تجهيزات عرس او ولاده؟؟

يسلموووو على الموضوووووع

هلا اختي .. كلشي باعتدال زين

بس اختي لاتتكلميتن عن الاكتئاب لانه مرض مزمن قوي ماادعي على احد يصيده وثانيا ويش دخل التجهيزات وفرحة الناس بالكتئاب ..

سامحيني هدا رايي

برأيي الشحصي كل شخص وقناعاته وميزانيته ولا علي احد من غيره واذا عندي لبيش ما افرح نفسي واذا ماعندي اسوي كل شي على قدي مو ضروورة الفخفخة بلا لزوم

ناويه اعقل;8239675:
هذا اول حمل لي .. وفعلا" كلامك صحيح دائما" اشوف بذخ مو طبيعي في التجهيزات للبيبي وللولاده .. ماانكر اني جهزت .. بس أشياء بسيطه واحتاجها فعلا" لأنه اول مولود .. رغم ان الحمدلله ماعلي قصور مادي .. بس هالاشياء اللي شفتها بالنت مو من عاداتنا .. لأن النفاس غالبا" ماتكون الوالد محتاجه للراحه .. مو للفشخره .. والتكشخ ..المبالغ فيه ..

وهالشغلات كل قرايبي مايعتمدونها ابد ..والناس يختلفون عن بعض ..:tongue:

(y)(y)(y)(y)(y)

јǿđ;8232869:
كلامك صحيح 100%
وانا ما اؤيد هالفكرة اصلا
تفصل لها ثياب خاصه وفخمه وتكون هي كنها جزء من ديكور الغرفه !!

احس انه ماله امه داعي
كلها يومين وتردين البيت
الحمدلله ع كل شي


ربي يرزقج من خيراته اختي

الصراحه كلامج صح وماعليه اعتراض
انا لاحظت ناس يخسروون وايد ع ولادتهم لي درجه انه يحملون ازواجهم قروض وديون علشان هالولاده
الله ماعطكم نعمه المفروض تحافظون عليها ماتلعبون فيها
انا صج جهزت حق ولادتي وهي اول ولاده بس بعد ماسويت نفس اللي يسوونه
يعني صديقاتي يقولون لي ليش ماسويتي جذي وجذي اقولهم ماله داعي انا ماحب هالسوالف
اللي ابيه يرزقني ربي طفل سليم كامل ويقومني بالسلامه بس ...

انا بصراحه مثلكم
في بلادي
مانسوي هذه الاشياء ابد
يعني المره تربي وتجلس بالكثير يوم في المستشفى اذا كانت هي والطفل سليمين
وبعدين تروح البيت وعاد هناك قهوه عاديه( فطور)
وعاد الحريم الله يبارك كل وحده تسمع مربيه
تجيب دلة القهوه والاكلات الثانيه
بس في دولتنا المناطق الثانيه
مثلا العاصمه وغيرها
معاهم هذا الشي
وبصراحه لمن قاللي استغربت كثير
واصلا انا وزوجي ناوين باذن الله
نعمل غدا للأهل كامل لمن اغسل الربعين
يكون كصدقه للبيبي
وباذن الله تكون الامكانيات زينه
وقلت يمكن اسوي بروحي توزيعات
للأطفال بس
اذا كانت الامكانيات زينه
لان البنات غايروني
واذا مافي امكانيات فأكيد ما اسوي
لكن للحين ماقلت لزوجي
وهو مايعرف شو معنى توزيعات لانه مو من عاداتنا ابد

ونسيت
انا مفصله كم دشداشه تكون اعرض
لاني ما فصلت في العيد ماواحيت
والحين فصلت 4دشداشه
مو فخامه
3 ويل ( قطعه ودشداشتها) هذه للبيت معانا زينات للبيت ومريحات
ووحده تطريز اختي تتجهز لعرسها وعطيتها تفصلي اياها وقلت اخليها للربعين باذن الله
الله يسهل ولادتي
ويقومني بالسلامه انا والبيبي يارب
ادعولي

وبصراحه بنات لا تشتروووون فوق طاقتكم
عشان ربنا يبارك في الطفل
ويارب يبارك في اطفالنا يارب
تشكرين اختي
موضوع بجد جميل

اي والله الموضوع جه بوقته .. شي اكيد الوحده بتفرح بمولودها وودها تسوي كل شي حلو بس ! بحدود..
لكن الناس هالايام ما تهمها الا المظاهر اللي مالها داعي .. وتبالغ وتاخذ فوق طاقتها ..
ليشششششششش عاد ؟؟ ... هذي ولادة مب عرس !
انا صحيح هذا اول مولود لي وفرحانة وسويت طقم ناعم للمستشفى وبسيط جداً .. ولو اني مقتدره الحمد لله واقدر اسوي افخم الاطقم .. بس ليش على اي اساس اصرف عشان الولادة كل هالمبالغ ؟؟
كلها يومين وارد البيت .. هالفلوس اللي بقطها ع الخرابيط احسها ف حساب ولدي احسن ..
طالعين لنا طلعه بوووفيه وجلابيااات فخمممه ومفرش وطقم دلال وصواااني فخمه للضيافه
اللي تسوي اوردر من قبل شهر او شهرين للحلويات 6 و7 كيلو ؟؟ حشى!! الناس متخرعه ما تاكل ككاو ؟!!
الله يهدي الجميع ان شاء الله ..

كلامك صح اختي
وانا من رايي حتى لو كانت ميزانية الزوج تسمح .. ماله داعي كل الاسراف
الوحده همها الولاده والسلامه .. مو الحسد كل شي طقم وبذاك الحساب

بصراحة استغرب من كل هالتجهزات احس مبالغ فيها
وانا ماعرفتها الا من النت
كل الي اعرفه توزيعات بسيطه تذكار تكون

صحيح في ناس وايد تبالغ بشكل غير طبيعي..اوكي الواحد ممكن يعبر عن فرحته بس بدون اسراف
يصرغ على نفسه وعالبيبي ويشتري شغلات حلوه لنفسه هوو مب عشان الناس تقول هذا واو ولا غالي
جزاج الله كل خير على التذكير واثاره هالموضوع المهم
والله يهدي الجميع

الحمد لله اني عايشة في

بلاد مانسوي هالسوالف

بس لانشتري اللي يكفينا من ملابس للبيبي

وادوات البيبي

وبس

واللي يجي يسلم ويروح لا نسوي له لا

توزيعات ولا خرابيط


ولا كنت اعرف ان في ناس تسوي

كل هالتجهيزات الا لما دخلت عالم النت


واستغربت بس كل دولة وناس بعاداتهم وتقاليدهم



مشكورة حبيبتي وعجبني رأيج بصراحة

عني شخصياً أحس إني ما سويت شي من إللي انذكر معنه هذا أول حمل لي ..

لا توزيعات ولا غيره معنه التوزيعات أقل شي الوحده اتسويه ..أحس مالي خلق لأي شي وأحس إنها أشياء مب ضروريه أو إن لازم اجهزها قبل الولاده بفتره واشغل بالي وتفكيري فيها ..

ابصراحه إللي كنت شاله همه تجهيزات الياهل من الثياب والأغراض الأساسيه بس ..

لنفسي ما سويت شي لا ثياب لنفاس ولا غيره وقلت ليش دام عندي ثياب مب لابستنهن ولا مره بسبب الحمل بلبسهن للمستشفى خخخخخ ..

وربي اللي شلت همه واااااااااااااااايد وقت الولاده وادعي دووووم إن ربي يسهل عليه والحمدالله مب عن شي ولا بمدح عمري بس أحس إني مرتاحه واااايد لما اقرا القرآن دايماً وأدعي إن ربي يسهل ولادتي ويجعل ذريتي من الصالحين والبارين ويجعله كامل الخلقه دون زياده ونقصان ويحسن خلقه وخلقه .. وسلامة الياهل وصحته وصحتي أهم ...

عاد الحين اتريا اربي وارتاح باقي لي آخر اسبوع يعني عادي في أي لحظه أولد ربي يسهل عليه بس ..

وابصراحه أحس إللي تجهز واتركض عسب هاليوم من فرحتها مسكينه هذا مب معناته إن نحن مب فرحانين لا بس كل وحده وشو بخاطرها .. وهو لو كان لأول مولود لأنه أول مره أول فرحتها معذوره بس إللي دايماً حتى لو ما عندها بتكلف على ريلها حرااام والله ..

في ازواج هم يحبون يدلعون حريمهم وكيفهم مستانسين بعيالهم خخخخخ ..

ربي يسهل عليه وعلى كل حامل ويقومنا بالسلامه ياااارب اللهم آمين ..

كل واحد يمد رجوله على قد لحافه :)

كلامك صحيح 100%

مشكورة على طرح الموضوع

مرحبآآ ..

الله يعطيج العآفيه خيتي على طرح الموضوع ..

واتمنى ان يكون بحدود النقآش وبعيد عن التجريح وذكر اسماء الدول وغيرها ..

لآن هذه العآده صارت منتشره في كل مكان ..

وصح مثل ماقالت اختي بنت البحرين .. كل شخص مقتدر وقادر ان يسوي مثل هذي الأشياء براحته يسويها بس بعيد عن الأسراف والتبذير ..

وفي نآس بفكرهم ان هذا اول مولود وانا لازم اسوي كل شي .. ولا اقصر عليه وعندهم هذا بمفهوم ان انا لازم اشتري كل شي عشان الناس كلها تشوف شكثر انا فرحانه .. وطبعاً حتى الاعتقاد غلط ..

التجهيزات والتوزيعات مو حرام محد قال لحد يسوي .. بس كل شخص يسوي على حسب ميزانيته .. مو اروح واخذ لي جلابيه بذاك السعر الغالي او المفرش الغالي او غيره ..

في اشياء تحل بدل اشياء .. بدل ماتروحين وتاخذين لج جلابيه غاليه .. اكثر من الف مكان يبيعون فيه جلابيات رخاص وبحدود المعقول ليش اروح واخلي الناس تشوفيني تعالوا شوفووني انا لابسه جلابيه غاليه وغيره ..!!

والا اروح واشتري اغراض او اجهز اغرااض للطفل بذيك القيمه الغاليه ..

يعني انا تميت الف اكثر من مكان وكل مكان اشوف فيه شي اشوف سعره واروح ادور انسب سعر لي بحيث اني اذا خذيت هالشي ماتختل الميزانيه عندي اروح اشتريه ..

مااروح اضغط على نفسي وعلى زوجي عشان يشوفوني الناس شنو اخذ او شنو اشتري ..

لأن بالاول والاخير مرآعاه لوضع الزوج المادي .. لأن راح يأثر على العلاقه الزوجيه بعدين .. لان فيه ازواج مثلا ان مايكون عندهم المبلغ اللي المره تبي تشتري فيه تجهيزات او مستلزمات .. وتروح البيت وتقعد تحن على راس هالفقير الا ابي هذا الشي ولازم تجيبه لي ..!

الزوج بالنهايه بيمل وبيتضايق من تصرف زوجته لان المفروض ان اهي اللي تحافظ على فلوس زوجها وتقلل من الاسراف والتبذير بدل ماتروح تشتري شي غالي / تروح وتشتري شي رخيص .. مافيها شي ..


وانا عن نفسي الحمدلله شريت الاشياء اللي احتاجها بعد مالفيت بعض المحلات وشفت الاسعار وخذيت ارخص شي مو عيب ..
مو عيب انج تروحين تشترين شي رخيص ..
العيب انج تروحين وتحملين زوجج اكثر من طاقته ..

والحمدلله التجهيزات عمتي وحمالتي بيجهزون شي بسيط .. وعن سالفة الجلابيات مااحس له داعي راح اخذ شي بسيط وناعم ورخيص ..

والله يسهل على الجميع ..

وهذي وجهة نظري ..