هل تؤيدين عمل ليزر للمنطقة الحساسة؟

مشكورين فديتكم..

انجل .. زين زدتي ثقتي بالمكان .. تدرين ريلي يحاااااااارب انه ما يطيع والله هلكني وايد كانت توصل لقرب الهواش على الموضوع يعصب منه وايد من اطريه ..

بس صدق بينت له ضيقي وتعبي من الحلاقة غير الحبوب .. قالي خلاص يصير خير بس منو بيوديج دبي هههههه قلت له بسير ويا ربيعتي يوم يكون موعدها .. تدرين شوقال لي ؟؟

قال هيه مالي خص لا بوديج ولا بيببج وانا في خاطري اقول اخرط عليه انته ههههه ادريبه ما يتحمل .. عقب قال تخبريني قبل الموعد بأسبوع عشان افضي نفسي خخخخخخخ والحمدلله للحين كل شي تمام

على قولتهم زيدي الدق على الحديد هههههه ...

يالله عقبال لما الكل يتخلص من هالموضوع ونفتك منه.. حلمي والله اشوف هاليوم وارتاح هههههههه

اختي دانه الآلة نفس الشي يا انها بتعور نفس الحلاوة او بتكون نفس الحلاقة يعني ما غيرنا شي ...

عيون بوظبي;8275587:
مشكورين فديتكم..

اختي دانه الآلة نفس الشي يا انها بتعور نفس الحلاوة او بتكون نفس الحلاقة يعني ما غيرنا شي ...

الة براون نغس الحلاقة لكن بدون الم :sa36: او اسوداد :2_22:لكن عيوبها ما تشيل الشعر بشكل تام :2_106:

انا نفسى اعمل ليزر بس عندنا دكتوره اللى بتعملها وانا مش هتكشف على اى حد بس نف سى استريح من الموضوع ده للابد اخر مره عملت حلاوه جسمى جاب دم وانا حامل ومش مستحمله

انا سويت قبل فتره

ومره مارتاحه الحين

حبيبتي كلمة وداع .. نفس ما قلتي فيه دكاتره حريم يسوون هالشي بالهبل ..

بس بعد ما يجوز نتكشف لهم عشان هالشي ..لأنه عورة ومافيه سبب طبي لها الشي ...

وبصراحه الي سوت وافتكت منه زين ماسوت .. لأنه صدق تعذيب

انتي ما تيوزين عن خربيطك؟!!!

تذكري سالفه الجل اللي يضيق المهبل و لعوزتنا سالفتك خخخخخخخخخخخخو انفضحت انا من وراك

اسكتي و انطمي يلا و قعدي مثلج مثل كل الحريم

خخخخخخ

امزح يا اختي و حبيبتي عيون بس تذكرت خرابيطك و خفت يدب فيني الحماس مثل كل مره و ما اعرف شو يبيصير فيني هالمره


انا بصراحه ما بسويها

ليش لأ،ي شخص غير مدرب و مؤهل يستخدم الليزر

ممكن اخلي الجهاز زياده او نقصان فما يجيب النتيجه المضمونه فإذا حرام انكشف على حد خلاص ما بجازف و الله يعيني

ههههههههههههههه بالعكس ريم انا اوصل لكم التكنولوجيا والتقنياتش الحديثة لين عندكم

لا الغاليه ريم ترا فيه ممرضة تكون ورا حاجز وعندها هيه التحكم بالحرارة والقوة .. انتي اللهم تمشين الجهاز على المكان بس .. من دون ما تشوفج هيه وتسألينها لو بغيتي شي

ماعليه يوم اسويه انا ان شاء الله وايي اغايضج بتغارين هههههههههه

فكره تهبل .. وانا اؤيدها تماما".. اذا شي بيريحك من القرف لاتترددين ..

والله اروح طيرااااااان لاتترددي حبيبتي

وتوكلي على الله و فعلا استخيري

انا اوايد وبقوه

والله تعبنا وحنا ننتف

هلا الغاليه

أنا بصراحه أأيدج الغاليه في هالشي والنظافه حلوه بس ردي علي يوم بتسوينه شو النتيجه بليز لانج شجعتيني وااااااااااااااايد

شي اكيد ان بسوي
بس وين المستشفى ومضمونة ولا بس كلام ؟؟؟

انا ناويه ان شاء الله في مركز غسانه بالدمام

نفس الطريقه اذا تبين في حاجز وهي تعلمك

والله حلو هالشي اذا مطبقينه عندكم في الدمام ..

حبيبتي ام مهاري .. انا ذكرت اسمه في الصفحات الي قبل .. شكلج ماشفتيه

اسمه مركز المرأة الطبي .. في الممزر ..

مشكورة ويزاج الله الف خير
جريب علي هالمركز
وان شاء الله بسوي بعد ما اخذ الموافقة من ريلي

مدام استوفى شرط الشرع


توكلي على الله

انا ودي بس بصراحه اخاف

اخاف من المضار ،،، مافي شي مضمون ،،، لان المنطقة هاذي اسمها حساسه لانها حساسه ،،،

بس لو شفت النتيجه ممكن اغير رايي ،،، يعني مادري بصراحه ،،، انا مع النظافه والجمال ،،، بس خايفه

هلا عيون، أنا أأيد هالفكرة و سويت جلسة وحدة للمنطقة الحساسة، بس اتعرفين النتايج ماتبين الا بعد ثاني او ثالث جلسة، وانا بضطر اوقف لظروف الحمل

هلا عزيزتي فلونة..

الله يسهل عليج ان شاء الله .. تدرين هاللي كان مخوفني هالشهر اني اطلع حامل وانا اسوي جلسات في الابط ..

والحمدلله اني ماطلعت حامل الحين ..

يالله من تربين بالسلامة كملي ..

عزيزتي سديم انا مثلج اخاف والله بس هلكت من الحلاقة وغيره ابا اكون نظيفة دووم..

ام مهاري والجميع .. حياكم الله كلكم واشكر تواجدكم

جان زين لو عندنا فالدوحه مركز نفسكم يعني تسوين الليزر بروحج

ولا العاده كله حريم

لاتترددين اختي وعقبالنا =p