تجمع الحوامل اللواتي يلدن في شهر اذار( مارس 3) 2009

هلا حوامل شخباركم
أنا بعد دخلت التاسع أمانة يابنات ادعو الله يسهل علينا رحت الموعد والحمد لله كل شيء تمام بس الضغط مرتفع شوي والحين على الحميه ابغى اولد وافتك خلاص تعبت خاصة مع الالم اللي يجي خاصة بالليل وقت النوم ليش ما ادري يعودنا على السهر يعني من الحين
الله يسهل على الحوامل كلهم ويشوفو بيبياتهم بصحة وعافية

فعلا حبيبتى الم فظيع يجينى بالليل و ماعرفت انام و الله امبارح

هلا خواتي

انا موعد ولاتي ان شاء الله في تاريخ 28/3/2009

اشتريت اشياء بسيطه حق البيبي واحاول اجمع حقي مثل الجلابيات الدانتيل شوي شوي

السلام عليكم و رحمة الله وبركاته
عــدنــــــا من جديــــد
حبيباتي وحشتوني ..فراشة بين الزهور ما تفقدين غالي يارب
انا جيت لأهلي استعداداً للولادة وعشان اكمل تجهيزاتي
الحمد لله الأمن مستتب بعدي ماادري وين اكمل مراجعاتي وين افتح لي ملف
بس مبدئياً مستشفى اسطون كويس
انتو كيفكم طمنوني
وبالبركة للي دخل التاسع عقبالي يا رب

السلام عليكم كروشاات كيفكم
واخبار البيبهات معكم انشا ء الله بخير ومبروك اللي دخلو التاسع والله يسهله على الجميع

ميلاد هلا فيج الحمد الله اني تطمنت عليج والله يسهله عليج يارب
انا على كلم الدكتور باقي وقت على التاسع

السلام عليكم
مبروووك لكل الحوامل الي دشوا التاسع
والفال لنا ان شاء الله تعالى

دعواتكم يا بنااااات يسهل علينا وعلى مواليدنا تكفوووووووووووون :(

يحليكم

انا حبيت انظم لكم دخلت التاسع و ولادتي انشاء الله 2|3 لله يسهل على الجميع

هلا كروشات

مبروك للي دخلو التاسع

الفال لنا إن شاء الله يارب أدعي ليل ونهار إني أولد في الإسبوع 36 ويكون الياهل بصحه وعافيه يارب

أمس طول اليوم قاعده في الصاله وكل ربع ساعه أقوم أتمشى في الصاله حالتي حاله حتى أمي تقول قومي طلعي غيري جو شوي آقولها مالي بارض (n)

الله يهون علينه إن شاء الله

آنه من حملي السابق تأدبت لأني ولدت في الإسبوع 36 وماكنت مجهزه ولاشي حق المستشفى فكل يوم كنت أطرش زوجي 4 مرات البيت كل ساعه إيب لي شي غلط وتأدبت عاد في هالحمال حتى أهو يقولي برزي أغراضج من ألحين لا إتينيني معاج كل ساعه تطرشيني :(

عاد برزت الشنطه من يويمن وقلت حق زوجي وأمي ترا الشنطه في الكبت تحت بس باقي مشط و جمن عطر والشامبو حطوهم إنتو بعدين لأني باستخدمهم لي ما أولد ولا هذيله بعد ماتعرفونهم :mad:

صباح الخير كروشات

كيفكم اليوم الجو ما يوحي انه نهار

استغفر العالم كله ظالم

اله يرحمنا بي رحمته

انا ما جهزات الشنطه الى الان لان باقي اغراض ما اخذتهم

صبحكن الله ومساكن بالخير يالحلوااات ...
مريت عليكن اطمن على حالكن وحال كروشاتكن ... كون العد التنازلى بداااا مع الجميع .....

بالنسبة لاخباري ,,, اعانى من اسبوع من الم متواصل بالظهر واسفل البطن...كانة الم دورة ..
ولكن مو طلق .. لانى رحت للدكتورة وقالت لى ارتاحي هالاسبوعين لحد ما تدخلين التاسع ....
وربنااااا ايسر الحال ... والحين انا باجازة من الدوام ... بالاحرى انتهت صلاحيتى... ما فينى حيل ....

طمنونى عليكم يا حلواااات

هلا كروشات أخباركم
شكل الكل خلاص أنتهت صلاحيته والله صدق موب من شي من التعب والثقل وقلت النوم
رحت السوق علشان أخلص تجهيرزاتي وتجهيزات البيبي بس عن جد مهرجان التسوق ماخلالنا شي الناس خامة السوق على الأخر مع أنه ملابس النيو بورن موب عليها تنزيلات بس بعد الناس ماترحم ودخلت مذركير أبي أخذ شويت ملابس وقماطات (ملافح) وبطانية بس يدوب طلعت بملفح واحد وبطانية والباجي ماقدرت والله الناس تدازز في المحل وحدة دزتني وكنت بطيح وطالعتها بنظرة ولم أنتبهت إني حامل قعدت تعتذر وسوري ومادري شنو يعني لو موب حامل أنا موش أنسانة وزوجي عصب وكان يبي يتهاوش معاها قال لو صار فيج شي أنتي والبيبي والله كنت قاتلنها بس بسرعة خذته وطلعت من المحل إلي يقول البضاعة بتنحاش من المحل وخذت من نكست كم من قميص ومن زارا ريلي تخبل على بدلة جينز وقميص وقوله حرام عليك بعده بيكون صغير قال لا لازم ألبسه فخذتها على شانه وبالنسبه لجلابياتي بعد يومين تخلص والشنطة خلاص جاهزة وشنطة البيبي بعد

حوامل باركولي دخلت الشهر التاسع:D

بحاول أجهز الشنطه لأني كملت أغراضي ,,حتى التوزيعات جهزوا وافتكيت
ادعوا لي بس أوصل نص التاسع أولد ما فيني شده أكمله<<<< كأن على كيفي

صباح الخير كروشات كيفكم ان شاء الله بخير

واخبار البيبيهات معكم بداء العد التنزلي للشهر التاسع الله يسهله على الجميع

دلوعه لا تروحي وقت الزحمه انتبهي نفسك اهم شي اخذاتي اشياء الضروريه

انا من الغبار امس انتيهيت من الكحه والحساسيه وحلجي جاف وحاللتي حاله

صدري مغبار من الجو الله يسهله

دلوعة بودي

تحملي الناس ماترحم والله تقولين متخرعين آنه لما أشوف مكان فيه تخفيضات مادشه أولاً البضاعه الزينه يا يخبونها أو مخلصه من هالناس وثانياً حتى لو في شي حلو ماتقدرين تركزين من الزحمه آنه أحب لما أتسوق أتفرفر على راحتي مافي زحمه ومدازز الناس ماجايفه خير أول مايجوفون تخفيض يتراكضون والله مره رحت في التخفيض وحرمت آروح بعدها تخيلي قاعده أشوف بدله في يدي يات وحده وسحبتها من يدي قاعده تروي إلي معاها تقول شوفي هاي حلو قمت سحبت البدله من يدها وإلا تقول مسامحه بس من أي صوب ماخذه هالقطعه :mad:

ترنيمة شاعر

تصدقين آنه ماحبيت المفارش إلي تباع عند كل إلي ذكرتيهم أحسهم مو كواليتي أو مادري إشلون أوضح بس آحسهم بوطقه مثل مانقول آنه خذيت من سنتر بوينت صج مو لي هناك بس أحسن من هذيله إلي برع بس عندي فراش واحد مفصلته حق حملي الأول مزركش ومزين وايد يعني مو عملي بس حق إذا أحد ياج تخلين الياهل عليه شكله وايد حلو فصلته في محل في أم الحصم مو ذاكره إسمه بس أكيد تعرفونه صاير يم نادي أو مدرسه فندق رمادا فصلت بس الفراش بروحه بـ 40 وليحين ماتغير وديته المغسله وبستخدمه هالمره :wink:


ريتال

إن شاء الله مانكمل التاسع ما أتخيل روحي بعد بقعد شهر والله حاسه روحي خلاص يابنفجر يا بين حالتي حاله مالي بارض حق ولاشي طول اليوم رقاد وأكل وجان زين أقدر آرقد لا الرقده مريحه ولا القعده مريحه ولا المشي مريح ساعات أقوم أوقف آقول ياربي يعني شاسوي وآخرتها آروح آتسبح بس عشان يطوف الوقت :ss:

باقي الكروشات سامحوني إذا مارديت عليكم برجع مره ثانيه بروح أحلل معاشي شوي آنه في الدوام (y)

السلام عليكم ورحمة الله وبركاته

كيفك فراشة يالغالية ..اي والله الجو زفت بعيد عنك غبرة وصفرة
الله يستر علينا بستره
الواحد امتلا صدره وعيونه غبار
كنت حاطه في بالي اجي عند اهلي وانتشر اروح للسوق واشطب اللي ناقصني
بس من جيت وانا حايسه بنومتي لا ارتاح وانا نايمة ولا وانا صاحيه احس بعظامه كل ما تقلبت
والنفسية زفت بعيد عنكم بس اهاوش في بنتي واختي واقعد اصيح بعدين
واخواني كلهم يمتحنون والجو كئيب
يا رب تهونها من عندك وتسهل علينا

بنات مدري في تحاليل المفروض نسويها هالفترة
من زمان ما اكرموا علي وجابوا لي طتري تحاليل في مستشفى الغفلة اللي كمن عنده
وبروح افتح لي ملف الاسبوع الجاي انشاء الله

وبالبركة لكل اللي دخلوا الشهر التاسع يارب تعجل لنا على خير