اللي سواه زوجي يقهر ولا عادي؟؟؟

محبة للخير 28-12-2008 56 رد 2,786 مشاهدة
u
شمس 31116;8227879:
انا مع كلام الاخت بالعكس زوجم ماشاء الله علية تصرفاتة سليمة ..

ولان مواضيع الخطوبة حساسة شوية فتكون بهطريقه لين البنت تستقر على راي علشان لو صار رفض وماوافقت او شئ يكون خلاص موضوع وانتهى بدون ما ينتشر ويكبر .. عادي ياقلبي جدا .. شوفي زوجك اول ماوافقت اختة اتصل وقال لك بنفسه شتبين اكثر من كذا حتى ما استنى لين يرجع للبيت .. انتي تضايقتي شوية لان تحبينهم بس لا تحطين بخاطرج وفرحي وانبسطي بهالمناسبة ياختي ..
ر
هلا حبيبتي

هو صح عااادي بس لازم يعلمك تدرين كيف ..؟؟

لا عاد تقولين له اخبارك انتي واهلك ولاشي اضحكي وسولفي بس مو اخبارك انتي واهلك انا جربتها ونجحت معاي

يووم سألني ليش ماقلتي لي قلت انتي ماتقوولي الا بعد مده خلاص انا زييك

وقلت له ذووق اللي ذقته يووم انصدمت قدام الناااس

وعقبها يقووول بس مو واجد بس اشوووا من قبل

الله يوفقك ويهدي لك زوجك
ويسخرررررررررررررررررررررررررره
ا
عادي تصير في اكبر العوايل

انا كذا نفس حالتك بس لاتخافين داويته يوم خطبنا لاخوااااااااني ما قلته وقال ليه ماقلتي قلت حالي من حالك بعدها صار يقول ههههههههه
ف
الموضوع عادي حبيبتي ...

ولو انتي مكانه .. وتوصيتي ماتخبري احد الا لما يتم الموضوع بشكل رسمي ... مارح تقولين

لانو لو تسرب الخبر يمكن يطلعونها منك

فالموضوع جدا عادي
ع
لا اختي بالعكس ماجوف فيها شيء انه ماخبرج لان ذي الشي رغبة اخته يمكن مو حابه تقول الا لما يصير شي

اكيد، لا تكبرين السالفة و انتي هم اذا ماتبين تقولين خبر ليما تتأكدون اكيد راح ينفذ رغبتج تعوذي من بليس

حبيبتي السالفة ما تستاهل انج تزعلين ، امي دايما تقول لي مشاكل او سوالف بيت ريلج لا تتدخلين فيها

كوني بعيده هاي مو معناته انج غريبه عنهم بس ساعات اهل الزوج ما يحبون يقولون كل شي و مايحبون

يدخلون احد من بينهم بالنسبه لي علي من زوجي و اهلي بس اهله مابتدخل في شي يخصهم ، لاتاخذين

الامور بحساسيه والله انه صديقتي كلوز معاها ما خبرتها ان في واحد متقدم لي ليما سألو هلي عنه و ارتحت

حق الريال و حسيت ان الامور تيسرت قلت لها لان الشي متأكده منه بأذن الله



&
حبيبتي
انا زيج.. لو زوجي يخش عني شي بنقهر لاني خلاص زوجته ونصفه الثاني والمفروض مايخش عني لو مهما كان ..
ليش يعني انتي فتاانة وبتعلمين..
U
انتي مكبرة الموضوع ومسوية سالفة من لا سالفة

البنت ما كانت تبي حد يدري،، لان هالشي ممكن يأثر على نفسيتها لو ما صار نصيب صح والا لا؟؟

حطي نفسج مكانها، انتشر الخبر انج انخطبتي وبعدين ما صار نصيب، بتحبين هالشي؟!
a
السلام عليكم ورحمة الله وبركاته ..

حبيبتي أنتي ميخالف هدي بالج شوي واسمعيني ..

وعسالله يوفقج ويرزقج ..

في شي أنا جربته .. خلي علاقتج ويا ربج مش ويا الناس ..

أقصد أنتي بطيب نيتج تتصرفين لأن تعتقدين أن هذا واجبج تجاه الله ..

تلاقين مهما سووا الأشخاص ما تزعلين لأنهم غلطوا ويا الله مو وياج ..

وأنتي ماشاء الله كاملة بتصرفاتج وهدوءج وأخلاقج لله مو للناس ..

جذي ترتاحين .. ما يهمج فلانه قالت وفلانه سوت ..

يعني أنتي واجبج تجاه الله .. أنج تكونين طيبة وتعلمينهم عن جنس المولود وشغلات ثانية ..

فمولازم تنتظرين يبادلونج نفس الشي .. وجذي راح ترتاحين وايد .. :)

----------------------------------

وثاني شي بالنسبة لزوجج ..

قصص الزواج لازم محد يسولف فيها إلا لما تتم رسمي ..

لأنه افرضي ما صارت السالفة ما تدرين شيصير بالبنت .. حرام تتضايق ..

الناس كلها تقولها مبروك عالخطوبة .. وأخر شي ما يصير شي ..

راح يضيق خلقها وايد ..

فالأفضل أنه يتم كل شي .. وبعدين يقول حق الكل ..

فهذا الشي ما يزعل أبداً .. والمفروض تفرحين لأن زوجج ما شاء الله إنسان عاقل وفاهم ..

حافظي عليه .. والله يوفق الجميع يارب .. :)
ر
حبيبتي شئ عادي بعدين الموضوع مايخصه يخص اخته وهي ماتبي حد يعرف وهذا شئ عادي واقل من عادي لاتخربين على نفسج وتهاوشينه ووووو

ترى السالفه عادية

والله يوفقها ويوفقج يارب
ق
عادي حبيبتي يعني انا لو اخوي خطب مابقول لريلي الا عقب مااتيي الملجة

شي عادي ترى لاتحطين بخاطرج و ولاشي

بس ليش هو يروح يقول انج حاامل وتوج يعني في البدااية

ترى مب حلوووة كلش خلااص عيل قوليله مره 2

لاتعلم هلك عن حمالي واذا قال بعلم قوليله مايصير

يوم انخطبت اختك ماعلمتني والحيين بتعلمهم!!

وتحملي تقولين لهم جنس البيبي لانه هاي شي من خصوصياتج

ومالهم حق انهم يعرفوون اهم شي صحته ووبس

مب كل شي اتقولينه حق ريلج لا خشي شووي

ترى والله بتحسفيين بعدييين >> عن تجربه
م
الله يجزاكم خير يابنات على ردودكم اللي هدتني وحسستني ان الموضوع مايستاهل اني اتضايق
بس والله يابنات اللي ضايقني مو سالفة الخطبه اللي ضايقني ان انا طبعي مع زوجي مااخبي عنه شي كل شي اقوله له من اول ماادري عنه
والشي الثاني اخوه مع زوجته مايخبي عنها شي وانا متاكده مليون بالميه انه قايلها من االاول مستحيل يخبي عنها زي ماسوى زوجي
وهذا اللي حز بخاطري
بس صدقوني بعد هالموقف وكم موقف صار مايقول ادري من امه بالصدفه بعدها راح اخبي عنه اخبار اهلي مثل مايخبي عني وماراح يدري الا مع الناس مثلي مثله :)
ا
انا احس عادي جدا مايقهر ولاشي

انا كذا زوجي مايقول لي اي شي لين يتم

كنت بالبدايه ازعل وبعدين فكرت قلت ليه افرض نفسي عليه وعلى اهله

انتي مالك الا تباركين وبس

ياليت كل المشاكل زي هذي المشكله

كبري عقلك الموضوع تافه مايحتاج تحترقين علشانه

لاتزعلين من كلامي انا انصحك زي اختي بالضبط
d
موقف عادي و خفيف جداً بالنسبة للمواقف اللي بتحصلي من جوزي و اهله
عادي دا رجل شهم و اصيل جربي كدة و قوليلها علي سر و ان شاء الله هيحفظهولك
s
شي عاااااااااادي جدااا .. هاي رغبة اخته و هو احترم رغبتها .. بالعكس هالنوع من الازواج تقدرين تآمنين على اسرارج عنده ولاتخافين انه يخبر امه او اخته عن شي خاص فيج ..

و انا اجوف ما فيه شي بالمررررره ..
C
البنات ماقصروا
×
حبيبتي لاتنقهرين والموضوع مايخصه يخص اخته يعني خصوصيات

ترضين احد يعرف عن تفاصيل خطبه اختك وهو لسا ماصار شيء

من حق البنت تقول لاخواها لاتعلم احد حتى ولو كانت زوجته

انا زوجي مايقولي عن اهله اي شيء واسمع من غيره عن اخباره

بس عاااااااااااااادي مااهتم لان الموضوع مايخصني ولا يخص زوجي فليش ازعل

وانتي حبيبتي لاتعودين عمرك تقولين لاهل زوجك اي شيءعن حياتك

انتي ترتاحين وهم بعد يرتاحون لاتكبرين الموضوع لانه عااااااااااااادي

جدآ وزوجك معه الحق
u
لاتسوين من الحبة قبة المهم الموضوع مايستاهل تزعلين وانتي خليج عادي اذا هم حابين يشاركونج بمواضعيهم شي حلو واذا لا خلج بعيدا عن عوار الراس والله يتمم لهم على خير مش لازم نسوي حق نفسنا مشاكل مع ازواجنا خليج كوووووووووووووول ووسعي صدرك وتمني لها التوفبق والسعادة
ر
اني مع زوجك لان الموضوع حساس وامكن الموضوع يتفرع وناس غير تزعل ليش فلانه قال لها زوجها وحنا ماعلمنا
ب
انا اتذكر صار لي موقف مشابه من هالموقف وانقهرت حتى قلت مابروح الحفلة خخخ

بس مو زوجي اللي خش عني ،، بيت اهل زوجي هم اللي خشوا عني

مع اني احبهم واعزهم وكل وياهم وكنت وياهم ادور ليهم عن زوجة لولدهم

ويم صار نصيب راحوا وتواسوا ولا علموني

والقهر اني يوم سالتهم وش صار للحين ماحصلتون ليه ؟ قالوا بعد بكرة بنروح واصلا هم من زماااااااااااااااان راحوا وسووا مقابلة .. ليش جديه يفكرونا بنحسدهم يعني

بعدين قلت ياللا عادي انا مهما يكون مو بتهم
ا
الموضوع عادي بس لئنك حبيبتي حساسه كبرتيه
هذ خطبه يمكن لو كان ملكه من حقك تزعلين
وبعين حطي نفسك مكانه راح تسوين نفس الشي
X