي عجبني شوية كان ب4000 وانا شايفة انوا كتير على فستان سوارية لاني بدور على سواريه امال الخطوبة والزفاف هعمل ايه انا قولت مش مهم السعر لكن فين الفستان الحلو .... انا اتعقدت خلااااااااااااااااااااااص.

سؤال بقى لفيت على طقم سمك شوك وسكاكين وكدة وطقم سمك اطباق على شكل السمك لكن لا حياة لمن تنادي. يا ترى الاقي فين؟



فى محل فى القاهره أسمه table art عنده أطقم سمك حلوه بالقطعه (f)















الف مبروك وربنا يتمم بخير

علي فكره انا من الاسكندريه و الصيني والحللو الحاجات الحوسه دي عليا مش علي العريس وعلي فكره ده بيبقي حسب الاتفاق :21_103:




بالنسبه للملايات والبطاطين و الفوط ومفارش السرير في واحد في الساعه بتاعت كرموز عنده حاجات شيك جدا وبيبيع بسعر الجمله والخامات بتاعت الملايات تحححححححححفه انا جايبه من عنده معظم المفروشات وهبقي اصور حاجات اوريهالكم واسمه رافت مشهور جدا
:up:


ممكن تنزلى الصور يا جميل (f)
X