من لم يتقدم لخطبتها احد أبداً

انشالله يارب يعرسن بنات المنتدى ونفرح ابهن


اللهم آآآآآآآآآآآآآآآآآمين

الله يرزقكج الزوج الصالح ويعجلج فيه يارب العالمين

ادعي دعاء موسى عليه السلام
ربي اني لما انزلت الي من خير فقير
واختمي قران في رمضان وادعى ان الله يرزقكج زوج في ختمتج وادعي عن الأفطار انتي تعرفين ان للصائم دعوه لاترد واحنا في رمضان شهر الخير تحري ليله القدر في الأواخر قوميها كلها وادعي ان الله يعجل في زواجك ومستحيل تأكدي مستحيل ان الله يردج الله حيي كريم يستحي ان يرد العبد اذا قال يارب (بما معنى الحديث)
شوفي لاتقولين بلبس عشان الناس تشوفني ولا بروح لخطابه ولا اي شي الرزق عند الله مو عند الناس انا ليحين ماتزوجت بعد وتوني مخلصه الجامعه وماخطبني الا 2 وعويان كلش مايصلحون ومع هاي مايهمنى ليش
لاني أومن بان الله الرزاق وان لي رزق عند رب العالمين وغيرج وايد قاعدين في بيوتهم ماعرسوا الا 30 و29 وغيره بس نصيبهم جاهم تعرفين وحده عندنا ساكنه عمرها 30 توه قبل كم يوم جاها خطيب وايد زين طيار ومعاشه قوي وحسن الأخلاق ومناسب لها ؟؟ شوفي الرزق عند الرزاق ذو القوة المتين
انا كل يوم عند الفطور ادعي اللهم ارزقني زوجا عظيم وعجل في زواجي يارب العالمين
ادعي ترى الفرج عند الله
ولاتخافين لج نصيب عند الرحمن
وانشا الله انه مايردج خايبه تراه ربج سخى كريم وهاي شهر الكرم
اكثري ياختي من الصدقه وادعي والله بيسرلج بأذن العزيز الكريم ولاتكونين من القانطين
ابراهيم (عليه السلام) يوم جاته البشرى بالولد وهو كبير شقال
انه لايقنط من روح الله الا القوم الكافرون
اللهم لاتجعلنا من القانطين
وارزقنا ازواج صالحين
وفرج همومنا وهموم المسلمين
واكرمنا يارب فأنك انت العظيم الكريم
يارب العالمين

السلام عليكم ورحمة الله وبركاته


صاحبة الموضوع وجميع بنات المنتدى اللي ماتزوجوا عندي لكم طريقة تخليكم تتزوجوا بأقل من شهر

سمعوا بقولكم قصة صارت لي من أربع سنوات

وقتها كان عمري 16 سنة وكنت داخله النت لا أذكر بالضبط اسم المنتدى بس كان موضوع نازل عن الزواج وهو عبارة عن دعاء تقولونه والله اني قرأت الدعاء وعملت بالضبط شو كان مكتوب ومامر شهر إلا وأنا مخطوبه .. المهم حددوا وقت العرس وكان بعد كم شهر عشان أجهز نفسي وكان هذا الدعاء مو بس يفتح لج النصيب كان بعد يبعد الحسد وماشابه ذلك

قلت لنفسي خلني أقرأ الدعاء مره ثانيه عشان الحسد وغيره تدرون شو صاااار ؟؟

مامر اسبوع على القرايه إلا وأمي جايتني تقولي جهزي نفسج زواجج بعد اسبوعين وقمت ورفضت وقلت مايمديني ماابغي اتزوج الحين والله مافي فايده بعد اسبوعين يعني بعد اسبوعين وتزوجت وكل هذا من الدعاء العظيم وبعض من آيات القرآن الكريم.

نسيت أقول لكم إن البنت اللي كاتبه الموضوع كانت تقول إنها عندها أخت رفيجتها وعمرها عدى الثلاثين وعطتها هذا الدعاء
تحلف إنها مامر شهر إلا البنت انخطبت

ياليت تكتبين لنا الدعاء ياعزيزتي بسررررررررررعه

وشكرا

آآآآه ياقلبي على هالطاري كلنا نشكي منه
ماعليه ياوخيتي
استهدي بالله
وأسال الله العلي العظيم ان يجعل لك ِ من ضيقك فرجا
وحااااااااااافظي على قيام الليل
احدى الاقرباء حافظة على قيام الليل شهر
وسبحان الله كان جزاءها ان الله انعم عليها بزوج مشاء الله ولاكل الازوااااااج
وهي تعيش سعيده ولله الحمد
فالدعاء الدعاء

دهن العود
ياليت تكتبين لنا الطريقه
عشان الكل يستفيييييييييييييييييييد

في زميلة كانت تدرس معاي بالجامعة مر على زواجها ثلاث سنوات وماجابت عيال اتصلت على شيخ وسالته عن دعاء يجلب الرزق علشان تبقي تحمل وايضا سالته عن الدعاء اللي يجلب الرزق علشان يساعد البنت على الزواج المهم قال لها اية ترددينه كل يوم يعد صلاة الصبح واخذت تردده كل يوم وما خذت الاكم شهر الا وهي حامل وطلبت مني اردد الاية الثاني بخصوص الزواج وقعدت اقراه كم يوم بعدين توقفت لاني كسلانه ما اوضب على شى المهم بعد كم شهر الاوانا منخطبه

الاية بخصوص طلب الذرية قال تعالى (رب لاتذرني فردا وانت خير الوارثين)

الاية الثانية بخصوص الزواج قال تعالى(رب لاتذرني فردا وانت خير الرازقين )

ايضا هناك اية تقراءبخصوص الزواج ايضا كنت اقراهاعلى نفسي قال تعالى (ان الذين يتلون كتاب الله واقاموا الصلاة وانفقوا مما رزقناهم سرا وعلانية يرجون تجارة لن تبور)

صدق الله العظيم

ياالله ياكريم ترزق جميع المسلمات بازواج صالحين وتستر عليهم بسترك ياكريم بحق شهر رمضان الكريم ياكريم يارب .

يارب في هذه الليلة الشريفه في هذا الشهر الكريم ارزقني وارزق بنات عروس بمن يخافك فينا وارزقنا بالذرية الصالحه


الحال من بعضه ياوخياتي لكن الأمل دائما بالله موجود ومتيقنين بأن الله عزوجل قد قدر لنا الأفضل

السلام عليكم ورحمة الله وبركاته
والله انج فتحتي موضوع يعور القلب... يا حبيبتي صدقيني الزواج ما بيزيد او بينقص منج شي.. صح طبيعي انج تتضايجين او تضربج غصه بين فتره و فتره بالذات لما تشوفين ربيعاتج الأكبر و الأصغر عرسن و عندهم عيال (عاد انا تقريبا كلهن عرسن ما تمينا الا 3 او 4 لين احين يانا نصيب).. المهم يا عزيزتي, دوم حطي في بالج ( و عسى أن تتكرهوا شيئاً و هو خير لكم و عسى أن تحبوا شيئاً و هو شر لكم ).. الواح ما يعرف الله شو كاتبله و مقدرله... انا دوم اقول اني لازم احمد ربي على كل شي لأني مادري شو بيصير إذا عرست .. إذا حطيت همي "متى بعرس" و بعدين عرست و الله كتبلي إني ما ايب عيال او انه الريل ما يطلع زين و يعذبني (ادري نظره سوداويه لكن ممكن تصير لأي وحدة).. مب إذا صار جي بيكون حالي اتعس؟ دوم الناس يذكروني "خلاص درستي و اشتغلتي, كيف ما عرستس لين احين" ولا ربيعات امي (لوووول, هني النكته) كل ما اشوفهن ولا يتصلن نفس السؤال "هاه, محد اتقدملج" او "انخطبتي" (حتى لو اكون شايفتنها من شهر... خخخ)... لا ولا كلام اخوي لما اونه يمزح ... ولا خوالي... صح اتضايج و انجرح و ساكته... بس مع ذلك احمد الله دوم.. ما امدح عمري و الله شاهد علي, الحمدلله ما ناقصني شي.. الجمال موجود, و التربيه صالحه الحمدلله.. و اشيا زينه لكن ماشي نصيب :) هذا رزق من الله.. و الواحد لازم ما يعارض او يشتكي...

الحين قررت و حطيت هالشي في بالي و ارد عاللي يسألني .. إذا الله كاتبلي فيه الخير, بيصير, و إذا هالشي لي فيه عذاب و تعب, الله لا ييبه و يبعده عني إن شاء الله... دوم ادعي و قولي {يا رب تجدملي اللي فيه الخير}..... و لاتحطين الموضوع في بالج... ترى كل ما الواحد فكر و شال هم, كل ما عور راسه عالفاضي و حس انه ما بيصير....

و احنا الحين في رمضان.. استغلي وقتج و ادعي إن الله يرزقج بالزوج الصالح و يبعد عنج كل شر (اللهم اّمين)... و كثري من قراية القراّن و صدقيني نفسج بتهدى ولا بتحاتين :) و عندج ليلة القدر.. والله انها كنز و فرصه.. لا تضيعينها.... و كثري من قيام الليل ....

و اسمحولي عالإطاله.... مرات انسى نفسي و ارمس وايد :)

و السلام عليكم ورحمة الله وبركاته

العنقاااااااااااااااااء
اذا ممكن نبي أسم الشريط
عشان ننزله في المنتدى والكل يستفيد منه.........

ماشاءالله يابنات

كلامكن حلو مرة

عن نفسي ماافكر..لاني اذا فكرت بيجيني الضغط

والخيرة فيما اختاره الله لي

اذا الزواج فيه خير كان ربي اختاره لي

بس الله عالم بالغيب

رغم هذا..ادعي واللي فيه الخير الله اكيد اكيد بيقدمه لي

يابنات احب اقولكم على شغلة

خللونا نستغل العزوبية في التقرب من الله

الحين عندنا وقت نصلي الضحى..عندنا وقت نختم بالسنة اكثر من مرة
عندنا وقت نحفظ القراءن الكريم

شوفوا هذا الخير كله لنا

لانه واجد ناس محرومة من هالشي

المتزوجة ما تقدر تقوم الليل الا لازم تنسق وقتها

ما عندها وقت تحفظ القراءن

ما عندها وقت تختم

لازم نستغل الوقت الفاضي في العبادة

ونحمد الله على هالنعمة:smile:

طبعا مو كل المتزوجات:o

بالنهاية..الزواج قسمة ونصيب:smile:

نسيت اقول..مشكووورة سيدة مجتمع على الدعوة:o

:o:o:o:o:o:o:o:o:o:o:o:o:o:o

اختي الصوووووووت العذب


ياريت

تكتبي لنا اسم الدعااااااااااااء


صح احنا نحمد الله على كل شي ( وعسى ان تكرهوا شيئا وهو خيرا لكم )

لكن برضه نبغى نحس بمشاعر الامومه

نبغى نغير نبغى نبدل نبغي نستقر بحياتنا


وبعد كل شي الحمد لله على كل شي وعلى كل حال

(ربي لاتذرني فردا وانت خير الرازقين)

انا بقول شئ

شو يعني الوحدة لو اتزوجت او التاخر النصيب

هذا كل امر الله و هو وحده عند الحكمة في ان الوحدة تتزوج خصوصا اذا كانت البنيه ماتنعاب

وسمعة اهلها:up:

بس المشكلة الناس وكلام الناس ونظرة الناس مايخلون حد في حالة لا المتزوجة و الغير متزوجة :confused:

لو ما يكن النصيب شوبتسون مب بيديكم وكلام الناس مايخلص :eek2:

والحياة بتستمر

يمكن للزواج ايجابيات لاتركزون عليها , ركزوا على السلبية كيف ان المتزوجة مب مرتاحة :

تخاف زوجها يتزوج عليها او يطلقها وغيرها


نصيحة مني لا تهقون عماركم على اي حد بحجة الزواج والسلام لان هاي

حياة عشرة عمر اذا فشلت مستحيل ترجع حياتكم مثل ما كانت

لازم تكون في توابع العيال واكيد اللقب الي مابيرحم

لا ترخصون عماركم لان كم مب ارخاص :up:



اذا انا ا نخطبت:D2:eek2::D2:D2:D2:D2:D2

صدقوني كل وحدة منكم احتمال كبير انها تنخطب :smile::o

لاني مثل مايقولون hopless case:cool2:

الظاهر كلنا نشتكي من هالحالة
بس أحس أنة قرييب بتزوج هذا إحساس إذا صار راح تكونون أول الناس اللي ببشرهم بالخطبة
أنا ألحين مداومة علي الدجعاء كل ليلة و كل صلاة
و أنشاء اللة ما ينقضي رمضان ألا و أنا مخطوبة
وحدة متفائلة
عندي أمل كبير بالله
أنة ما راح ينسي خلقة
و إنة مقدر لهم نصيبهم قبل ما ينولدون
:cool2:

غاليتي الصوت العذب ,,,نرجو منك كتابة الدعاااء ونكون لك من الشاكرين فنحن في ايام وليالي مباركة شريفه من شهر رمضان العظيم ولانحب ان يفوتنا هذا الدعاااء فيه ...ونشكرك مقدما واتمنى سرعة الرد وجزاك الله الفردوووس الاعلى ووفقك لما يحب يرضى

:o

السلام عليكم

بنات انا بكتب لكم طريقة الاخت الصوت العذب بعد اذنك اختي

ارسلتها لي برسالة وهي طريقة الرقية والحمدلله مافيها بدع

الطريقة:


أول شئ لازم ماتخبرين أي حد عن اللي بتسوينه يعني ماتتكلمين عند أي حد كقول رسولنا الكريم اعملوا على حوائجكم بالكتمان

شوفي كل يوم ولمدة شهر قبل النوم الوضوء وتقرأين آية الكرسي وقل هو الله أحد والمعوذتين ثلاث مرات وتنفثين في يديكي وتمسحين بها جسمك وراسك يعني ثلاث مرات في كل مره تقرأين وتمسحين

ثاني شئ بعد صلاة الفجر تقولين هذا الدعاء " لا إله إلا الله وحده لا شريك له له الملك وله الحمد يحيي ويميت وهو على كل شئ قدير " مئة مره

ثالث شئ تحضرين شريط مسجل به آية الكرسي مكررة وتسمعينها لمدة ساعه .. وشريط ثاني مسجل فيه قل هو الله أحد والمعوذتين بعد تسمعينه لمدة ساعة .. "" أنا جبت شريط مدة ساعتين وسجلت آية الكرسي في الأمام ومن الخلف سجلت الصمد والمعوذتين وصرت أسمعه كل يوم .

رابع شئ تحضرين ماء وتقرأين فيه الرقية الشرعية وتشربين منه وتغتسلين بشويه منه " أنا كنت ارش على وجهي وأمسح به رأسي وشوي من صدري" كل يوم .

وأهم شئ تكون النية صادقة وبأيات الله وكلماته يتحقق كل شئ فتوكلي على الله ولا تيأسين وكرري هذا الدعاء بعد كل صلاة "" ربي لا تذرني فردآ وأنت خير الرازقين "


ولي كم يوم اطبقها وباذن الله يكون فيها الشفاء

ادعو لي بنات بالزوج الصالح

الله يرزقكم بالزوج الصالح العابد المحب لاهله ولك

ويرزقكم بالذرية الصالحة ان شاء الله