بنات البحرين ..... وزارة التربية والتعليم ....

zizitta;9129378:
اني اشجع دراسة تخصصات ثانية لو ما صار توفيق وتوظيف
تخصصي كان جغرافيا ودرست شغلة ثانية والحمد لله توظفت
اعرف بنات صار ليهم 6 سنين ينتظرون فرج الله

عموما موفقين جميعا
:)

:clap::clap::clap::clap:
استانست يوم قريت ردج، حسيت ان كلامي له معنى خخخخخ

لان صج حرام الواحد يضيع عمره على انتظار
واذكر في وحده هني تقول 8 سنوات وهي تنتظر الوزارة!!!!!!!!:eek:
وعلى الأقل درسوا لغه تراها الحين مهمة وايد،، وخصوصا تخصصات التربية مافيها انجليزي وايد
شوفوا انا مثلا شغلتي مالها علاقة بشهادتي كلش وهم ما وظفوني الا عشان اللغه،، لأن الشغله فيها ترجمه والموظفين كلهم أجانب،، فيعني حتى لو شنو كانت شهادتج بعد يبونج

أنا الشوق;9129227:
وانتو ليش تعتمدون على وزارة التربية بس؟؟؟!!!!

انا اعرف بنات تخصصهم تكنولوجيا وحصلوا فرص عمل في معاهد وغيره بس رفضوا لان يبون التربية

ولو بتفكرون شوي بتجوفون ان اللي متخرجين من هالتخصص وشكثرهم بينما الوظايف اللي لهم قليله
ونفسه باقي التخصصات اللي هي الخدمة الاجتماعيه وعلم النفس والجغرافيا وعلم الاجتماع ومادري شنو،،، يعني هاذي اول شي تخصصات مب مطلوبه في مكان وثاني شي الواحد يدخل الجامعه وفي باله التربية بتوظفه!!!!!! هم بيوظفون من وبيخلون من؟؟ <<<< بتنطق الحين خخخخخخ

وبالنسبة للانجليزي، كل اللي أعرفهم تخصصهم انجليزي خذوهم الوزارة في أقل من سنة من تخرجهم وبدون واسطه ولا شي

لا تحصرون نفسكم على الوزارة فقط،، جوفوا أماكن ثانيه
او روحوا درسوا لكم شي ثاني ولا تقعدون طول عمركم تنتظرون الوزارة وتتحلطمون عليهم

وهو مب على ان الواحد تعب روحه ودرس وبعدين قعد عاطل،، هو الموضوع الشهادة مطلوبة ولا لا؟؟
مثلا انا اعرف واحد عنده دكتوراة هندسة كيميائية مادري شنو،، شي جذي يعني حق العباقرة خخخخ ودارس في أمريكا وهكو قاعد في البيت!!! ليش؟؟؟ لأن التخصص مب مطلوب عندنا هني وصاير هو over qualified ومؤهله وايد عالي بالنسبة للبحرين
فيعني الواحد قبل لا يروح يدرس ويتعب عمره المفروض يفكر قبل <<<< بتنطق مره ثانيه خخخخخ

وقولوا لهم خل يقاعدون الموظفات العيايز اللي معجعجين من مية ألف سنة

عجبتتتتتتتتتتتتني يالمطربه ،، من زمان وابي اقول هالحجي معنجج عندي بس ماطلع زين سويتي الي قلتيه ،، أنا ايدج يايمه وصح لسانج (( عشان لين بتنطقين شكلي بنطق وياج ))

العصافير

زين والله انج تدرسين وتشتغلين
بس في ناس صج قاعدين جذي لا شغله ولا مشغله ولا بمفكرين ان يتحركون على عمرهم!!!! واذا تكلموا قعدوا يسبون ويلومون الوزارة او الحكومه او مادري من، بس مايلومون نفسهم

هو صج شي يقهر ان الواحد قاعد ويشوف غيره من الاجانب ياخذون شغلته بس بعد لازم يحاول يثبت روحه
وترى المدرسين الاجانب اعتقد في اتفاقيات بين الدول ان يصير بينهم تبادل ومادري شنو،، والمدرسين الاجانب من اول مابتدى التعليم في البحرين وهم يدرسون هني يعني مب شي يديد
وشي ثاني، مادري اذا المعلومة صح أو لا، وهي ان المدرسين اللي من برا رواتبهم ماتكون من البحرين!!!!! السعودية تدفع الرواتب :ss:

وعن اللي راح ودرس دكتوراه،، هو صج "يمكن" بيشتغل في المستقبل
بس يعني دام هو ماخذ دكتوراه يعني مب توه صغير وجم سنة قضاها وهو يدرس بكالريوس وبعدين ماستر وبعدين الدكتوراه،،، ويتروى لي ان عمره نصه راح وبيقعد ينتظر الفرج، غير اذا يبي يتزوج ويبي شكن ويبي و و و و و
وآخرتها بيضطر انه يشتغل شي مب في مجاله،، مع ان انا احس ان مب شرط الواحد يشتغل في مجاله
لأن يا ما ناس دراستهم كانت شي واشتغلوا في نفس تخصصهم بس مارتاحوا وقاموا حولوا لشي ثاني

اذكر كان عندنا دكتور في الجامعه دارس رياضيات وهندسة كهربا ومادري شنو ويدرسنا finance و economics اللي هم اقتصاد وتمويل
وواحد ثاني دارس احصاء وبعد دخل المجال المالي
وفي ناس بالعكس درسوا اقتصاد واشتغلوا في بنوك وبعدين تحولوا للتدريس

بس دام انتي حابة التدريس وعندج أمل انج بتتوظفين فان شالله بتلاقين الشغله اللي تبينها


ماركو

:bigsmile:

العصافير;9130260:

انزين اذا احنا مب مؤهلين يقولون لنا نروح ندرس من يديد مب كل سنه نعيد الامتحان واذا فينا شئ بعد يخبرونا علشان نعرف السبب

:up::up::up:

لحظه لحظه بس أبي أتاكد ...........

الحين الإعلان إلى نزل هالشهر ان مافي توظيف ابد !!!!!!!!!!!!!!!!!!!!!!!!! :×

هم بيوظفون من وبيخلون من؟؟ <<<< بتنطق الحين خخخخخخ

و المصرييييييين والاردنيييين ليش يعتبرونهم من داااخل الحسبة لو الوزاة اعتمدت على الكوادر البحرينية كان نصفهم متوظفييين و اعتقدانه تخصص تكنولوجيا تخصص عادي مش محتاج كفاءة على حد زعهم علشان يجيبون من الخارج علشان يدرسون مقررات تقانة و يخلون اولاد البلد ينقعون سنوات و هم احق بالوظيفة ، احنا اولا يتعلييم اولادنا و بناتنا و لو نقعد سنيييييييين في البيت ما بنتنازل عن حقنا و الساكت عن الحق شيطان اخرس و وزارة التربية من اكثر الوزارات فساااااااد

روحوا درسوا لكم شي ثاني ولا تقعدون طول عمركم تنتظرون الوزارة وتتحلطمون عليهم

اعتقد خمس سنوات درااسة في جامعة البحريين كفااية و المشكلة الاكبر مش مشكلة البطالة المشكلة ضياع مستقبل التعليم يعني مش بس حرمونا من وضايف التعليم في الوزارة جلبوا مدرسين من الخارج ما عندهم كفاءة و لا يعرفون يدرسون

الحزينة84;9134042:
اعتقد خمس سنوات درااسة في جامعة البحريين كفااية و المشكلة الاكبر مش مشكلة البطالة المشكلة ضياع مستقبل التعليم (n)يعني مش بس حرمونا من وضايف التعليم في الوزارة جلبوا مدرسين من الخارج ما عندهم كفاءة و لا يعرفون يدرسون

هذا اللي حاصل .. حتى المدرسين البحرينيين صايرين متكاسلين و متهاونين من تصرفات الوزاره و الضغط اللي يسوونه لهم من كثرة عدد ساعات التدريس اللي تصل ل22 ساعه اسبوعيا .. و كثرت المناهج .. والمسابقات و الدورات و المعارض و الاشياء التابعه للوزاره اللي لازم يسوونها وكله عشان يبينون انه التعليم فوق فوق و مزدهر و من هالضغوط و التعب اللي على المدرس ينعكس على الطالب اللي ما يحصل اهتمام كافي من المدرس ..


وزاره التربيه يبي ليها اعاده تأهيل و وضع نظم و تخطيطات جديده .. يبي ليها عقول جديده تضخ بالحياه و الفكر التعليمي الجديد ..


للاسف رغم تطور المناهج الا انه اصحاب المراكز في الوزاره هم من يحتاجون تطوير و صيانه لعقولهم ..

بناااات بأسألكم ....

في توظيف حق مال الفنون ؟؟؟ او لا ... لان سمعت انه في ناس بيوظفونهم تابع تخصص الفن...

إشاعة او لا

إلا صاير بعد بغير الموضوع بعد
في المدارس هالاجانب اللي يدرسون اعيالهم مع عيالنا
تعالو شفوا اللغة بس حتي اعيالنا اللي في الابتدائي راح تخترب لهجتهم

ولا عيالهم وصخين يبغون ( يسرقون )اليهال ويطوقنهم عمره ما صار ولا سمعنه يعني حتي صرنا نخاف على اعيالنا

من هالفوضي اللي صايرة

ليش جذي

البيان22;9142285:
بناااات بأسألكم ....

في توظيف حق مال الفنون ؟؟؟ او لا ... لان سمعت انه في ناس بيوظفونهم تابع تخصص الفن...

إشاعة او لا

ان شاء الله في توظيف للفنون .. و اكون من ضمنهم ..


من هني فنون بعد ؟؟

الموفق الله بنات
هالديرة هم هم ما يقدر عليه الا رب العباد
على العموم اتصلوا لي تمكين حق يوظفوني في مدرسة خاصة و طبعا بعد بكرة عندي مقابلة ادعوا لي يا بنات....الراتب زين و الأهم مو في الوزارة الحمد لله و الشكر كنت اتمناها الحين صرت احمد ربي و شكره انهم ما خذوني من الهواااايل اللي نسمعها ....

السلام عليكم خواتي

انا اول موضوع اكتبه اهني

لان عجبني هالمنتدى على الاقل الواحد يعرف شنو الاخبار عن الوزارة

لان مافي منتدى ثاني يتكلم عن وزارة التربية والتعليم واذا فيه خبروني:cool:

المهم مافي اخبار عن الوزارة يعني فيه تقديم طلبات حق انسجل ؟؟؟ او لا؟؟؟

واذا فيه اخبار خبرونا لان اجوف في الجرايد مافيه خبر

تعبنا واحنا ننتظر :(

الحمد لله على كل حال