هل تؤيدين عمل ليزر للمنطقة الحساسة؟

اشكركم على تفاعلكم الطيب ..

شكله الكل يعاني والله ههههههه ..

فعلاً انا سمعت انه الاغلب ما يؤيد عمل ليزر للوجه يقولون يخرب بشكل كبير..

بس سبحان الله ماحد اشتكى من الابط والمنطقة الحساسة بالعكس الكل يشكر ..

وصدقوني انا سائلة دكاترة وايد في هالموضوع ومش دكاتره جلدية بس يعني بالاحرى مالهم مصلحه بأنهم يقولون لي سوي لأنهم غير مستفيدين مني مجرد نصيحة ..

والليزر مافيه مخاطر ان شاء الله .. نفس الكل لما كانوا يخافون من ابره الظهر ويقولون تسوي شلل وماعرف شو .. ترا الليزر نفس القصه الكل يقول سرطان والعياذ بالله وغيره ..

بس ترا الاهم والمهم انه يكون في مستشفى متخصص مش صالون ..

ترا على فكرة المكان الي يسوي هالشي في دبي يعني مشوااار بالنسبة لي وبقاتل عشانه ههههههه ابا اتخلص من هالشي ..

خاطري احس بالنظافة على طوووول ..

بس الي قررته اليوم اني استخير بعد :) لأن الخيره فيما اختاره الله .. والي شجعني اني مرتااااحه من الابط ماشاء الله من اول جلسه حسيت بالفرق ..وماحد منا ما يحب الراحه ..

واشكر الخوات الي حطوا تجاربهم شجعتوني ..

احساس جوري .. والله مادري بس ما عتقد ياما اجانب مسوين ليزر وعادي .. جربي اسألي كذا دكتورة لأنه اصلا وقت الليزر الشعر لازم يكون محلوق يعني مايبين اللا جذوور صغييره

ياليت والله ودي اسوي جسمي كله وارتاح

بس ما اظن عندنا في البحرين هالشي

ممكن حبيبتي اتفيدينا وتعلمينا وين هالمكان علشان ممكن اجي دبي واسويها :)

والله حاجة حلوة نفسي اسويها

لاني احسها مره مريحة

ان شاء الله باخذ الاسم وبخبركم

اختي منتج كويتي .. الموضوع يتم على جلسات يعني مب مرة ..

يعني مثلا اول مرتين يكونون في شهرين ورا بعض .. بعدين على حسب بيتم المباعده بين الجلسات..

يعني المهم شبه شهري بيكون في جلسه

أؤيد وبشدددددددددده كان ليت أسويه و أرتاح

هلا عيون بوظبي
انا مثلج اذا بنفسي استخدم الجهاز لا امانع
انا مجربه الليزر على بقية جسمي و النتائج ممتازه
بس يا ليت اللي اتعرف العيادات في بوظبي او دبي او الشارجه
اللي تعلم استخدام الليزر للمنطقه الحساسه(بروحنا نشتغل)
يخبرونا وين

ياللي تبي الليزر بالسعوديه عندك سلم لاين في الخبر الشماليه ويسون الليزر بحدود الفين ريال والتبيض الجسم بثلاث الاف

انا اؤيد بشده لكن لو توفر لى مكان حلال
الله يرضى عليك طرشيلى رقم واسم المركزعلى الخاص

هلا بام مصبح

انا اعرف العياده او المركز اللي تتكلمين عنه..سويت عندهم ريلي و النتيجه كانت رووووووووووووعه...
انا عموما مجربه الليزر على جميع الجسم الا المنطقه..مادري فيني خوف ..احس ما خلق الله هالشعر عبثا..خصوصا وان من السنه حلقه ومب الحف...ماادري ابغي وما ابغي خخخخ

يمكن على اخر الموضوع و سماع اراء البنات اللي مجربات اقنع و اسير اسوي...

خلينا عاد نتواعد هناك خخخخخخ

حبوبه انا عارفه الطريقة ومسويه عندنا بالكويت شواربي ومسوية منطقة الابط وووايد مرتاحه لها وبخاطري اسوي المنطقة الحساسه بس مثل ماقلتي ببداية موضوعج اللي رادني مسألة الحلال والحرام :)

ومن قلتي عن الفكره قلت برووح اسويها بس ممكن عنوان المركز واسمه بالضبط لاني كويتيه :)

المها ياليت لو تعطينا عنوان المركز بالسعوديه لان اقرب لنا من الامارات وايد بعيد..

هلا والله عزيزاتي ..

اسمه مركز المرأة الطبي .. في الممزر ..

فوانيس .. تصدقين يوم كنت في هولندا شفت جهاز الليزر تسووين لنفسج في البيت ووايد تشاورت اشتريه بس قلت احسن اروح مكان مختص ..

انجل .. نفس المكان طلع واللا ؟ انزين صح الله ماخلق شي عبث عيل حتى شعر الابط والريول والايدين مب عبث ..يات على هناك خخخخخخخ .. والله شو نسوي يعني انا قطعت الحلاوة اكثر من سنتين وكله موس .. بس احس الموس نتايجه في البداية مرضيه بعدين يكثر الحب والسواد .. فكرهت الموضوع..

انا عانيت ويا ريلي لين ما اقنعته وللحين تراه نص نص .. بس مدام خذت موافقه مبدئية خلاص الحمدلله ..

يالله كلنا هناك هههههههه ويسوونه بألف اتوقع

.. أؤيدك إذا تأكدتى من عدم حدوث أضرار أو حروق أو إسمرار ..

بصراحه انا اخاف انه له مضار

انا ودي اسوي مبدئيا ليزر للصدر و الابط و المنطقه الحساسه .. اذا توفر مثل ما تقولين اني اسوي لنفسي

و اسوي سوفت لايت للفيس .. اما باقي الجسم احس ماله داعي الحين و مب متعب كثر هالمناطق

بدور في العين مكان مناسب >.<

أهم شي اذا زوجج موافق روحي بدون تردد :)
انا قبل لا اتزوج كنت اسوي منطقة الإبط بالليزر بس ماكملت جلساتي بسبب اني تزوجت وأجلت موعددي اسبوع بسسسسسسسسسس للأسف :( لما زوجي عرف بعد تردد شديد اني اقوله لاني كنت مستحية :) رفض اني اكمل وقال مو زين و ووووو قلته بالعكس مافيها شي وانا رفيحاتي مسوين جسمه كله بعد بس رفض بقووووووة :(
اذا حاصلي اسوي المنطقة الحساسه وعلى قولتج اني تسوينها وفي ممرضة ورا حاجز ماراح افوت الفرصة :)

هييييييييه عيون نفس المكان :) ليزرهم وايد زين ترى

ريلي مب مقتنع ولا بيقتنع احس ابدا

بستخير وعقب بتوكل

جزاج الله كل خير

يمكن اسوي عقب ما اربي اذا الله راد

جربي الة براون للمنطقة الحساسة