تجمع بنات مصر فى ركن العناية بالشعر الجزء (4)

ميااده2006;8494056:
بنات نسيت اقولكم انى روحت عند دكتوره بتاعت اعشاب عندها مركز تجميل
بتعمل كريمات وشامبوهت وحمامات كريم كلها طبيعيه وخدت منها كريم هى بتخلطه
قعد خمس شهور معايا كان جميل جدا جدا ومنع التساقط بس المشكله انى كسلت اروح تانى
وعندى جارتى اخذت منها كريم بلثوم ريحته مكنتش حلوه بس نبتلها شعرها وتقل شعرها
وكان سعره 35 جنيه ناويه اروحلها بس مكسله عشان عايزه حاجات لوجهى واخد منها حاجات للشعر
لان صحبت اختى عملتلها كورس كده علاج شالت كل الحبوب والبثور اليه في جسمها ووشها
وكمان اديتها شامبو قالتلى انه نعم شعرها لان شعرها مجعد اوى

Stacy;8494957:

طيب ياريت يا ميادة تقوليلى اسم الدكتورة او خبيرة التجميل دى اية وياريت لو تعرفى عنوانها و رقهما و تعرفى اية تانى عن منتاجتها يعنى قولنلنا كل التفاصيل و مرسى جدا بجد

كلمة حب;8495594:

السلام عليكم ورحمة الله وبركاته

بصو يا قماااااااامير انا في حاجة وصفتهالي الدكتورة بصراحة رهييييبة اوي
يعني هي كتبتهالي من حوالي 6 شهور بس انا منتظمة عليها بقالي 3 شهور :D

كريم بس رااااااااااائع أوي هي اصلا كنت انا مشيت معاها على كورس معين يعالج الشعر كله
بس انا كسولة اصلا فالنتيجة بطيئة عندي لكن لما مشيت الـ 3 شهور بانتظام كله بقى تمام على قد المستطاع

انا مش حقول الكورس لان طبعا كل واحدة مشكلتها مختلفة عن التانية
بس في كريم كده في انبوبة ممتاز اوي وهي حتى قالت لي كويس لاي حالة يعني مش محتاج استشارة طبية
انا حاولت ادور على النت على صورة ليه بس مش لقيت للاسف لكن حاكتب لكم اسمه وحنقل من الروشتة الملحقة بيه دواعي استعماله والموانع والمادة الفعالة

أسم الكريم: كير ميكس كريم ...... Care Mix Hair Cream
المادة الفعالة: الكولاجين وفيتامين E
Collagen & Vitamin E
طبعا مادة الكولاجين والانولين بيحمي من تشقق الشعر وتقصفه أطرافه
والكريم بيحمي من التأثيرات الضارة لأشعة الشمس والاشعة فوق البنفسجية لاحتوائه على مضادات الأكسدة الأولية والثانوية خاصفة فيتامين E

خصائصه: * المساعدة على إنبات الشعر ومنع سقوطه
*تغذية وتقوية بصيلات الشعر
* الحماية من تقصف الشعر
* إزالة قشرة قروة الرأس والوقاية منها
* تنظيم الإفراز الدهني لفروة الرأس
* الحماية من التأثيرات الجوية للمحافظة على حيوية الشعر ونعومته وبريقه.
موانع الاستعمال: كيرميكس كريم آمن ولم تسجل له أي موانع استعمال
الآثار الجانبية: لم تسجل أي آثار جانبية لـ كير ميكس كريم.

العبوة: أنبوبة تحتوي على 50 جرام
مصنعة لشركة كير ميكس للمستحضرات الصيدلية

انا كده نقلت الحاجات المهمة في الروشتة كلها ما عدا طريقة الاستعمال حتكون مكتوبة فيها
ولو حد عايز يعرف الاستعمال ازاي عشان يعرف يغطي فروة الراس كلها حاكتبهالكم باذن الله ولو عرفت اجيب صور لكده حابقى اجيب.
هي كمان موجودة في صيدلية في سيدي بشر كانت الدكتورة وصفتهالي اجيب منها بتكون موجودة عنده بس باذن الله يكون متوفر.

يا رب اقدر افيدكم بجزء بسيط زي ما افدتوني (f)

ميااده2006;8495657:
طيب هو سعره كام الكريم ده وايه اليه لحظتيه لشعرك من تغير؟

كلمة حب;8495978:

بصي يا ستي سعره بالضبط 23.75 جنيه

الي لاحظته بصي انا لقيت في شعر ابتدى ينبت عندي يعني لما احط ايدي على مكان ما كنت بدهن لقيته بيشوك اصلا انا كانت مشكلتي القصة يعني الجزء اللي من قدام من عند الشعر
شعري كله بيطول الحمد لله بس الحتة دي حسيتها عجزت خااالص
الشعر بقى الجديد اللي طالع بحسه ماشاء الله عليه ماسك في الجدر والشعرة قوية مش خفيفة او ضعيفة ودي اكتر حاجة انا لاحظتها فيه قوة الشعر وانه مرتكز كده في الجدر

بس لما يطول شوية باذن الله حقولك الشعرة طالعة شكلها ازاي لان انا في اجزاء عندي مجعدة اوووي وفي اجزاء ناعمة اوي انا مخلطة هههههههههه

roro cat;8490214:
بصى انا الحاجه الوحيده اللى خلتله يبانله لون بعد معاناه ساعات

حطيت بودر تفتيح باكسجين
وبعدها رجع تانى حطلى الصبغه

القطط النت امبارح نت كان بادج
بس هاحطهم حاضر
يا مرك يا امي بدل مهجه هههههههههه فتحلك شعرك كله بالبلوندر؟؟؟؟؟؟؟؟؟؟ دنا عملت خصل بس بالبلوندر وقفه زي سلك الكهربا مع اني شعري ناعم جدا وباقي شعري ناعم ودول واقفين زي ما يكون حد مكهربهم وشنا الحرب عليهم عشان يرجعوا كويسين وعماله اقول لو كنت جبت بلوند ويلا مكنش عمل كده يلا بقى الضبغه مش بتنشف الشعر بس البلوندر لالالا صعب خااااااااالص

cico;8492613:
يا بنات عايزة استفسار كده علشان نحل الاشكاليه دى :D

هو الشعر الجاف عمره ما يبقى ناعم او على الاقل نايم مش هايش ؟

انا شعري الحمد لله جميل جدا من جوه ونايم اوى
بس اللى مهيشه الحبة اللى فوق وش الشعر يعنى بحسه محروق كده
اكيد من اثر الحنة الفرد والفير والحاجات دى
انا قولت مع الوقت ان شاء الله يتفرد
انا كل املي بس انه يبقى نايم مش عايزاه يعنى سايح ونايح
ياريت تجاوبوني بقى

كلمة حب;8494390:

يا قمامير انا في مشكلة كبييييييييرة اوي بواجهها جدااااااااااا :confused:

أنا من اسكندرية
دلوقتي كل المنتجات اللي بتقولو عليها عناوينها في القاهرة

طبعا مش عارفة اروح ادور فين ولا عنوان اي حاجة :ss:

حالياً يا ريت من فضلكم ويجزاكم الله خير نفسي اعرف فين عنوان

حــــــــــــراز في اسكندرية

Stacy;8492989:

ايوة حبيبتى هى بتبيع منتاجتها لاما فى مركزها الى فى المنيل لاما ساعات مش كتير فى معرض نادى الصيد انتى اية مشكلتك انك تروحى المركز؟؟

Stacy;8491865:

حبيبى شوفى موضوعى دى فى عناويين حراز كلها و دى الرابط

http://www.3roos.com/forums/t278651.html

cico;8496243:
المشكلة انى مش من القاهره وبنزل ف ايام معينة
ممكن انزل مخصوص عادى بس كنت بسأل
طيب مش ينفع تكتبيلنا اسعار منتجاتها؟
وفعلاً حسيتي انها احسن من غيرها ؟

ميااده2006;8495609:
بصي انا لما روحتلها كذا مره كان بعربيه بابا بس هى قريبه
من فيصل واسمها الدكتوره /مرفت اسلام وتليفونها
البيت 37347197 والموبيل 0102774239
بصي اتصلي على الموبيل لو ملقيتهاش او مردش ممكن تتصلي بلبيت عندها هيبدولك رقم موبيلها للاسف العنوان بتاعها في الكرت الجديد وهو ضاع منى وممعيش غير الكرت القديم
لانها غير المكان اليه كانت فيه وانا لما عوزت اروحلها اتصلت بيها وادتنى عنوان المركز
بصي هى عندها حمام مغربي وحمام تركى وبتعمل شامبوهات وكريمات للشعر وعندها حاجات للتخسيس وللتتخين وبجد انا روحت عشان كان وزنى 50 كيلو ومكنتش باكل خالص وروحت خدت منها وجبه وكلها بلاعشاب وتخنت جامد منها بقيت 65 كيلو وكانت كتبالى على نظام غذائي ودى سعرها من 80 ل 100جنيه واخدت كريم شعر كان من فتره ب 25 جننيه بس حاليا غلته شويه ومنع تساقط الشعر خالص وبجد كان حلو اوى وقعد معايا 5 شهور وجارتى كانت بتاخد منها تركيبه كده فيها ثوم بس نبتت ليها شعرها وقالتلى ان فروه راسها شعرها تقل وده كانت 35جنيهواختى خدت منها كريم بتاع تخسيس تقريبا كان 50جنيه كان كويس اوى وبتلبس بدلت السونا وكان بينزل مايه كتير من جسمها وصحبت اختى خدت منها شامبو قالت عليه نعم شعرها وكان عندها حبوب في جسمها ووشه والصراحه انا شوفتها بعديها ولا حبايه
قالتلى حطتلى حاجات في جسمى بقت تنزل الحبوب اليه فيها دهون وادتها كريمات تدهنها 3 ايام وراحت اثار الاماكن اليه كانت متفتحه عشان تشيلها الدهون اليه كانت عامله حبوب
انتى بتتصلي بيها وتقوليلها اليه انتى عيزاه سواء لشعرك او جسمك ااو تفتيح او تقشير
ولازم تكونى مكلماها وحاجزه ووهى تديلك العنوان هو مش مركز كبير ده هو صغير وبرضه بتعمل مكياج فيه بس المكان اليه كانت فيه الاول كان وحش اوى كويس انها نقلت ولما تقولك انتى
جايه تبع مين لان هى زباينها بتبقي عرفاهم قوليلها في وحده في النت قالتلى عليكى