معاً نحو الرشاقة

اليوم تمام والحمد لله فطرت توست اسمر مع جبنه قليلة الدسم وعصير
بعد كم ساعه 4 بسكوتات شعيررر صغااار مع الشاي ورياضة نصف ساعه والعشا بخليه همبرغر مشوي باذن الله مع شوية سلطه

شلونكم بنات أخباركم عساكم بخير

اشتقت لكم ..

أمس ماقدرت أدخل النت كنت تعبانه شوي وتدرون يوم خميس وزحمة الأهل الله يخليهم

كان أكلي عادي بس حاشي عوار بالبطن مادريت وش سبته خفت يكون من الأعشاب ولاشربتها اليوم .. الله يلطف بنا ..


عود وبخور شلونك إن شاء الله ماشية مضبوط ... ترى النظام زيادة عدد الوجبات حلو إن شاء الله تبلغي وزنك المثالي ..ومشكورة حبيبتي على الدعوة الحلوة والله يرزقك مثلها وأحسن .


شلونك مسره عساك بخير .... تصدقين أنا كان في خاطري أسألك شلون نزلتي من 75 إلي 59 بس أستحيت ..
والحين عرفنا السر .. الله يديم عليك الرشاقة ..
وخبرينا عن تفاصيل هالنزول أكثر عشان نستفيد من تجربتك ..



كونوا بخير

اخباركم بنااااات كيفكم ان شاء الله بخيرررر
انا عني تمام والحمد لله فطرت توست اسمر وجبنه بيضا وعصير طبيعي
الغدا كان سمك مشوي وسلطه وتعشيت صحن صغير شوربة ومشيت برا تقريبا 45 دقيقة

منووله يا قلبي لا تستحين ولا شي احنا هنا خوات باذن الله نفيد ونستفيد اي شي يخطر ببالك اسالي يالغلا
انا نزولي كان بطئ بس الحمد لله ثابت لي سنه رغم اني اكل ما زاد
لاني بعد نزول وزني بقيت تقريبا سنه اثبت وزن واخفف عشان جسمي يتعرف على وزني وما حيرجع يزيد انا هالكلام سامعته من دكتوووره وما سويت ريجيم بس كنت اكل لما اجوع اكل صحي ومطبوخ بطريقة صحيه وما كنت اشرب ماي مع الاكل الا بعده بحوالي ساعتين وما اكل وانام استنى اقل شي ساعتين
وكنت امشي مشي سريع لمدة نصف ساعة 3 او 5 مرات بالاسبوع حسب الفرغه
ابتعدت عن السكر وصرت اخذ سكر الريجيم وابتعددت عن الخبز والتوست الابيض واستخدم الاسمررر والزيوت ما استخدم الا زيت زيتون وقللت الملح باكلي وما اكل مقلياات ولا بمطاعم وقللت المشروبات الغازيه ولما كنت اطلع واجوع اشتري عصير طبيعي اشربه بدون سكر طبعاااا ووقت الجوع العصريات اكل فواكه
ولا تنسوون المااي مهم جداااااااا لنزوول الوزن مو اقل من 8 كوب باليوم
يعني انا لا استخدمت اعشاب ولا حبوب ولا ساد الشهيه الحمد لله كان نزولي طبيعي وان شاء الله انزل الاربعه كيلو الباقيين وافتك
عقباال الكل:)

بسم الله الرحمن الرحيم
اللهم صل على محمد وآله الطيبين الطاهرين

صباحكم خير وصحة عساكم دوم بخير ..

شلونكم بنات

شلونك مسره ... ماشاء الله عليك إرادة من حديد عقبالي يارب ..

وحلو أنك تواصلين بإصرار وعزيمة بالتخفيف الله ينزل هالكم كيلو وتفتكين ..

تصدقين أنا أول ماتزوجت صرت كذا أكل قليل دون ماأشبع ( تدرين أول العرس ومستحية من بيت عيالي ) وأحيانا كثيرة ما أكل رز يعني كل أكل خفيف وفي فترة وجيزة مع المشي يمكن شهرين متواصلين نزلت عشرة كيلو خلال سنة وشوي ووصلت للوزن المثالي .. وبعدها حملت وزاد وزني مع الحمل 15 كيلو ..

بعد الولادة نزلت بس خمسة وحاولت مع التخفيف والتعب والسهر مع البيبي خلال 4 شهور وصلت للوزن المثالي من جديد وكنت مرة فرحانه وبعدين صدقت حالي وصرت أكل مابدا لي من حلا وشاكليت هذا جنوني على أساس أن وزني ماراح يزيد
ولكن للأسف زاد بعد الفطام .. مشكلتي أني ماأكل خضرة وفاكهه كثير وزوجي نفس الشي يعني مافيه تشجيع في البيت ولو سويت سلطة عشان نتعود ناكل أكل شوي وتبقى كم يوم وترمى اللهم لك الحمد ..
مع أني ماأشرب مرطبات غازية أبداً ما أحبها وأحب العصيرات الفرش ولا أشرب ماي أبداً مع الأكل يعني تقريباً نفس نظامك بس مشكلتي هي الحلويات وأكل الليل وخصوصاً انا مو قادرة أضبط نومي يعني جميع وجباتي تبدأ من المغرب فطور وغدا وعشاء تخيلي وهذا كله صعب ينحرق بدون بذل حهد ورياضه ..

يالله سردت قصة حياتي خخخخخخخخخخخ السموحة على التطويل ..

عسى نبلغ مانتمنى يارب ..

بالنسبة أنا الحمد لله ماشية على التخفيف بس مابقدر اسوي رياضة ليوم الخميس عشان عندي ظروف بحاول قدر الإمكان أني أمشي في البيت عشان لومانزل وزني مايزيد ..


ها عود وبخور وينك غاطة عساك بخير ..



تحياتي

السلام عليكم
كيفكم بناااااااات ان شاء الله طيبات انا عني الحمد لله اليوم فطوري توست وبيض مسلوق والغدا دجاج مشوي وسلطه والعشا ما تعشيت من القهر ولدي رمى سيارته صغيره عي لعبه بس ثقيله شوي على اللاب توب وكسررر الشاشه ومتت قهرر والحين شابكه من جهاز ثابت بس بطئ ويعلق الله يعين
انا كمان منوووله مقدر اسوي رياضة هالايام لظروف خاصه اكيد فهمتوا هههههههههههه وما شاء الله انتي كمان عندج اراده ان شاء الله تنزلين للوزن اللي تحلمين فيه يا رب

بسم الله الرحمن الرحيم

اللهم صل على محمد وآله الطيبين الطاهرين


شلونكم بنات عساكم بخير

بنات اليوم هو الثلاثاء يعني يوم الميزان ....بشروا عسى الكيالوا نزلت ..

أنا الحمد لله نزلت نصف كيلو نعمة وخير كثير مع أني هالأيام الأخيره ماسويت رياضة ولا شي وتركت الأعشاب بعد ... يعني التخفيف جاب فائدة ..


عزيزتي مسره === مايشوف شر اللاب توب ، كذا حال الأطفال في هالسن كل شي بيدهم يرمونه الله يخله لك ويكبر ويجيب لك الأحسن منه ..

عود وبخور === خير صار لك كم يوم مادخلتي الموضوع عسى ماشر ..

ننتظر أخباركم عن الوزن اليوم ..


تحياتي لكن

السلام عليكم بناات...

آسفة عن الانقطاع بس اضطريت لاسباب صحية كنت اطلع الحوش بدون جاكيت و الدنيا ثلج فرحت فيها وااااء.. و انشغالي شوي مع الدراسة..

رجيمي في الايام الاخيرة تشتت .. فوزني ما تغير بس ان شاء الله يا أنا يا وزني...

و اعذروني عن الانقطاع.. ذابحني الكحة.. اشوفكم على خيررر

السلام عليكم ورحمة الله وبركاته
كيفكم ان شاء الله بخيررررر
تسلمين منووله الحمد لله جت باللاب توب ولا باخته
ومبروووووك يا قلبي عالنصف كيلو نعمة احسن من الزيادة او ولا شي ان شاء الله الاسبوع الجاي تنزلين اكثررررر يالغلالالا


عود وبخوور ما تشوفين شرر يا قلبي لازم تتدفين زين لما تطلعين اشربيسوائل دافيه عشان الكحه

اما عني فاليوم وزنت ونازله هالاسبوع 700 جرااااام يعني كل يوم 100 جرام نعمة الحمد لله بس انا وزنت والدورة علي الله يكرمكم فاكيد نازلة اكثر اشوف الاسبوع الثاني كم بنزل

بس اليوم بما اني وزنت حزود اكلي شوي واكل حلا شووي عشان تكون عندي طاقه اكمل باقي الاسبووووع الله يعين

بسم الله الرحمن الرحيم

اللهم صل على محمد وآله الطيبين الطاهرين


أهلين بنات أخباركم إن شاء الله بخير وصحة


عود وبخور === عذرك معك حبيبتي .. ماعليك شر إن شاء الله ، عسى الله يعافيك وتحاربين الوزن وتبشرينا على النزول الطيب ...

مسره === مبروووووووك على 700 جرام ماشاء الله عليك إن شاء الله دوم ، وإن شاء الله الأسبوع الجاي أكثر ..


بالنسبة لي أحس أن شهيتي منفتحةعلى الأكل بزيادة وخصوصاً مع البرد وأكلت كم قطعة شوكلاته ، الله يستر مايزيد هالنصف كيلو ..
وإن شاء الله بعد هاليومين أرجع للرياضه ونحرق شوية شحم ههههه ..



تحياتي حبوبات ..

السلام عليكم
اخباركم يا حلووات عساكم بخيررر
تسلمين حبيبتي منوووله ان شاء الله كلنا ننزل واحنا بصحه وعافيه
ومعروف بالبرد الجسم يحرق سعرات كثيره عشان يدفاا وهذا طبعا يدفع للاكل بس اذا كان اكل كميه معقوله ويصاحبه حركه فاكيد ما تصير زياده وانا مجربه هالكلالام انا نزلت 700 جرام صح قليل بس متاكده ما يرجعون لاني ما حرمت نفسي من شي
اكل شوكولا بس حجم مره صغير قد الاصبع اذا اشتهيت لاني اذا حرمت نفسي حخربهااااا على الاخررر بس لما اكل ما بحس اني محرومه من شي او ممنوعه منه ومعروف الممنوع مرغوووووب حاولوا بنات تاكلو كميات معتدله واوقات متفرقه ما تشربوا مي مع الاكل ولا تاكلوا وتناموا على طول ولا تحرموا حالكم شي عشان تقدرون تكملون تنزلون وزن وتحافظون على البشره والشعر والجسم بنفس الوقت لان وقتها الجسم ما بيكون ناقصه شي من اللي بيحتاحه
وربي يوفقنــــــــــــاااا :)

السلام عليكم بنات أخباركم عساكم بخير

مسره == مبرووووك عليك 700 جرام ماشاء الله عقبال الكيالو الباقيه .. وفعلاً كلامك الحرمان أبد مو زين يكون له نتيجة عكسية على الصحة ..

عود وبخور == عساك بخير وإن شاء الله الكحة خفت يالله طمنينا عن أخبارك أول بأول ..



تحياتي ..

السلام عليكم اخباركم بنااات ان شاء الله بخيررر
بشروووااا شلونكم مع التخفيف
انا عني تمام الحمد لله واليوم اخر يوم بالعطله الاثنين دواامي الله يعين
موووفقين

بسم الله الرحمن الرحيم

اللهم صل على محمد وآله الطيبين الطاهرين

هلا فيك أختي مسرة .. وعليكم السلام والرحمة ..

أنا الحمد لله تمام بس البارحه أكلت كم قطعة جلكسي عشان أختي توها والد وجابت لنا بنوته حلوة الله يحفظها .. وتدرين مع اللمة أكلت عشان لاحد يحس فيني خخخخخ
إن شاء الله اليوم أمشي على السير عشان أحرق هالسعرات ..

والله يعينك عزيزتي على قعدة الصبح ( النوم في الشتاء لذيذ )

بس مع الدوام يكون الوقت منظم عدل مثل الساعه أحسن من العطالي البطالي والسهر ..

موفقه إن شاء الله لكل خير

مبررررروك منوله الحمد لله على سلامة اختج يالغلا وتتربى بعز ابوها وامهااااا يا رب لا يا قلبي زين انج كليتي هذي اختج وان شاء الله ما بياثر بالرياضة كل شي يحترق
تسلمين ربي يوفقنا كلناااا يا رب

السلام عليكم ورحمة الله وبركااااااته
اخباركم بنات كيفكم شمسووين وينكم غايبيين نسيتوا الميزان
انا اليوم وزنت ونازلة بس 100 جرام هالاسبوع لاني ما سويت رياضه ابد هالاسبوع انتوا بشرواااااااااا اخبار الوزن وياكم

آآآآآآآآآآآآآآسفة انقطعت عنكم فترة... بس كلش شي صار غصب عني... المهم بنات انا نقصت كيلو واحد.. يااااااااااااااااااااي... و اعذروني عن الانقطاع


سلملم

بسم الله الرحمن الرحيم
اللهم صل على محمد وآله الطيبين الطاهرين


السلام عليكم بنات عساكم بخير

انقطعت عنكم هاليومين عشان بنت أختي ارتفع عندها أبو صفار ونوموها يومين بالمستشفى والله كنت خايفة عليها ومالي خلق النت ...

الحين الحمد لله البارحة طلعوها وإن شاء الله تروح عنها نهائي

بنات دعواتكم لوالدتي ولبنت أختي بالشفاء العاجل ..


أنا أخباري يعني نص نص ماسويت رياضة وآكل عادي بس مو مثل قبل الحمدلله يعني الشراهة قلت عندي وأحس أني اشبع بسرعة ..

بالنسبة لوزني ماتغير أبد أهم شي النصف كيلو إلي نزلته مازاد وإن شاء الله هالأسبوع أحاول أتمرن شوي عشان ينزل الوزن أسرع ..


حبيبتي مسرة === مبروك عليك ال 100 جرام أحسن من ولا شي .. استمري على نظامك الحلو مع التمارين ..

حبيبتي عود وبخور === من طول الغيبات جاب الغنايم

ماشاء الله عليك كيلو بحاله عليك بألف عافيه .. بس لاتقطعين عاد احنا بحاجة للتشجيع ونسمع يوميات بعض عشان نقدر نستمر ، وإن شاء الله تصير كل الظروف في صالحنا ..



بنات لازم نتفق على شي ...

لازم نسوي تمارين يوميه على الأقل المشي نصف ساعة .. أبي كل وحده منكم توعدني هالأسبوع على الأقل نحاول ونجد شوي كلها اسبوعين ويخلص الشهر من بدينا والي نزلناه يعتبر قليل مره ..


يالله بنات الله يعافيكم نبي الهمة ..

هلا وغلا منووووله ما تشووووووووووف شر بنت اختج وما عندها الا العافيه ربي يشافيها ويعافيها يا رب ويخليلج الوالده ويطول بعمرها امين يا رب العالميــــــــــن
يا قلبي انا الان وزني 58 وينزل بالقطاره وكلش اكلي مرتبته وتمارين 3 مرات بالاسبوع ودوامي بده واداوم بطابق رابع اصعد درايج وانزل وعددهاااا كثير واصعد وانزل اكثر من مره اروح الحمامات والكافيتيريا استغل الفرصة اقول رياضه
وسالت كذا دكتورة قالت لانج وزنج مثالي لطولج زين اذا نزلتي 2 كيلو بالشهر يعتبر انجاز الله يعين
بالنسبه لي انا مسافره هالاسبوع الاربعاء باذن الله اشوف اهلي سنييين عنهم وباذن الله استمر على نظامي وما حطول اسبوع بالكثير وراجعه حبيت اقول لكم عشان ما تقولون وين اختفت فديتكــــــــــــم
شدووووووووووو حيلكم وان شاء الله ربي يفرحنا هالاسبوع:)

هلااااااااااا بناااات...
أول شي اللهم اشفي ام منولة و بنت اختها انت الشافي, شفاء يغادر سقمك.. و قومهم يااااااا رب بالسلامة

ثانيا مسرة و منولة حالكم يا بنات صج تغيبت عنكم بس تعرفون اطلع من البيت من الساعة 7 و ما ارجع الا العشا عشان الدوام- الكلية طبعا- بس الحمد لله من وقت ما بديت الكلية و احس عمري خفيفة... ما صرت آكل وايد.. أصلا ما عاد عندي وقت حق الاكل.. الحمد لله بجد احس عمري مرتاحة و مو متثاقلة حق اي شي... و نزلت هذا الاسبوع كمان كيلو و يصير الناتج 2 كيلو.. الحمد لله لك يا رب..

بنات طمنوني عليكم...

اشوفكم قريبا

السلام عليكم بنات عساكم بخير وصحة

أنا الحمد لله الحين أرتحت شوي طلعت تحاليل أمي سليمة اللهم لك الحمد وبنت أختي خف عنها أبو صفار

الحين بس صار لي خلق أتمرن ..

تصدقون من الزهق نسيت حتى أوزن يوم الثلاثاء بس إن شاء الله بكره أوزن مع أني ماأتوقع ينزل بس أهم شي مايزيد ..

مسرة === سلمي لي على أهلك الله يقر عيونك بشوفتهم وترجعي لنا بالسلامه

عود وبخور === ماشاء الله عليك 2 كيلو عليك بالعافيه ، صحيح إذا كان النوم منظم وما عندك وقت فراغ الوحده تنسى الأكل .. الله يكمل لك على خير وتنزلين الباقي ياعمري ..



أشوفكم على خير