Didem;8323729:
زيت الزيتون ده رخيص اوي
انا مستغربه من سعره لانك بتقولي ازازه كبيره
بالسعر ده المفروض تبقى ازازه 100 مللى مثلا
وهو بتاع الاكل ممكن تستعمليه لشعرك بدون قلق بس هاتي حاجه نضيفه
زيت عافيه بيطري الشعر اوي
حلو انا مجرباه كحمام زيت
sokarbanat;8323790:
انا برده استرخصته اوي وخوفت اجيبه بس الصراحة السوبر ماركت كان عنده كذا نوع والانواع كلها رخيصه
يا ريت يا بنات لو حد يعرف تاني يقولي؟؟؟؟؟؟؟؟؟؟؟
Didem;8323816:
طب ممكن تبقى تقوليلى اسمه ايه؟
اسم المعصره او الشركه
واذا كان مكتوب عليه
زيت زيتون بكر ممتاز
extra virgin olive oil
sokarbanat;8323860:
لأ الصراحة معرفش اسم الشركة يا قمر لو روحت تاني هقولك
بس اللي خدت بالي منه فعلا انه كان مكتوب عليه زيت زيتون بكر ممتاز وفيه زجاجات تانيه كان مكتوب عليها عصرة اولي على البارد
بس الاسعار بتختلف يعني لقيت واحد مكتوب عليه عصرة اولي عالبارد ب15 وفيه ب17
الصراحة اغلى ازازة كانت بحاجة وعشرين
ان شاء الله لو روحت قريب هحاول اصور كده اي نوع في الخباثة :D
momonon;8323675:
هااااى يا احلى بنات
انا بصراحه متطفله عليكوا ودخيله
لانى اول مره ادخل القسم ده
بس انا عندى سؤال............
فى حد جرب حنة الفرد الى بتخلى الشعر اسود وتفرده؟؟؟؟؟؟؟؟؟؟؟؟؟
لو حد جربها يقولى تجربته......وعملها فين........وكل التفاصيل............
وحد جرب الكيراتين؟؟؟؟؟؟؟؟؟؟
وممكن تقولولى سعره كام؟؟؟؟؟؟؟؟؟؟؟؟؟؟؟؟؟؟؟
طبعا انا رغايه:D
maro18;8317476:
لو جربتى البيض بقى اوعى تحطى عليه مايه سخنه لحسن هيستوى وتجيبى بقى عيش وتغمسى:tongue:
كنتى سالتى على النخاع اخباره ايه بس الحمد لله تمام انا حطيت معاه زيت زيتون وعملته ونمت بيه وتانى يوم غسلته شعرى الحمد لله بيلمع وطرى مش ناشف يمكن هايش شويه بس ده العادى
كنت عايزة اعرف بقى الاملج ده انا جبته وهخليه جنبى يعنى اعدت اذن على اخويا عشان يجيبه ليا وجابه ولا عملت بيه حاجة:o
ايه رايك نخترع فيه يا كيكو يعنى نعمله لسيون ونشوف(i)
كوكى نوتى;8327303:
بجد يا بنات انا مبسوطة اوى انكوا مهتمين بكلامى وبتردوا علية انا رايحة للدكتورة بكرة عشان الاستشارة واما اشوف لمل اقولها انى مش هقحن هتقولى ايه يمكن تقولى حاجة تفدنى وبجد متشكرة ليكوا اوى
Didem;8323869:
هههههههههه ماشي ياعم الخباثه
بس عامه كده مفيش مشاكل مادام بكر ممتاز
وميغركيش شكل الازازه
عشان ساعات بتبقى التعبئه حلوه والزيت مهبب
ابقى برضو بصى فى اخر الازازه من تحت ورجي بالراحه شوفى كده فى رواسب؟
لو لقيتي مفيش رواسب هاتيها واتوكلي على الله
Isis;8327181:
ازيك يا مارو , عامله ايه (f)(f)
مبروك يا جميله على النخاع و ان شاء الله شعرك يتقل و يبقى حلو
انا عاوزه اقولك ان البيض مبيستويش في الشعر خالص ... انا عملت ماسك صفار البيض او المايونييز اكتر من مره ... وانا اصلا بستحمى بميه سخنه صيف و شتا و عمره ما استوى في شعري الحمد لله (a)(a)
انا عملت في شعري كل حاجه ممكن تتعمل و قاسيت كتير فالغسيل لدرجه اني دلوقتي مش طايقه اسرحه اصلا:(:( ... بس عمرها ما وصلت للسوا:rolleyes::rolleyes:
غير بقى لو حطينا ميا مغليه(6)(6) وده مستحيل لاننا عمرنا ما نستحملها
انتي عملتي ايه بالظبط خلى البيض يستوي ؟ :eek::eek:
maro18;8329491:
الله يسلمك يا قمر
انا مش فاكرة اوى ده كان من قديم الازل يجى اكتر من 6سنين
بس من ساعتها وبخاف من سيرة البيض
كيكو لو جربتى الزبادى قوليلى عملت ايه معاكى
كمان بجد انا لما استخدمت كبسولات هيرتون بجد حسيت ان التساقط قل انا بقالى 10 ايام باخد كل يوم واحدة بس انا قولت اقولكم عشان لو حد كان بيفكر فيها ولا حاجة
Didem;8329686:
انا بخلص فى تاني شريط فى علبه هيرتون
وبصراحه احسن من بانتوجار ميت مره
maro18;8329753:
انا لسه هبدا فى الشريط التانى
طيب يا ديدم انتى هتستمرى عليه لفترة اد ايه انا جبته لما الدكتور الصيدلى قالى عليه وبعدين لقيتكم هنا بتشكروا فيه بس مش عارفه هاخده لحد امتى
انا بصراحه مجربتش بنتوجار اصلا
Didem;8329802:
انا ناويه باذن الله اخلص 3 علب
دي اول علبه ليا ومفعوله بان من اول شريط
مش بانتوجار العار خلصت اربع علب فى 4 شهور ولا عمل حاجه غير انه طلعلى شعر فى جسمي منه لله :mad:
كوكى نوتى;8312457:
انا جيت يابنات عشان اكملكوا الماساة اللى انا فيها وعلى الله ميبقاش فى ماساة تانية عشان انا بكتبلكوا من الشغل عشان النت عندى بايظ وبصراحة انا هموت واكملكوا عشان تهونوا عليةه يارب متئفش المهم بعد موضوع القشرة قعدت تقولى ان فى خلال سنه الموضوع هيكبر وهيبقى صعب السيطرة عليه بمعنى اصح هبقى قرعةوقعدت تقول كلام كتتتتتتتتير وملقتش فيه اى حاجة تفرحنى وبالنسبة للعلاج اول حاجة ابتدت بيها القشرة قالتلى انتى بتستعملى شامبو ايه قولتلهل حاليا بستعمل شامبو كلير بس مش حاسة باى تحسن وشعرى نشف اوى قالتلى هو طبيعى ان شامبو القشرة ينشف الشعر بس بنسب قولتلها انا حسيت انه مش كويس قالتلى لا شامبو كلير كويس اوى بس استعمال الناس ليه هو اللى غلط الاستعمال الصح انك الاول تبلى شعرك بعد كدة تحطى الشامبو على فروة راسك بس متجيبيهوش على شعرك على قد متقدرى وتفركى باطراف صوابعك مش بضوافرك فى الفرروة وتسيبيه حوالى خمس دقائق لغاية متحسى ان فروة راسك ابتدت تلسعك تروحى غسلاه وبعدين اهم حاجة بعد كدة انك تجيبى شامبو فركتوز اللى قولتلكوا علية تغسلى بيه شعرك ومتجيبيهوش على الفلروة خالص يعنى كلير للفروة وفركتوز للشعر وبكدا تبقى بتعالجى القشرة وفى نفس الوقت شعرك مش بينشف اوى المهم ان بعد كدة طول العلاج متحطيش على شعرك اى كريمات او اى حاجة وقالتلى انها هتدينى تركيبة عشان القشرة احطها وقالتلى حاولى انا تكوى الطرح والبندانات وكمان اكياس المخدة فترة العلاج والشامبو يتعمل 2 فى الاسبوع ده اولا نيجى للتقيل شعرك ملوش اى علاج الا الميزوثربى ده كلامها قولت جميل وورتنى صور لناس قبل وبعد وبصراحة مشفتش فرق كبير اوى يعنى ميجيش على تكلفتة اللى انا لسه هصدمكوا بيها قالتلى هنبتدى باربع جلاسات جميل وبعد كده نشوف الاستجابة ونكمل لمدة 6 شهور ومعدل الجلاسات جلسة كل اسبوع سالتها هو الجلسات دى بس عشان وقوع الشعر وشعرى مش هيرجع ناعم وكويس زى زمان قالتلى بعد الجلسات متخلص نشوف الموضوع ده ابقى اديكى حاجات عشان ترجعه كويس عارفين امتى بعد سنة اه سنه هى قالتلى كدة التحسن فى ال6 شهور هيكون فى نسبة سقوط الشعر يا جماعة انا شعرى مش وحش اوى كدة ومش محتاج كل الفيلم اللى هى عملته قولتلها الميزو ده ملهوش اضرار عشان يعنى بيتحقن فى الراس قالتلى لا دى فيتامينات بدل متخديها ببقك تخديها فى راسك المهم وقالتلى اعمل تحليلين كدة ضرورى وكتبتلى على فيتامين بنتوجار وعلى فكرة سالتها المصرى ولا المستورد قالتلى لالا المصرى عادى كويس اوى وكتبتلى على حقن تتاخد فى العضل مش عارفة كده قالتلى هتحفز الفروة او حاجة كدة مفهمتهاش وطبعا الشامبو اللى هو فركتوز المهم قالتلى اشوفك الاسبوع الجاى ولو عايزة تبتدى الجلسات من انهردة انا تحت امرك واتفضلى عند استاذ مصطفى هيفهمك على كل حاجة المهم خرجت من عندها واصلا كان عندى اذبهلال وكان خطيبى واقف مستنينى برة اول مشفنى قالى انتى وشك عامل كدة ليه هى كلنت بتعذبك جوه ولا ايه المهم رحت دخلت عند سى مصطفى لاقيته بيستقبلنى بابتسامه عريضة وشويه شويه هيقوم يشلنى من على الارض قعدت وقالى ان الدكتولرة محددالك 4 جلسات ميزو قولتلو لا دى قالتلى لمدة 6 شهور قالى لا 4 جلاسات بس المهم قالى الجلسة بكام 400 جنية فى 4 جلسات1600 جنية لو هتدفعى المبلغ كله هنعملك خصم ويبقى 1500 تحبى تحجزى لدلوقتى او للااسبوع الجاى قلتلة لا هشوف واقولك قفل وشه وقالى بس اتصلى احجزى من قبلها وقمت روحت بصوا انا كنت عاملة حسابى ان الجلسةكبيرها 200 جنية وكمان يا جماعة كل واحد فينا بيبقى حاسس بشعرة يعنى انا ممكن علاج ياخد وقت شوية شعرى يبقى كويس خصوصا ان شعرى طبيعتة خفيف يعنى عمرة مهيبقى تقيل لان دى طبيعتة يعنى عارفين هدفع كام لمجرد ان شعرى ميقعش حسبتاها فى ال6 شهور تطلع 9600 بالذمة ده اسمه ايه ويا عالم هيقع تانى ولا لا وكمانعارفين الحقن اللى كتبتهالى بكام ب140 جنية وهخدها لمدة 6 اسابيع يعنى 840 جنية وممكن تكررها كتير غير الفيتامين غير التركيبات اللى هشتريها من عندها اللى الله اعلم بكام بذمتكوا مش حقى اكتئب اصلا بابا وماما وخطيبى اول مسمعوا ان الحقن بتتاخد فى الراس مش عايزه اقولكوا قالوا ايه المهم انا طولت عليكوا اوى بس بجد انا حكتلكوا كده عشان تستفيدوا وكمان افك معاكوا شوية المهم انا رايحلها كمان يومين عشان الاستشارة وهسالها على اى حلول تانية حتى لو هتاخد وقت اكتر وحتى لو غالية مش هتوصل لدرجة الميزو وكمان اشوف التحليل فى اية واجيب من عندها تركيبة القشرة ادعولى يا بنات واوعوا تنسونى المرة دى كمان لحسن هزعل منكوا اوى
السلام عليكم
بنات انا مش موظبه في القسم دا
بس ان شاء اله تفيدوني
كنت عاوزه اسال علي البلسم اللي بيفضل جوه الشعر اللي تعرفه ياريت تقولي
و اللي موجود في السوف ماركته ايه وسهره وهو كويس فعلا للشعر.؟
Shaimaa22a;8325674:
علي فكره انا جربت حنة الفرد السودا وانا الي عملتها بنفسي بنفس الطريقه الي كاتبينها علي الورقه بتاعتها
انا اصلا شعري ناعم بس كيرلي لما عملتها طبعا بقي اسود ليل وبقي مفرود بس انا لما عملتها زودت الاهتمام بشعري اوي يعني حمام زيت كل 3 ايام وكمان عملت حمام كريم بويبوينت بالنخاع كل اسبوع ولوسيون يومي
والحمد لله شعري كان معاها كويس اوي وفضل فتره طويله حلو جدا ومش محتاج للسشوار او اي حاجه تانيه
هي بتضر اكيد بس مع الاهتمام بيه والعنايه المتواصله اضرارها بتبقي زي السشوار او الفير
علي فكره انا لما جبتها كانت مكتوب عليها انها بتتعجن بلبن رايب وتتعمل 3 مرات علي 3 اسابيع متواصله بس انا عشان اخفف الضرر علي شعري عملتها كل شهر مره وبعد كده كل اول صيف وبقية السنه عنايه بالشعر
اتمني اكون افدتك
Didem;8323750:
حنه الفرد السودا هتلاقى شعرك اول 6 شهور تحفه ووهمي
بعد كده هتلاقى شعرك عالمخده متكسر ولا كانه قصاقيص ورق ناشف كده
والله هتعيطي عليه فوفري على نفسك وجع القلب
الكيراتين معرفش لاني مجربتش ..بس هو غالي
يعني بيبتدي من 1500 وحسب طول شعرك
وبيقعد 4 شهور بس
يعني عاوزالك ميزانيه :)
mitcy;8331101:
السلام عليكم
بنات انا مش موظبه في القسم دا
بس ان شاء اله تفيدوني
كنت عاوزه اسال علي البلسم اللي بيفضل جوه الشعر اللي تعرفه ياريت تقولي
و اللي موجود في السوف ماركته ايه وسهره وهو كويس فعلا للشعر.؟
تاني حاجه كابسولات هيرتون.سعرها كام وبتطول الشعر ولا ايه؟وبالنسبه لبانتوجار انا اعرف ان النتيجه بعد 3 شهور ولا ايه؟؟؟؟