السلام عليكم ورحمة الله وبركاته ،،
بآآك رجعنا :poster_dev:
اليوم آخر يوم بالمعرض بعد ما شبعنا هياتة :cool:
نرد للمشتريات بصراحة هالشهر وايد فيه صرف (n)
بس يلا علينا بالعافية ،، المهم بنزل مشترياتي كلها تقريبا ً لان يمكن أنسى شي
/
شريت بوك سعره الاصلي 5 دنانير بعد المكاسر صار 3 دينار (a)
زيت زيتون غرشة كبيرة بـ 5 دنانير من عند واحد سوري بالصالة الثانية اول ما ندخل على اليسار ماركة غيداء ،،
من صبايا ... مغذي وفيتامين و رش قبل الاستشوار
المغذي دينار ونص
الفيتامين دينار ونص
الرش دينارين
و تاج (a)
ذهبي بفصوص فضية سعره دينار
/
شريت اسوارة فضية فيها كرستالات بس صج أنيقة باللبس شغل عدل :thumbs:من عند سوري
سعرها الاصلي 5 دينار بعد المكاسر 3 دينار بس تستاهل
وشريت ساعة من عند واحد كوري اعجبتني وخذيتها سعرها دينار بس سألت أمي حطت عليها 5 :cool:
المكياج رديت شريت قلوسات 2 واحد شفاف والثاني أحمر بس لمعتهم حلوة
وشريت 3 علب شدو كل علبة لونين اللون كريمي بس ناعم والله :21_195:
لون بنفسجي واسود
أبيض و رمادي
ذهبي وأخضر
وشريت علبتين مناكير - صبغ أظافر - أحمر غامق وأصفر
وصورتهم مع اللون اللي اخذته من قبل بس صج اللون حلو بالأظافر :21_11:
شريت فرش بس ما صورتهم :dontknow:
/
ليفة مغربية من عند وحدة لبنانية بس عايشة بعُمان
السعر دينار
بودرة تايحر السعر دينار
وأخيرا ً عود غرايب من عطورات الحماد بس عود شغل عدل انا ياتني هدية ربع تولة
قبل 4 سنين وتهبلت ع الريحة :21_149: وخشيت الغرشة ما خليت مكان ما دورتها لين حصلتها
عند الحماد شريت نص تولة سعرها 7 دنانير
طبعا ً مسحة وحدة او 2 كفاية ان الريحة تنتشر :poster_vt:
حتى وريت صاحب المحل الغرشة قعد يشممها الزباين يقول لهم شوفو من 4 سنين
خخخخخخخخخخخخخخخخخخ بس صج الريحة تستاهل (y)
/
فيه أشياء ثانية
بس ما صورتهم وبعضهم ناسيتهم وبعضهم ما ادري وين حطيته
بقول الاشياء اللي ما اعجبتني ،،
فراشات ما شريت لاني شارية واحد من ذيك السنة وما استخدمته وفراشات ذيك السنة احلى :sa23:
ملابس ما اعجبوني كلهم كجرة هالسنة يمكن بس ملابس المتزوجات وهالسوالف :21_195:
الاكسسوار بشكل عام مو مثل ذيك السنة يعني 20 % بس فيه حلو واللي يدقق عدل يشوف
الاكل مثل كل سنة واشياء اليانيين مثل كل سنة :sm229:
قلة الادب في بعض البياعين وخصوصا ً السوريين ما يمديك تسأل سؤال قلبها مغازل وتقطط حجي :mad_argue:
الشنط مو ذاك الزود ما شريت والنعل بعد ما شريت لان برة أحلى وأرخص :21_30:
بعض الصور تاريخها قبل جم يوم لاني أشتري وأصور بس ما أنزل أول بأول
لاني ما اقعد ع النت وايد ،،
البنت اللي سألتني عن الخمرية من محل اسمه المبخرة للعطور
الخمرية على ما اتوقع اسمها شيخة انتي اذا حبيتي تروحين تشوفين
شمي واختاري على ذوقج كلهم حلوين
عندهم محل في جد علي وهذا الكرت مالهم
وينعاد عليكم كل سنة وكل باالخير والصحة
وكل وحدة شرت عليها بالعافية
ومشكورة صاحبة الموضوع وكل اللي شاركوا و :wavey:
فمان الله (f)