تجمع بنات مصر فى ركن العناية بالشعر الجزء (4)

على فكرة يا كوكي
انتي ظالمة الدكتورة اوي؟؟
انتي اول واحدا تقول عليها الكلام دا؟ شكلك انتي مافهمتيش هيا قالتلك ايه من خوفك بس
انا قعدت اتعالج عندها ست شهور وشفت الاف من البنات معايا بيتعالجوا وكلهم بقوا زي الفل!!
ولحد دلوقتي انا بكلم بنات منهم وبقينا اصحاب والحمدله شعرنا لسه كويس اوي وما باظش ومشينا زي ما الدكتورة قالت
عموما انا رايحالها قريب
ها اطبعلها الكلام اللي انتي كاتباه دا على ورقة واديهولها واسالها عليه
اكيد فيه حاجا غلط و ها ابقى اجي اقولكم الرد يا بنات:)
عشان حرام نتجنى على حد كويس وعنده ذمة فعلا
دا انا ما صدقتتتتتتتتتتتت لقيت دكتورة شاطرة بعد ما لفيت على امة محمد:ss:

لو سمحتوا يا بنات انا اشتريت الابيض من كازانوفا بس مش عارفة ليه مش واثقة انه الاصلى لو حد يعرف ازاى اميز الاصلى؟ انا شاكة ان العبوة اعيدت تعبئتها .ومخدش بالى وانا بفتحها عملت صوت ولا لأ. انا عاوزة لو سمحتوا اعرف ازاى اميز الكريم نفسه مش العبوة . يعنى ريحته او ملمسه او اى حاجة . اصلى حاسة انه فيه شوائب هى بسيطة بس مش عارفة لو حد يساعدنى ..جزاكن الله خير.....

انا عندى الابيض برضوا بس مش فاهمه شوائب ازاى يعنى
هو الكريم لونه ابيض زى الكريم العادى كده بيبقى صافى مافيهوش اى حاجة نفس كريم الوش يعنى وبتحسيه خفيف مش تقيل ولادهنى ورحته برضوا حلوة يعنى انا اول ماجبته كنت حساه بتاع وش مش شعر
طيب انتى جبتيه بكام هو سعره من 12 ل17 على حسب المكان اللى بتشتريه منه

على فكره يابنات فى دكاتره برده هوايتها التاليف بجد انا مش بشكك فيها بس بجد التكاليف دى كلها حرام استمرى يا كووكى فى الاستشاره وشوفى اخرتها ايه
انا رحت من فتره لدكتور جلدى وكان قروبه اوى تحسى انهم مش بيعرفوا يعالجوا غير الحاجت اللى باينه او باينه انما شعر او حب شباب او خطوط كلام من دا بيقعدوا يرصوا ادويه
والله الدكتور دا رص لى بحوالى 80 جنيه حاجات وجبتها كلها واخدتها ومفيش فايده ولا ا ى حاجه
كمان كتبلى على حاجه اسمها ريهير بعد كدا قريت فى المنتدى بخاخ كدا شبه الكولونيا لونه اصفر ان فيه ماده اسمها مينو حاجه بعد ما توقفى استخدام الاسبراى يقع الشعر تانى وهى اساسا ماده خطيره
علشان كدا تلات اربع شغل الدكاتره تجارى وبيبقوا مضبطين مع بتوع شركات الدعايه
فبيكتوا لهم الادويه اللى شغالين عليها
نادر لما تلاقوا دكتور بيكتب حاجه علشان عارف ان لها فايده وهتعالج حاجه معينه فى شعرك
علشان كدا اتكلى على الله واستمرى فى البرنامج بتاع البنات والله المستعان

كزانوفا انا بقى جبته ب 19.50 :D
بس حساه نضيف
شوفى انتى جبتيه منين
انا اسمع عن ماركت اسمه المحمل ف القاهره
البنات بيقولوا حاجاته مضروبه
وبعدين شوفى الكلام اللى عليه شكله نضيف كده ومنسق
ولا اى كلام اصله بيبان من شكل العلبه كمان

شوفي وقوليلنا

بت يا مارو وحشتيني وربنا :D

كوكى نوتى ربنا معاكى يا اختى والله ...

انا سمعت البنات بيحكوا كتير عن الحنة انها بتنشف الشعر بس انا بعملها عادى مش بتنشفه ولا حاجة عادى يعنى انا بعجنها بذبادى ومجموعة زيوت بس مش كتير طبعا وكمان معاهم دم الغزال صحيح انه بيخلى لون الحنة احمر قانى بس فايدته رهيبة انا مش عارفة ليه مش بتتكلموا عنه فى المنتدى انا قريت عنه فى مجلة دكتور طبعا بيتكلم وقال انه من فايدته بيسموه (حياة الشعر او روح الشعر) بس دم الغزال الاصلى من عطار ممتاز طبعا لان العطارين بيفكروا ان دم الغزال دة بيستخدم فى الصبغ بس وعشان كدة ممكن يديكى اى لون احمر لو عطار بيفهم هيديكى دم الغزال الاصلى وحطيه فى الحنة وعلى ضمانتى مش هينشف شعرك يعنى هيبقى عادى كانك غسلاه عادى مش هتحسى ان شعرك ناشف كالعادة مع الحنة وبالتوفيق ان شاء الله.....

اول مرة اعرف انه له فايده غير اللون
بس انا مش عايزة اغير لون شعرى :(
انا عملتها مرة بطريقة ستايسي بجد كانت جمييييلة
عجبتنها ببيضه + علبة زبادي + معلقه قشطه + معلقه سمنه + عسل
وسبتها تخمر لتانى يوم
بجد جمييييييييلة

cico;8333297:
كزانوفا انا بقى جبته ب 19.50 :D
بس حساه نضيف
شوفى انتى جبتيه منين
انا اسمع عن ماركت اسمه المحمل ف القاهره
البنات بيقولوا حاجاته مضروبه
وبعدين شوفى الكلام اللى عليه شكله نضيف كده ومنسق
ولا اى كلام اصله بيبان من شكل العلبه كمان

شوفي وقوليلنا

بت يا مارو وحشتيني وربنا :D

وانتى كمان وحشتينى موت موت
بس ضحكوا عليكى انا جبته ب12ونص من محل اروبه حاجته دايما جامده وتحسى بيبيع بسعر الجمله وكنت بشوفوا هو هو ب17 قوم تجيبه ب19 يالا بقى كفايه احسرك اكتر من كده:tongue:

buuuuum;8333318:
كوكى نوتى ربنا معاكى يا اختى والله ...

انا سمعت البنات بيحكوا كتير عن الحنة انها بتنشف الشعر بس انا بعملها عادى مش بتنشفه ولا حاجة عادى يعنى انا بعجنها بذبادى ومجموعة زيوت بس مش كتير طبعا وكمان معاهم دم الغزال صحيح انه بيخلى لون الحنة احمر قانى بس فايدته رهيبة انا مش عارفة ليه مش بتتكلموا عنه فى المنتدى انا قريت عنه فى مجلة دكتور طبعا بيتكلم وقال انه من فايدته بيسموه (حياة الشعر او روح الشعر) بس دم الغزال الاصلى من عطار ممتاز طبعا لان العطارين بيفكروا ان دم الغزال دة بيستخدم فى الصبغ بس وعشان كدة ممكن يديكى اى لون احمر لو عطار بيفهم هيديكى دم الغزال الاصلى وحطيه فى الحنة وعلى ضمانتى مش هينشف شعرك يعنى هيبقى عادى كانك غسلاه عادى مش هتحسى ان شعرك ناشف كالعادة مع الحنة وبالتوفيق ان شاء الله.....

طيب هو فايدة دم الغزال ايه مفهمتش

cico;8333297:

اول مرة اعرف انه له فايده غير اللون
بس انا مش عايزة اغير لون شعرى :(
انا عملتها مرة بطريقة ستايسي بجد كانت جمييييلة
عجبتنها ببيضه + علبة زبادي + معلقه قشطه + معلقه سمنه + عسل
وسبتها تخمر لتانى يوم
بجد جمييييييييلة

طيب يعنى مابتنشفش الشعر انا هموت واجربها بس اصلا ولا بطيق ريحتها ولا شكلها ولا لما بتتغسل من الشعر ههههههههههههه مش بقولك هموت واجربها
بس سمنه مش صعبه شويه
وبعدين يعنى اعملها ولا لا خايفة اجربها تنشفه ولا يخشن وماصدقت النخاع عمل حاجة
واحط عليها زيوت ولا زبادى وبيض وسمنة كيكو

cico;8333373:
اول مرة اعرف انه له فايده غير اللون
بس انا مش عايزة اغير لون شعرى :(
انا عملتها مرة بطريقة ستايسي بجد كانت جمييييلة
عجبتنها ببيضه + علبة زبادي + معلقه قشطه + معلقه سمنه + عسل
وسبتها تخمر لتانى يوم
بجد جمييييييييلة

هي الطريقة دي فعلا مش بتلون الشعر؟

اصل انا برده مش عاوزة اغير لون شعري

sokarbanat;8334642:
هي الطريقة دي فعلا مش بتلون الشعر؟

اصل انا برده مش عاوزة اغير لون شعري

Stacy;8334693:

ايوة حبيبتى بس اعمليها بالظبط زى ما انا كتبا الطريقة فى الموضوع

و دى الرابط

http://www.3roos.com/forums/t246289.html

تسلمي يا حبيبتي ان شاء الله هجربها قريب

وعلشان مش ابقى مخالفة :D
جربوا يا بنات تشطفوا شعركوا بميه ولمون بيدي لمعة حلوة للشعر
او بميه بابونج بتدي لون جميل للشعر

بنات
كان فى بنوته هنا قالت على شامبو كده من نفس الشركه اللى بتعمل كريمات mink
عموما الشركه اسمها Reedy
المهم جبتهم من مركاتو انهارضه
ده الشامبو بالفواكه ..ريحته حلوه وساب شعري طري اوي لدرجه اني قلت هاحط بلسم ليه :)



وده البلسم ..مش معقولللل بجد انا جبت اللى بالفراوله ..ريحته فايحه فى شعري اوي ..وملمس شعري طري جدا الحمد لله :)


بجد بجد جزاكي الله خيرا ياللى قلتي عالشامبو والبلسم وتقريبا على مااذكر هي مياده 2006


اه صحيح
نسيت
نصيحه لوجه الله


الشامبو البشع ده اسوأ شامبو شفته فى حياتي
وقعلى شعري قبل كده بالهبل ومكنتش عارفه شعري بيقع من ايه ..ماما استخدمته شعرها وقع فاتاكدلي انه هو
قد ازعر من انذر :D

sokarbanat;8323147:
انا مش عارفة ليه كل كريمات التصفيف اللي بجيبها بتعملي قشرة :(


يا بنات صحيح قبل ماانسى انا عاوزة زيت زيتون حلو ونضيف
وهو صحيح زيت الزيتون بتاع الاكل ممكن استعمله لشعري؟؟؟؟
اصلي لقيت النهارده في السوبر ماركت زيت زيتون اول عصرة عالبارد ب15 جنيه والازازه كبيرة ده حلو ولا ايه
اصل اللي اعرفه ان زيت الزيتون غالي

وكان ليا سؤال تاني معلش هو حد جرب زيت عافيه على شعرة؟ اصل قيه بنات بتقول انه زيت درة اصلي وللشعر حلو

معلش طولت عليكوا بس اعمل ايه عاوزة انقذ شعري :)

رخيص اوى زيت الزيتون ده انا ماعرفش انك ينفع تستخدمى بتاع الاكل على شعرك ولا لا
بس لو ينفع يبقى انضف واحسن نوع الاسباااااااااانى

momonon;8323675:
هااااى يا احلى بنات





انا بصراحه متطفله عليكوا ودخيله

لانى اول مره ادخل القسم ده







بس انا عندى سؤال............






فى حد جرب حنة الفرد الى بتخلى الشعر اسود وتفرده؟؟؟؟؟؟؟؟؟؟؟؟؟




لو حد جربها يقولى تجربته......وعملها فين........وكل التفاصيل............






وحد جرب الكيراتين؟؟؟؟؟؟؟؟؟؟



وممكن تقولولى سعره كام؟؟؟؟؟؟؟؟؟؟؟؟؟؟؟؟؟؟؟



طبعا انا رغايه:D

الحنة الفرد دمااااااااااااااااااااااااار عملتها من 8 سنين تقريبا وكنت طفلة فى مقتبل العمر :(
وشعرى كله طلع فى ايد الست من كتر الشد وقعدت اعيط واصوت ولميت الشارع كله عليها ههههههههههههههه عيلة بقة
و بعد ماطول بسنة تقريبا لون شعرك الاصل هيبقى مختلف تمام ونهاية شعرك كل اللى هيشوفك هيقولك انتى لابسة شعر مستعار بروكة ياعنى اصلى سمعت من ده كتير ههههههههههههههههه

بجد يا بنات انا عندي سؤال مهم جدا
هوا ميييييييييييين اللي قال ان الزيت بيطول الشعر؟
يعني بناء على ايه احنا هاريين نفسنا زييت كل شوية؟
انا عملت سيرش على النت عشان اعرف احنا ليه بنعمل كدا فعلا مافيش ولا موقع علمي بيقول انه بيطول او ينبت الشعر!!!
كله بيقول انه مرطب للشعر وبس
والباقي كلام صاحبات مع بعض والسلام اللي بتقول ينبت واللي بتقول يطول و اللي نفس الزيت اللي بيطول شعر واحدا وقع شعر التانية!؟؟
انا كل مرة استعمل زيت شعري يبوظ فيها
الله امال احنا ليه بنعمل في شعرنا كدا؟ "افترى":rolleyes:
حد يعرف ليه احنا طول الوقت بنستعمل الزيت ؟؟:ss:

Didem;8335164:
بنات
كان فى بنوته هنا قالت على شامبو كده من نفس الشركه اللى بتعمل كريمات mink
عموما الشركه اسمها Reedy
المهم جبتهم من مركاتو انهارضه
ده الشامبو بالفواكه ..ريحته حلوه وساب شعري طري اوي لدرجه اني قلت هاحط بلسم ليه :)



وده البلسم ..مش معقولللل بجد انا جبت اللى بالفراوله ..ريحته فايحه فى شعري اوي ..وملمس شعري طري جدا الحمد لله :)


بجد بجد جزاكي الله خيرا ياللى قلتي عالشامبو والبلسم وتقريبا على مااذكر هي مياده 2006


اه صحيح
نسيت
نصيحه لوجه الله


الشامبو البشع ده اسوأ شامبو شفته فى حياتي
وقعلى شعري قبل كده بالهبل ومكنتش عارفه شعري بيقع من ايه ..ماما استخدمته شعرها وقع فاتاكدلي انه هو
قد ازعر من انذر :D

ديدم يا جميلة
الصورة مش باينه ارفعيها او قولى الاسامى بقى وكمان الاسعار معلش

maro18;8335526:
ديدم يا جميلة
الصورة مش باينه ارفعيها او قولى الاسامى بقى وكمان الاسعار معلش

معقوله مش باينه؟
ما علينا
الشامبو اسمه هير كير انا جبت اللى بالفواكه كان فى نوع تاني للشعر الدهني بجوز الهند
ب7 جنيه

البلسم اسمه برضه هير كير :D ب9 ونص وانا جبت اللى بالفراوله
كان فى بلخوخ للشعر العادي وبالنخاع وبجنين القمح

الشامبو بقى الوحش اوي اوي اللى يارب ماحد يشتريه ابدا ابدا
هو لونا
بششششششششششع اوي ربنا يهده

ازيكوا ياحلوين اخباركوا ايه
بقلكم ايه بقى عاوزة اعرف اجيب منين الموس اللى بيخلى الشعر كيرلى انا مجربتوش قبل كده وعايزة اجربه انا بستخدم كريم صانسيلك الاورنج وهو حلو بس عاوزة اجرب الموس فهل الاقيه فين فى محلات اللى بتبيع مياكب واللى فى الصيدليات ولا عند اللى بيبعوا منتجات للشعر وهو فى نوع معين منه وهو اسمه الموس بس ولا ليه اسم تانى وياريت اللى عنده صورة ليه يوريهالى
وميرسى للى هترد عليا مقدما ويارب اللى ترد عليا تتجوز عاجلا يارب يارب يارب

Didem;8335547:
معقوله مش باينه؟
ما علينا
الشامبو اسمه هير كير انا جبت اللى بالفواكه كان فى نوع تاني للشعر الدهني بجوز الهند
ب7 جنيه

البلسم اسمه برضه هير كير :D ب9 ونص وانا جبت اللى بالفراوله
كان فى بلخوخ للشعر العادي وبالنخاع وبجنين القمح

الشامبو بقى الوحش اوي اوي اللى يارب ماحد يشتريه ابدا ابدا
هو لونا
بششششششششششع اوي ربنا يهده

اه وربنا مش باينه
البلسم بقى اجيبه؟ على ضمانتك اصل كنت لسه بفكر اجيب بلسم اصلى مابستخدموش بس اشمعنى جبتى اللى بالفراوله مش المفروض يعنى النخاع او جنين القمح هيفيد اكتر معلش اصلى حشريه وبحب افهم:o
كمان هو يعنى بيتحط بعد الشامبو طبعا بس قبل حمام الكريم ولا بعد ولا ماينفعوش مع بعض