معرض الخريف في البحرين

حبيبة عزوزي;8618248:
صورته والله خوش شي واتوقع ريحته حلوة وعليج بالعافيه حبيبتي

الترجيه;8618336:
عليج بالعافية اللؤلؤة السوادء

من وين العطر ؟ وبجم

وعلى شنو ريحته

الترجيه;8618429:
عارفه فديتج بس بأي محل !!

الماسية 2004;8618516:
خاطري أروح بس حسافة من كثر ما سمعت عنه مب زين غيرت رايي

الترجيه;8618628:
بنات ماشفتكم علقتوا ع العطورات اللي خذتها

وابدوا رايكم اذا جربتوا شي منهم

انا يوم رديت البيت جربتهم عجبوني بس شيخه احس يبي لها امزجها ويا عطر ثاني

وانصحكم اذا حصلتوا عطر تركواز ويا اللوشن ماله خذوه تراه وايد حلو

love q;8616515:
تتهنون بمشترياتكم ومشكور حبيبه عزوزي على الموضوع وايد استفدت منه
بس خساره كنت حاطه في بالي اروح المعرض مره ثانيه واشم عطر شيخه وعطر تايجر واشوف القاعه الثانيه لي تحسرت وماشفتها كلها يالله ان شا ءالله السنه الجايه الله يحينا ونشوفكم وتفتح حبيبه عزوزي موضوع من جديد ونجدد بس عاد عليكم تجهزون الفلوس مو كل وحده تصرخ وتقول افلاس ,,,,,,,,,, طولت عليكم واجد احب اهذر

nice2eyes;8617090:

حبيبة عزوزي

البوك الي شاريته ما شاء الله وايد حلو عليج بالعافيه (f)

الترجيه;8616948:
تقريري بشكل مبسط

اليوم طلعت من 2:30 ووصلت تقريبا 2:45 كان عندي بطايق مجانات بنت خالتي الله يزيها خير عطتني اياهم اليوم فماعانيت الحمدلله

طبعا وصلت وكان مافيه وايد والباركات شحلاتها نزلت ويا اختي ورحنه قعدنه وطبعا شفت انا الشوق فديتها تمينه ننطر لي 4:05 ليما الله فريها علينه متنه من الحر

طبعا دخلنه بعد الهجوم وعلى طول رحت حق المينوو يمي يميي خذت جيستين ب 4 دينار ويمه كان الحماد عاد شسويت يوم شريت من الحماد قلت له بقيت منك خدمه انسانيه هههه<<<< شوفوا البراءه قال شنوو قلت بخلي اغراضي عندك مسكين خلاهم

ببدي لكم بصوره جماعيه للغريضات
كوني اليوم يوم اروح موقصدي اخذ ثياب او شي رايحه بس للعطورات بس امي كانت موصيتني على جلابيه ماخذه منها مارحت له الا شايل قشها مفضي مابقى شي عنده للاسف

المهم هاي صوره الغريضات





هني صوره ثانيه من زاويه ثانيه



انزين مثل ماقلت بدايه هجوم ع المينوو خذت ثنين بعدين يوم باطلع قلت اللي خذتهم مولي حق عمتي خلني اخذ زوود وهاي الصوره



وطبعا رحت للحماد وكنت مسيفه اسامي العطورات عطوراته رهيبه بس ماستغريت الا على سديم من اول يوم عاجبتني فخذتها



وهني صوره ثانيه



وبعدها رحت للملكي ابي عطر شيخه الا مافي قالي بطلع لج راح ياب لي يبيها ب 6 قلت روح زين قال 5 قلت له يالله رفيجتي بس دفعت 4 قام جندس قال مافي مشكل ههههه
الله وكيلكم خذتها ولاشميت ريحتها على ذوقكم ههه



المهم بعدها شفت البحريني اللي يبيع تبع مصنع البحرين وذقت عنده لبنه بالزعتر يمي يمي لذيذه وجان اخذ وحده وسعرها 2.5



بعدها مريت وشفت هاللي تصوت حياكم حياكم بدينار الا 4 بستوق بدينار جان اخذ نوعين 4 شبسوي فيهم قلت باعطي بنات خالتي والا بيندثرون بغرفتي



وهاي بعد من محل ثاني شفت نسوان ياخذون منه وخذت واحد بدينارين نحلي



ومريت على الملكي من يديد وشميت عطر عجبني ريحته بخور يالله تينن ريحته خذته ب 5 كانه يازعم يبيه 6.5



ومريت على محل المبخره جان اتذكر وحده من البنات قالت عن عطر امتثال وصج عطر على مسمى شي ماله حل خذته اهو ويا عطر اسمه باقه يالله عجيب اثنينهم خذتهم 11 دينار



وهاي صوره لهم بدون علبهم



وبعد سلمكم الله رحت الفودري اسئل عن تايغر مخلص صادني احباط سالت عن مآذن قال مخلص انحبطت زود قلت له دبر لي ابي قال والله ماعندي قلت له ابي زود من معمول البيت قال مخلص بل بل بل قال ماخذتي من قبل قلت بله ماخذه 12 توله ماشاءلله هههههه قال خوش عيل شوفي لج شي ثاني تشمشمت في عطوره عجبني اصداف ويا عطر ماذكر اسمه ورسيت اخر شي على عطر تركواز فقررت اخذه ست كامل من لوشن ومخمريه وعطر وبودر قلت له عطني اياه ب 4 قال لا مايصرف بس باعطيج لوشن انتي تختارينه فاخترت اصداف وخذت بعد عطر ملاين سعره دينار وكان عليه عرض اي ثلاث عطور بنفس السايز ب 3 دينار جود انه صادني اكتفاء من اللي خذته هههه



وهني صوره جماعيه لكل العطور



وبعدها رحت اشوف شرشف حق امي وايد عجبني خفيف بدينارين قبل النحيس ماخذه منه 5 ولاتنازل عن 2.5 واليوم يقولي بس مدام 2 دينار قلت هاته يعلك وحدي مقهوره منه



وهاي صوره الخاتم خذته ب 4 دينار مومتنازل بس لانه عاجبني ماحبيت اكسر بخاطري




واخر شي هاي صوري اللي سويتهم وحده بستاند والثانيه بسلسله وتكمل علي ب 4.5 هاي سويتهم يوم السبت بس توني اليوم شايفتهم



تعبت وانا احمل الصور وفديتها رفيجتي واختها ساعدوني بتظليل الصور الله يزيهم خير

واتمنى مشترياتي تحوز اعجابكم

وان شاءلله الله يعطينه عمر ونشوف مشترياتكم داير

nice2eyes;8617179:

_ الترجيه _

ما شاء الله مشترياتج رووووعه وهالصوره عذبتني اموت على العطورات تتهنين فيهم وعليج بالعافيه

اللؤلؤه السوداء;8618652:
عليج بالعاافيه وتتهنين فيهم ياارب
اشكاالهم حلوووه

حبيبة عزوزي;8619138:

تقريرج ماعليه كلام خوش تقرير من التقارير المميزة بصراحه وتتهنيين بالمشتريات عجبوني والله وعرض الفودري حسافه ما شفته والخاتم عجبني والاستاند الي فيه الصورة عجيب شكلي بسوي بالبحرين بس بكم يسونه؟ وتتهنيين بالمشتريات

عاشقة Y;8620139:
بنات في احد سمع ان المعرض بيمددونه الى الجمعة والسبت