تجهيزات عرس او ولاده؟؟

كلامك 100%
صحيح اجهز كل شيء ضروري
بس مولدرجة الاسراف
والحمد لله على كل حاااااال
وجزاك الله خير على التنبيه

كلامك صحيح

وازيد عليهم الحين اذا الوحده بتولد تحجز في المستشفى او في فندق غرفه للاستقبال الضيوف


الحمد لله الخير موجود لكن الشيء بدون اقتناع مايصير


وحتى فكرة التوزيعات مو مقتنعه فيها


يكفي حلويات وبتي فور وعصيرات والحين لازم عصير طبيعي فرش بعد


وفواكه ومكسرات والحمدلله كل خير موجود في البيت بنقدمه

صدقتي و الله !

ياريت بس حد يهتم لمثل هالكلام !

....

و مثل ما قلتي .. الضيوف صارو يزورون الوالدة عشان يشوفون مستوى طقمها و طقم البيبي و الشوكليت .. و الضيافة بشكل عام !

ياحلاة التواضع بس وين اللي يتواضعون بهالزمن ؟

اعوذ بالله .. وصلني خبر مرة انه وحدة دخلت بجمعية حتى الفلوس تخليهافي توزيعاتها !!

الحمدلله .. اهم شي صحة البيبي و الام !

انا ابدا ما اؤيد هالاسراف في التوزيعات ..

و ما في شيء احلى من البساطة في الامور

و الاسراف من الشيطان ...

انا احس ان كل وحده حره بنفسها..وكل واحد وامكاناته..اذا كانت تبا تعبر عن فرحتها بالولاده ..هدايا وتوزيعات..ديكور الغرفه وضيافه..عادي مافيها شي اللي تقدر بتسوي مافيها شي ومب خساره على البيبي وهذي فرحه مهما كان.. لكن اذا الوحده لو ماعندها امكانيات حق هذا كلها ماله داعي اتعق عمرها وريلها في ديون وسلف وغيره..

ام حمدان مو معناه الله عطاني خير و نعمة ابددها في كماليات
افرحي وعبري عن فرحتش لكن بالشئ المعقول اللي مافيه اسراف و لا تبذير

نونو كلامش صحيح مية مية
الوحدة لازم ترتب للولادة و تجهز بس بالشئ المعقول والطبيعي
تجهيزات ثياب للبيبي و مستلزماته و مستلزمات الولادة الضرورية
ممكن تفكر بأي مستشفى تتعالج وترتاح فيه في الولادة
ممكن تقدم حلويات للضيوف
لكن بالصورة اللي اشوفها احين احس الشئ مبالغ فيه و صار بدعة

الوحدة احين لازم تفكر شلون تربي ولدها او بنتها في هالزمن و شلون تخليه او تخليها من الذرية الصالحة
صارت الحامل تفكر من وين تسوي اوردر التوزيعات و من وين تحجز لديكور الباب .........

ما عليه تطلع الوحدة بمظهر حلو و تقدم للضيوف القدوع بشكل يليق بالضيوف لكن ايضا بالشئ المعقول

حضرت لوحدة والدة و كانت حتى ستارة الغرفة غيرتها و خلت سجاد على الأرض يتناسب ممع الستارة والتوزيعات قيمتها اكثر من 200 دينار
ليش؟
ليش مفرش بذيك القيمة وليش الدشداشة بالشئ الفلاني ووووو واااااجد اشياء
ممكن الوحدة تسوي توزيعات عادية غير مكلفة تسويها او حت تكتفي بحلاوة الولادة والقهوة والشاي مثل ما كانو امهاتنا قبلقبل لما تولد الوحدة يكتفون بالحلوى و البقلاوة والجاي والقهوة

غرفة النفاس في البيت اكيد لازم بهتم بشكلها لأني بستقبل الزوار لازم تكون بمنظر يريح و يفتخر فيه الواحد لكن ارد اقول بالشكل المعقوووووووووووووووووول

اسراف حرام واحنا محاسبين يوم القيامة عن هذي النعمة اللي بددناها


و مشكورة صاحبة الموضوع

انا مع الأخت نونو ..
وفعلاً صار الموضوع مبالغ فيه بشكل كبير ..
أمس كنت أزور وحده مربي بعملية قيصرية بعد ما تبهدلت بالطلق الصناعى وربي ما كتب لها ولادة الا بعملية .. والبيبي تعبان بالعناية للحين الله يفرح قلبها بشوفته بحضنها قريب ..
تقول شفت الموت بعيونى .. من اللى صار لى ..
وصرت أدعى بس ربي يخلينى عشان عيالي .. هذا شي ..
الثانى لما طلعت من المستشفى وكنت انتظر سيارتى وقفت قدام باب المستشفى سيارة ونزل منها واحد ..
تتخيلون وش كان ينزل من السيارة .؟؟؟
ديكورات .. اى والله .. ستاندات ومفارش وما أدرى ايش .. انا فتحت عيوني مستغربة ..
أنت داخل مستشفى ولادة والا صالة أفراح ..!!!!
يعنى نقول الوحدة تكون طالعه من فترة حرجه ما يعلم بها الا الله سبحانه .. تقوم وتسوي بروحها هالشكل كنها عروس ..؟؟
ماعرفنا هالشي ولا شفناه الا اللحين ..
صح نحب نفرح وصح عندنا خير .. بس الاسراف حرام وعقوبة الله سريعه ..
بدل هذا كله .. اتصدق على سلامتى وسلامة ولدى ..
اتبرع شكر لله سبحانه على نعمة السلامة ونعمة الخلقة الكاملة ..
مادرى .. احس الشي صار بدعة والكل يتنافس فيه اللى عنده واللى ماعنده ..
بالنهاية ..
ابن ادم ما يملا عينه الا التراب .. واللى ما يقتنع من قليل ما يقتنع من كثير ..

صوت الحنان .. كلامك عين العقل .. ! تسلمين ..

Blossoms;8236123:
في ناس يهتمون بهالامور وفيه ناس لا اهم شي شي مريح وحلو ومرتب وخلاص

اني بصراحة ماسمعت عن تجهيز غرف الولادة وغيره الا في النت

الوحده طول وهي حامل تدعي ربها تجيب البيبي سليم معافى وان الله يقومها بالسلامة

مشكورة على طرح الموضوع

كلامج عدل يطيج العافية وبضيف شغلة الحين الناس مثل ما قلتي تروح للوحده بس عشان اتجوف شنو لابسة وشنو مسوية ومو حلوه بعد ان تكون كلش عادية يعني على الاقل تسوي شي معقول مثل جلابيتين بس للستقبال الناس الغريبة عن الاهل او المهمة مثل ما يقولون

كل واحد وعلى قد حاله لاتسرف اكثر من الازم ولا تقلل اقل من الازم اخدي الاشيا المهمه والضرورية

معك حق انا فكرت في اشياء بسيطه وكنسلتها قالت مالا داعي
اهم شي سلامتي وسلامته البيبي

السلام عليكم ورحمة الله
بصراحه اني اعجبت بموضوعج الرائع واقول لج صح لسانج وتسلمين
صج الوحده واني بقول لج بصراحه يمكن اكون منهم احس اني قاعده ابذر واسرف فوق اللزوم واتطلب اشياء اكثر من اللي اني محتاجتها وهذا طبعا ينعكس على نفسيتي زوجي اللي يحس انه بعدي ما ولدت والطلبات كثرت واني احاول اقنعه اني كل هذا مب اسراف مع اني نفسي اعرف انه العكس
بصراحه موضوعج فتح عيني و وعاني وشكرا لج يا نونو على هالموضوع
تحياتي للكل

تسلمين اختي عالموضوع

وكلامش عين الصواب

كل اسراف وتتبذير وافشار

اتفق مع كلامك 100% اللي قاعد يصير شي مبالغ فيه........

من جد اختي كلامك صحيح ,,, الي نشوفه هالايام شي مو طبيعي ,,, بالذات عندنا في جده شي رهيب
يعني الزوار والوالده كلهم جايين المستشفى لترفيه فقط ,,,
امس كان عندي موعد في المستشفى ,,, وانا خارجه من باب المستشفى الا احصل سياره عند الباب كبيرررررررررررررره تنزل اغراض مولود السرير كانها فستان عروس والبوكيات والتوزيعات والبالونات والعربيات ,,,
شي هستيري مو طبيعي ,,, يعني شي ماالو دااااااعي بصراحه ,,, والله في نااس ماعندهم حتى الاستطااعه الولاد في مستشفى ,,, يدورو اخس مستوصف ويروحو بعد الولاده بساعتين ترجع البيت ,,,
الحمد الله على النعمه بس ,,, وناس يدورون خدمه ال vip في افخم المستشفيات عشاان يشبعون رغباات الناس وحب المظااهر ,,,
بنسبه لملابس الام والبيبي ومفرش مو طقم لان الطقم عفش واغلى انا عن نفسي اعتبره من الضروريات لان انا الناس الي يزوروني كثيرررررررررررررررررررر ومو من منطقتنا من خارج منطقتنا كمان عشان لازم اكون في احسن صوره و عشان نفسيتي تكون اوكي ,,, وتوزيعات اسوي توزيعات بسيطه اغلبها للاطفال يمكن الكيس مايتعد ال 5 ريالات عشان فرحه الاطفال وزينا احط زينا في البيت اروح محل الاقمشه واخذ تول ب 20 ريال وبعدين اخذ شرايط وبالونات واخواتي يسونها في البيت ويطلع احلى من الي تسويها المحلات واوفر ,,, يعني شي مايكلف ابدااااااااااا ,,, والاعتدال احسن شي في كل الظروف ,,,

بنسبه للاخت الي قالت انو بنات البحرين تجيب هالحركات من السعوديه هاذا لان السعوديه اقرب شي للبحرين
وبنات البحرين يجون يتشرون من الشرقيه و وبنات الشرقيه يتشرون من البحرين ماافيها شي كلنا بلد وااااحد
زي مابنات ابهاا والرياض يجون جده ,,, انا اعرف وحده تجي تقضي لولادتها من جده وهي من ابها ,,, صارت المساله عاديه جداااااااااا ,,,

والحمد الله على كل حااااال

السلام عليكم ورحمة الله وبركاته

والله والله الله شاهد انه كلامج 100٪ صح في صح والله بقطر اعتقد اللي عندكم ولاشي واقسم بالله تبذير ماله حد ماله حد وطبعا المحلات اللي كسبانه عيل الحريم اللي يبيعون الاكل والله انه مايسوى انتي تقدين اتسوين احلا بس ليس اتشوفين مزينته وله الاكل هو هو بس اتشوفين الزينه اللي تغرين عيل سند ويشات ضغيررررره كيلوين ب200 وله 300 بل بل ليش حرام عليكم وله تعالي حق المحلات تجهيز الولاده مفرش يمكن خايس ويلوع الجبد بسوي لج اياه ب6000 او 3000 وال ال شحقه حرام والله حرام في ناس راتبها 3000 وحامدين ربهم اصلا هسوالف تجيب العين سوي ماقلنا لا بس بعتدال بكره ربنا بيحاسبنا وانا معاج 100٪ انا ان شاء الله بسوي شي ناعم ومرتب وبحاول قد ماقدر ابتعد عن الاسراف

كلامك صحيح الله يجزيك كل الخير
بس بقولك انا كمان في السعوديه بس ما عندنا مثل ما يعملو
صحيح نشتري ملابس للبيبي و الام بس اشياء بسيطه و مريحه ومفارش سرير كل حسب قدرته

صحيح شفت ناس عندهم النفاس تقوم تبدل ملابسها مرتين ثلاثه كنها عارضة ازياء
لا ومكياج اوفر وكسسوارت ليش كل هذي وهي ما تقدر تمشي كويس من الالم وخياط

اما صواني التوزيعات و تزين غرفة المستشفي نادره عندنا
صحيح يقدمو اصناف من الحلويات و المكسرات بس مو توزيعات كانك في عرس
انا بصرحه ماكنت اجيب بنتي عندي وقت النفاس اجعلها عند اخواتي بس لما عند حضور الاقرباء فقط لان بنتي ما شاء الله عليها وهي صغير كانت مثل القمر وكنت اخاف عليها من العين

الحمد لله عندي خير بس ما اشوف انها ضروريه بل العكس تشوفين الى حالتهم الماديه مو كويس هم من عندهم هذي الاشياء و يفشرون على الفاضي

الحركات هذه على حسب كل وحده وتفكيرها مو شرط ميزانيتها
يعني بدل ما احطها بخرابيط زينه مستشفى ومفرش وماادري ايه
اتصدق فيها كشكر لله انه قومني انا والبيبي بالسلامه واسوي العقيقه للبيبي
وماني مقصره على ضيوفي باقهوه والشكولاته وكل ما يسر القلب

مره رحت لوحده والده والله انه كل شئ كان عادي لا توزيعات ولازينه و لاطقم نفاس
ووحده ثانيه ماخلت شئ بالسوق ماشاء الله ولا شئ بالنت الا وسوته ...
وفي النهايه كلهم رجعوا لبيوتهم مانقصوا شئ عن بعض والكل انتقد وطلع عيوب على الثانيه
وعلى اسرافها ومااستفادت فلوسها وتعبها كله رااااح على الفاضي
لان رضى الناس غايه لا تدرك
فليش اسوي شئ للناس وارهق نفسي وزوجي واللي حوالي والناس ماتعجبها شئ
الله بس يسهل ولادتنا ويرزقنا اطفال سليمين اهم شئ والناش تشوف وتقارن وتنسى
ولا جاتك عين او حسد من ورا هالخرابيط هيا مين الخسرااااااااااااااااااااان

كلامك عين العقل

انا في ولادتي

ماسويت ولاشئ من الاشياء

جهزت اغراض ولدي ومافصلت

وما اخذت من الغالي الغالي

وانا عن نفسي ماخذت لي شي

لبست من الي عندي بجايم

ومفرش سريري امي عندها واحد جدييد وفرشته

بالفعل حبيبتي صدق كل اللي قلتيه ...
الشئ الزايد عن حده ينقلب ضده ,,,
وخير الامور الوسط ,,,
مثل وحده مع الفرغه سمعت عنها لكني ما اعرفها ,,مسويه ديكورات وحركااااات واشياء مالها داعي واللي حولها نقدوا عليها ,,,قالوا عنها انها ناثره شوكليت من باتشي في الممر اللي يدخل للمجلس !!! ان صدقوا فالحمدلله والشكر ,,,,وهاذا لكلام من 8 سنوات
مشكوره يا عمري