تجمع الحوامل اللواتي يلدن في شهر شباط (2) 2009

سلام عليكم أخواتي
تاريخ ولادتي 26/02
انا بكريه و كنت خايفه كتير لاني حاليا في فرنسا
بس الحمد لله لما بديت تحضيرات الولاده
خف عني الخوف خصوصا لما زرنا غرف الولادات
ربنا يقومنا بالسلامه

فلة صالح;8394403:
سلام عليكم أخواتي
تاريخ ولادتي 26/02
انا بكريه و كنت خايفه كتير لاني حاليا في فرنسا
بس الحمد لله لما بديت تحضيرات الولاده
خف عني الخوف خصوصا لما زرنا غرف الولادات
ربنا يقومنا بالسلامه

مرحبا فله أنت مثل موعد ولادتي بس أنا قبلك بيوم هههههه الله يسهل ولادتنا يارب

جـ22ـوري;8393574:
هاااي كروشات انا في الاسبوع الاول من التاسع ووزن البيبي 2.600 هل هو وزن طبيعي طمنوني الله يخليكم

أهلا جوري وزن البيبي كويس لاتحاتين الله يحفظه

كروشششات عاملين أيه
حابه أسئل سويت سونار في الاسبوع العشرين وقالت بنت وسويت سونا ر كم مره بس ماسئلت الا يوم كنت بالاسبوع العشرين وصراحه جهزت وردي أتخبل عند شئ لونه وردي ودي أتاكد ولابلاش وش تنصحوني

هلا حبيبتي ام عبد المحسن كيف الحمل معاك
حامل ببنت ان شاء الله تقومي بالسلامه و تفرحي بيها
ا تاكدي ا نا زوجي كان معارض اني اعرف جنس بيبي
بس سالت الدكتوره و قالتلي بنت فرحت كثير
زوجي زعل مني بس الحمد لله انها بنت
الله يقوممك بالسللامه

مرحبا كروشات كيفكم عساكم بخير حبيباتي وكيف الحمل والبيبيات عساهم بخير
الله يسهل عليكم ياااربي وتولدون بالسلامه ياااربي ....
الكل يشتكي من التعب والضغط وقلة النم حتى وقلة الأكل انا جيه اشتكي من ها كله فوق ها حالتي النفسيه شوي :(

انا فااسبوع ال35 وعطوني موعد ع أساس 17 /2 .... بس تغير وصار 1/2 والسبه ان بيسوون لي قيصري
:(:confused::confused::( كل يوم يطلعون لي قصه يديده .. يلله الحمدلله والشكر ع كل حال ..

اول مره قالت لي الاستشاريه ان بيطرون يقصون لي قبل لا يطلع راس البيبي ... لأن بولادتي بنتي مع عملية البوش ويوم كان راس البيبي طالع ياني تمزق شديد داخلي من جدام لين ورى ... وهم زادو وقصولي يوم جافوني من دووون طاقه وما رمت اكمل ... فقالت نحن خايفين عليج وعلى هالمنطقة ان مره ثانيه ايييها التمزق وها خطر عليج ... قلت ماعليه ورضيت ...

ووالموعد الأخير قالت لي ان بيطرون يسوون لي قيصري لأن البيبي شوي وزنه كبير(( مشاءالله تبارك الرحمن )) وبعدين ما نباج تتعرضين للخطر اللي تعرضتي له المرة القبليه ... من تمزق وبهدلة لو تبين طبيعي انتي بتتحملين المسؤولية سواء لو خطر عليج او على البيبي :( وقمت ورحت لمستشفى خاص وحبيت أتأكد وخبرت الطبيبيه بكل القصه قالت لي اخاف يكون عندك تمزق بعنق الرحم وهذا اخطر شي ... حتى لو صغير بيكون خطر الولادة الطبيعية .... وقمت وسويت سونار عندها انجنت قالت لي يا بنتي الماي حول البيبي زاااايد كثير انا انصدمت قلت لها اخر مره قالو كل شي اوكي قالت لا يا ماما خطر على البيبي واول شي سالتني عندج افرازات قلت لها هيه من زمااان ووايد بعد ينت وكتبت لي تقرير مع صور السونار وقالت لا تسكتين وروحي وحطيها جدامهم واشتكي عليهم .....

وانا صرت ما بين :eek::(:confused::eek::( .... ماعرف ليش ... وااايد محتاره ليش ما خبروني وقصو علي ماعرف .. وقالت فعلا شوي البيبي كبير ودام انه ياج تمزق توكلي ع الله وسوي العمليه بس تابعي معاي اول باول ... وبعدين بعد العمليه وبعد الأربعين تاعلي بكشف عليكي وعى عنق الرحم وعى العمليه القيصريه ويمكن لو احتجتي لعمليه لعنق الرحم بسويها لك ....

يلله الحمدلله ع كل حال ... الاسبوع الياي ان شاءالله عندي تحليل السكر فالخاص ولحكومة ... والي عقبه موعد عند الاستشاريه واللي عقبه بدخل لمستشى عشان اقابل طبيب التخدير.....ادعولي امهااااااات بليز ..... وايد خايفه من سالفة ماي الجينين ادعولي وادعو له ...

سلاااااااااااااااااااااام حباااااااااااايبي و الله الحمدللــــــــــــــــه مستااااااااانسة دشيت الشهر التاسع الله يبلغ الجمييييييييييع ..حبيت اسلم عليكم و برجع ارد على الكل ان شاءاللـــــــــه ..ماشاءالله التجمع صار نشيط شوي ان شاءالله دوووووووووووم..

جوري،،المميزه،، ريد ايرث،،

هالشال من بيبي شوب ما اعرف كم سعره بصراحه، سرت اليوم ادوره لقيته مخلص بدوره في محلات ثانبه يمكن احصله وانتوا اذا حصلتوا خبروني

فله،، توكلي على الله وما عليج شر ان شاء الله

ام عبد المحسن،، انتي لو تدرين انا شو اسوي كل مره اسال لوووول

غاليه الاثمان،، وانا اقول وين مختفيه عنه خيتو اتوكلي وسوي العمليه اهم شئ صحنج انتي والبيبي،، انتي في اي مستشفى تراجعين؟ الله يقومج بالسلامه

شمس حياته،، مبرروك وعقبال ما تبشرينا بولادتج

الا هايدي وينها؟

هلا اندلس هوب ...
شو نسوي بس على الله برايج خلاص اسويها بس ماعرف ليش خاااايفه واايد و انا اراجع فالكورنيش
والخاص مرتين بس سرت مستشفى النور

غالية الأثمان توكلي على الله يمكن القيصري أفضل لج وأذا كان حجم البيبي كبير يأثر من تحت أما مويه الجنين لاتخافين كثثثثثر يصير معهم حبيت أطمنج الله يسهل حبيبتي

غالية الاثمان حبيبتي توكلي على ربج و سوي العملية اهممم شي صحة البيبي مرات لازم تاخذين قرارات صعبة و هذا القرار منهم ادعيلج من قلبي انه الله يسلمكم يارب ...
اندلس الله يبارك فيج الغالية الحمدلله و هايدي ما شفتها من زمان ياويلها لو ربت و نحن ما ندري ان شاءالله تكون بالف خير يارب ..
فلة الله يقومج بالف سلامة لا تخافين اختي ان شاءالله خير
هبوب و ريد ايرث الله يخليلكم الوالدة و الله اني كنت اقدر امي وايد بس الحين شي ثااااني و الله ما اقدر اوفيها حقها الله يعطيهم العافية ياااارب ..

ام عبد المحسن صدقج الوردي لااا يقاوم ..الله اييب ينوتج بالسلامة
المميزة كنت قاعدة افكر و اقول وينج ترانا ويى بعض هههه لا تسووينها و تولدين قبلي
جوري حياج الله اختي

حوامل قولولي شرايكم في تجهيزات ولدي الرابط تحت التوقيع

غالية الأثمان الله يكتبلج الخيره وين لج خيره ان شاءالله

اندلس هوب شحالج.... تسأل عنج العافيه....انشغلت شوي هالفتره وماقدرت ادخل النت من فتره ....اشتقتلكم شحالكم وشحال الكتاكيت....

خلصتوا تجهيزات ؟ رتبتوا شنط المستشفى؟

مشغوله شوي هالأيام الله يعديهن على خير اريد اخلص تجهيزاتي بس ماعندي وقت ومحد متفيقلي اوديني وايبني احس الوقت مايناسب اخاف اربي قبل موعد ولادتي وانا ما خلصت ان شاء الله الله يسهلها

وانتوا اخباركم

صح نسيت اقولكم موعد ولادتي 7-2-2009 ان شاء الله

شمس حياته....

اهلا وسهلا ومرحبا شحالج وشحال الكتكوت افرح يوم اشوف اردودكم الله يفرحكم دنيا وآخره احس انكن مثل خواتي

اشتقتلكن بس احس ان الوقت صار عندي شوي مزحوم وما عندي وقت مشغوله شوي بعدة اشياء مستجده عندنا سمحولي اذا دخولي صار قليل بس انتو دوم في البال

ياااااااارب يسهل علينا يااااااااااااااااارب

مرحبا كروشاااااااااااااااااات ...

بغيت اسالكن صحيح إن البكريه ما تآخذ كل شهرها ... اليوم سمعت مره تقول كذا :(
انا مجهزه شنطتي وشنطةالبيبي من نهاية الشهر السابع <<< مشتطه :)

بس ابي اتأكد يعني مقوله من أدخل شهري أولد

شمس حياته

تجنن ملااااااااابس البيبي الله يبلغ بالسلامه
وتتهنين فيهم .. :)

شمس حياته تتهني فيهم ان شاءالله ملبوس العافيه

مساء الخير .........

شحالكم بنات ......؟؟ ......... أختي هايدي الله يسهل عليج ما باقي شي ... بدأ العد التنازلي ... بس اتوقع تربين قبل تاريخ 7 ..... والله يسهل عليج .....
أختي شمس حياته ..... ملا بس ولدج روعه ..... الله يفرحج بشوفته ...


بس خواتي عندي استفسار بسيط ....... اسمع بعض الحريم يقولون نخلي الدكتوره تسويلنا توسع .. يعني توسع عنق الرحم وتولدين بسرعه ... بمعنى اصح قبل موعدج .... هل هذي المعلومه صح ولا ......؟؟!!

غاليه الاثمان،، ربج كريم اتوكلي عليه *_*

شمس حياته،، يلبسهن بالعافيه حلوين ما شاء الله

هايدي،،، وينج انتي؟ انا بغسل ثياب النونو وبرتبهن في الشنطه وبسير اخذ اغراض من الجمعيه وبخلص ان شاء الله

هبوب،، يقولون بس كل وحده غير عن الثانيه

دهن عود،، هالشئ اعتقد يسوونه اذا طفتي موعدج

مساء الورد وماي زمزم من مكه فديت ترابها الطاهر _
كيف حالكم؟ إن شاءالله بخير _
بنات احس بطني صار ضيق على الولد شوي يطلع يده وساعات ركبته_فديت روحه مستعجل عل الطلعه_اختي هبوب امشي لانك بكر يبالك اسابع وينزل رأس البيبي للحوض والمشي مفيد يثبت الرأس في الحوض_تصدقون بنات شريت لبستين وردي مع إنهم قالوا ولد بس اللون يجنن وماعليه راح البسه _والله يقومنا جميعا بالسلامه

السلاام علييييييييييييييييييييييييييكم جميعا

بااااااااااركولي يا كريشات ......... اليوم سرت العياده اطمن ...... والحمدلله الدكتوره طمنتني وان كل شي بخير ....... والراس تحت .... وصدمتني قالتلي باجر بدخل التاااااااااااااسع ............ ما كنت متوقعه .... لان أساسا ما اعرف متى اخلص الشهر وادخل في اللي عقبه ........... يااااااااااااااااااا رب الله يسهل علينا كلنا




كريشات ......... بسألكم

شفت وحده وتميت أسولف وياها فسألتني هالمره ششو بييب ؟؟؟ ........ قلتلها قالولي بنت ....... وانا عندي ولد ....... جان اتقولي الله يعيييييييييييييييييييييننج ............ اللي عندها ولد وعقب تيب بنت تتعب في الولاده ........... او اللي عندها بنت وعقب اتبدل وتيب ولد تتعب وااااااايد ,,,,,, على أي أساس هالرمسه .؟؟؟ انا ما أصدق ..... انتو شو رايكم .... ؟؟