من لم يتقدم لخطبتها احد أبداً

الله يرزقك الزوج الصالح انا ماانخطبت الامرة وحدة وكمان ماهو سعودي وكنت وقتها في الثانوية ورفضت طبعا ادعيلي اتزوج معاكي هالسنة في يوم واحد بالصالح ان شاء الله وينحفني كمان

آنه يتقدموا ليي
بس أول ما يعرفوا إني مريضة بالسكـري يهونوا :(
رغــم الحمدلله على قدر من الجمال وجامعية متعلمة


أدعوا ليي الله يوفقني بولد الحلال .. اللي يستاهلني
آميـــــــــــــــــــــــــــــــــــــــــــــــــــــــــــــــــــــــــــــــــــــــــــن

انا الي اعرفه ان الي محد تقدم لها نهائيا لاوم في اسباب وخلونا واقعيين شوي

يمكن تكون البنت انطوائيه اكثر من اللازم لدرجه ان محد يشووفها حتى بالبيت

محد يشووفها لا بعرووس ولا مع الجيران ولا مع جمعه الاهل ولا حتى بالطلعات ما تطلع كلش .

هاي من بيفكر يخطبها الكل بيقول هاي معقده ما نبيها لولدنا ( صراحه)

ولا يمكن يكون فيها مشكله لا سمح الله عيب خلقي يعني ولا مرض صحيح مالها ذمب بهالشي

بس الناس دايما تبحث عن البنت الكامله للاسف الشديد

ويمكن يكونو اهلها هم الي منحشين المعاريس عنها وهي ماتدري ترى سمعه الاهل تؤثر

لو كان لها اخ سكير ولا مو زين ولا اب لسانه طويل محد بيفكر يناسبه ولا ام خرابه بيوت تحب

الاذيه ولاولا ولا كل هاي يطيح من سوق البنت ومحد ييجيها

ويمكن تكون العين والحسد يمنعو الازواج من التقدم للبنت ؟

واي اسباب لو بحثتي فيها ستجدين ان هناك سبب جعل الخطاطيب مايجوونك

نصيحه الاخلاق اولا والجمال ثانيا لا تقولي ماعرف احط ميكاب غلط لا تقولي ماعرف اسوي رجيم


غلط اهتمي بشكلك فهو عامل مهم للفت النظر اليكي يا اختي العزيزه وشاركي الناس كوني اجتماعيه بشوشه

واذا انتي شاطره بالمطبخ روي الناس طباخك وشطارتك بالطبخ لان الي تعرف تطبخ سوقها يمش ولو ماكانت حلوه

وبالنهايه ابحثي عن عيبك وحليه بنفسك لتنالي نصيبك ان شاء الله

والتوفيق من عند الله لا تقولي هاي مو حلوه وتزوجت ليش انا هاي انطوائيه تزوجت ليش انا

وهاي وهاي لا تطالعين غيرك ططالعي عيبك وبس

واتمنى لكل اخت الزواج عاجل غير اجل

أول مادخلت المنتدى وشفت سوالف الحريم
كنت بطيح من طوولي انهرت وبكيت

الكل يهتم بالخلطات والجمال لانهم يامتزوجات يا مخطوبات يااا قدامهم خطاب رايحين جايين

يعني مو خايفين من شي

بس انا عمري 21 سمره
واقاربنا السمر يخطبون بس بنات بيض حتى اخويا ناوي ع هالشي ونا مقهورة
يعني احنا مالنا نفس او نصيب
عمر الزواج ماكان بحياتي كل شي
بس احساس انه احنا غير يضايقني
الكل يقول مافي فرق بين البيض والسمر وهذا كله كلام
كلام في كلام

الله يوفقنا جميعا

الله يوفقك ويوفقنا ويرزقج ولد الحلال ويرزقنا واياكم الزوج الصالح

اللهم ارزقني وارزق بنات المسلمين وكل من تتمنى زوجا صالحا غنيا رضيا وذريه صالحه اللهم امين

الله يبعتلك ابن الحلال الي ينسيك كل همومك وعن جد انها مشكله ما بقدر اقول الا الله يوفقك ويرزقك بابن الحلال الي يناسبك

يا بنات معقولة هذا الموضوع قديم؟؟؟

انا شخصيا اتعاطفت مع هالمشكلة لانها تقريبا مثل مشكلتى واسال الله ان يرزقنا جميع ازواجا صالحين

بس والله فرحت من كلام بعض العضوات

:اسماء:;4405300:
هلا اختي مقهوره

ماشاء الله ماقدرت اقرا كل الصفحات

بس بقولك المعاناة اللي كنت اعانيها ونزلت موضوع قبل فترة تقريبا خلال شهر ابريل لاني دخلت
الـ 25 في شهر مايو وكنت اعتبر اني خلاص صرت في قمة العنوسة

انا كنت زيك واكثر بعد كنت كاره عيشتي يمكن الفرق انه تقدمولي كثير ورفضتهم لكن صدقيني
عمري ماندمت على اي واحد فيهم ما تتخيلين وش المعاناة اللي كنت احس فيها لما ابكي ، ابكي
بقهر لدرجة احس قلبي بداخلي يألمني وكثير كنت متنرفزة ومعصبة لدرجة مرات ما اطيق حتى
اشوف وجهي اقول كيف اطلع من البيت وهذا وجهي مع اني مملوحة ماني شينه المهم ومرت
الايام وتزوج الكل ومحد صار فاضي لي كنت في البدايه اروح لهم واسأل عنهم الين حسيت
انه محد فاضي لي واني حتى لو ما سـألت محد بيسأل فيني لكن صفطتهم كلهم وظليت
اغلب وقتي في البيت اصلي / ادعي ربي / مراات اطلع مع امي اللي عمري ماحبيت طلعتي
معاها / حطيت حرتي في التجربه بالطبخ وانا اكبر وحدة ماعندي اخوان متزوجين الحمد لله
والا كنت مت بحسرتي وانا اعمل فلت ليش مااطور من نفسي زيادة واكمل دراستي الين اوصل للدكتواره وبديت اخطط وافكر

صدقيني ياما حلمت بالفستان الابيض وانا اجهز لزواجي وياما حلمت بزوج حنون ويحبني وتخيلت اولادي وربي كل ما اتخيل ابكي من قلب واقول مو لازم يا شجون استبدلي حياتك بدراسة برعايه والدينك هاذي صوره ثانيه حلوة

بس لما جلست مع نفسي عن جد صرت اقول انا سخيفه وشو يعني اذا ماتزوجت بموت يعني الحياة كلها زواج
وعمري ما بينت لاي شخص هالشعور دايم رافعه راسي حتى لما يتكلمون عن الاولاد والامومه ابتسم مع اني اموت بالعيال ويقولون لي ان شاء الله الله يعطيك

لكن وش كنت اقول الحمد لله على كل حال وكنت كل ما ازعل احس ابي اقطع ملابسي القى امي قدامي صارت خلاص تحس فيني تحضني وتخلي راسي بحضنها وتقرا قرآن والا دعاء ارتاح اشوي

وقبل مدة بسيطة تقدم لي واحد من جماعتنا كان معي بكورس

ووافقت عليه وملكت قبل رمضان والحين نجهز للزواج

والحمد لله ربي عوضني على صبري بانسان يحبني ويقدرني واجد طيب وحنون

وتأكدي انه ربي موزع الارزاق وكل واحد ما ياخذ الا نصيبه انا كنت فاقدة الامل لاني قبل ماانخطب ظليت اكثر من سنة محد خطبني رفضت 4 بشهر وبعدها مافي غير 2 وكلام حريم بس

على فكرة عندي خويه بعمري وتوها قبل فترة اعترفت لي بمعاناتها لكني صبرتها وصارت تكمل دراستها معاي واحسها بدت تتغير وهالشي اسعدني لانها قدرت تشوف انها بنت مو ناقصها شي ليش تشيل هالهم

المهم الحين احمد ربي لكني مانسيت المعاناة وللحين مع كل صلاة ادعي انه الله يوفق كل بنات المسلمين

ياربي يزوج كل البنات الازواج الصالحين ويرزقهم من حيث ما يعلمون آمين يا ربي

وسامحيني على الاطاله

(y)(y)(y)




والله الله كريم ..



جزاج الله خير ..

تفتكروا ان الزواج راحه والله والله ا نى اتحسر على يوم من ايامى ببيت اهلى على الاقل بتكونى راحتك مفيش هم مسئوليه ولا زوج ربك العالم باخلاقه اختى قولى يارب قدم ليا اللى فيه خير متتدريش يمكن لو اتجوزتى حياتك تكون امى واسوء من بيت اهلك حولى انتى بس تصحلى اموراك مع اخواتك وزوجاتهم على اد ماتقدرى وبعدين اختى فين امك وابوكى من القهر اللى يمرسوا عليه اخواتك الوحده فينا مابتتدلع غير ببيت اهلى والله يااختى انه الجواز تعب اكتر مما تتخيلى واقرىء مشاكل الاخويه وانتى تشوفى سلمى امرك لله اختى وهو بيقدم الخير كونى متاكده من ده

الله يفرج لها نشاللله والله كريم

بصراحه انا كنت اظن ان البنت ما تنخطب بسبب شكلها

بس اللحين اعرف ان الاهل بعد يأثروا في رأي الخاطب واهله


الله يرزقنا واياكم