تجمع الحوامل اللواتي يلدن في شهر شباط (2) 2009

مرحبااااااااااااااااااااااا يالكريشات .......... ما دخلت المنتدى من يومين ...... اتعرفون الريل يي بالويك اند وما عدنا وقت ندخل

شخباااااااااااااااااركم ؟؟؟؟؟


اندلس هووووووووووب ........... هيه والله حتى انا ......... بس ابى ارتب الحجره والحمام .... واتضاااااااايج يوم اشوف شي مبهدل ............. وكله ابى اعطر المكااااااااان .........


انا خذت حق البيبي ......... بس بعدني .......... في اشويه غريضات ........... وكله أأجل ..........

الله يسهل علينا يا رب

هلا خواتي

انا من تجمعاات حوامل شهر سبتمبر ..>>>داشه غلط خخخ

عندي سؤال اتمني القي الجوااب عندكم

الزنجبيل والزعتر هل يضر في الاشهر الاولي ؟؟

يلي يجي على شكل علاقه .. مثل شاهي الليبتوون

يعني لو حطيت علاقه زنجبيل مع علاقه زعتر و شويه شكر و ماي حاار وشربته هل في ضرر على النونو ..>>> اخس على الشرح

اتمني تكونون فهمتوا علياا

واتمني ان الاقي عندكم الجواااب .

كلي شموخ ::::: أنا اللي اعرفه ان الزنجبيل حااااااااار والحريم يشربونه وقت الدوره عسب ينزل عندهم أكثر

وعمتي تقول الزعتر مب زين ...... وخاصه أول الشهوووووور ..........

وانا عن نفسي ابتعدت عن الشاي والقهوه والزنجبيل والزعتر

الشاي الدكتوره قالتلي دمج ناقص والشاي يمتص الحديد

القهوه شي ماده اتأثر في الجنين نسيت اسم الماده واتجنبت النسكافيه وما شا به

انا جاني هوس التنظيف كل شي يلمع حتى بحملي الاول من كثر الكراف آخر اليوم دخلت المستشفى سبحان الله_كلي شموخ حبيبتي هذي الاشياء قالت لي الدكتوره ابتعدي عنها افضل لانها ماتصلح للحامل_

مشكورااااااااااااااااات خواتي على الرد

:confused: :confused: :confused:

الوحم هالكني

كنت ارتااح على الزعتر و الزنجبيل

بس شكلي راح اتركه الاغلبيه قالولي انه يضر

او الابتعاد عنه احسن

ريد ايرث،، انا اليوم شفت غطاء مثل الشال للرضاعه بسير باخذه لاني وايد احتاجه وكنت افكر اني افصل واحد بس دام انه موجود بسير اخذه في بيبي شوب اسمه nursing wrap،، اما اغراضي واغراض البيبي كلها جاهزه

كلي شموخ،، شربه وااايد حار ومب زين الافضل انج ما تشربينه بس اذا بتاكلين ورق الزعتر ما يضر ان شاء الله بالذات وقت اللوعه الزعتر وايد يخففها انا كنت اكله بحملي الاولي ونفس الشئ هالمره اكله متى ما حسيت باللوعه ويدتي تقول انه الزعتر ينظف الياهل يطلع من البطن نظيف بدون هالوسخ الابيض اللي يتيمع عليه والحين في شهري الاخير وبرد اكله وبجرب اشربه لوول ابا اربي بسرعه

زوجه الاصيل،، انا قريت عن هالموضوع وايد ويقولج سبحان الله يزيد هالاحساس بقرب الولاده،، الله يسهل علينا جميع

اندلس هووووووووووب ::::::::::: بسألج كيف هالغطاء ,,,,,, اذا بتحطين صورته ........ انا بعد احتاج لهالشي حق الرضاعه ........ احس بينفعنا ..... ساعات تستحين جدام حد ...... والا بالغلط طلع جدام حد ههههه

اندلس هوب مااااااا شا الله توني ألاحظ انج دشيتي التاسع .......... مبروووووووك والله يسهل عليج يا رب

شخباااااااركم حوامـــــــــــــــــــل ..ان شاءالله بخير ..بطني يعورني شو ها كل يوم احس اني بدش الارض من الثقل لوووول تعبت الياهل مو محصل مكان يتحرك فيه ..انا باجر ان شاءالله بدش شهري الحمدلله ..

:2_106:تصدقون عاد أنا مدمنه كباتشينو الله يستر مادري من دشيت الشهر السادس وأنا طايحه فيه .يعني شهرين
والحين بالثامن ولازلت

المميـزه;8379679:
شخباركم بنااات
وحشتوني حبيباتي
انا موعد ولادتي انشالله 02/17/2008 يعني مثل هبوب
هبوب
انتي وين تابعين انا اتابع بسعد

بنات مب قادره بالصراحه ابي اولد قبل مليت...

وانتو شخباركم

اندلس هوب
انا امي فديتها فصلتي واحد اسود عشان لما اطلع برى البيت بي انا ادور على مثلهم مدري و ين القى بس امي من زمان فصلتي واحد اسود مع العبايه

ام عبد المحسن
انا ياحبيبتي مثلج مااقدر مااشرب شاي او قهوه الصباح خصوصاً بالدوااام والحين احاول اخفف <<<<بعد شنو خخخخ بس جد ماكنت ادري انه خطير خخخخخ

رد ايرث
شخبارج

شمس حياته
نفس الشعور ياعمري ويجيني شد برجلي بعد وطبعا الم قوي بالمنطقه بالعظام وعظام الحوض الله يعين وبنتي مسكينه مالها مكان تتحرك فيه ضيق عليها المكان
الله يجيبها سالمه

بناااااااااات طمنونا عليكم

هبوب;8390701:

هلا المميزه :)

أنا حالياً عند أهلي بقطر من دخلت السابع ... وبتم عند ماما لين اولد إن شاء الله
وحاليا اتابع بمستشفى النساء والولادة العام.... والله يابنات عذبت امي معاي الله يجزاها الجنه
الله يعين هالامهات :D شقيانين معانا واحنا بنات واحنا متزوجات <<< عندها احساس بتأنيب الضمير :o

الله يهون عالجميع مابقى شئ :confused:

الله يخليها لج انشالله انا حامل ببنوووته وتخيلي ياحياتي للحين محتاره بالأسم عندي 3 اسماء محتاره فيهم قريب اولد وباااقي محتاره خخخخخخخخخخخخخخخخ

ريد ايرث،، تراني معلنه الاضراب عن المشاركه لين ما ادش التاسع لوول والحمدلله دشيته وعقبالج يا رب،، هاي صورته يايبتنها من موقع ثاني

شمس حياته،، احس البيبي يقول ارحميني يمه لوول بس ما باليد حيله الله يسهل عليج

ام عبد المحسن،، السالفه مب سالفه تمنعين نفسج من الكوفي لا عادي بس المهم ما يتعدى الكوبين في اليوم بصراحه انا اشرب بس ما اكثر واختار اوفات ما اكون ماكله فيها شئ علشان ما يعيق عمليه امتصاص الحديد

هبوب،، هاي هي الام من شوي لها 3 اضعاف الحقوق

المميزه،، زين سوت امج انا حتى ما كنت عارفه كيف بشرح للخياط بس دام في جاهز باخذه احسن ^_^

الله يجزى امهاتنا عنا خير الجزاء :)<<< عندها تأنيب الضمير قوي

المميزة ... قولي اسماء البنات اللي بخاطرك وبنسوي تصويت :)

أنا أذا بنت بسميها رغد واذا ولد متعب <<< اختيار زوجي :)

انا بانضم معكم للتجمع كنت متابعه بس من بعيد وموعد ولادتي حسب السونار 9 \2 ووايد عجبني الشال للرضاعه من وين وكم سعره واتمنى لكم ولاده سهله وميسره ونشوف البيبات باحضاننا ادعولي الله يخليكم انا بجد خايفه

جــ22ــوري
هلا بج عسوله

اندلس هوب
حلو الشال عليج بالعافيه تتهنين فيه يارب

هبوب
حلوه الاسماء اللي اخترتيها...


بناااات انا متابعه معاكم

المميزه ::::::::: هلا انا الحمدلله بخير ..... هالأيام مستويه نشيطه أحسن عن قبل .... كنت اتشكى واااااايد ....... وانا قالولي بنت بعد .......... يا اختي حتى انا وريلي كل يووووووووووم انطلع اسم ...... يا هو يقتنع ........ يا انا ما اقتنع ........ ههههه وكل يوم على هالحاله ههههههههه والله روحي أقول آخر شي شو بيكون اسمها ما ادري ...........

اندلس هووووووووووب :::::::::: مشكووووووره حبيبتي عالصوره تعبتج ويايه .......ناااااااااااايس ابصراحه يبالنا ....


هبووووووووب :::::::::::: انا نفسج معتمده على امايه في كل شي ...... ههههه الله يعينها ......... مع ان هذا لحمل الثاني لي ...... لكن فديتها صابره عليه وساعات تتحرطم هههه ..... اتقولي اعتمدي على نفسج ..... وهيه مربيه ولدي ..... كل ما استوى شي اتقولي هالولد ولدي انا ههههه ....

هاااي كروشات انا في الاسبوع الاول من التاسع ووزن البيبي 2.600 هل هو وزن طبيعي طمنوني الله يخليكم