اللي سواه زوجي يقهر ولا عادي؟؟؟

محبة للخير 28-12-2008 56 رد 2,786 مشاهدة
م
السلام عليكم ورحمة الله وبركاته

يابنات راح ادخل بالموضوع على طول
زوجي البارح كلمني من دوامه بالليل وقالي بقولك خبر قلتله خير انشاءالله قالي اختي انخطيت ووافقت وباركت له وفرحتلها كثثير الله يتمم لها على خير
قلت له متى كلمك الرجال اليوم ولا امس قالي لاوالله من زمااااااااااان مكلمني من قبل اجازة العيد واننا ماقلنا لاحد وبعد ماوافقت اختي وصار كل شي رسمي قلتلك
قلتله الله يالجحوود وكل هالفتره ساكت ماقلت ليش انا مو من العيله !!!!!
قالي لا بالعكس وانتي ليش سويتيها سالفه اختي قالتي لاتقول لاحد لحد مااستخير واشوف عن نفسي اذا موافقه او لا



وش رايكم يابنات هالشي مايقهر انه ماقالي الا مع الناس
انا والناس الغرب واحد كلنا ندري بنفس الوقت
والمشكله انا لو وش يصير يقول لاهله اول مااحمل يروح يقولهم وانا والله ماعندي مانع بعض المرات انا اقولهم قبل هو لايقولهم وانا من نفسي اول ماادري وش جنس البيبي على طول اقولهم وبالاخير انا آآآآخر من يعلم بخطبة بنتهم
بالله قوليلي هالشي يقهرررر ولا انا مبالغه بردة فعلي والموضوع عادي؟؟؟
د
أنا أشوف انه شي عادي ..
لأن لو يصير أي شي في بيت أهلك .. أختك انخطبت و لا أخوك خطب أكيد ما راح تعلمين حد إلا
لما يصير الموضوع رسمي أو ع الأقل تتم الموافقة مثل ماصار معاك ..
M
لا حبيبتي لا تنقهريين ولاشي إنتي حطيتي بخاطرج لانج تعزينهمخ وعادتها مثل اختج بس زوجج ماقالج مو من باب انه عادينج غريبه بس مثل ما وضح لج شكله البنت كانت متردده فما كانت تبي تخبر احد إلا لين تستقر على راي وهذا السبب اللي خلاه ياجل انه يقول لج الخبر يعني مو عن قصد او تقليل من مكانتج في العايله واكيد انتي ام عيالهم وغلاوتج من غلاوة بناتهم والشي اللي صار جداً عادي انسي السالفه ولا تحطينها في بالج
تحياتي لج حبيبتي
3
صدقيني لو اخته ماقالتله لا تعلم احد لين استخير كان علمك .. لكن دايم الرجال الشهم والاصيل مايفرق بين اهله والناس الغرب لما احد يأمنه على سر ولا يفضحه عند اقرب الناس له
انا اشوف موقف زوجك جدا عااااااااااااادي بالعكس لازم تفخري بواحد مثله الله يخليه لك
وبعدين موضوع الخطبه بالذات حساس ممكن هو يقولك وانتي بدون قصد او من فرحه تقولين لأهلك والبنت لسه ماوافقت وينتشر الخبر ولو ماحصل نصيب صدقيني بتتضايق مره

الله يخلي زوجك لك ويخليك لزوجك بس لا تنقهري ولا شي الموضوع جدا عادي
ر
يااااقلبي من صدق حنا حساسات
حبيبتي ويمين بالله اخوي خطب ولا قالولي اهلي الا لما خلصوا كللللللللل شي
لا عاد انا اهون من اختي ماعرفت الا مني
هههههههه
عادي لاتشيلي بخاطرك تصير والموضوع مو مهم لهالدرجه هدي حالك وقوليله من كثر ما اعز اختك وعديتها مثل اختي انقهرت -- ووالله الموضوع عادي ياقلبو
س
الموضوع مايحتاج كل إللي تسوينه
لأن كل واحد عنده خصوصيات ولا يرضى
احد يطلع عليها واخت زوجك ماتبغى احد يدري
يعني انتي مكبره الموضوع والله يوفقك
s
الموضوع مايستاهل
أنتي لاتكبري الموضوع على شي مايسوى
وبيني أن الموضوع عادي وفرحتيلها وخلاص مافي مشكلة من الأساس :(
وأنا شايفه أنها خطبه مو شبكه أو ملكه وهذا طلب أخته زوجك ماله ذنب
بالتوفيييق
ب
لموضووووووووووووووووووووووووووووووووووووووع عادي لانه يقول اخته قالت لا تقول حق حد لين يتم الموضوع وهذا من حقها يعني انتي لو عندك شي ما تبين حد يعرفه وقلتي له لا يقول حق حد ترضين يروح يقول اكيد لا بالعكس هو يلتزم بالكلمة وهذا شي طيب يعني لا تضايقين ولا شي
ب
عادى حبيبتى
ما فيها شي

لانه يمكن ما كان يصير نصيب فماله داعى احد يعرف بالموضوع حتى لو كانت اخت زوجج

لا تزعلين ولا تكبرين السالفه
ش
3ahad;8226874:
صدقيني لو اخته ماقالتله لا تعلم احد لين استخير كان علمك .. لكن دايم الرجال الشهم والاصيل مايفرق بين اهله والناس الغرب لما احد يأمنه على سر ولا يفضحه عند اقرب الناس له
انا اشوف موقف زوجك جدا عااااااااااااادي بالعكس لازم تفخري بواحد مثله الله يخليه لك
وبعدين موضوع الخطبه بالذات حساس ممكن هو يقولك وانتي بدون قصد او من فرحه تقولين لأهلك والبنت لسه ماوافقت وينتشر الخبر ولو ماحصل نصيب صدقيني بتتضايق مره

الله يخلي زوجك لك ويخليك لزوجك بس لا تنقهري ولا شي الموضوع جدا عادي


انا مع كلام الاخت بالعكس زوجم ماشاء الله علية تصرفاتة سليمة ..

ولان مواضيع الخطوبة حساسة شوية فتكون بهطريقه لين البنت تستقر على راي علشان لو صار رفض وماوافقت او شئ يكون خلاص موضوع وانتهى بدون ما ينتشر ويكبر .. عادي ياقلبي جدا .. شوفي زوجك اول ماوافقت اختة اتصل وقال لك بنفسه شتبين اكثر من كذا حتى ما استنى لين يرجع للبيت .. انتي تضايقتي شوية لان تحبينهم بس لا تحطين بخاطرج وفرحي وانبسطي بهالمناسبة ياختي ..
ب
انا اشووف ان الموضوع جدأ عاادي وفعلآ اذا احد مأمنك على شي مستحيل تقولين ...:)
أ
يا أختي عادي ما فيها شيء لو هي مملكة يمكن بس خطبة توها لسه ما بعد تقرر .. وأنا مع الاخوات ..
*
[GRADE="00008B FF6347 008000 4B0082"]
بدون ماجوف الردود بارد أنا عليج بأمانة

لو إني مكانج بانقهر وباتحلطم بس للأمانة الحق معاه نوعاً ما

ساعات الظروف العائلية تفرض بعض الأمور غير المستحبة

لو كنتي مكانه وأختج طلبتج منج تتكتمين على الموضوع لين تاخذ قرارها صدقيني مابتعلمينه خصوصاً إن ماله خص بالموضوع إلا من باب العلم
[/GRADE]
د
طنننننننننننننننشي ولا تعورين قلبج

ادعيلها بالخير وقولي لزوجك لو مو من غلاتها وحاسبتها مثل اختي ما زعلت

واعتقد هالشي عادي لا تحطين بخاطرج الغلا

يمكن البنت مو حابة تتكلم لانه موضوع محرج اذا مثلا تكلموا وانتشر الخبر وبعدين ما يصير شي

ادعيلها الله يتمم لها بالخير وباركيلها وادعيلها بالغيب بالتوفيق

واسااااااااااااالك الدعاااااااااء انا بعد والله يرزق كل البنوتات
د
والله أنا رآيي من رأي الأخوات

وعسى الله يوفقها

وتقبلي مروري
p
لا ياقمر عادى ده شىء طبيعى انا احيانا بخبى حتى على اختى حاجات ألا لما تتم واتأكد منها واخته ألى عملته صح أفرض كانت موافقتشى يبقى فرحوكى على الفاضى وممكن تزعلى ان الموضوع ماتمش لها فهم عملو خير حفاظا على شعور الجميع وهو خبى احتراما لرغبه اخته
ا
والله المووضووع عادي جدا ...

لاتزعلين ولا شي هذي رغبتهم وبكيفهم بس لاتسوووينها زعله على شي مايسوى ...
ر
لا حبيبتي الموضوع عادي....وبعدين انتي تعرفين مواضيع الخطبة بالذات المفروض ما يتكلم الواحد فيها إلا بعد ما ينتهي الموضوع....وبعدين الي يسمعك يقول انه قالك قبل الملكة بيوم هو قال لك بعد ما أخته وافقة...وإذا على حملك هذا من حقهم هم أهله ولازم يعرفون.....وقبل هذا كله انتي حطي نفسك مكانه لو أختك انخطبت كنتي حتتكلمي أكييييييييييد لأ إلا بعد ما يتم الموضوع
ق
لا عاديييييييي ومافيها شي

دايما الناس بأمور الخطبه والزواج يحبون يكتمون على الموضوع ليما يسألون عن الريال وتوافق البنت وحتى بناتهم وكناتهم ما يدرون، يعني لو قالو للكل وبعدين ما صار نصيب بتظل الناس تدس خشمها ها وليش واشفيكم واش عليه؟؟؟؟ ويمكن مع الأيام وانتي بطيبة تقولين للناس أي فلانه ياها 5 خطاب ولا وافقت واتصير مشاكل وحتى ينقطع رزق البنت أنها ترفض الخطاب !!!!!

يعني ينتظرون الموافقة عشان يخبرون اللي بره البيت، يعني بخطبة أختي حتى خواتي ما دروا لأنهم مو عايشين معانه في البيت. أحسها عادي

لكن أنج تقيمين الأمور بأن أنا قلت لهم وهم لازم يقولون لي؟؟؟؟؟ فهذي غريبه

بصراحة أنتي مسئوله عن تصرفاتج أنج خبرتيهم بخصوصياتج وأعتقد ما في مقارنه بين الحمال والخطبه، لكن لا تنتظرين من الناس انهم يعاملونج بالمثل كلن له تصرفاته الخاصه فيه.

يعني مثل السر إذا انتي إستأمنتيني على سرج هذا مو معناته إني لازم أقولج سري
B
تدرين ان اختي خطبوها و ما دريت إلا من الناس !!
X