تجمع الحوامل اللواتي يلدن بشهر نيسان (ابريل 4) 2009

موظي;9008931:
حبيبتي تقدرين تمشين من السابع

بس اليوم وصلتني معلومة وايد حلوة للي يكونون في الاسبوع 34

(لقد بدأ العدّ العكسي. يشكّل هذا الأسبوع بداية الشهر الأخير من حملك. من المفترض أن تكون رئتا طفلك قد اكتملتا الآن(مما يساعده على البكاء بشكل أفضل عندما يولد). إذا كنت قلقة من احتمال التعرّض لولادة مبكرة، ستفرحين لمعرفة أن الأطفال الذين يولدون في الأسبوع الخامس والثلاثين وما بعد، لديهم فرصة كبيرة ليتمتعوا بالقوة والصحة الجيدة.)

هذي المعلومة من موقع بيبي سينتر

وعلى ما اعتقد ان الربط يفتحونة من الاسبوع 37 والله يتمملج على خير يارب.

ايييييه دزو لي هالايميل أمس لما كملت ال 34 اسبوع !

ويييه خفت حدي مكتوب العد التنازلي :rolleyes: ،، الله يستر بس !

أم علاااااااااوي ياقلبي ماتشوووفين شر عورتين قلبي عليش !

البيبي اذا يعترض يأذي واجد اللي سمعت يقولون عنهم يتعبون من وضعية البيبي ..

و لا تشربين أي شي .. انتي الحين دام بالاسبوع 36 يعني بالتاسع لكن الرحم مو فاتح ! ، انتظري حبيبتي و كل تأخيرة فيها خيرة بينزل الراس ان شاء الله و بترتاحين و بتولدين بالسلامة .

و مادري ليش احس انش مو مهتمة بالتغذية ! الدوار و الحاجة الى المغذي أكيد لأنش ما تاكلين زين !

و شنو عن نسبة دمش ؟


تواصلي معانا لا تقطعين طمنينا ..

*um_jihad*;9009140:
مشكوره موظي على ردج .. الله يصبرني على هالثلاثه اسابيع الي جايه و افتك من الربط و اخذ حريتي في المشي و اكثر من الدارسين و التمر
مليييييييييت من الحمل خلااااص تعبت
نفسيتي و مزاجي كلش مو متزنيين
الحين الساعه 12 مسكين زوجي نومته و احنا مو كلش متصافين ما ادري شنو فيني كل ليلة اتحجج على شغله و الحين عقب ما نام كسر خاطري اااااااه متى يجي بكره حتى اصالحه ما يستاهل ازعله

تعرفين خيوو ؟

في حملي الاول كنت جذي مع زوجي مسكين .. طيووب حده و حنون بس اني ليليا اتحجج على شي و ينام متضايق بس لما يصحى يوم ثاني يكون و لا كأنه فيه شي من طيبته و لا يعاتبني :confused: ذكرتيني و الله نزلت دموعي !


بس هالحمل سويت كنترووول صارم على أعصابي !

مستحيل اسمح لنفسي اسوي مثل قبل ابرطم و أزعله و اخليه ينام لأنه تأنيب الضمير شي مقرف :ss: ، و حرام ما يستاهلووون ..

بقولك .. من تتوترين اخذي دش و استرخي زييين و تعطري ، انا اسوي جذي الحين و كلش ارتاح ! بس احيانا قهري اخليه في ولدي و زوجي ابدا ما أأثر عليه ..


الحين الايام الجاية بتكون أصعب .. لأنه بتولدين و يتنشغلين بالبيبي و بس !

انتهزي فرصة وجودش وية زوجش بكل شي حلوووو !

ام النوح;9009145:
كروشاااااااااااااااااااااااااااااااااات براكو لي

الحمد لله الدكتورة اليوم طمنتني ان راس البيبي نزل تحت

مشكورين لكل الا دعوا لي

كلولولولووووووووووووووووووش !

واااااو والله فرحت لش من قلللللب ،، الحمدلله افتكيتي يالله مافيه شي يتحاتى الحين الا ا لولادة خخخخ !

اهلين بنات ومشكورين بس والله فيني الغبنه ابغى اصيح مو قادره بس ماسكه حالي الوضع مؤلم موت بس احاول ابتسم ويا الي حواليني شسوي وترى مشيتي مو عدله صايره احني ظهري ومااقدر اقوم واقعد عدل والله مو عارفه تعرفون الوحده في لحظة ضعف تبغى تسوي اي شي الله كريم ورحم الله والديكم قلت بكتب لكم لاني ماعرفت انام من الالم وحبيت اقرى نصايحكم دعواتكم خواتي ..

ام علاااوي افا عليج ياقلبي لاتحاتين وتكلي على الله ياقلبي ترى الزعل والظيقه ماتحسن الحال وانا حاسه انه انتي بتصيرين احسن وتبشرينااااا عن قريب ياارب يسهل عليج ويفرح قلبج يااااارب

ام النوح على البركه وربي يتمم عليك يارب وعلينا
ام جهاااد حبيبتي الله يعيناااا بس مالنا خلق ارواحناااا

مشكوررره ياحياتي

نسيت اخبركم لما رحت موعدي اخر مره تاريخ 18/2 عند الدكتورة فرح
قالت لي ان :
من الاسبوع 34 ممكن الوحده تولد و بدون خوف على الجنيين لان تكون رئته مكتمله و ما فيه خوف لا على الجنيين ولا الام
ان شاء الله كلنا نولد بعد الاسبوع 34 يارب


ما ادري توقيعي شنو فيه ما يمشي بروحه لازم كل يوم اغيره والله غربااااال ما يخليني افرح ايتوماتيك هههه

سلام كروشات شلونكم

وايد متضايقة عشان مو متابعة معاكم بس ما عندي وقت زوجي بعده مسافر و يرد الخميس ان شاء الله

ام علاوي ما تشوفين شر حبيبتي يالله هانت اذا دخلتي باسبوع 37 متى ما تولدين اولدي لان كل شي بجسم البيبي يكون مكتمل و ان شاء الله بهاليومين ينزل راس البيبي تحت لا تحاتين ترى الحالة النفسية مو زينة لك الحين

ام النوح مبروك نزول الراس

روز مبروك دخول التاسع

و باقي البنات بدون استثناء شلونكم و شلون نفسياتكم على قرب موعد الولادة؟؟

و من فيكم ناوية تاخذ ابرة الظهر؟؟ و كملتوا كل اغراض البيبي او بعد؟؟

بنات انا من اسبوع كان عندي موعد و قالولي انه الراس نازل تحت فهل هذا طبيعي او شنو؟؟

ام عماااااارا لله يبارك فيكي النفسيه زيرووو طبعا كل مايقرب موعد الولاده تنزل تحت الصفر هههه لا اتغشمر بس في خوف
بنسبه للولاده بعد ال34 اسبوع اعتقد انه في ملاحظات انا سالت الدكتوره اذا اولد بالاسبوع 36 قالت اوكي بس بهاي المرحله الطفل مايحتفظ بحرارت جسمه بس اوكي مافي اي خطر
راس البيبي طبيعي يكون نازل من اخر السابع او اول الثامن على ما اعتقد الله يسهل عليج وعلينا يارب
بنسبه لابرت الظهر مايوصون فيها لها عوارض بالمستقبل على الظهر والمفاصل

السلام عليكم يا بنات .... يارب تكونوا جميعا بخير

تسمحولى انضم معاكم انا موعد ولادتى 14/4 بإذن الله

الله يسهل علينا جميعا وتكون ولادتنا سهله يااااارب

أم علاوي ماعليج شر حبوبة..أهم شي نفسيتج في هالمرحلة..مضى الكثير ومابقى إلا القليل ميخالف إستحملي ودام الدكتورة طمنتج على وضعج لا تحاتين بس عدلي أكلج وحاولي ماتخربطين من برا..إكلي من البيت أشية صحية وتقويج عشان تسهل ولادتج إنشالله :)

البنات اللي يزعلون أزواجهم أنا بعد صايرة حساسة لدرجة مو طبيعية...الدمعة واقفة عند الباب هههه من أحد يقول لي شي قامت الدمعة من غير ماتطق الباب تنزل هههههههه..دليعااات والله

يا حلوين عندي لكم سؤال: من جربت جهاز تعقيم المراضع مال مذركير ؟ لأن أنا بغيت مال أفنت بس فيه حق 6 مراضع .. لكن مذركير فيه حق 2 وهذا يناسبني أكثر ..اللي جربت الجهاز شنو أحسن ؟ ومال مذركير زين أو لا ؟

ام علاوى الف سلامه عليكى ياقمر وباذن الله الراس تنزل تحت وتبتدى تشربى القرفه علشان تولدى بس لما تطمنى على البيبي
ام النوح الحمدلله نزول الراس لتحت
روز انا بقترح اسم غيداء وحوراء حلوين الاتنين كتييير
انثى اعتقد فيكى بنوته والله اعلم
ريم هانى ربنا يتملك على خير وتنورينا ياقمر
بسووم انا والله مااعرف لانى مشترتش المراضع نفسها لسه

حبايبي مشكورين ماتقصرو والله يتمم ليكم كلكم على خير وتشوفون بيبياتكم بصحه وسلامه ابشركم اليوم صرت احسن الحمد لله والشكر على كل حال والله يعدي هالايام على خير ..

كملت الاسبوع ال34 كللللللللللللللللللللللوش

عقبال ال35 بالسلامة

لا بنات هالمرة حاسة اني بدخل الشهر التاسع وبوصل الى موعدي بعد خخخخخخخخخخ

ام نوح مبروك حبوبة والله يتمملج على خير يارب

والله يا ام عمار النفسية تعبانة والله مب خوف من الولادة احاتي ريلي في الاربعين من بيهتم في اكلة ولبسة

لان والدينه متوفيين وخواته اللهم نفسي لما ابات عند اهلي يوم يسافر ويرد فجاة محد يشوفه كل ولا لا بس

اذا سالته اعرف ذكرتييني بالمواجع والله مرة قلبي يعورني عالموضوع هذا والوالدة الله يخليها لي ان شاء ا
الله ويحفظها مب راضية اني اقعد عندها اسبوعين بس تباني اجلس الاربعين كلة استغفر الله .استغفر الله والحمد لله على كل حال.

ليش التوقيع واقف ؟

ريم هاني
حياج الله والله يقومج بالف سلامه


كلمة وداع
حلو اسم حوراء وحااطة بالي هالاسم


ام علاوي
الله يطمن قلبك ويقومك بالف سلامه يارب


ام النوح
الف مبروك والله يتمم على خير يارب


موظي
حملي التوقيع مره ثانيه

سلام بنات.. كيفكم وشخباركم.. اشتقت لكم يالبطات.. ها كيف الكرشات؟؟

سامحوني انشغلت الفتره اللي فاتت لان اختي كانت تعبانه <<<الله يقومها بالسلامه.. هي بعد حامل في السابع وقالوا لها المويه زايده ويبون يسحبونها..

انا كملت الاسبوع 32 الحمد لله.. يعني هانت انشالله..
ام علاوي-انثى-بسوم-كلمة وداع-ام النوح-موضي-روز-كيفكم حبيباتي انشالله كلكم بخير؟؟؟
انشالله ماكون نسيت احد :) .. عندنا هالايام اللي فاتت في الشرقيه غبار فظييييييييييع.. طول الوقت ننظف الله يعين..